dupport me

الأحد، 26 أبريل، 2009

السعادة

يمر بنا العمر قد نطلب فيه معالى الأمور وقد نطلب فيه أشياء عادية
وقد نرجو أشياء لا تسمن ولا تغنى من جوع ولا نزال نسعى فى هذه الحياة
ولو سألت أى إنسان ما الهدف من وراء هذا السعى واللهث ؟ وماذا تريد؟
لأجابك أرجو الحياة الطيبة وراحة البال وسرور النفس ولذة القلب
ونعيم الروح وغذائها وقرة عين يتتوق إليها أرادها فأخطأ طريها وتاه عنها
وعلى الأوهام عاش وظن أنه سيسعد بتلك الأوهام .
تلك التى يسعى ورائها ترى ماهى؟
دعونا نرى علنا نجد تلك التى أتعبته ورائها!!!!!!!
أولا السعادة فى القرأن الكريم:
قال تعالى:{‏وَأَمَّا الَّذِينَ سُعِدُواْ فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ‏}‏ ‏
والسعادة فى اللغة: الرضا والإطمئنان.
ومن الناحية الإنفاعلية هى شعور بإعتدال المزاج.وتتضمن 1-الرضا.
2-الشعور بالبهجة والإستمتاع.
3-العناء بما يتضمنه من نجاح.
4-الصحة.
ثانيا السعادة عند الفلاسفة:
أفلاطون: السعادة هى فضائل النفس (الحكمة والشجاعة والعفة والعدالةو......).
أرسطو: السعادة هى هبة من الله وتتكون من خمسة أبعاد:
1-صحة البدن وسلامة الحواس
2-الحصول على الثروة مع حسن إستغلالها.
3-النجاح فى العمل.
4-سلامة العقل والإعتقاد.
5-السمعة الطيبة.
ثالثا: السعادة غير اللذة:
اللذة سرعان ما تذهب فور إنتهاء السبب أما السعاة فتستمر ولو لفترة.
رابعا :السعادةليست فى الراحة:
الكثير يعتقد أن السعادة فى الراحة فقط ولكن السعادة أحيانا ما تكون فى
التعب والمشقة والسعى نحو النجاح وإثبات الذات
فهى دائما ما تكون لحظات سعيدة المهم أن نستمتع بها جيدا.
خامسا: السعادة تفاؤل:
قال الشاعر:
سيفتح باب إذا ماسد باب نعم وتهون الأمور الصعاب
ويتسع الحال من بعد ما تضيق المذاهب فيه الرحاب
مع الهم يسران هون عليك فلا الهم يجدى ولا الإكتئاب
سادسا:السعادة فى التصالح مع النفس والغير:
من أكثر الأشياء التى تشعرك بالسعادة الحقيقية أن تتصالح مع نفسك
وأن تدرى ماذا تريد وكيف تسعدها وتعرف وتحدد أهدافك فى الحياة .
بالأضافة الى أن تتصالح مع كل من حولك وأن تشعرهم بالود دائما
يقول إقبال : لم ألق فى هذا الوجود سعادة *** كمودة الإنسان للإنسان.
سابعا:السعادة فى شكر النعم:
وإن لم تكن تعرف فيكفيك زيارة لأى مستشفى ولو لمرة واحدة فى العام.
ثامنا:السعادة عطاء:
تشير الدراسات إلى أن أكثر الناس سعادة هم الذين يعيشون لغيرهم ويبذلون
فى سبيل إسعاد غيرهم الكثيروحتما إذا تحقق ذلك فلن يحدث بين اثنين
مشكلة وستستمر الحياة على وتيرة التفاهم أمر صعب ولكنه ليس مستحيل.
وهناك العديد أيضا من مصادرالشعور بالسعادة:
*الحب والزواج .
*الأصدقاء والعلاقات بهم.
*الأبناء.
*الأقارب.
*علاقات العمل.
*وقت الفراغ .
قالوا:

جناحي السعادة: الزواج الناجح والأصدقاء المخلصين.

