dupport me

الثلاثاء، 18 أغسطس، 2009

ورحل رمضان!!!!!!!

ورحل رمضان!!!! بكل بساطة هكذا جاء رمضان وماهى إلا لحظات وسيرحل . أيها الزائر الكريم مرحبا بك كم افتقدناك حقا وانتظرناك طويلا أرجوك لا ترحل هكذا سريعا فقد انتظرناك كثيرا.

رمضان شهر العبادة كم نقصر فى شهور العام فننتظر هذا الشهر الكريم لنعود إلى أدراجنا ونلتمس عودة جديدة وميلاد جديد .

الأن لماذا نصوم رمضان؟؟ بعيدا عن الأيات والأحاديث وأقوال الصحابة والتابعين وأحوالهم مع رمضان والتى تكلم عنها الجميع . أريد أن أتكلم من منظور مختلف . لماذا نصوم رمضان ولما كل هذا الإنتظار؟ السبب المهم لهذا الإنتظار هو الشحنة الإيمانية التى يعطيها لنا هذا الشهر الكريم. فأنا أخرج من رمضان لا لأنسى ما كنت عليه لكنى فى هذه الحالة مثل السيارة أمول بالبنزين طوال هذا الشهر ثم ابدأ بتفريع هذه الطاقة على مدار العام وعندما يقترب رمضان العام التالى تكون هذه الشحنة قد نفذت أو أوشكت على النفاذ لذلك تبدأ فى شحن النفس من جديد.

ثانيا يعلمك الصبر فأنت تصبر على الجوع والعطش والشهوة إبتغاء مرضات الله (وخصوصا السنة دى رمضان جاى فى الصيف شوية هيكون ليه متعة خاصة

ثالثا أن تشعر بالضعيف والمسكين وذا الحاجة فى هذا الشهر

.فهكذا دائما تتجلى عظمة هذا الدين مع كل أمر نأتمر به.

إننا هنا نبحث عن السعادة وأعتقد أنه ليس هناك فرصة أفضل من تلك الفرصة القادمة ويجب إغتنامها إنت مستعد؟ إنتِ مستعدة؟

فكما قال الشاعر عن رمضان:

