dupport me

الخميس، 25 نوفمبر، 2010

طلب من اخوانى المدونين

الفكر والثقافة محتاجين دايما تدعيم ومن أوجه التدعيم دى اللقاءات الثقافية وده تقريبا منعدم فى الأقاليم يمكن فى القاهرة غلى حد ما موجود
لكن فى الأقاليم منعدم تماما . الشباب بدأ يفكر ويشتغل وعملوا اول صالون ثقافى فى طنطا من سنه تقريبا وظيف ثابت فى معظم لقاءاته الدكتور أحمد خالد توفيق وغيره من الكتاب ، وحاليا بيتعمل صالون فى الزقازيق وهيبدأ خلال أيام..
دلوقتى عايز أعمل صالون ادبى ثقافى فى بنها فياريت ياجماعة (

لو فى حد هنا من بنها او قويسنا يعرفنى عايزين نعمل صالون ثقافى فى بنها الى متحمس للفكرة ياريت نقول لبعض عشان نجمع اكبر عدد ممكن .
فى انتظار تفاعلكم



هناك 9 تعليقات:

خواطر شابة يقول...

تمنياتي بالتوفيق

Qatarat Nada يقول...

هو الوحيد اللي اعرفه من بنها هو
محمد صاحب مدونة هعزف لنفسي بس المدونة مغلقة حاليا بقالها بتاع سنة الا شهر كدا
عموما ربنا يوفقكم دايما
لو عرفت اى جديد حقولك يا كبير :)
انا في الخدمة بردك ^^

كلمات من نور يقول...

عقبال اسكندرية كده يا غالي

ربي يوفقك لما يحب ويرضى

د.آيه يقول...

دي فكرة حلوة أوى ..
و يا ريت حضرتك تبقي لو تعرف تفاصيل الأماكن التانية أو أى حاجة تبقي تقولنا

و ربنا يوفقكم

Qatarat Nada يقول...

اه صحيح
هو ليه دايما بورسعيد بره الخطة ؟؟؟
ياخوفي لتكون اتشالت من ع الخريطة وانا مش واخدة بالي

شمس النهار يقول...

فكره جميلة
ياريت الصالونات الفكريه دي ترجع تاني في كل مكان

بس ياريت لما تتعمل تستمر ونتعلم نسمع الراي والراي الاخر ونحترم بعض

وماتتقلبش ساحات للتراشق والشلل

تمنياتي لكم بالتوفيق

اقدم عاصمه فى الحب يقول...

حلوه الحكايه دى اوى :)
عيش يا باشا
ما هو كل واحد له وظيفه واحده فى الدنيا بيتقنها اوى
اتقن يا اديب اتقن
ربنا معاك ويثبتك على الحق وينولك اللى فيه ليك الخير :)

نهــــــــــار يقول...

السلام عليكم...
نسأل الله أن يوفقكم أخي في ما يحب ويرضاه
..
كل التوفيق
في حفظ الله

الكاتب محب روفائيل يقول...

اه ، وطالماكل واحد جاب سيرة بلده ، يبقى مفيش مفر أنى أجيب سيرة بلدى :)
يا سادة أنا من أسيوط ، ولغاية دلوقتى مشفتش ولا مؤتمر بيتعمل فيها ، علشان كده يا ريت المرة الجاية تكون أسيوط ،
وكمان المدونين الاسايطة ماليين الدنيا هنا
ها قلتوا أيه ؟
محدش رفع أيده ؟
يبقى موافقة :))