قلب السعادة: الرضا بالقضاء.

رأس السعادة: العمل المنتج الدائم.

رئة السعادة: النجاح.

يد السعادة: العطاء.

هناك من الناس من يميل بطبعة إلى أن يكون سعيدا ويبتعد عن
منغصات الحياة وهناك أخرون يفتشون دائما عما يحزنهم
وكأنهم يتمتعون بالحزن!!!!
أعتقد أنه بمقدرونا أن نسعد أنفسنا ولكن المهم هو أن نستكشف
أنفسنا جيدا . فهذا الموضوع ليس على سبيل الحصر.
وبعد كل هذا نصل إلى أن السعادة: إستعداد النفس للحياة وتقبلها
بحلوها ومرها والعمل على النجاح والتعايش مع الأخرين .
وقبلهم الرضا بقضاء الله وقدره وقمة السعادة هى أن تلق الله عز وجل
وهو راض عنك.
دمتم فى سعادة
ملحوظة الموضوع ده مش حصر لكل الأسباب لو عايز تعرف كل الأسباب
الى تقدر بيها توصل للسعادة الحقيقية يبقى تقرأ كل مواضيع المدونة.

هناك 79 تعليقًا:

أبو العريف يقول...

باشا
ربنا يسعد اوقاتك يا رب

السعاده
تخيل عمري ما فكرت يعني ايه سعاده
بس السعاده دي حاجه بحس بيها
وانا بلاعب طفل صغير
وانا وسط اصحابي
وانا بتمشي مع واحد صاحبي حتي لو بنشكي هموم الدنيا
حتي وانا قاعد اقرا كتاب ممتع
كمان بحس براحه وسعاده فظيعه
لما بصلي الفجر حاضر

دمت بكل خير وسعاده

mohamed ghalia يقول...

أبو العريف
أكيد طبعا كل الحاجات الى قولتها سبب من أسباب السعادة لكن احنا بنشرح هنا ايه هو الإحساس نفسه
لكن الإحساس أكيد موجود فى أشياء كتيرة
يمكن اتكلمنا عنها فى مواضيع كتير
ربنا يسعدك دايما

dramaqueen يقول...

رائع
البوست من جماله مش عارفة اعلق على انهى جزء

ربنا يسعد كل الناس
وتسلم ايدك يا محمد
تحياتى

mohamed ghalia يقول...

dramaqueen
ربنا يكرمك ويسعدك
يارب يكون الموضوع عجبك فعلا
منورانى دايما

شمس النهار يقول...

بحب جدا اقرا ماتكتبه عن السعاده
ربنا يكرمك

mohamed ghalia يقول...

شمس النهار
وانا اسعد الناس فعلا بكلماتك دى
ربنا يسعدنا كلنا
منورانى دايما

د. ياسر عمر عبد الفتاح يقول...

ربنا يرزقنا الساعادة الحقيقية
ويديمها علينا جميعاً
تسلم إيدك يا محمد

يا عم إنت تبغيب عننا ليه بس؟

yoyo يقول...

صباحك سكر يا صانع السعادة

بجد يا محمد دايما بحس فى كلامك بشعلة من الامل و النور الى بتحاول تنشر السعادة والخير كله للناس

ربنا يسعد ويسعد اوقاتك كلها يارب

دمت بالف خير و صحة وسعادة يا صانع السعادة
تحياتى
يويو

mahasen saber يقول...