بين الجوانح في الاعماق سكناه ***فكيف أنسى ومن في الناس ينساه
في كل عام لنا لقيا محببةً*** يهتز كل كياني حين ألقاه
بالعين والقلب والآذان أرقبه*** وكيف لا وأنا بالروح أحياه
والليل تحلو به اللقيا وإن*** قصرت ساعته أحييها وما أحلاه
فنوره يجعل الليل البهيم ضحى*** فما أجل وما أجلى محياه
نراه شهراً ولكن في نهايته ***.يمضي كطيف خيالاً قد لمحناه
في موسم الطهر في رمضان الخير***تجمعنا محبة الله لامالاً ولاجاه
يلا رمضان جاى ومش هيستنى كتير لأن رمضان بروحانياته العالية والطاقة التى يعطيها لنا وراحة البال التى نشهدها فى هذا الشهر الكريم هى اكبر فرصة للشعور بالسعادة وراحة البال والهدوء الطمأنينة.
كان الصحابة رضوان الله عليهم يدعون الله ستة اشهر بعد رمضان ويقولون اللهم اتقبل منا رمضان ويدعون الله ستة اشهر قبل رمضان ويقولون الله بلغنا رمضان. السؤال الأن بقى على رمضان القليل فهل سيكتب لنا أن ندركة ؟! لعل رمضان يأتى وقد فارق احدنا الحياة.......
لذا فلينوى كل واحد من الأن أو يجدد نيته وينوى فعل الخيرات ويقول اللهم بلغنا رمضانويحاول أن يعلى همته ويأتى بالجديد هذا العام
ويتخذ شعار رمضان السنادى راح يغير حياتى فإن مات أخذ الأجر بنيته(اللهم بلغنا رمضان(.
عرف الصحابة الغاية والهدف من رمضان فانتظروا شهر رمضان من قبل أن يأتى واستعدوا له من ستة أشهر فهم من قبل رمضان من ستة أشهر يدعون اللهم بلغنا رمضان . لذا فرمضان
*
هنعمل إيه جديد السنة دى؟
كل واحد فينا يسأل نفسه أنا عايز أعمل إيه جديد السنة دى ويحاول يعلو بهمته.
قراءة القرأن:
كل واحد فينا ليه ورده اليومى من القرأن فى رمضان فى ناس بتختم المصحف مرة فى الشهر وفى ناس بتختم 3مرات وفى ناس بتختم 10مرات كل واحد وهمته المهم إنى كل واحد يشوف كان بيختم كام مرة ويعمل تحدى جديد السنة دى ويزود عدد المرات ويقول هختم السنة دى كام مرة؟
لك دعوة مستجابة:
لكل واحد فينا فى رمضان كل يوم دعوة مستجابة!
قال رسول الله صلى الله عليه وسلم(للصائم عند فطره دعوة لاترد)صدق رسول الله صلى الله عليه وسلم
متنساش تدعيها وأوعى تسيبها حبيبك النبى وعدك بإنك ليك دعوة مستجابة كل يوم عند الفطار .
ياريت بقى متنسانيش بواحدة (من السنة أن تفطر على تمر).
التروايح وقيام الليل:
ياااااه على جمال صلاة التراويح ومتعتها بجد بتكون روحانيات عالية جداا وإحساس جميل إنك تكون واقف بتناجى ربنا وحاسس بتقصيرك
وإنك مقصر فى حق ربنا ومش بتقيم الليل غير فى رمضان بس . وكمان يا سلام لو القرأن مس قلبك قوى وعينيك بكت من خشية الله قال صلى الله عليه وسلم(عينان لا تمسهما النار عين باتت تحرس فى سبيل الله وعين بكت من خشية الله)صدق رسول الله صلى الله عليه وسلم.
وياريت بقى غير التراويح يكون لينا نصيب من قيام الليل فى الثلث الأخير ولو حتى ركعتين قبل الفجر بس نداوم عليهم وتكون نواة للحفاظ على قيام الليل بعد رمضان.
العشر الأواخر وليلة القدر:
طبعا كل واحد فينا نفسه يدرك ليلة القدر وفضلها كبير وجزاؤوها عظيم .(اللهم ارزقنا ليلة القدر)وأكثر المجتدين على أنها فى وتر العشر الأواخر من رمضان وبما إننا دايما بنختلف مع السعودية والى عندنا فردى بيكون هناك زوجى فإحنا هنجتهدفى العشر الأواخر كلهم تراويح وقيام ليل وقرأن وصدقة ............. وحتى لو كنا متفقين مع السعودية السنة دى أظن مش كتير نجتهد عشر أيام فى السنة عشان ندرك ليلة القدر يلا نشمر الساعدين ونجتهد قوى فيهم دول عشر أيام من 365يوم . ربنا يرزقنا ليلة القدر طبعا كله عارف جزائها مش محتاجين نتكلم عنه.
الإعتكاف: (هو المكوث فى المسجد)
أ ه ه ه تلك السنة المتروكة التى يغفل عنها الكثير
بجد اسألوا كده الناس إلى اعتكفت روحانيات عالية قوى وتحس إنك عايش فى عالم تانى كل إلى بتعمله بتلزم المسجد وتقرأ قرأن وتصلى التراويح والتهجد وأحيانا بيكون فى درس وعظى. بيكونوا عشر أيام كلهم لله كل دقيقة فيهم لله ربنا يرزقنا وإياكم الإعتكاف السنة دى .(يابخيل انوى تاخد الأجر بنيتك).
مساعدة المحتاجين:
طبعا من فوائد رمضان إنك تحس بجوع الفقير وحاجة المسكين فأقل واجب إنك تساعد الفقير والمحتاج واليتيم والمسكين
ساعد بإلى تقدر عليه مجهود فلوس أى حاجة المهم تساعد .

