dupport me

الأحد، 21 ديسمبر، 2008

الشمعة

إن الناظر لأمتنا الإسلامية والعربية يلتمس ما وصلنا إليه من تراجع وتخاذل وأننا قد أصبحنا فى أخر ركب الحضارات
بعدما كنا سادة للأمم . لذا بدلا من أن نلعن الظلام نضىء شمعة والشمعة التى أقصدها هنا هم الشباب نعم فالشباب كانوا
ولا زالوا العمود الفقرى لأى أمة فى التاريخ.
فشبابنا يعانون من حرب ضروس من الغرب والعلمانية. بدأت هذه الحرب منذ مئات السنين بدأت واضحة عندما أرادو إستعادة بلاد الأندلس من المسلمين فأرسلوا جاسوسا لهم إلى بلاد الأندلس ليعلموا هل حان الوقت للغزو أم لا فذهب الجاسوس فأول ما قابل قابل شاب على صخرة يبكى
فقال له ما يبكيك؟ قال أبكى لأن صاحبى يصيب هدفين بسهم واحد وأنا اصيب هدف بسهم فعاد الجاسوس إليهم وقال لهم لم يحن الوقت بعد لغزو بلاد الأندلس ففكر الغرب جيدا كيف يكون لهم النصر فعلموا وتأكدوا أن هذا لن يكون غلا بضرب العمود الفقرى وهو الشباب ثم أخذو فى الكيد للشباب وبعد مرور بضع سنوات أرسلوا جاسوسا أخر فأول ما قابل قابل شاب يبكى فسأله ما يبكيك؟ قال أبكى لأن حبيبتى تركتنى ولم تأتى فى موعدها. فعاد الجاسوس وقال لهم الأن الأن حان وقت الغزو. وقد كان ما كان وأصبحت بلاد الأندلس لهم.
بدأت تلك الحرب فى العهد الحديث حينما صرح وزير خارجية بريطانيا وقال كأس وجارية تفعل بأمة محمد الأفاعيل. ثم توالت الحروب من الإعلام والثقافات العامة والقنوات الأوروبية والسيطرة على عقول الشباب بالجنس والأشياء التافهه ومحاربة الكوادر العقلية أو إستقطابها للعمل معهم ولا زالت الحرب مستمرة.
السؤال الأن رغم تلك الحروب إلى أن الشخصية العربية والمصرية بشكل خاص استمرت تحتفظ بشهامتها ونبل أخلاقها وأخلاق أولاد البلد كما يقولون . فما الذى حدث؟ منذ متى والشباب لا يفكر إلا فى التحرش وتلك الأشياء؟ منذ متى والشباب يفكر فى الحب بالطرق الغير شرعية أو ما يسمونه بالحب المسروق أو القبلات المسروقة؟ منذ متى والشباب يلجأ إلى المخدرات للهروب من الواقع؟ منذ متى والشباب يلجأ إلى السرقة والحجة هى عدم وجود العمل؟ فإن الغاية لا تبرر أبدا الوسيلة . فى الحقيقة هناك تساؤلات كثيرة حول الشباب فى تلك الأيام؟
عندما دخلت إلى هذا العالم الرائع عالم التدوين وجدت شباب يمتلكون العديد من المواهب الرائعة على إختلاف الفكر والإتجاهات .
وبصراحة وبدون أدنى مجاملة إزدت أملا على أملى فى أن النصر قادم وأننا نستطيع أن نفعل الكثير .
كنت أتابع إحدى البرامج الرياضية فوجدت لفته رائعة من الكاتب الرائع إبراهيم حجازى يهنىء جمعية رسالة على المجهود الرائع الذى قامت به الجمعية فى عيد الأضحى وأنهم يعملون بدون مقابل ورغم أنى لاأعلم الكثير عن تلك الجمعية إلا أنه مجهود رائع وشبابها مثال رائع للشباب الجاد وغيرها من الجمعيات التى لا تنتنى إلا حزب أو جهة معينة وإنما تعمل بهدف تغيير أنماط وسلوكيات المجتمع والرقى به فهؤلاء نرفع لهم القبعات. قال تعالى: ( فأما الزبد فيذهب جفاء وأما ما ينفع الناس فيمكث فى الأرض ).
إذا فالشباب هم الشمعة التى تضىء وسط الظلام الأن وحتما لن تنطفىء وحتما ستستنر بإذن الله . سيكون لكل منا دورا فى هذه الحياة سنبذل كل طاقتنا للعودة مرة أخرى سنعمل حتى يعلم الجميع أن الشباب هو طريق العودة وهو الأمل الحالى والقادم .
وأختم بتلك القصة
كان هناك خمس شمعات شمعة الحب وشمعة الخير وشمعة السلام وشمعة السعادة وشمعة الأمل ينيروا ظلام الحجرة جاءت رياح شديدة فأنطفأت شمعة الحب فنظرت إاليها شمعة الخير فى أسى وقالت لم يعد هناك حب إذا فليس هناك خير فأنطفأت من الحزن عليها ثم نظرت إليهما شمعة السلام وقالت لايوجد حب ولا خير إذا لن يكون هناك سلام فأنطفأت هى الأخرى نظرة اليهم شمعة السعادة وقالت لم يعد هناك حب ولا خير ولا سلام هيهات فأين تكون السعادة فأنطفأت هى الأخرى فعندما دخل الطفل ورأى الشمعات الأربع قد انطفأت بكى
فدخل والده وأخذ شمعة الأمل وأشعل الشمعات الأربع مرة أخرى وقال لا تخف ياصغيرى فطالما وجد الأمل يبقى أكيد هيكون فيه حب وخير وسلام وسعادة.
يا شباب أنتم عماد الأمة يا شباب بكم تقام الحضارات يا شباب بكم تختفى صورة الشباب التافه . أنتم الأمل.
هذه تذكرة لنفسى أولا لأنى أول المقصرين؟
بإذن الله هذه أشياء مجملة سنتناولها بالتفصيل فى مدونة جديدة بعنوان نظرة فإنتظروها فى أجازة نصف العام مع الإستمرار فى مدونتى هذه.
دمتم فى حفظ الله


