dupport me

الثلاثاء، 3 مارس 2009

قلوب بيضاء

تابعوا نظرتنا على مدونة نظرة http://nazratolife.blogspot.com/

جلست إلى جدى فسألته ياجدى مابال قلوب الناس فى هذا الزمان قد تغيرت

وأصبح الحقد والغل والحسد يسيطر على كثير من القلوب؟

جدى: أتدرى يابنى ما هى القلوب البيضاء؟

أنا : لا.

جدى : هى تلك القلوب التى تنسى من أساء إليها وتعفوا عن من ظلمها وتقابل الإساءة دوما بالإحسان

يملأها الحب والمودة دائما تشعر بصفاء أصحابها تتمنى لو تقضى معهم عمرك كله.

اتعرف يابنى ابن تيمية ؟

أنا: نعم ياجدى ومن لايعرف ابن تيمية!

جدى : روى أن ابن تيمية أساء إليه عدد من العلماء وعدد من الناس، وسجن في الإسكندرية.

فلما خرج، قيل له: أتريد أن تنتقم ممن أساء إليك؟ فقال: قد أحللت كل من ظلمني، وعفوت عنه" أحلهم جميعا.

والفضيل بن عياض - رحمه الله - أنه كان في الحرم، فجاء خراساني يبكي، فقال له: لماذا تبكي؟ قال: فقدت دنانير

فعلمت أنها سرقت مني، فبكيت.

قال: أتبكي من أجل الدنانير؟ قال: لا، لكني بكيت، لعلمي أني سأقف بين يدي الله أنا وهذا السارق، فرحمت السارق، فبكيت.

وبلغ أحد العلماء أن رجلا اغتابه، فبحث عن هدية جميلة ومناسبة، ثم ذهب إلى الذي اغتابه، وقدم إليه الهدية.

فسأله عن سبب الهدية. فقال: إن الرسول r قال: " من صنع لكم معروفا فكافئوه "

وإنك أهديت لي حسناتك، وليس عندي مكافأة لك إلا من الدنيا.

وكأنى بقول الشافعى:

لما عـفوت ولم أحقـد على أحدأرحـت نفسي من هم العداوات

إني أحيي عـدوي عنـد رؤيتـه أ دفـع الشـر عـني بالتحيـات

وأظهـر البشر للإنسان أبغضـه كمـا أن قد حشـى قلبي محبات

الناس داء ودواء الناس قربـهم وفي اعتزالهـم قطـع المـودات

هكذا كان حال هؤلاء من الأئمة وحالنا أيضا فنحن أضا كان يدور بيننا الود والحب دائما. أتدرى كنا نعيش

وكأننا فى بيت واحد وطعام الواحد يكفى لنا جميعا كان الخير يحيط بنا من كل جانب وكل يتمنى الخير للأخر

هكذا كان الحال.

أما الأن فقلوب تتذكر الإساءة لها ولو منذ أعوام وقلوب لا تسامح من أخطأ فى حقها

فلا أدرى ماذا حدث ولماذا تغيرت النفوس وهل هذا من المدنية الزائدة؟ أم لغياب الناس عن الدين؟

أم لغياب العادات والتقاليد؟ أم لضعف النفوس وسيطرت الماديات عليها؟.

حقا يابنى الأمر كبير والضغوط كثيرة ولا أدرى ما السبب فكل ما أعرفه أننا لم نكن هكذا أبدا فلقد تغير الحال كثيرا.

ولكن يابنى رغم كل هذا يبقى دائما الحب بيننا حتى وإن غيرتنا الظروف والأحوال.

أنا: نعم ياجدى معك حق يبقى دائما الحب بيننا

حقا عندما أجلس الى جدى ويروى لى عن حياتهم كيف كانت وكيف كانوا يتعاملون أستشعر أنهم

ليسوا من أهل كوكب الأرض بل من أهل كوكب الحب .!

لذا أرجو أن تكون قلوبنا مثل قلوبهم ولنودع تلك الأحقاد ولنلقى بها خلف ظهورنا ولنعش حياة هانئة
ولنستمتع بكل لحظة فيها بعيدا عن تلك القلوب السوداء التى سيطرت على الأجواء.
ويبقى دائما الحب بيننا
بعيدا عن الموضوع سعيد جدا بتعرفى على مجموعة مدونين النهاردة عن قرب وبجد والله العظيم التمست فيهم القلوب البيضاء دى
لأننا بنحب بعض بدون أى مصالح بينا بنحترم وبنعز بعض حتى من غير سابق معرفة حقيقى مكنتش عايز اسيبهم خالص
بجد أنا بحبكم قوى
ويبقى دائما الحب بيننا


هناك 91 تعليقًا:

m_fathy011 يقول...

السلام عليكم
اولا انا سعيد انى اول واحد ببرد على الموضوع
ويارب نكون كلنا من ذوى القلوب البيضاء

blue-wave يقول...