ختاما رمضان فرصة لترويض نفسك على اى حاجة تحبها تتخلص من عادة فيك تنمى عادة فيك

فرصة بجد مش هتتعوض ركز ومضيعهاش.
أخر حاجة:
أخر حاجة أحب أقولها ياريت بقى نلغى التليفزيون ونسيبنا شوية من مسلسلات وحواديت رمضان ونحاول نقلل من الوقت الضايع
ونقلل من وقت النت عايزين نحقق شعار رمضان السنادى راح يغير حياتى .
وطبعا ولا تنسى نصيبك من الدنيا متنسوش تكلوا بتاع خمسين ألف كيلوا كده ولا حاجة كنافة وقطايف والذى منه وتهتموا بصحتكم كده هههههههههه.

فى النهاية صم رمضان وكأنه أخر رمضان فى حياتك.
وفى الختام
اللهم بلغنا رمضان اللهم و اعنا على صيامه وقيامه وارزقنا تلاوة كتابك وتدبره أناء الليل وأطراف النهار.
لا تنسونا من الدعاء

هناك 101 من التعليقات:

عاشقة الأحزان يقول...

اووووووووووووووووول تعليق


وسع منك له لها

انا جيتتتتتتتتتتتتتتتت

عاشقة الأحزان يقول...

وكمان التانى

من زمان نفسى احتل اخويا محمد وحبيبى


هههههههههههههههههههههههه

عاشقة الأحزان يقول...

والتالت كمان

عشان انا فرحت ان صحبتى رجعت تانى للتدوين فلاذم اعمل الواجب بقا

هييييييييييييييييييييييه

عاشقة الأحزان يقول...

كمان الرابع

ياجماعه حد معترض ولا اى حاجه ممكن يعنى يورينى نفسه
هههههههههههههههههههههه

عاشقة الأحزان يقول...

نقرء بقا البوست ونرجع

محدش يدخل الا لما اجى


فاصل صغنون ثم نعوووووووووووووود

عاشقة الأحزان يقول...

اللهم بلغنا رمضان اللهم و اعنا على صيامه وقيامه وارزقنا تلاوة كتابك وتدبره أناء الليل وأطراف النهار.


الله عليك يامحمد كلماتك جميله قووى وبجد معاك حق فى كل كلمه

ربنا يقدرنا ونقدر على اداء الحق المطلوب بهذا الشهر الكريم

كل سنه وانت طيب ورمضان كريم علينا وعلى الامه الاسلاميه

وجعل الله ما كتبت لنا بميزان حسانتك

مودتى

ايناس

7annen يقول...

اللهم امين

كل سنه وانت طيب وبخير


حنين

آيوشة يقول...

كل سنة وانت طيب يامحمد
وربنا يكرمك على البوست ده اللهم امين يارب العالمين

بدراوى يقول...

ربنا يبلغنا كل رمضان
و يتوب علينا و يرحمنا

بدراوى يقول...

و شكراً طبعاً على البوست

ABOALI يقول...

الكل ينظر هنا وهناك
فاءذا اقترب رمضان
قال اليوم لا يوجد سبات
فالجنة هناك تبحث عنى
وعيب عليا الا ادخلها وهى قريبة منى
يامن اساءت
ان اوان الاحسان
يا من عصيت
ان اوان الطاعات
يامن ظلمت
ان اوان الغفران
يا من قسيت
ان اوان الرحمات
يا من بلغت رمضان
اعلم ان الله يحبك
فاءحبه


ورحل رمضان
العنوان جميل وما احتواه البوست اجمل

شكرا يا غالى

ـ-ـ- أحمد عبد العدل-ـ-ـ يقول...

كل سنة و انت طيب ياجميل و يارب يبلغنا كلنا الشهر الكريم و يرزقنا اغتنامه
هتدعيلنا كتير ياجميل

ندا يقول...

جزاك الله خيرا يا محمد
شكرا انك بتذكرنا لاننا ساعات بنغفل عن اشياء هامة لا ينبغى اغفالها

فراشة يقول...

تعرف الواحد نفسه يكتب التعليق ده عندك
وبعدها يقفل الكمبيوتر وخلاص كده جه رمضان من دلوقتى

ربنا يباركلك ويبلغك رمضان وثوابه وثواب قيامه وثواب ليلة القدر

اللهم ارزقنا حسن عبادتك
رمضان كريم يا محمد
وكل سنه وانت طيب

ঔღঔ نـــوارة ঔღঔ يقول...