هناك 122 تعليقًا:

كلمة حق .... هويتى اسلامية يقول...

السلام عليكم

أول تعليق

راجع تانى كمان شوية

كلمة حق .... هويتى اسلامية يقول...

السلام عليكم ورحمة الله وبركاته

"كان هناك خمس شمعات شمعة الحب وشمعة الخير وشمعة السلام وشمعة السعادة وشمعة الأمل ينيروا ظلام الحجرة جاءت رياح شديدة فأنطفأت شمعة الحب فنظرت إاليها شمعة الخير فى أسى وقالت لم يعد هناك حب إذا فليس هناك خير فأنطفأت من الحزن عليها ثم نظرت إليهما شمعة السلام وقالت لايوجد حب ولا خير إذا لن يكون هناك سلام فأنطفأت هى الأخرى نظرة اليهم شمعة السعادة وقالت لم يعد هناك حب ولا خير ولا سلام هيهات فأين تكون السعادة فأنطفأت هى الأخرى فعندما دخل الطفل ورأى الشمعات الأربع قد انطفأت بكى
فدخل والده وأخذ شمعة الأمل وأشعل الشمعات الأربع مرة أخرى وقال لا تخف ياصغيرى فطالما وجد الأمل يبقى أكيد هيكون فيه حب وخير وسلام وسعادة."

ما أروعها من كلمات يا محمد
بجد موضوع رائع

ومثال غزو الاندلس هذا من أعظم الامثلة ولقد قالت رئيسة اسرائيل السابقة " لن ينتصر علينا المسلمين إلا إذا كان عددهم فى صلاة الفجر مثل عددهم فى صلاة الجمعة .

أضم صوتى لصوتك وأنا معك فى حملتك هذه لصحوة شباب الامة

أخيك أبو خيرى

سهر الليالي يقول...

طالما وجد الأمل يبقى أكيد هيكون فيه حب وخير وسلام وسعادة.