واحنا كنا اسعد بالتعرف عليك يا محمد والله

mohamed ghalia يقول...

دكتور عمرو
بجد انت منورنى
وانا والله فى منتهى السعادة إنى قابلت حضرتك النهاردة

اللؤلؤة يقول...

السلام عليكم ورحمة الله
صديقى العزيز
مأجمل القلوب البيضاء البعيدة عن الشر والحقد والغل وسبب ذلك تمسكنا بالحية المادية وبعدنا عن شريعة الله عز وجل
تحياتى

mohamed ghalia يقول...

اللؤلؤة
ياريت فعلا نتعلم

سفروتة يقول...

موضوعك راااااااااااائع يا محمد
معظم الناس دلوقتي بقي همها الاكبر انها توفر اولوياتهاالاول وبعدين تفكر ان فيه ناس تانية ليهم حق عليهم انهم يتواصلوا مع بعض ويودوا بعض
اسباب كتير جدا ومتشابكة ادت لكده
بقيت حاسة اننا تايهين جوا دايرة ومش عارفين نخرج منها ..وكل واحد بيقول يللا نفسي

ربنا يهدي الجميع

كنت سعيدة اوي النهاردة ومبسوطة جدا اني اتعرفت عليك وعلي باقي المجموعة
وان شاء الله يبقي فيه بينا كلنا تواصل دائم

دمت بكل ود
:)

حبيبة الروح يقول...

سعيده اني شوفتك بس للاسف محصلش نصيب وكلمتك انا كنت وقفه جنب كيارا وانت بتسلم علي عمرو شوفت بقي
يلا حصل خير المرة الجايه باذن الله
همشي دلوقتي واجي اقري الموضوع واعلق مرة تانيه
سلام

ستيته حسب الله الحمش يقول...

موضوع رائع
انا وانت النهارده قدرا بنتكلم عن اصحاب القلوب البيضاء
تحياتي

mohamed ghalia يقول...

سفروته
أنا والله أسعد بمعرفتكم
دمتى فى حفظ الله

mohamed ghalia يقول...

حبيبة الروح
يانهار ألوان كنتى واقفة جانبى ومتعرفناش
دى مخالفة ههههههههههه
يلا حصل خير
خيرها فى غيرها

mohamed ghalia يقول...

ستيته
ده طبعا من حسن حظى يكون فى بينا توارد أفكار

MR.PRESIDENT يقول...

ربنا-يوفقك-لما-فيه-خيرا-لك-وللأمة-ويجعل-من-قلوب-عبادة-اجمعين-قلوبا-بيضاء-القشطة-والحليب

Sweet Violet يقول...

ايه ده خيااااااااااااااااااااااانه

انت كنت موجود يامحمد فى اللقاء ؟؟؟

و كمان عمرو شوفته ؟؟؟

ماانا كنت مع عمرو اصلا ازاى ماشفتكش !!!!!

اعترااااااااااااااااااااااااااااااااااااااض

لسه ماقرتش البوست هقرا و ارجع لكن بجد انا زعلاااااااااااااااااااااااااانه

mohamed ghalia يقول...

ضد
يانهار والله أنا قاعد اقلهم يا ولاد لما ضد تيجى لازم تقولولى
وعمرو كان جنبى ولا حد قال حاجة
وبعدين المفروض انتى الى تتعرفى عليا
لا بجد كان نفسى اتعرف عليكى
يلا حصل خير

Sweet Violet يقول...

انا كنت واقفه بره مع استاذ وميض ابتسامه

لو كنت خرجت معاهم لما خرجوا كنت شوفتك )):

تعرف انى كده بقى زعلت من كيارا و عمرو عاااااااااااااااااااااااا

يلا حصل خير و ان شاء الله المره الجايه اشوفك و اتعرف عليك (:

اما بقى البوست ليا عودة ان شاء الله لما اصحى علشان اكون فايقه ..لانى راجعه تعبانه جدااا و يادوب نزلت البوست و قولت اجى ارد على سؤالك (:

mohamed ghalia يقول...

أوك ياضد خيرها فى غيرها إن شاء الله

la Princesa ... WHiSPeR يقول...

اناااااااااا جه

المواصلات لعندكم زحمه

يارب يهدينا كلنا قلوب بيضه

بجد مش عارفه ايه الناس دي اللى بتنام وهي شايله في قلبها من ده وبتحقد على ده

ناس غريبه غربنه

بس عارف دي بتبقى طبيعه في الناس
منهم اللى يقدر يسامح ومنهم اللى القلب خلاص مابقاش قادر يحب

فكرتني برباعية لصلاح جاهين بيقول فيها :

قالو الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيره حجر
داب الحجر ... ورجعت قلبي رقيق
وعجبي

مسدس صغير يقول...