بووست راااائع

جزاك الله كل خير

بالرغم انا بحب التلفزيون اووي

الا اني والحمد لله السنتين الي فاتوا مكنتش بتفرج على اي مسلسلات في رمضان وكنت بمنع نفسي خالص من التلفزيون الا البرامج الدينية ويارب السنة دي كمان

ربنا يباركلك وكل سنة وانت طيب يارب

دمت برعاية الله

مسدس صغير يقول...

اللهم تقبل منا الصيام والقيام والقرآن
كل سنة وانتى طيب
رمضان كريم

جنــــــــــة الله يقول...

بجد ربنا يباركلنا فيك يااااااااارب
تدوينة راااااااااائعة جدا عن رمضان
ربنا يتقبل منا ومنكم صالح الاعمال
ويرزقنا رمضان بالخير عما قريب ياااااارب
بجد متشوقة له جدا
حاسة ان همتى المرة دى حتعلى فيه
ربنا ييسر يااااارب
تسلم ايديك
بجد تدوينة رائعة كالعادة
رااااااااااااااااااااااااااااااااااااااااااااااااااااااااااااااااااائعة بمعنى الكلمة
جزاك الله كل خير
وجعله الله في ميزان حسناتك
كل رمضان وانت طيب وبألف خير
رمضان كريم والله اكرم

akeed يقول...

ربنا يجازيك كل خير على هذ التذكرة الهامه

وكل عام وانت بكل خير....اللهم بلغنا رمضان

قلم رصاص يقول...

اللهم أعنا على حسن طاعتك
وبلغنا الصيام والقيام وقراءة القرآن

كل سنة وانت طيب يامحمد

ونصايحك الغالية يامحمد ان شاء الله هنجعلها دستور عمل وعبادة في الشهر الكريم

دمت في حفظ الله

ahmed_k يقول...

كل سه وأنت طيب يا محمد
وبعوده علينا وعليك رمضان بخير وسعاده

ليس فقيرا من يحب يقول...

السلام عليكم

بوست قيم يا دكتور

ربنا يجعله فى ميزان حسناتك

ويعينا على الطاعه

كل سنه وحضرتك طيب

تقبل تحياتى
فى حفظ الله

المعتصم يقول...

اللهم بلغنا رمضان
وتقبل منا الصيام والقيام وسائر الاعمال
اللهم ارزقنا قيام ليلة القدر
ولاتحرمنا اجرها يارب العالمين
......
كل سنة وانت طيب يامحمد

Pink Dreams يقول...

كل سنه وانت طيب يا جميل

بوست جميل جدا

تسلم ايدك

ربنا يتقبل منا جميعا

تحياتى

أبو العريف يقول...

كل سنه وانت طيب

وربنا يتقبل

صالح الاعمال

ماما أمولة يقول...

ابني الغالي كل عام وانت بخير يارب

ربنا يعيده عليك باليمن والبركات وعلى الامة الاسلامية

اللهم امين

اللؤلؤة يقول...

السلام عليكم
اللهم بلغنا رمضان
خالص تقديرى

اللؤلؤة يقول...

السلام عليكم
اللهم بلغنا رمضان
خالص تقديرى

ستيته حسب الله الحمش يقول...

كل سنة وانت بألف خير
والسنة الجاية تكون واخد اعفاء وبتشتغل وعارف طريقك في الدنيا وربنا ييسر لك طريق رضا ومغفرة في الآخرة

ريمان يقول...

السلام عليكم


كل سنه وانت طيب يا محمد

رمضان كريم


ربنا يبلغنا رمضان يا رب

جزاكم الله خيرا

إبن مصر يقول...

السلام عليكم

كل سنه وانت طيب يا محمد


وربنا يجعل كل لحظه فى رمضان لصالحك دعاء مستجاب

ومش تنسانا احنا كمان فى دعوه :)

ندا منير يقول...

تمام ربنا يكرمك يارب

وكل سنة وانت طيب

وربنا يهدى الناس اجمعين ويتقبل منا اعمالنا ويغفر ذنوبنا اللهم امين

أم مالك يقول...

اللهم بلغك وبلغنا رمضان بالف خير
كل عام وانت الى الله اقرب
وجزاك الله كل الخير

آخر العنقود يقول...