الامل لازال موجود في شباب امتنا ولكني لا اعلم مايحتاج لكي يفيق
واين الخلل
فالغايه لا تبرر الوسيله
فاجد الطريق السئ هو طريق الشباب والسبب ظروف الحياه
ظروف الحياه !!!!!
نحن من نصنع الظروف
ونستطيع التغلب عليها
كيف نريد حلول والجميع في سبات
الامه تحتاجنا ونحن ننظر فقط!!!!
وكثر الكلام ولكن اين الفعل؟
محمد بجد بشكرك وبحييك علي ندائك لشباب الامه
اتمني يزول صمت الجيل
وبجد البوست رائع
وعجبتني جدا القصه اللي في الاخر
ومستنين البلج الجديد

تحياتي
فراشه الشتاء

طوبة ذهب وطوبة فضة يقول...

جميل اوى الموضوع وفعلا الشباب كله محتاج الروح اللى كلها امل محتاج اعاده لبناء نفسه واستعاده ما فاته فنحن نبكى على اتفه الاشياء وننسى جواهر الاشياء واما جمعيه رساله فهى جمعيه خيريه رائعه ظهرت فى الفتره الاخير وانتشرت بشكل سريع وكبير وهو ما يعطينا كل الامل ان الشباب مازال بخير ومصر ايضا مازالت بخير ونسئل الله ان ييسر امتحاناتك وتنهيهها على خير باذن الله

mohamed ghalia يقول...

كلمة حق
أخى الحبيب الغالى
أشكرك من كل قلبى على كلامتك الرقيقة
حقا البداية من صلاة الفجر
فهى بداية النصر
أعدائنا علموا ونحن لم نعلم
دمت بكل الود
دعواتك

mohamed ghalia يقول...

سهر الليالى
نعم طالما وجد الأمل فكل شىء مستطاع
لا اعلم بماذا أرد على كلماتك الرقيقة والرائعة
هى محاولة ولن تكتمل إلا بمساندتكم
أرجو من الله أن أوفق فى المدونة الجديدة
دمتى بكل الود
دعواتك

mohamed ghalia يقول...

طوبة ذهب وطوبة فضة
اللهم يسر امورنا واشرح صدورنا
سعيد جدا بدعواتك الكريمة لى
دمتى فى حفظ الله وأمنه

الايــــــــــام يقول...

السلام عليكم ورحمة الله وبركاته

mohamed ghalia

موضوع رائع و في غاية الاهمية

اكيد مازل هناك الامل في شبابنا لولا وجود فسحه من الأمل ....لما وجدنا حتى الان
فنحن من نصنع الامل لانه حينما تتوفر الارادة تتوفر الوسيلة
أتمنى أن يساعدنا أملنا لنتم رسم مستقبل امتناالذي كنا وما زلنا نتمناه والقادم سيكون أفضل ان شاء الله

تمنياتي لك بالتوفيق ان شاء الله في امتحاناتك وفي المدونه الجديده بحول الله


ادام الله عليك السعاده والنجاح

مني لك أرق تحية

zainab يقول...

بارك الله فيك
ربنا يهدينا
ويهدى جميع شباب المسلمين

اسماء يقول...

سلام عليكم
تحية كبيرة لك يا محمد على الموضوع بجد رائع اللغة العربية الفصحى كانت سلسة وبسيطة بس حسيت انه في البداية الاسلوب توجيهي اوي وبعد كده الامور بقت كويسة
طبعا زي كل مرة الاستشهادات والامثلة والقصص اللي بتجيبها راااااااااائعة
الخمس شمعات دي قصة اول مرة اسمعها
بس تعرف المهم فيها مش شمعة الامل؟!!
المهم هو الشخص اللي اضاء الشموع بالامل
فعلا المفروض نفوق من اللي احنا فيه ونعرف ايه المطلوب مننا بالظبط
ربنا يوفقك في الامتحانات ان شاء الله

خديجة عبدالله يقول...

أول زيارة لى لتلك المدونة الرائعة تقبل الله منك أخى الكريم وزادكم الله علما وفهما

فعلا احنا كشباب الأمل .. تلك الكلمات نحتاجها دوما جزاك الله خيرا على التذكرة وربنا يعينك ويقدرلك الخير

ومبرووك مقدما المدونة الجديدة وربنا يجعل حجة لك لا عليك

mero-moory يقول...