احييك اخى محمد على هذا البوست الاكثر من رائع
جزاكم الله خيرا عليه.
....
لما عـفوت ولم أحقـد على أحدأرحـت نفسي من هم العداوات

إني أحيي عـدوي عنـد رؤيتـه أ دفـع الشـر عـني بالتحيـات

وأظهـر البشر للإنسان أبغضـه كمـا أن قد حشـى قلبي محبات

الناس داء ودواء الناس قربـهم وفي اعتزالهـم قطـع المـودات

.....
هذه الابيات اضعها فى توقيعى على احد المنتديات لانى من عشاق الامام الشافعى فقها وشعرا.
اشكرك

mohamed ghalia يقول...

la Princesa ... WHiSPeR
جيتنى نورتى المدونة طبعا
حلوه قوى كلمات جاهين الى اخترتيها
ربنا يكرمنا ونكون من القلوب البيضاء دى

دمتى فى سعادة

mohamed ghalia يقول...

مسدس صغير
بجد أنا سعيد جدا بزيارتك وتشريفك لمدونتى
أكيد كلنا بنهتم بكلمات الشافعى
دمت بكل الود أخى

prince4ever يقول...

سلام عليكم يا محمد باشا
يا برنس انا اللي خسران بتأخيري عليك ده كله بس و الله ما بأيدي
انت عارف انك غالي عندي اوي و الله يا معلم...
قلوب بيضاء...انا لسه مقرتش ...بس انت اصلا واحد منهم يا معلم... انت الزعيم بتاعهم يا معلم
سلام

WhItE HeArT يقول...

محمد

مفيش اكتر من ان الموضوع رائع وبجد انا استفدت جداا

تحياتي

وردة يقول...

جميييييييييلة جدا
ربنا يكرمك يامحمد
وربنا يجعلنا دايما من اصحاب القلوب البيضاء
بياض القلوب بينبع من الايمان الذي يملائها والحب الذي يحتويها
كلامك بجد جميل
سلام

المعتصم يقول...

بسم الله الرحمن الرحيم
السلام عليكم ورحمة الله وبركاته
اخى العزيز محمد
تحياتى
بوست رائع كالعاده
وربنا يخليلك جدك ويباركلك فيه
وربنا يرزقنا بقلوب بيضا وناس قلوبها بيضا نتعامل معاها ونعرفها
...........
بقى بتغيظونى يعنى عشان انا مقدرش اجى التجمعات واللقاءات بتاعتكم دى
ماشى ماشى ماشى
انت وكيارا انما وريتكم
ههههههههههههههههههههه
ان شاء الله المرة الجايه هحاول اجى يمكن ربنا يكرمنى واعرف
تحياتى ودمت بكل ود وخير
والسلام عليكم ورحمة الله وبركاته

حاجات جوايا يقول...

الحياة فعلا بقت صعبة واتغيرت كتير للاسوأ عن زمان
ومعدش فيه قلوب صافية الا قليلا جدا وللأسف بيبقى مهضوم حقهم جدا بيننا وكله بييجى عليهم طمعا فى طيبة قلوبهم وتسامحهم عن اى تجاوز

موضوع رائع كالعادة أخى الفاضل
خالص التحية لجدك الفاضل اطال الله عمره ومتعه بالصحة والعافية

احساس طفلة محبة للرومانسية بس واقعية يقول...

القلوب البيضاء
بجد صعب جدا انك تلاقى حد كدا اليومين دول دا حتى بين الاخوات والابناء والاباء بقى فية عداء وكراهية وجرائم بشعة على اتفه الاسباب
ربنا يجعلنا من اصحاب القلوب البيضاء
تناولت الموضوع بشكل رائع
تسلم ايدك

تقبل مرورى

مها يقول...

محمد

مدونتك واحة للقلوب والعقول الحائرة المتعبة .. كل ما أحس إني محتاجة شحنة إيمان وإرادة وصبر ورضا وقناعة وراحة بال بآجي عندك ودايماً كلماتك بتشفي أوجاع الروح كأنها سحر

ربنا يكرمك وينور طريقك دايماً بقلوب بيضاء كلها حب وخير


تحياتي لك

الازهرى يقول...

ويبقى دائما الحب بيننا

ليتهم يتعلمونه ايضا

سعيد جدا انى كنت معاك
وسعدت بتعرفى من خلالك على مجنون

تحياتى دوما

Batoooot يقول...

السلام عليكم
بجد تسلم اديك
على البوست الجميل ده
واول زيارة احيك على المدونه الجميله
تحياتى بطوووط
اه ثوانى ابقى سلملى على جدك ههههههههه
تحيتاتى واتمنى الزياره

Sweet Violet يقول...