كل عام وانت بخير وعافية
أعاده الله عليك وعلى السلمين بالخير واليمن والبركات

نقط مهمة جزاكم الله خيرا
بلغنا الله واياكم شهره الكريم واعاننا على الصيام والقيام
اللهم آمين

دمت بكل الخير

maha zein يقول...

كل سنة وانت طيب
انا رجعت اهه بقه عشان اخلص عليكم كلكم
انا كنت هتنسي ولا ايه

لا هي مش سايبة

اعذرني لغيابي
انا عارفة انك عذرني
بس الحمد الله خلاص كل الامور اتظبطت
كل سنة وانت طيب
وجزاك الله خير علي التكرة

ويا رب ننال العتق في هذا الشهر الكريم

وردة يقول...

اتخضيت من العنوان يا محمد حرام عليك
هههههههههههه
اولا كل سنة وانت طيب
ورمضان بالخير عليك ان شاء الله
ويارب يارب يكون فعلا رمضان السنة ديه احسن واكتر طاعة من رمضان اللي فات
ويتقبل منك ومنا الصيام والقبام وقرأة القرآن
ومتنسناش من دعواتك
رمضان كريم
سلام

ومازلتُ أتعلم يقول...

كل عام وحضرتك بخير
موضوع مهم جدا قبل رمضان
جز اك الله عنا كل خير

بسمـــة مســـــلّم يقول...

السلام عليكم اخى العزيز كل عام وانت بخير ورمضان كريم عليكم اجمعيييييييييييييييييييييييييين

حاجات جوايا يقول...

ما شاء الله
ربنا يباركلك يارب
ويعينك على كل ما انتويت عمله فى رمضان ويزيدك من فضله

لك عندى تاجين فى آخر بوستين
فى انتظارك

كل سنة وانت اسرتك الكريمة وكل الامة الاسلامية طيبين وبكل الخير

ورمضان كريم

على خطى الحبيب يقول...

السلام عليكم ورحمه الله

كل عام وانت بخير أخى الكريم
اعاده الله علينا جميعاً بالخير واليمن والبركات

تقبل مرورى,,
دمت بكل الود والخيــر,,,

شمس النهار يقول...

ازيك
بشكرك وبدعيلك بحق كل كلمه قلتها في البوست ده
ربنا يكرمك ويعطيك ثواب كل اللي يقراه
وكل سنه وانت طيب وبخير وصحه وسعاده

مصري جدا يقول...

يعني نعيد وعليك؟
طب فين الكحك؟

رفقة عمر يقول...

كل سنه وحضرتك والاسرة بخير
رمضان كريم
اعادة الله علينا وعليكم بالخير واليمن والبركات
لا تنسونا من صالح دعاءكم

mimi يقول...

كل عام وأنتم بخير

رمضاااااان كااااااريم

اقصوصه يقول...

فعلا

الايام تمر كغمضة العين

اللهم بلغنا رمضان

واعنا على صيامه وقيامه :)

Nabil يقول...

السلام عليكم

كل سنه وانت طيب

تحياتى يا محمد

شجرة الدر يقول...

كل سنة وانت من الله اقرب
شكرا لك

موناليزا يقول...

ربنا يعينا على صيام رمضان وقيامه بالطريقة التى يرضى بها عنا اللهم امين

كل سنة وانت طيب

حسن حنفى يقول...

كل سنه وانت طيب

GiGi world يقول...

خلصت رمضان كده يعنى
يارب مايروحش ابدا من ايدينا كلنا اخنا واصحابما واهلنا يارب يعنا على طاعه ربنا وعبادته كما يحب ويرضى
كل عام وحضرتك بالف خير وصحه وعاقيه اللهم بلغنا رمضان

sweet angel يقول...

جزاك الله عنا خيرا

تاج لك على مدونتي

تفضل لاستلامه

تحياتي

تأثير الفراشة يقول...

آمين يا رب العالمين

كلام حضرتك سليم جدا جدا ، و جزاك الله ألف خير على هذه التذكرة الرائعة الشاملة


كل عام و أنت بخير و إلى الله أقرب

اللهم أعنا على ذكرك و شكرك و حسن عبادتك

جزاك الله خيرا

رمضان كريم

سمكه واحده يقول...