عارف يا غاليه السعاده عندى ايه دلوقت

فى انى احس انى برضا ربنا فى معاملاتى مع كل اليى حواليا
فى تربيتى لابنى وهو بيكبر قدام عنييه
فى ضحكته وهو مبسوط واحنا بلعب سوا
فى انى ابقى حاسه ان كل اليى بحبهم من صحباتى واختى وكل حد عزيز عليا مستقر فى حياته الزوجيه وعايش سعيد مع الطرف الاخر

والسعاده شكلها هتغرقنى قريب من كتر اسباب السعاده عندى

يعنى وجودى عندك فى مدونتك سعاده ليا وقرايتى لموضوعاتك سعاده

ولما بقابلك على الماسينجر وبنرغى واحس انى بكلم ابنى او اخويا الصغير سعاده وسعاده كبيره كمان


محمد ايه رايك فى محيط السعاده اليى جت على السيره اليى انتا فتحتها دى

ستيته حسب الله الحمش يقول...

وكالعادة تحضير جيد جدا وطرح اكثر من رائع
سلمت يداك

My Hope$ يقول...

انت فعلا احلي حاجة في مواضيعك
بتقي مستوفية كل الجوانب
وكل الحالات
ودة بيعجبني
جدا
وفعلا السعادة غير اللذة
يعني بتحس داخليا كدا برضضضضضضضاااااااااا
اكتر من فرحة وقتية

المهم عايزة منك
كدا
زي كبسولة تجيب من الاخر
في عشر نقط
ازاي الانسان يوصل للسعادة
خلال اليوم يعمل اية من اول ما يحصي لحد ماينام بس تبقي في شكل نقط
وفي متناول ايدي الطلبة ههههههه

سلام

mohamed ghalia يقول...

د. ياسر عمر عبد الفتاح
اللهم أمين
يادكتور اعذرنى وادعيلى الإمتحانات قربت
دعواتك

mohamed ghalia يقول...

yoyo
ربنا يسعدنا كلنا ويديم علينا نعمة السعادة
دايما منورانى بجد ودايما تعليقاتك بترفع من معنوياتى

mohamed ghalia يقول...

mahasen saber
طبعا محيط رائع
ربنا يسعدك دايما يامحاسن يا أختى الغالية
أنا كمان بكون سعيد لما بشوفك سعيدة
ربنا يسعدك يا أم بيرو

mohamed ghalia يقول...

ستيته حسب الله الحمش
منورانى دايما يا دكتور
ياريت أكون قدرت أقدم حاجة كويسة
دمتِ فى سعادة

mohamed ghalia يقول...

My Hope$
هههههههههههههههههه
ايه حكاية الكبسولة دى
وبعدين بتاعت الطلبة إسمها برشامةهههههههههههه
أنا مبحبش الملخاص حتى فى مذاكرتى
عايزه الطريقة راجعى كل المواضيع هههههههههههههه
ربنا يسعدك دايما ويكرمك ويوفقك
أخوكى محمد

اللؤلؤة يقول...

رزقتا الله سعادة الدارين
وطرحك يا محمد رائع كعادتك
سلمت يداك

احساس طفلة محبة للرومانسية بس واقعية يقول...

1-صحة البدن وسلامة الحواس
2-الحصول على الثروة مع حسن إستغلالها.
3-النجاح فى العمل.
4-سلامة العقل والإعتقاد.
5-السمعة الطيبة.

*الحب والزواج .
*الأصدقاء والعلاقات بهم.
*الأبناء.
*الأقارب.
*علاقات العمل.
*وقت الفراغ .

اتفق معاك يا محمد
دى مقومات الوصول للسعادة
او على الاقل لو وصلنا لية واتجمعت مع بعض هنكون مرتاحين وعندنا صفاء مع النفس

بس محتاجين كل حاجة فيهم تكون بشكل سليم يعنى زواج ناجح اصدقاء اوفياء
وقت فراغ مستغل بشكل سليم
وبرضو احساسنا بالسعادة صعب يدوم لازم يتخللة بعض الحزن اللى لازم نقدر نتغلب علية

شكرا ليك
تقبل مرورى

ahmed_k يقول...