لما الانانيه و حب الذات تختفى من حياه الانسان ممكن وقتها نعيش فعلا زى ماانت قولت

للأسف صاحب القلب الابيض فى هذا الزمن بيبقى وحيد و بيتقال عليه عبيط او ضعيف الشخصيه

ربنا يرحمنا برحمته

بجد كان نفسى اتعرف عليك انت و ازهرى و ايمى و زعلت جداا لما عرفت انكم حضرتم و انا مش شفتوكم

بس لما اشوف عمرو و كيارا هنتقم منهم (وش شرير و متنرفز على الاخر )

فراشة يقول...

بارك الله لك يا محمد
وادآم الله عليك الكلمة الطيبة
كتير جدا كنت بسرح بخيالى واتخيل ان الناس والجيران والصحاب وحتى الاقارب دلوقتى يرجعوا زى زمان زى ايام اجدادنا يكلوا سوى ويهنوا بعض من قلوبهم ويحزنزا لحزن بعض برده من قلوبهم
كان الحقد والحسد نادر دلوقتى اللى مابيحقدش وما بيحسدش هو ده اللى نادر
ربنا يرحمنا جميعا
ربنا يرضا عنك ويديم عليك الصحبه الصالحه من المدونيين وغيرهم
تحياتى

TIMMY !! يقول...

جزاك الله خيرا يا محمد ,

مواضيعك رائعة دايما ,

ربنا يوفقك و إيانا لما يحب و يرضى ,

تحيتي :)

princess يقول...

القلوب البيضاء دى انقرضت اساسا:((
البوست عجبنى اوى:))
تحياتى

صفـــــاء يقول...

.
طبعا انت بتحبنا قوى لأنك بتحمل قلب فعلا جميل وطيب
وطبعا كلنا بنحبك جدا
لأننا شعرنا بمدى طيبه القلب دة ومودته

لكن امنيتك ان يصبح كل الناس من اصحاب القلوب البيضاء هى أمنيه عزيزة
وان كنت ادعو الله ان يحققها فليس اسوء ولا أقسى من الضغينه وسواد القلوب
.

EMMY BABY يقول...

يااااااه والله البوست ده جه على الجرح اوى

ياترى فعلا العيب فينا ولا فى اللى حوالينا

كلنا بنقول فين الناس الكويسة راحت طب لما كلنا بنقول كدة فين بقى الناس الوحشة دى اكيد برضه هى احنا

لسف كل واحد بيزعل من واحد مبيشفشى غير ان كل الناس زى الواحد ده لو حد اتجرح يشوف الناس كلها غدارة وها

ربنا يهدينا فعلا

تحياتى

ايمى

رئـــــيسـة حزب الأحلام يقول...

ربنا يديم القلوب البيضا لاننا بجد لو قدرنا نحافظ على الاجواء الجميلة دى هنقدر نحقق نفسنا وبجد التسامح والعقو عند المقدرة اشياء نفتقدها فى زمننا هذا
وبجد انا سعيدة جدا بالتعرف علك فى حفل التوقيع وعقبالك ان شاء الله

أسير الجراح يقول...

صديقى الغالى

ازيك يا محمد

اية الاخبااااااااااار

اتمنى تكون بخير ان شاء الله

ماشى يا برنس عودة من اجل القلوب البيضاء

سعيد جدا بتعرفى على شخصيتك الجميلة


وقلبك الابيض

هو انا رجعت من اجل مين

من اجل القلوب الجميلة اللى تتقدر


كل الحب لاجمل قلب


اسير الجراح

ريمان يقول...

السلام عليكم

جميله اوى النماذج اللى ذكرتها دى يا محمد


ولسه فى برضه قلوب بيضا


بس قليلين اوى للاسف

سومه...مجنونه فى بلد عاقل يقول...

اقولك شىء يا محمود انسى السعاده
اما موضوع القلوب البيضه دا فسالنى انا عنه فى يوم ما ان شاء الله حخلعه وادهنه اسود فى ازرق واريح راسى
بجد كميه الحقد والنفسنه والغباء مبقاش فى اكتر منها ممكن نبيعها بالكيلو فيما بعد

د. ياسر عمر عبد الفتاح يقول...

لما عـفوت ولم أحقـد على أحدأرحـت نفسي من هم العداوات

إني أحيي عـدوي عنـد رؤيتـه أ دفـع الشـر عـني بالتحيـات

وأظهـر البشر للإنسان أبغضـه كمـا أن قد حشـى قلبي محبات

الناس داء ودواء الناس قربـهم وفي اعتزالهـم قطـع المـودات
--------

جزاكم الله خيراً
بوست رائع كعادتك

موناليزا يقول...

اذا وجدت مثل هذه القلوب حافظ عليها جيدا فوجودها عملة نادرة

ماما أمولة يقول...

يا صاحب القلب الأبيض ليست كل القلوب مثلك

بوست أكثر من رائع

كعادتك تحمل بين كلماتك النقاء والسعادة

ادامها الله عليك وحفظك من كل قلب ليس له لون اللهم امين

عاشقة الشهاده. يقول...