كل سنه وانت طيب يا محمد وربنا يبارك فيك ويتقبل منك
ويجزيك كل خير
رمضان كريم

ليس فقيرا من يحب يقول...

السلام عليكم

كل سنه وحضرتك طيب

رمضان كريم

اعشق فى الليل ضوء القمر يقول...

السلام عليكم ورحمه الله وبركاته
تقبل الله منا ومنك
ووفقنا للصالحات فى رمضان و بعده
وجعل عملنا له خالصا متقبلا
كل سنه و انت طيب

*البت المشمشية *حلوة بس شقية * يقول...

رمضان كريم

كلمات من نور يقول...

الله يبارك فيك يا محمد ويبلغك رمضان وهو راض عنك غير غضبان

اللهم اغفر لنا وتقبل توبتنا و اعتق رقابنا من النار

يا خوف فؤادي من غدي يقول...

رمضان كريم تفبله الله منا جميعا وجزاك الله خيرا على نصائحك التي عن نفسي سأحاول جاهدة ان أطبقهاواطلب من الله التبات في رمضان وفيما بعده ان شاء الله

المهاجر يقول...

اللهم إغفر ذنبنا وطهر قلبنا وإعتقنا من النار

شكراعلىالموضوع الرائع والجميل
بارك الله فيك

حواديت بنوته يقول...

موضوع جميل
جعل الله كل كلمه خطتها يداك فى ميزان حسناتك
وكل عام وانت بخير
ولى كلمه
رمضان قد بدا والسباق قد انطلق فشمر ساعدك وقل لن يسبقنى احد
والسلام عليكم ورحمة الله وبركاته

maiosha يقول...

كل سنة وانت طيب

واللهم بلغنا رمضان يا أرحم الراحمين

ahmed_k يقول...

كل سنه وأنت طيب يا محمد
وبعوده عليك رمضان دوما بكل خير وصحه وطاعه
رمضاااان كريم

norahaty يقول...

كل سنة وانت طيب
يامحمد رمضان كريم
والله اعلى واعز واكرم.

shemo يقول...

السلام عليكم ورحمة الله وبركاته

كل سنه وانت طيب

ورمضاااااااان كريم

فى رعايه الله

joker

Tamer Nabil يقول...

السلام عليكم

ازيك محمد

كل سنة وانت طيب وبخير

رمضان كريم

مع خالص تحياتى

علي محـمــــــد يقول...

السلام عليكم اخويه العزيز محمد كل عام وانت وكل اهلك بخير يارب

في امان الله

رامز عباس يقول...

جاي أقول كل سنة ومحمد غالية صديقي طيب وبخير




للعلم دخلت ملقتش الكنافة مش راجع تاني الا اما تملاً التلاجة سلموزززززززززز بالتفاح

منى يقول...

امين
تقبل الله منا ومنك
كل سنه وانت طيب ورمضان كريم

Soul.o0o.Whisper يقول...

السلام عليكم و رحمة الله و بركاته

كل سنة و انت طيب يا محمد
و رمضان كريم عليك و على الاسرة كلها

حقيقى رمضان لسه بدايته بكرة
بس فعلا بيخلص بسرعة اوى

و نرجع نلوم نفسنا اننا ماستغلنهوش الاستغلال الامثل

و نزعل من نفسنا و من تقصيرنا

ربنا يارب يعينا على استغلال كل ثانية فيه بالطاعة و العبادة

دمت فى رعاية الله

سومه...مجنونه فى بلد عاقل يقول...

اللهم امين
كل سنه وانت طيب يا محمود والسنه الجايه كدا تكون بتستعد للحج ان شاء الله وتكون فى عمره رمضان

Wish I were a Butterfly ... يقول...

بعيدا عن موضوع البوست اللي أكيد الكل متفق عليه

عنوان البوست بجد رائع
فكرت فيه بطريقة ذكية ماشاء الله

كل سنة وانت طيب:). ربنا يقدرك و يتقبل منك إن شاء الله

mahasen saber يقول...