الغالي محمد
صدقت في كل ما قلت
وأضيف أن السعاده هو شعور نسبي
يختلف بإختلاف الأشخاص وميولهم ورغباتهم
ويختلف بإختلاف الأزمنه
فقد تكون السعاده في زمن ما هو إمتلاك بغله
وفي زمن آخر إمتلاك سياره
وفي زمن آخر إمتلاك طائره
فالسعاده نسبيه لا يمكن حصر أسبابها أبدا

دمت بكل الخير يا غالي

سوبيا يقول...

ربنا يسعدك دايما يامحمد

رؤية يقول...

للسعادة اوجه ومناظير تختلف باختلاف الافراد، وربما كانت العوامل واحدة لكن اولوياتها تختلف لهم،
فكل الاوجه موجودة
ويبقى السؤال
اى الاوجه نبتغى...

اشكرك على الموضوع
دايما منمق منظم الافكار

تحياتى

الربان يقول...

تحياتي

شكرا للموضوع الجميل اخي الكريم..و اسعد الله كل اوقاتك و اوقات الجميع.


تحياتي و تقديري

ندا يقول...

بجد كنا متاجين البوست دة يا محمد
وبجد بجد خلانى اشعربالسعادة وانا بقراه

دمت بالف خير

mostafa rayan يقول...

اتفق معك ان المعطي يشعر بسعادة ولكن يا اخي ماينفعش حد يفضل ياخد بس وحد تاني يدي وبس لازم ناخد وندي
تحياتي لك دايما ودعواتي بان تجد كل السعادة

وردة يقول...

السعادة مرة واحدة يا محمد
طول عمري كنت فاكرة ان السعادة بتحصل لما تحقق اللي بتحلم بيه
بس الحمد لله اكتشفت وجه تاني للسعادة مكنتش اعرفه
اهمها رضي الله
الرضا ثم الرضا ثم الرضابالمكتوب
مش دايما السعادة في احلامنا
ولو احلامنا متحققتش لاقدر الله يبقي نعيش في تعاسة باقي العمر
لاء
ساعات بنحلم بشئ وربنا عارف انو مش خير لينا وميتحققش
المفروض بقي نفرج مش نحزن
وكمان زي ما ذكرت السعادة في العطاء
ديه حاجة بتسعد جداااااااااا
بشكرك علي المدونة كلها مش البوست ده بس
ربنا يوفقك
وتعيش عمرك كله في سعادة اخي الكريم
سلام

همس الاحباب يقول...

ربنا يسعدك دائما
موضوعاتك جميلة جدا
ربنا يكرمنا بالسعادة فى الدنيا والاخرة
تحياتى

romansy يقول...

معاك
اسعد سعيد ابو الاسعاد سعده
السعاده مش كلمه تتقال دى فعل يتحس
ربنا يسعدك ويسعدنا يا محمد بيك

المعلم محمد صاحب المطعم - طعمية سخنة يقول...

salamo 3alekom
bas akbar we a3zam sa3ada b gad ta3et rabena
dy btnaseek ay 7ozn
post gameel awy ya mohamad

Eno يقول...

كلامك جميل اوي يامحمد بجد ربنا يكرمك بتتكلم علي حاجه الناس بتعتبرها بتنقرض من حياتها وبااسلوب عقلاني جدا جدا

كلماتك تستحق ان تصبح كتابا في وقتنا هذا يدل الناس عن اهم طرق السعاده :)

وفقك الله ودمت في سعاده :)

هذه حياتي يقول...

السلام عليكم ورحمة الله وبركاته

أخ محمد

جزاك الله خيرا علي ما تقدم لإخوانك دوما

وحفظك علي الدرب اللهم آمين

وجعله في ميزان حسناتك


خالص مودتي وصادق دعائي

موناليزا يقول...

اخيرا صفحة التعليقات عندك فتحت:)
ربنا يكرمك على كل ماتكتب

Soul.o0o.Whisper يقول...