السلام عليكم
نعم نحن فى زمن ماتت فيه السعاده وفارق الانسان الابتسامه
وعاش متعلق بضوء امل
فكيف تكون القلوب مليئه غير باخوف والالم
والان مع ذلك الموضوع حقا لابد ان نكون قلوب بيضاء اذا كنا حقا نبحث عن السعاده
تحياتى لك :عاشقة الشهاده

سجود يقول...

السلام عليكم
المدونه جميله
ونشكركم على الافاده
مدونه قل يا قلم

My Hope$ يقول...

والله فعلا الموضوع مفيد جدا
وانا حاسة اني فعلا
قلبي صفي وكاني دخلت مصفي
وكاني دخلت هنا بشكل وخارجة بشكل تاني


كمان عجبني البوست اللي بعدة دة جداااااااا

نفسي اعرف
هل انت فعلا سعيد في حياتك بجد
ولا انت بتتدعو الناس
وبتحاول توجة الكلام بردة لنفسك
بجد مشوفتش شخصية زيك قبل كدا
الله اكبر يعني
يارب ماكونش بحسد انا فخورة بيك

سلاممممممممم

ايوشة يقول...

السلام عليكم
ربنا يكرمك دايما يارب على بوستاتك الجميلة
على فكرة انا بكون حزينة جدا انى مش بقدر احضر اى تجمع للمدونين بسبب وجودى فى بلاد المنفى :(
صحيح عيد ميلادك امتى يابنى عايزة انزل الزجل اللى عملته علشانك

الايــــــــــام يقول...

السلام عليكم ورحمة الله وبركاته

تبارك الرحمن

موضوع قمة الافاده اخي محمد


قال تعالى

{وَالَّذِينَ جَاؤُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ}

رائعة تلك النفوس


وقلوب شفافه ,,,, تسامح ,,,,, و تعفو


جعلنا الله واياكم من أصحاب القلوب البيضاء والناصعة كالثلج


بارك الله فيك أخي فيما كتبته وأسأل الله العلي القدير أن لا يحرمك الأجر

mahasen saber يقول...

عارف لما عرفت انك كنت هناك كنت هتجنن بئه تروح ومتقوليش ولاا استنى انتا كنت متصل تسالنى هروح ولاا لا
وطبعا غبائى ومزاجى المنعدم الهدوء هو اليى خلاك تسكت
اصل كله الا باص الحضانه يا محمد
ويا ريتها اتحلت كمايجب بس الحمدلله كله خير

المهم تتعوض تانى جهز عندكوا الغدا طبعا ليا واليى هاجيبهم معايا متعملش حسابك عليهم ربنا هيرزقئهم

elsha3er يقول...

السلام عليكم

محمد حبيب قلبى والله كلامك عجبنى جدا جدا بجد جزاك الله خير على الموضوع دة

صحيح يا محمد ممكن ايميلك لو على الياهو لو سمحت يعنى


تحياتى


احمد الشاعر

mahasen saber يقول...

اروح على نظره بئه عشان متزعلش
اكتر من كده مع انى عارفه انك مبتزعلش منى ابدا وده اليى مجننى

اختك الكبيره بئه
على فكره انا كبرت نفسى بما فيه الكفايه وكلهم بس تمنتاشر سنه مش فرق بينا لا عمرى صحصح كده هههههههههه

بسنت يقول...

المقال جميل اوى
وخاصه كلمات الشافعى
القلوب البيضاء جميله ونقيه فعلا
ولكنه فعل الانسان والضغوط يمكن هى اللى بتحولها لونها تدريجى للرمادى فالاسود
ربنا يجعلنا من اصحاب القلوب البيضاء وسكان كوكب الحب

دمت من اصحاب القلوب
النقيه البيضاء

حسن حنفى يقول...

تعرف احنا فعلا محتاجين نكون من ذوي القلوب البيضاء

امل الاسلام يقول...

هههههههههه جايه بعد 52 تعليق
اروح بقى واجى وقت تانى
لالالالا بجد موضوع جمييل جدا وبيعلمنا ان احنا لازم تكون قلوبنا صافيه
وبيضه
لانها هى دى اللى هتدخلنا الجنه او النار

marmar يقول...