كل رمضان وانتا بالف خير وسلام يا غاليه

وربنا يعود رمضان والشهر الكريم عليك وعلى مامتك واختك بكل خير وصحه وستر

ربنا يبارك كل ايامكوا يا غاليه يا جميل

Sometimes يقول...

نراه شهراً ولكن في نهايته ***.يمضي كطيف خيالاً قد لمحناه

بجد فعلا والله يا محمد


جزاك الله خيرا يارب
وان شاء الله رب العالمين مش هنساكم فى الدعوات
ربنا ما يحرمنى منكم

كل سنة وانت طيب

rovy يقول...

كل سنه و انت طيب
رمضان كريم علينا جميعا يارب
تقبل الرحمن قيامنا و صيامنا

جزاك الرحمن كل الخير يا محمد


تحياتى دوما

عاشقه وغلبانه يقول...

جميل اوي صم رمضان وكانه اخر رمضان في حياتك
احساس صعب يخليك تتمسك بكل ثانيه في الشهر
جمله خلتني افتكر كام واحد كان موجود رمضان اللي فات ورحل عن دنيانا ومالوش فرصه يبقي موجود في رمضان ده
علان لو كان قصر يحاول يغير حياته
بس هي فرصه ولازم نعتبرها اخر فرصه يمكن رمضان الجاي مانكونش موجودين

نـــــــــــــور يقول...

كل سنه وانت طيب يامحمد
ورمضان كريم:)

نهــــــــــار يقول...

السلام عليكم ..
مبارك عليكم الشهر أخي....
وجزيت خيرا على هذا الطرح المميز دوما ......
أسلوبك البسيط السلسل دوما ما يدخلنا بأجواء جميله وممتعه ...
........
صم رمضان كآخر رمضان ....
يالفعل يجب أن نضعها نصب أعيننا ....
....
في أمان الله

ســـــــهــــــــــر يقول...

رمضان كريم
صحيح بتمر ايامه بسرعه لكن بييجى بخير كتير
ربنا يكرمنا و ننول من خيره الكثير من الحسنات و نكتب من عتقائه

كل سنه و انت و كل اللى تحبهم بالف حير

WhItE HeArT يقول...

بجد كل سنة وحضرتك طيب ورمضان كريم

وحشتني اوي بوستاتك بجد واسف على غيابي

تحياتي

قوس قزح يقول...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

عاشقة الأحزان يقول...

كل سنه وانت طيب
رمضان كريم

ادعوك لزيارة مدونتى التانيه

مودتى
ايناس

http://nosaelnosakwanosa.blogspot.com/

عمرو يقول...

كل سنه و أنت طيب ربنا يبارك فيك و يتقبل منال جميعا صيامنا و قيامنا ..
تقبل تحياتى و تقديرى ..

طـــائر الليــــل الحـــــزين يقول...

ايه يا قمر
جيت اقولك كل سنة وانت طيب
زربنا يجعل ايامك كلها خير وحب وسعاده عليك انت وكل اللى بيحبوك

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
زتدبر معانيه وفهم علي النحو الصحيح
ورطب ألسنتنا بذكر يا الله

الربان يقول...

كل سنه و انت طيب و بالف خير...و اشكرك لسؤالك عني جزاك الله كل خير.

مبروك قدوم رمضان نسأل الله ان نكون من المقبولين فيه...و ان نكون من عتقائه من النار في هذا الشهر...


كل سنه و انت طيب اخي العزيز محمد

همس الاحباب يقول...

كل سنة وانتم بخير

ورمضان كريم
شاركوا معنا فى الخير و الفطار

http://kouskoza7.blogspot.com/

http://bekyaforsale.blogspot.com
/

http://hams07.blogspot.com/

إبن مصر يقول...

السلام عليكم

كل عام وانت الى الله طائع والى النبى تابع والى الأمه نافع
كل عام وانت بكل خير


رمضان كريم

اقدم عاصمه فى الحب يقول...

السلام عليكم

كل سنه وانت طيب يا كبير
الله يجازيك خير عنا
انا بجد استفادت كتير من الموضوع ده
شكرا اوى يا محمد
.
يا رب يرزقك بالصحه والستر
قول آمين
.
مودتى :)

هديـــل الـروح يقول...