السلام عليكم و رحمة الله و بركاته

بجد ما شاء الله
ربنا يبارك لك يارب


فعلا السعادة شئ غالى اوى
و عزيز اوى اوى

ولا يذوق السعادة الحقة
إلا من طلبها فيما أمره به المولى



دمت سعيدا دنيا و آخرة




خالص التحية

جنّي يقول...

السلام عليكم

تدوينات بطعم السعادة .. وهل للسعادة طعم .. اظن ان من يحس بالسعادة يجد حلاوتها والعكس من يجد التعاسة يحس بغصة في حلقه ..

اللهم اجعلنا واياكم من سعداء الدارين ..

dodo يقول...

السلام عليكم
ده اولا ثانيا المفروض نطلق عليك لقب صانع السعاده فعلا لو كل انسان وجد مقومات السعاده اللى كاتب عنها يا محمد اكيد هايجد السعاده اللى كلنا بنبحث عنها حتى لو لفتره صغيره بس المهم انه وجدهاوشكرا على اسلوبك الجميل وعلى مواضيعك الرائعه

حياتى نغم يقول...

السلام عليكم / بوركت أخى محمد وبوركت مشاريعك فعلاً يعيش الإنسان ويموت وهو يبحث عن السعادة جعلنا الله من السعداء دنيا وآخرة آمين .

منى يقول...

تصدق فعلا السعاده غالبا استعداد واحساس داخلى بيخلينا نفرح ونرضى بسرعه
وناس رغم كل الخير مكتئبه
ربنا يسعدك ويسعد الجميع
تحياتى

marmar يقول...

ما هو انت عشان حد طيب ومحترم اوي لازم تبقى سعيد عشان الكل بيحبك وبيحترمك
ربنا يديم عليك نعمة الاحساس

بس انا مش سعيده تفتكر ليه ولا تفتكر الناس بتكرهني بس مظنش عشان صحابي قريبين مني
تحياتي ليك يا ملك السعادة

هانى زينهم يقول...

روح يا شيخ ربنا يسعد اوقاتك ويروق بالك يا محمد يا بن غالية . هو بس سؤال رفيع
"جناحي السعادة: الزواج الناجح والأصدقاء المخلصين " مين اللى ال.... اللى قال كدة ؟!!

حاجات جوايا يقول...

وبعد كل هذا نصل إلى أن السعادة: إستعداد النفس للحياة وتقبلها
بحلوها ومرها والعمل على النجاح والتعايش مع الأخرين .
وقبلهم الرضا بقضاء الله وقدره وقمة السعادة هى أن تلق الله عز وجل
وهو راض عنك.
------------------
بوست رائع اخى الفاضل
ونهاية رائعة للبوست
أسعدك الله فى الدنيا والآخره

خالص ودى
سالى

”*°•.˜”*°•..سونه..•°*”˜.•°*”˜ يقول...

السلام عليكم .
بجد انا ثالث مره اجى ومعرفش اعلق النت مغلس عليه بس بردك سعيده بوجودى كل مره .
السعاده يااااااا ربنا يعطى السعاده .
اكيد السعاده فى اشىء كتيره مثل ما ذكرت بس بجد السعاده فى العطاء ومساعدة الغير ولو كل انسان يعمل كده ويشوف الشكر فى عيون الاخرين اكيد هى دى السعاده .
وكمان طبعا يامحمد السعاده فى مدونتك بزياده هههههههههههه
بجد انا سعيده بمعرفتى بيك
تحياتى ليك ((**سونه**)) .

(أم البنين) يقول...

أسأل الله أن يكرمنا جميعا بالسعادة فى الدنيا والاخرة
وبأعظم السعادة عندما ننعم برؤية وجهه الكريم في الفردوس الأعلى
جزاك الله خيرا

بستان الحب يقول...