السلام عليكم و رحمة الله و بركاته

اثيك يا محمد يارب تكون بخير

أحلى ما في مدونتك وبيخليني مدمنه دخولها اشراقة الامل والسعادة الي بتعطيلنا ولو ثواني نحسس انفسنا واحوالنا بيها عشان موش نيأس

موضوعك جميل ومهم جدا ولو اني بمود يسمح بالكتابة كنت رديت على كل جزء فيه
لكن احلى ما ريحني شوية بموضوعك
شمعة الامل اللي بقصتك لأني محتاجاها ولقيتني بسأل نفسي سؤال
الولد لما بكي لقى والده اللي شعلها له
ياترى شمعة الامل دي مين اللي هيشعلها طالما انه موش انا .. (وث حزين خالث)

افرجها من عندك يارب

بجد ميرسي على الموضوع يا محمد وربنا معاك في امتحاناتك وان اء الله موفق

في رعاية الله

الفارس الملثم يقول...

اكيد يا محمد في امل في الشباب مهما ظهر علي السطح من سلوكيات لا تتفق مع ديننا وقيمنا .....

وزي مانت قلت في بعض النماذج اللي بتؤكد وجود الخير في شباب هذه الامه

ربنا ان شاء الله يوفقك في الامتحانات وبوست مميز اوي كما تعودنا منك

تحياتي

أحمد سعيد بسيوني يقول...

بسم الله

جميل جدا وعجبني جدا مثال الأمل الأخير

ذكرني بقول رسول الله
نصرني الشباب وخذلني الشيوخ

والشباب هم أمل هذه الأمة

الله المستعان

TiMmY يقول...


السلام عليكم و رحمة الله و بركاته ..

و ربنا يوفقك في الامتحانات يا محمد ..

أنتم اللاحقون و نحن السابقون :)

بالنسبة للموضوع فأنا لي وجهة نظر مختلفة شوية ..

هي عدم تقسيم الشباب إلى فئة محترمة و فعالة و فئة قليلة الأدب و " عواطلية " ..

إنما كلا الخير و الشر يوجدان في الشخص نفسه ..

يعني ممكن تلاقي اللي شغال في رسالة و فعال و محترم ده , جت عليه فترة بقى " مستبيع " و يائس و محبط و قليل الأدب و ...

يعني , الناس حبة فوق و حبة تحت .. الفرد الواحد ممكن يبقى شوية كده و شوية كده ..

علشان كده المفروض ما نركزش على الطائفة " المحترمة " حاليا و نحاول نعتني بيها لوحدها , لكن نعتني بيها بجانب محاولة تنمية الخير المختف في غياهب الفئة الأخرى , لأن مافيش شر محض في البشر .. متهيأ لي يعني :)

معلش طولت عليك ..

و ربنا معاك

smilyrose يقول...

اخى العزيز محمد

اولا يا شمعة السعادة فى التدوين

وفقك الله فى امتحاناتك وندعو الله ان

يجزيك خيرا وان تكون من المتفوقين

وندعو الله لك ولكل اخواننا واخواتنا

الممتجنين لأننا مررنا بتلك الايام

ونعلم كم هى صعبة ربنا يوفقك

اما عن تلك الشمعه فبيدك ويد كل شاب

يبحث عن طريق الامل الوصول اليها

بالعلم والفكر وقبلهما طاعة الله

عز وجل وفقك الله

اختك

smilyrose

روح الحب الصادق

هانى زينهم يقول...

الله عليك يا عم محمد ؟؟
نفسى اعرف بتجيب كم التفاؤل ده منين ؟؟ ومن اى معين لا ينضب تأتى بمفرداتك ؟؟
ومن اى عهد فى القرى تتدفق ؟؟
معلش الجلالة خدتنى شوية !!
جميل البوست يا محمد كعادتك دايما جميل ومتفائل وعندك امل وعمر وعادل وسعاد كمان ..
بس نفسى تحتفظ بالبوست ده لبعد ما تتخرج بسنتين تلاتة كدة ونشوف هيفضل رأيك زى ما هو ولا هتضم وتحاذى علينا ؟؟!!

~*§¦§ Appy §¦§*~ يقول...