كل عام وأنتم بخير ..يارب رمضان هذا العام يكون بجد أحلى من أى رمضان فات ونحاول نتقرب لربنا فيه بأجمل الطاعات

Angel يقول...


السلام عليكم ورحمة الله وبركاته

أخي محمد

كل عام وأنت بخير
وربنا يعيده عليك وعلى أسرتك الكريمة بكل خير وصحة وعادة يارب

ورمضان كريم

ملحوظة :
إن شاء الله هكون
طول شهر رمضان في مدونتي التانية
شذى الإسلام


تقبل مروري بعد طول غياب ..

أختك

╗╦═════════════╦╔
█▓▒░◄(Angel Love)►░▒▓█
╝╩═════════════╩╚



اسماء واحلام فى وجدانى يقول...

اخى الحبيب كل سنة وانت طيب

كل سنة وانت الى الله اقرب

رمضان كريم

smilyrose يقول...

السلام عليكم

اخبارك يامن تقول اننى نسيتك

وهل ينسى القلب اخوانه واحبائبة

قد يكون التعب ابعدنى عن كثيرين ممن

احبهم ولكن قلبى ليس عنهم بعيد

كل عام وانت بخير ورمضان كريم

واكرمنا الله واركمك بثواب هذا الشهر

الكريم يارب وحقق لك كل احلامك

اللهم آمين

من غير عنـــوان يقول...

تقبل الله منا ومنكم
وفتح الله عليك
وأسعدك

شموسة يقول...

جزاك الله كل خير علي المجهود الجميل ده
وكــل سنه وأنت بكل خير
رمضـــــ كـــريم ـــــان
أعاده الله علي بالخير والبركات

تقبل مرورى
تحياتي

بـسـمـــة صـــــلاح يقول...

مش المفروض أكون أنا اول كومنت ^_*
وااااااااااااااااااااااااااااااااااااء
وااااااااااااااااااااااااااء
دا ظلم بأه
هيه بس

هعمل ايه في حظي

البوست جميل من كل ناحية بجد
واسلوبك تحفه وبيعجبني

كل سنة وانت طيب يامودي

**رمضــ كريم ــان**
دمت بود
تحيـــ بسومةــاتي(:

العصفورة يقول...

السلام عليكم
كل عام وحضرتك والأمة الإسلامية آجمعين بكل خير
ورمضان كريم
خالص تقديرى
ومعذرة ع التأخير

كيــــــــــــارا يقول...

كل سنة وانت طيب ومش هنساك في الدعوه :)

”*°•.˜”*°•..سونه..•°*”˜.•°*”˜ يقول...

السلام عليكم
كل سنه وانت طيب وبصحه وسعاده وطاعه يارب
والله بجد كلامك مؤثر ويدخل قلب كل مسلم
يدخل عليه السعاده وحب الامان والقيام بطاعه بكل حب
جزاك الله كل خير واكيد ان شاء الله ليك دعاء عند الفطار
ربنا يتقبل دعاء وصوم كل مسلم يارب
تحياتى ليك
اختك (سونه) .

kochia يقول...

كل سنة وانت طيب
وربنا يتقبل منك كل خير ان شاء الله
ويغفرلك كل زلة وهفوة وصغيرة

موضوع رائع كالعادة

سلام

فشكووول يقول...

ازيك يا محمد

كل سنه وانت طيب

الحمد لله النت رجع عندى والآشيه بقت معدن بس هو صحيح تقيل قوى والامر بياخد حوالى ربع ساعه لكن احنا كنا فين وبقينا فين

رمضان كريم وكل عام وانت بخير

البت ايناس دى فاضيه تحتل المدونات وخلاص وانا مفروس منها

تحياتى

محمود ابوالعزم يقول...

تسلم ايدك
أفكارك جميلبة جدا
انا كمان عندي مشروع صغير اتمنى تشاركني فيه على مدونتي المتواضعه

ملحوظة
انا حاسس اننا نعرف بعض

Aaya يقول...

السلام عليكم ورحمة الله وبركاته

كل عام وأنت بخير

ورمضان كريم علينا وعليكم بإذن الله

أختك في الله : آية