ابنى محمد غاليه اسمح لى باءضافه :السعاده ان نجد فى هذه الدنيا شباب أمثالكم الله غايتهم والرسول قدوتهم دمت ابنى طائعا لربك ،ثبتك الله ورزقك خير الدارين

دينا حامد يقول...

ربنا يسعدك ويسعدنا كلنا يارب
كالعادة ادراج بيريح الاعصاب


تحياتي

غادة يقول...

صباح الخير ..

أخوي محمد ..

الله يسعدكـ مثلما اسعدتني عندما قرأت أحرفكـ ..

لله دركـ ياشيخ محمد .. لله دركـ ..

مع تمنياتي لكـ بالتوفيق والسعادة الأبدية ..

:)

حسن حنفى يقول...

اكيد فيه اسباب كتير للسعاده وطرق كتير ليها

كتير بنحاول نوصل للسعاده بس مش بنعرف الا قليل

حسن حنفى يقول...

اكيد فيه اسباب كتير للسعاده وطرق كتير ليها

كتير بنحاول نوصل للسعاده بس مش بنعرف الا قليل

اعشق فى الليل ضوء القمر يقول...

السلام عليكم
محمد غاليا
فكرتك رهيبه جدا
والبوست رائع عجبنى
قالوا:
جناحي السعادة: الزواج الناجح والأصدقاء المخلصين.
قلب السعادة: الرضا بالقضاء.
رأس السعادة: العمل المنتج الدائم.
رئة السعادة: النجاح.
يد السعادة: العطاء.
فعلا ممكن يسعد بضحكة طفل ممكن بعدها يذهب الطفل ولكن تظل الضحكة و السعادة موجودة

ghorBty يقول...

السلام عليكم

ما شاء الله ..

سلمت يمناك يا محمد

موضوع غايه في الروعه

اسعدك الله في الدارين

والسعاده دائما في الرضا

ربنا يرضينا بقضاءه ويرزقنا راحه البال وهدوء النفس

reem يقول...

مدونتك جميلة جدا

وفعلا تبعث على السعادة

موضوع رائع بجد وثري جدا

ربنا يوفقك في امتحاناتك

ربنا يديم عليك السعادة يارب

kochia يقول...

حلو المقال ده جدا
واكثر ما عجبني فيه السعادة الانفعالية دي
اعتقد هي ده السعادة فعلا

تحياتي

ندا منير يقول...

السعادة بتشكل جزء كبير من حياتنا ومن نجاحنا
من غير سعادة بيبقى فى حاجة غلط فى الحياة

ميرسى على معلوماتك الجميلة دى

عالم حبيب يقول...

السلام عليكم محمد .. أتمنى أن تكون بخير حال دائما يارب العالمين

جميل موضوعك .. الناس هذه الأيام تبحث عن السعادة غير أن قليل منهم يسلك طريقها الصحيح .. السعادة في كل ما ذكرت وقلت .. والإنسان هو الذي يستطيع أن يحكم على نفسه أن يكون سعيدا أو غير ذلك

وأسعد السعادة الفوز برضا الله وطاعته ورؤية وجهه الكريم رزقنا الله وإياك والجميع لذة النظر الى وجهه بدون حساب او سابقة عذاب

دعواتي لك بالتوفيق والسعادة :)

بنت مصر يقول...

موضوع جميل جدااااا يا محمد

ربنا يسعد كل أيامك

Tamer Nabil يقول...

السلام عليكم

موضوع رائع

تسلم علية

تحياتى

اسماء واحلام فى وجدانى يقول...

تشرفت جدا بزيارتك الطيبة

واتمنا ان تدوم الصداقة بيننا

احمد

Rania يقول...

بيعجبنى حسك التفاؤلى جدا يا محمد
ربنا يبارك فيك ديما

تحياتى

القلب الحزين يقول...