دي تالت مره اكتب فيها التعليق والبلوج بتاعك يهنج ويقفل
مش مشكله
نرجع ونقول تاني او تالت

المشكله ان في ناس متمسكه بدنيتها اوي ومتعلقه بالمغريات الدنيويه جامد
في ناس هتلاقيها مجتمع فيهم صفات كتيره بشع هزي الحقد والنميمه والغيره والحسد
والبعض الاخر يمتلكون قلوب من دهب يحبون كل الاخرين بقلب طاهر وصافي
في حكمه قالها احد الفلاسفه بيقول فيها
استعجب من امر البشر يضيعون صحتهم من اجل المال وفجأه يضيعون كل اموالهم من اجل الصحه
المعنى اللي بقصدوا من الحكمه دي
ان البشر عقلانيتهم بتختلف باختلاف الزمان والمكان وباختلاف الانسان
صوابع ايدك مش زي بعضها يعني
ربنا يديم عليك السعاده لانها برأيي الشخصي اكبر نعمه ربنا ادهالنا هيا راحه البال والسعاده
تحياتي ليك

«۩AhMeD 3LLaM۩» يقول...

موضوع جميل يا محمد
القلوب البيضاء
والناس الطيبه
والروح الصافيه
افتقدها وبشده
انتمي لك وللجميع بسعاده تامه
*
اكيد المدونين الي انت قابلتهم ميختلفوش عنك وكلهم قلوبهم طيبه

لؤلؤةالرحمن .....هويتى اسلاميه يقول...

السلام عليكم ورحمه الله وبركاته

بوست هايل يامحمد بجدربنا يبارك فيك

الكلام فكرنى بستى ربنايشفيها ويطول عمرها الزمن ده كل الناس اللى كانت عايشه فيه تقريبا كلامهم واحد
ياريت نرجع بالزمن لورا ويكون حالنا زى حالهم

تسلم على البوست
----------------------------------

نبض الحياة يقول...

يااااااااااه لقد مسست موضوع فى غاية الأهمية فنحن نعيش فى هذا العالم وحالنا كما ذكرت فياليت القلوب البيضاء تعود وتحيا من جديد .
اللهم طهر قلوبنا ونقها كما ينقى الثوب الأبيض من الدنس آمين .
تقبل مرورى

د.توكل مسعود يقول...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى

heba tolba يقول...

جميلة أبيات الشعر للامام الشافعى اتمنى ان نعمل بها جميعا

mahasen saber يقول...

غاليه تيجى لقاء بكره انا رايحه ان شاء الله انا وضد

salma mohamed يقول...

ما فيش احلى من انك تنام ومش شايل من حد حاجة في قلبك,
ولا حد شايل منك حاجة في قلبه.

ahmed_k يقول...

السلام عليكم
إزيك يا محمد
فعلا كل الأسباب التي قالها جدك صحيحه
فقد تجتمع كلها وكل تتفرد بعضها لتكون سببا في نزع الحب
والساس في كل تلك السباب هو الحقد
لأن عدم الإيمان بأن الرزق قدر وأن الناس سواسيه يجعل البعض يحقدون على من هو أعلى منهم حظا في المال
لذلك علمنا رسول الله صلى الله عليه وسلم بقوله
(لا تنظروا إلى من فوقكم ولكن انظروا لمن دونكم فذلك أحرى ألا تذدروا نعمة الله عليكم )
تذدروا = تحتقروا

أدام الله المحبة والأخوة فيه بيننا

خالص تحياتي

محمد فارس يقول...

السلام عليكم ورحمة الله وبركاته
ياااااه انا زعلان ولاول مره ازعل وانا
اتنقل بين المدونات والتعليقات
عندما علمت انه كان هناك تجمع علي الخير بينكم ولم اسعد بلقائكم
فكم كنت اتمني ان اكون بين اخواني واولادي واتمني لو حدث هذا وسيحدث
ان شاء الله
ان اكون بجانبكم وبينكم
موضوعك عن القلوب البيضاء جميل جدا
ولسه ولله الحمد فيه قلوب بيضاء كثيره
واكبر دليل علي ذلك تجمعكم وثنائكم
علي بعضكم البعض
مع تمنياتي ان تدوم المحبه في الله

fashkool يقول...

العزيز محمد غاليا : حكمة الشيوخ دائما تفضى الى المعانى الجميله لانهم تربوا فى زمن التقاليد الموروثه التى تهتم بالاصول وبالدين وبالعادات السليمه الموروثه من الاجداد والتى ضاعت فى زحام هذه الايام
تحياتى الى جدك

حبيبة الروح يقول...
أزال المؤلف هذا التعليق.
حبيبة الروح يقول...

اولا سوري كتبت تعليق عمرو عندك عشان الصفحتين كانو جنب بعض
ثانيا بقي
نادرا ما تجد قلوب بيضاء
وان وجدتها فهي لن تكون ناصعه البياض
انا عارفه ان نظرتي تشائميه شويه
يمكن من جوايا بقول كلام غير ده بس بحاول افهم نفسي و اوعيها للي بقوله ده
بس للاسف انا بتعامل مع الناس علي اساس ان قلوبهم بيضاء
بس عادي بقي ربنا يستر و يوفقني شويه
انا سعيده اني شوفتك حتي لو مش حصل نصيب واتعرفنا
سلام

سمكه واحده يقول...