ساعات بفرح بكلامك وفى نفس الوقت بتضايقنى عارف علشان بتجيب الصورة وعكسها نفسى تبقى الصورة بس مش عكسها محمد الضغط اللى الناس فيه بيعمل اكتر من كده

SemSem يقول...

كلامك جمييييييل اوى يامحمد ماشاء الله على التفائل

ربنا يوفقك فى امتحاناتك باذن الله

تحياتى

mohamed ghalia يقول...

الايــــــــــام
نعم الأمل لازال موجود والقادم أحلى بإذن الله
سعدت بزيارتك دمتى بكل الود
------------------------------------
zainab
سعيد بتشريفك بالزيارة
دمتى بكل الود
فى حفظ الله
-------------------------------------
أسماء
صحفيتنا الكبيرة
سعيد بتشريفك للمدونة
وبالتوفيق لينا كلنا إننا نقدر نعمل حاجة
دمتى بكل الود
فى حفظ الله
دعواتك
----------------------------------
خديجة عبدالله
شاكر لكى كلماتك الرقيقة ودعواتك
دمتى بكل الود
سعيد بزيارتك الأولى
فى حفظ الله
----------------------------------
mero-moory
وعليكم السلام ورحمة الله وبركاته
ياهلا ياهلا
الحمد لله تمام
طيب أنا مستنى تردى على الجزء الى تقصديه
إن شاء الله إحنا الى نشعل الشمعة دايما
دمتى بكل الود
فى حفظ الله
دعواتك
---------------------------------
الفارس الملثم
نعم أخى الحبيب فالخير فى الأمة إلى يوم القيامة
دمت بكل الود
فى حفظ الله
----------------------------------
أحمد سعيد بسيوني
أخى العزيز
سعيد بتشريفك الدائم لمدونتى
ويارب تكون خلصت الطلقات الثلاث
دمت بكل الود
فى حفظ الله
وبطل ضرب رصاص بقى ههههههههههه
----------------------------------
TiMmY
أخى الحبيب لم يكون هناك أى تقسيمه للشباب
ففى كل خير
وإنما هى وصف أفعال بالتافهه
دمت بكل الود
دعواتك ديما
----------------------------------
smilyrose
أقلك ايه بس
بجد كلامك لمس قلبى قوى ودايما والله كده
لإنى بحس انى دايما كلامك خارج من قلبك
دعواتك دايما
دمتى بكل الود
فى حفظ الله
--------------------------------
هانى زينهم
حبيب قلبى وحشنى والله
وبعدين هو ده يجى حاجة جنب كلامك
هحاول متغيرش بعد الى يقابلنى فى الحياة
بس أنا هشيل هم المستقبل ليه من دلوقتى
ربك بيرزق
دمت بكل الود
هحتاج أرائك الرائعة فى مواضيع المدونة الجديدة ياريت تكون جنبى المدونة دى مش هتنجح غير بيكم بعد توفيق ربنا طبعا
فى حفظ الله
---------------------------------
~*§¦§ Appy §¦§*~
إنتى أكيد بتقرأى لحد تانى مش ليا أنا
أنا عمرى متكلمت عن نظرتين
دايما بتكلم من جانب التفاؤل
حتى فى أحيان بنسى سلبيات الحاجة الى بتكلم فيها
على العموم دايما بتسعدنى زيارتك وتعليقاتك والله
دعواتك دايما
دمتى بكل الود
فى حفظ الله
----------------------------------
SemSem
حبيب قلبى منورنى
أنا عارف إنى مقصر معاك بس سامحنى
سعيد بزيارتك
دعواتك
دمت بكل الود

حسن حنفى يقول...

يارب يوفقك في الامتحانات يارب


دمت برعايه الله

«۩ AhMeD 3LaM۩» يقول...

انا بس جاي امسي علي الباشا الكبير بتاعنا الي بحبه زي اخويه
تعرف انك من ضمن ناس قليله قوي الي بقرئلهم بتأني واستمتاع
ربنا يكرمك يامحمد ولا اقولك يا استاذ محمد عشان كلامك بجد فيه أستذه
حفظك الله ودمت بود

صفـــــــاء يقول...