السلام عليكم ورحمة الله وبركاته

:{‏وَأَمَّا الَّذِينَ سُعِدُواْ فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ‏}‏

بلااقي السعادة فعلاا
في ابتسامة طفل بريئة يالله بنسي اي حزن
قدام ابتسامة من طفل او مساعدة المسنين
بشوف في وجوههم برأة الأطفال
تقبل مروري

على عبدالله يقول...

السلام عليكم

{‏وَأَمَّا الَّذِينَ سُعِدُواْ فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ‏}

جعلنا الله واياك ممن سعدوا

الازهرى يقول...

تتعدد معانى السعادة
ويبقى الاحساس بها واحدا
لانه بداخلنا ولا تشمله الكلمات


تحياتى وتمنياتى لك بالسعادة دوما فى حياتك

فتاه حالمه يقول...

اكبر سعاده في حب الله ورضي الله عنا
موضوع جميل واسلوب اجمل يا محمد
تحياتي

hamada يقول...

جروب جريدة الصباح العربي أول جريدة عربية تهتم بكل ما يخص المدونات والمدونين
http://www.facebook.com/group.php?gid=78080770039

طوبة ذهب وطوبة فضة يقول...

جميل كعادتك فى البحث والتنقيب عن اسباب السعاده ودائما ما تصل لاصعب وادق المعانى تسلم ايدك اخى الفاضل

الزهـــــــــــــراء يقول...

جزاك الله خيرا
على مواضيعك البناءة الممتعة
التي تنتشلنا من زخم الحياة
الى البحث عن شيء اثمن من كل ما قد يشغلنا
الى البحث عن السعادة
بارك الله فيك ونفع بك واكثر في المسلمين امثالك ..
اللهم امين

بـسـمـــة صـــــلاح يقول...

السعاده
ياااااااااااااااااااااه
بقالي من زمان مبقيتش سعيده

ربنا يكتبلك السعاده دنيا واخره يارب

موضوع جميل جدا

وبيعجبني في حضرتك التفاؤل وجو السعده اللي معيشنا فيه دا

بتأخر على حضرتك بجد متأسفه بس مش بإيدي


تقبل مروري
تحيــ بسومةــاتي(:

ماما يقول...

انت بتفكر يا محمد فى حاجات فى دماغنا..عن نفسى بقول اهى الحياه ماشيه وخلاص
هو لسه هافكر هى ايه السعاده
اهو يوم سعيد ويوم صبر..ويوم رضا..ويوم زعل
لكن بجد عجبتنى انك بتفكر وبتعب نفسك علشان احنا نفهم
تلخيص السعاده فى جمله.. (إستعداد النفس للحياة وتقبلها
بحلوها ومرها والعمل على النجاح والتعايش مع الأخرين )...
هو اكتر من جيد فى التعبير عن السعاده
وياريتنا نعرف نوصل لهذا الاستعداد

تسلم ايدك..ويبارك ربنا فيك
موضوعاتك دايما مبدعه وجميله

اقصوصه يقول...

اااااخ من السعاده

ذلك العنصر الحيوي

المطلوب دوما في تركيبة الحياه

والمفقود غالبا

او المتواجد بندره :)

رزقنا الله واياكم سعادة الاخره

تدوينه جميله :)

ومازلتُ أتعلم يقول...

ديه الزيارة الاولى لحضرتك
بجد مدونة رائعة وتستحق المتابعة

ربنا يرزقنا جميعاً السعادة الحقيقية
ويرضينا بحياتنا ويحسن خاتمتنا

تقبل مرورى

ريمان يقول...

دايما بحس بالتفاؤل اما باجى هنا عندك يا محمد


وبحس ان الدنيا بسيطه اوى اوى


يااااااااااه


تحياتى ليك

وتسلم اديك بجد

وشكرا على سؤالك عنى

الجواز و سنينه يقول...

محمد
انا بحس بنقاء و انا بشوف البوستات بتاعتك
كفايه انك حاتط السعاده هدف و ده نسيه ناس كتير مع الاسف
انت ليك تاج عندى و انا ليه تاج عندك
يلا نحله مع بعض
ههههههههههههههههههههه تحياتى

محمد سعد القويري يقول...