موضوع جميل اوي يا محمد وفعلا لازم نبعد الحقد ونعيش نفرح لبعض ونتمني الخير لبعضنا احلي حاجه في الدنيا الستامح والحب في الله
دئما موضيعك رائعه وهادفه
والحمد الله انه كان يوم جميل طبعا لازم يكون يوم جميل فيه كل الناس اللي قلبوها بيضاء دي وجميله ربنا يجمعكوا في الخير علي طول
ويابختك ياعم شوفت كل الناس الحلوه اللي كان الواحد يتمني يشوفها وكلهم بيشكروا فيك من شخصيتك الجميله ماشاء الله عليك
ربنا يحفظكوا جميعا
والله مبسوطه وكاني كنت معاكوا وكلكوا فرحنين ديما يارب
تحياتي لاخي العزيز

هى فوضى يقول...

السلام عليكم
ازيكي ا محمد
موضوعك حلو اوى بجد ياريت كلنا نقدر نسامح بسهولة ونعرف قيمة التسامح والرضا والحب

تحياتى لك

Soul.o0o.Whisper يقول...

أخى الفاضل /

بجد فعلا القلوب البيضا دى نعمة من ربنا
ربنا يرزقنا قلوب من دى


و بجد سعيدة ان ناس كتير اتعرفوا على بعض رغم انى مارحتش

بس ان شاء الله ربنا ييسر و أشوفكم كلكم قريب




دمت بود

رابطة هويتي اسلامية يقول...

بسم الله والحمد لله والصلاة والسلام علي خير خلق الله محمد بن عبدالله "صلي الله عليه وسلم

أما بعد

وبعد أن توثقنا من بقاء العهد موجود والعمل مرصود والتكاسل مرفوض

نبدأ مشوار العمل بالأتي

نتمني منك أخي العضو فور وصول الرسالة أن تدخل حجرة الجلسات لمتابعة الجديد
ولكم جزيل الشكر
جزاكم الله خيرا

شمس النهار يقول...

البوست طبعا جميل جدا
وانا معاك ان كل من قابلتهم من المدونيين حتي الان كلهم قلوب جميله بيضاء بنحب بعض من غير اغراض دنياويه تحس ان اروحنا هي اللي تلاقت مع بعض واحلا حاجه هو عشق الروح عشان بيكون من غير غرض
فمابالك بمحبتنا كلنا لبعض في الله

norahaty يقول...

السلام عليكم ورحمة
الله تعالى وبركاته
يُحكى عن شهيدة العشق الآلهى
السيدة رابعة العدوية ان
لصا سرق منها شيئاً فهّم من
معها بالدعاء على السارق
فأوقفتهم عن الكلام ودعت
ربها :إن كان فى حاجة
فليغنه الله بها
وان كان
فى غير
احتياج لها فليتُب الله عليه
ياالله !تدعو للسارق فى كلتا
الحالتين .سبحان الله العظيم
هل تتكرر مثل هذه الامثلة
مرة اخرى فى حياتنا؟

norahaty يقول...

ومش حأعلق على اللقاء
بغير ربنا يديم الحب والود
فى الله بين الناس كلها

smilyrose يقول...

عودة بعد غياب

وزعل على الوجود بقرب الخوة وعدم رؤياهم

بس اما اشوف خيارا والله لأوريها

اما اشوف مش قالت لى بوجودك ليه

اتعلم انك من تلك القلوب البيضاء

اخى الغالى

smilyrose

روح الحب الصادق

mohamed ghalia يقول...

يانهار يا اسميل هو انتى كمان كنتى موجودة

المعتصم يقول...

بقولك ايه يامحمد
مش هتقعدو انت وكيارا تغيظو فينا كده كتير
شوف بوست جديد ونزله علشان كده ماينفعش
كل اما ادخل الاقيكم بتتكلمو على اللقاء ده
ايه الغيظ ده ياخويا
هو يعنى علشان انا من الصعيد تغيظونى كده
دا حتى حرام عليكم

اصحى يا مصر : اسلام ديو يقول...

ازيك يا محمد اخبارك ايه؟؟
لسك وحشة كبيرة وانا اسف انى مش متابع حلقاتك لأنى كانت الايام اللى فاتت صعبة شوية

عندك حق احنا لازم نعرف الناس اللى قلوبها بيضا
عايزك تعرف معلومة
فئة المدونين فئة غير اى فئة فى الشعب
وكلهم قلوبهم بيضا

ويبقى الحب بيننا

إسلام ديو

سابقا بنوته مرحه حاليا وحيده بعالم الاحزان يقول...

السلام عليكم

اول زياره لمدونه بجد رائعه وهايله

القلوب البيضاء دي بجد اجمل قلوب

تقبل الله منا ومنكم

في رعاية الله

السلام عليكم

انا حرة يقول...