.
الامل أصبح ضعيف يا محمد

ضعيف جدا لدرجه انه صعب تلاحظه

نفسنا كلنا فى مصر احلى واجمل بس الفرص مخنوقه ومحدودة
وتحس ان اللى موجود مش عاوز شاب واحد يعمل شئ كويس عشان ميأثرش على شكله هو الوحش
بس الامل برضه لسه فعلا له شمعه

ربنا معاك فى الامتحانات ويوفقك
ويرزقك بلجنه حلوة ومراقب اعمى
.

mostafa rayan يقول...

بص يا محمد انت اكيدعارف ان الشباب مظوم وعليه ضغط كبير
ودة اللي بيخليه يعمل حاجات مش متوقعةابدا منه
لكن طبعا طول مافيه شباب كويس هيكون في امل ان الأحوال تتصلح
بس احنا مشكلتنا اننا بنتكلم كتير ومش بنفذ غير قليل لو بدأنا نشتغل بجد ربناهيكرمنا وهنعدي
دمت بخير يااخي

Wish I were a Butterfly ... يقول...

أكيد فيه جانب تقصير مننا، لكن أكيد فيه ظروف تانية كتير أوي بتخلي الوضع يوصل للإحباط اللي الناس فيه دة

بس أكيد هيفضل الأمل، و أكيد لو فيه شباب لسة جواها إنها عايزة تصلح بلدها و مجتمعها و تعز دينها يبقى طبيعي هييجي اليوم اللي هتظهر فيه ثمرات الإصلاح اللي هم بيحاولوا يوصلوله دة

موضوعك جميل أوي و تناولته بطريقة مميزة ماشاء الله.
مدونتك دايما باعث للأمل و السعادة:). بس يارب نعرف نطبق كلامها

ربــنا يعينك في امتحاناتك إن شاء الله. ذاكركويس و انسى المدونات شوية :)

انسانةعادية فى عالم مش عادى يقول...

السلام عليكم ورحمة الله وبركاته
بوست اكثر من رائع دايما بيعجبنى اي بوست بتكتبه لانه بجد فى امل وتفاؤل
اكيد الامل موجود واكيد لسه فى شباب فيهم الخير واحنا علينا نرجع الخير للناس اللى فقدته

انسانةعادية فى عالم مش عادى يقول...

صحيح ربنا يوفقك فى الامتحانات ياااااااااااااااارب

الازهرى يقول...

الاخ الحبيب محمد

يبدوا اننا جميعا نبحث حول نفس النقطة
ونفس الملاحظات

ولكن الامل بدون يد تمسك به وتنهض اتنير به الطريق سيذى ويزول ولا يبقى سوى الظلام

تحياتى دوما

لحظة تأمل يقول...

الغاية لا تبرر الوسيلة
حقا فلا شئ يبرر ما يحدث الان

ولكن لكى لا نظلم احد .. هناك الكثير من الاسباب لما وصلنا اليه

ولكنى اتفق معك ان الشباب هم العمود الفقرى لنهوض اى امة فعلا
ومادامت شمعة الامل موجودة وتستطيع ان تنير باقى الشموع الاخرى فمازال الامل موجود فيهم وبهم

تحياتى على كلماتك الرائعة
وساعتبرها تذكرة لنفسى انا ايضا

ربنا يوفقك ان شاء الله فى امتحاناتك
دمت بكل خير ونجاح

همس الاحباب يقول...

بوست فى الجوون يا محمد
بجد كلامك هزنى قوى قوى
وحسيت انه فعلا فيه امل فى شبابنا
وقصة الشمعات الخمس مثال رائع جدا جدا
تسلم ايديك يا باشا
وربنا يوفقك فى الترم
وشد حيلك وربنا معاك ودعواتنا ليك بالنجاح والتوفيق
تحياتى

جمعاوي صاحب "عيادة أسنان" يقول...

السلام عليكم حبيبى
بجد بوست رائع وجميل جدااااااا كما تعودنا منك وموضوع جميل اوى اللى بتتكلم فيه ده جزاك الله كل خير

وكلمة لكل شاب ..."قول الف لأ ولو بصوت الأها ..وبدل ما تلعن ضلمتك ايد نوووووووور"
وربنا يوفقك فى امتحاناتك ويلا سلام

esraa يقول...