::mohamed ghalia::

أخي محمد
سعدت كثيرًا بالاطلاع على هذه المدونة المتميزة ..

وكيف لا أسعد وأنا في مدونة السعادة ..

السعادة مطلب نفيس ومطلب كل إنسان مهما كانت صبغته أو ديانته ..

وموضوع ثري ..

أسعد بالتواصل مع مواضيعكم

تحياتي

عاشقة الأحزان يقول...

السلام عليكم
محمد معلهش على التأخير أسفه قووى بجد
والله العظيم بوست جميل
يارب يسعدك
ويفرحك
بجد الموضوع أنا عن نفسى أستوعبت حاجات كتير ما كنتش أعرفها
ربنا يخليك ياقمر
وبشكرك على مرورك عندى وإن شاء الله بينا تواصل كبير قوووى ياقمر
تحياتى لك
إيناس

الوردة البيضا يقول...

صديقي محمد غالية
دائما ما أستمتع بقراءة كل ماتكتبه عن السعادة... مجهود جبار فعلا وموضوعات متنوعة دائما رغم كونها تدور دائما حول نفس الفكرة.
جزاك الله خيرا، وأسعدك في االدنيا والآخرة

تحياتي وسلامي

كيــــــــــــارا يقول...

وقت اما بكون زحلانه بدخل جري علي مدونتك يامحمد باخد شويه تفاءل

ربنا يديم علي الجميع السعاده عارفه اني متاخره عنك بس انت عارف الظروف اللي كنت فيها

Wish I were a Butterfly ... يقول...

جميل الموضوع
:)
ماشاء الله عليك بجد
و فعلا السعادة الوقتية غير السعادة اللي بتفضل علطول

وحقيقي قلب السعادة وأهم حاجة فيها هو الرضا. من غير الجزء دة صعب أوي أي حاجة تانية تحقق السعادة المرجوة

قرأت شوية من الكتيـــر اللي فاتني..و قرأت بوست في آخره كاتب إنك عايز تتجــــوز :).ربنا يرزقك بالزوجة الصالحة اللي تكون زي مابتحلم بيها بالضبط وتعينوا بعض على طاعة ربنا و تحقيق سعادة أكتر في الدنيا :).دمت في سعادة ونجاح

الايــــــــــام يقول...

السلام عليكم ورحمة الله

بقالي كتير ما دخلت مدنتك الي كلها تفاؤل وسعاده بجد وحشتني مواضيعك الشيقه واعذرني على التقصير ..

اتمنى لك السعاده على طول ولجميع زوار مدونتك الرائعه

لك ودي واتقديري

الشيماء صلاح يقول...

تدوينة رائعة وكلها سعادة وتفاؤل بالحياة
دائما مواضيعك متألقة
ربنا يجعل ايام حضرتك كلها سعاده
دمت في سعادة
تحيتي..

فشكووول يقول...

ازيك يا محمد يا غاليا
تحياتى
يقال ان السعاده فى الدنيا
كل السعاده فى المرأه الصالحه
وكما قال رسول الله صلى الله عليه وسلم
ربنا آتنا فى الدنيا حسنه وفى الاخره حسنه وقنا عذاب النار
ويقال ان حسنة الدنيا المرأه الصالحه
وتحياتى

هــو..مش ..نـو يقول...

طبعاً نت سعيد جداً..
وأنا بدعي لك بالسعاده .
مبسوط ؟
ربنا يجعلك مبسوط دايماً...
والأنبساط من السعاده
ولا السعاده من الأنبساط ؟
جاوب ...
==هوهو=

لحظة تأمل يقول...

افتقدت كلماتك حقا

كلماتك وتفاؤلك هم سبب اخر للشعور بالسعادة

دمت سعيدا