انا قريت دعاء عند خيخة و عجبنى جدا هو قريب جدا من فكرة موضوعك
اللهم إني تصدقت
بعِرضي على الناس
وعفوت عمن ظلمني
فمن شتمني أو ظلمني فهو في حِل
اللهم إني سامحت كل من إغتابني
أو ذكرني بسوء في غيبتي
وأسألك في ذلك الأجر والمغفرة
وبلوغ مراتب المحسنين

بيتهيالى الواحد لو حفظه و خلاه فى باله دول الوقت حاجات كتير اوى هتتغير فى تفكيره..

مـجـنـووون يقول...

بالحب وصفاء النفوس والبعد عن الضغينه والكراهية

ممكن الدنيا تتغير وحالنا يكون أحسن من كده

تقبل مروري أخي العزيز
مجنووون

وحـــــــــــى القلم يقول...

جزاك الله خيرا
الموضوع اكتر من راااااااااائع
مش لاقيه كلمه مناسبه توصف اعجابى بالموضوع الحقيقه
ربنا يقدرنا على أننا نسامح لننال المغفره فقد قال تعالى :"وسارعوا إلى مغفرة من ربكم وجنة عرضها السماوات و الأرض أعدت للمتقين الذين ينفقون فى السراء والضراء والكاظمين الغيظ والعافين عن الناس والله يحب المحسنين "

arsenalwy يقول...

ابو حميد اول زيارة ليا بس عجبتنى مدونتك

انا دايما اقول ربنا بيسامح انا العبد مش هسامح

بيوت الشعر للشافعى اكثر من رائعة

سعدت بمرور عندك

Gannah يقول...

كان نفسى اكون موجودة يوم توقيع الكتاب
:(
صحيح الناس بقت بتفتكر الاساءة وتنسى اى حاجة حلوة
ومش عارفه ليه مع ان التسامح ده بيفيد اللى بيسامح قبل اى حد تانى
فاكر الصحابى اللى الرسول صلى الله عليه وسلم قال عنه انه من اهل الجنة
ولما سأله عبد الله بن عمر عن السبب وعبادته ليس فيها شيئا يزيد عن الباقيين
فقال ابيت وليس فى قلبى شئيا لاحد
يعنى الواحد لازم يحاول ينقى قلبه علشان ياخد ثواب الدنيا والاخرة
تحياتى

حياتى نغم يقول...

السلام عليكم / سلمك الله أخى محمد من كل سوء وبارك فيك وبارك أخوتنا ،
نعم حسن الأخلاق ليس بالأمر الصعب البشر والرحمة والحب والود والعطف والعطاء من أخلاق الإسلام ومن كمال الإيمان من عمل بهم فاز بجوار خير الأنام صلى الله عليه وسلم { إن أقربكم منى مجلساً يوم القيامة أحسنكم أخلاقاً }
اللهم اهدنا جميعاً إلى حسن الأخلاق .
جزيت خيراً على هذه التدوينة الطيبة وما أحوجنا إليها .

ghorBty يقول...

السلام عليكم

ما شاء الله موضوع جميل جدا

ربنا يجعلنا بقلوب بيضاء محبه للخير مليئه بالحب

ولو طبقنا قرءانا حقا لعشنا كذلك

نسال الله ان يردنا اليه مردا جميلا

بوركتم

غربتي

ABOALI يقول...

اللهم اجعل قلوبنا بيضاء من الكراهية والحسد وحب الدنيا
وقربنا اليك يا حنان يا مننان


بووووووووووست رائع

اشكرك

منى يقول...

اللهم اجعلنا من اصحاب القلوب البيضاء
ويارب عددهم يزيد

عجبتنى اوى كلمات الامام الشافعى
منهج جميل فى الحياه
يا بت نقدر ننفذه
تحياتى

الفراشة الصغيرة يقول...

متعرفش قد ايه يا محمد
البوست ده اسعدنى

لان للاسف الايام اللى فاتت
اتعرضت للاساءة من شخص ما
ومكنش ليا اى رد فعل
حتى انى انتقم منه
وسبحان الله
ربنا كل يوم بيجبلى حقى لحد عندى

غادة يقول...
أزال المؤلف هذا التعليق.
غادة يقول...

أخي محمد ..

إذا أردت أن تتعرف على شخص يحمل صفات القلب الأبيض ..
فقسه إذن على قلبكـ فإن ساواه في العطاء والنقاء والوفاء فهو شخص ذو قلب طاهر ..
ومادون ذلكـ ....... " لا تعليق "

أخي محمد
أحب قراءة كلماتكـ كثيرا ..
فهي تبهجني حد الأفق ..
هنيئا لنا بكـ ..

^_^

mohamed ghalia يقول...

غادة
ربنا يكرمك ويعزك
بجد انتى مديانى أكتر من حقى
ربنا يديم الود والأخوة بينا
شاكر جدا لكلماتك الرقيقة