ربنا معاك ويوفقك في الامتحانات

انا بحب قصة الشمعات أوي
ومؤمنه بيها جدا

(:

طـــائر الليــــل الحـــــزين يقول...

الله عليك يا محمد
بجد من كتر حزنى على ما اصاب امة الاسلام مقدرتش امنع نفسى من الدموع
مش ممكن يكونوا هما دول شبابنا
شباب المسلمين وغير المسلمين
ومش عارفة ايه اللى حصل وايه بدل الحال
وكل ما تيجى تتكلم مع حد وتنصحه
فعلا على رأيك يتحجج بالعمل
وان مفيش اى فرص مناسبة له
----------
وبجد تشبيهاتك للحب والخير والسعاده والامل والسلام بالشموع اللى انطفت
كان جميل جداااا
ابدعت فيه
وبجد هنفتقدك جداااا الفترة اللى هتغيب فيها
وترجع بسرعة وبألف سلامة
وتكون نتيجة كويسة بأذن الله
تحياااااااااتى يا اروع واجمل المدونيين

princess يقول...

هاى
جزاك الله خيرا على البوست
الشباب هما امل اى امة وزى ما فى شباب مورهاش حاجة غير الخروج والاصحاب وبس
فى شباب زى شباب رسالة كده حياتهم واخدة شكل تانى
الامل لسه موجود
تحياتى

princess يقول...

صحيح
ربنا معاك فى الامتحانات ان شاء الله

موناليزا يقول...

ماشاء الله عليك ربنا يعزك بالاسلام ويعز الاسلام بيك
نعم اخى الكريم مازال الامل موجود

ربنا يوفقك وينجحك
عايزين تقدير محترم:)

سميرة يقول...

محمد
احييك ع الموضوع الجاد والهام جداااا

اعجبتني قصة الامل بجد
الامل هو البداية اكيد

ربنا معاك وركز بقى علشان دي اخر سنة

انا برضه عندي امتحانات بس المرة دي كمدرسة...

على فكرة اول مرة اشوف صورتك
التغيير مهم
دعواتي ليك
تقبل مروري

ABOALI يقول...

الشموع كتيرة
تنتظر من يحملها
فاءن حملها الجاهل كانت طريق الظلام تنير له
واءن حملها من عرف مهمته فى الحياه
كانت له العنوان والدليل فى الطريق
الكل يجمع حوله الهموم والاحزان
فكن انت اول من يبشر بالخير والسرور
الكل يقول اين القدوه؟
فكن انت البدايه فى طريق الاقتداء
الكل يشكو ضنك الحياه
فكن انت من الميسرين فهناك الرازق
الكل يشكو من قلة المال والحيرة صباحا ومساء"
فكن انت المجتهد الواثق فى خالقه
الكل يبحث عن البسمة
فكن انت الروح لها


المهم هو البدايه
فهيا نبدء جمعيا" لنكون اشعة النور
تحياتى يا محمد على بوستك الرائع
ولا تقلق من الامتحانات
فالثقة
و علو الهمة
والتركيز
حتما تكون النتيجة معهم التفوق
ان شاء الله تنال اعلى الدرجات دنيا واخرة

تحياتى

enjy يقول...

ربنا معاك ويوفقك فى امتحاناتك

مولان يقول...

يا شباب أنتم عماد الأمة يا شباب بكم تقام الحضارات يا شباب بكم تختفى صورة الشباب التافه . أنتم الأمل.

*********

جميله التذكره دي

وربنا معاك في الامتحااااانات

ركز والموضوع بسيط ان شاء الله شكه دبوس

«۩ AhMeD 3LaM۩» يقول...

والله انا كنت فقدت الامل نهائيا
حتي فقدت الامل في نفسي ان اكون انسان حقيقي بمعني الكلمه
ربنا يسترها علينا ومعانا والله العظيم تلت اربع الشباب مظلوم جدا مفيش مكان الا وفيه الغلط قاعد ليه مستناه
ممكن نبعد عنه في وقت بس صدقني اكتر الاوقات بنقرب للغلط وحتي لو كان بأيدينا الرجوع بنكون في وقت لا تجدي الدموع ونكون خلاص حبينا الغلط وبنعمله عن قصد ربنا يسترها علينا

بجدربنا يوفقك في دراستك
ويكرمني معاك عشان امتحنات التيرم ع الابواب عااااا

بستان الحب يقول...

ابنى محمد صدقت عندما اتحدث الى شباب مثلك او اقرا لهم اشعر بالعزه والفخر والامل فى ان امتنا ستنهض بامثالكم ابنائى ثبتكم الله يا اتباع رسول الله

maha zein يقول...

ناجح يا ابني ناجح
انت ذات نفسك يا محمد
صورة من الشباب اللى بيقدم حاجة كويسة وليها قيمة
يعني مش شاب تعبان ولا هايف
لا كلامك ليه مضمون وهدف
ربنا ينجحك ويعزك يا رب
شد حيلك

آدم الصالحي يقول...

أخي العزيز؛
اكرر شكري مرة أخرى و لو يسمح لي المدونون المصريون ان أتمنى عليهم ان يضعوا لوغو التدوينة البيضاء منذ الآن لأن ذلك سيكون بمثابة الاشهار للحملة وهو ما سيزيد من عدد المشاركين انشاء الله؛ كما ان كل تدوينة تدعو الى المشاركة سيكون مرحبا بها
تحياتي و شكرا لكم

فلسطينية الهوى يقول...

ربنا يوفقك في امتحاناتك

الربان يقول...

تحياتي اخي العزيز

نعم الشباب هم الامل...و هم عماد الامة
و لكن علي الشباب ان يكون واعياً و متعلم و مكتسب للخبرات...لا يكتفي بما يتم تلقينه له في التعليم بل يسعي جاهدا الي الاستزادة و الاستفادة...و الشبكة العنكبوتية قربت المعلومات و الخبرات الي الجميع.

تحياتي و تقديري

wafaa يقول...

جميلة الحدوتة الاخيرة
ليت املنا يسطع بقوة تضىء الحب والسلام والخير والسعادة
ربنا يوفقك

رؤية يقول...

طاليوجد من هم مثلك فشمعة الامل موجودة
لكن السؤال من ذا الذى يحمل شمعة الامل ليضىء بها سائر الشموع؟!!

عموما مشوار الالف ميل يبدا بخطوة،
وابدا بنفسك اولا
لا بد من رفع الايدى قائلين( وانا اريد التغيير) لذلك
اضم يدى ليدك
وباذن الله غدا افضل

اشكك على المبادرة
وربنا يوفقك فى الامتحانات

تحياتى لك

dramaqueen يقول...

تسلم ايدك على كل كلمة كتبتها يا محمد
فكرتنى زمان بمقدمة الاذاعة المدرسية
بسم الامل
ومادام الامل من الحياة فبسم الحياة
ومادامت الحياة من عند الله
فبسم الله الرحمن الرحيم
محتاجين دايما نكون مع ربنا واحنا بنعمل اى حاجة نفكر هل ربنا هيبقى مبسوط باللى بنعمله ولا لأ
اكيد بالشكل دة هنبقى احسن


تقبل مرورى

صحيح عندى سؤال
ازاى اعمل القائمة بتاعة احسن ناس انها تجيب لى اخر البوستات اللى اتكتبت وميعادها لانى حاولت اعملها ومش عرفت

سلام

Nabil يقول...

السلام عليكم........

الموضوع حلو وهدفك منه واضح ووصل لنا..

بس عندى كلمه..

قصة الشاب الاندلسى دى انا عارف انها معبره وبتوصل فكرتك بس ياريت تكون ذكرتها على لاساس ده فقط لانها لا اساس لها من الصحه.انا مش معترض على فكرتها بس ما احبش ان قصص تتناقلها الناس على انها حقيقيه وهى خيال.

تانى مثال على القصص دى القصه اللى تفضل وذكرها "كلمة حق ..هويتى اسلاميه"
يصراحه القصه دى سمعتها من الف واحد بالف شكل واللى يقول رئيسة وزراء اسرائيل واللى يقول رئيس امريكا من وانا طفل بسمعها ويمكن كمان الناس بتسمعها من مئات السنين بروايات مختلفه

متفهمنيش غلط انا مش معترض ابدا على الغرض ن عرض القصتين بس المبالغه الزايده بعض الناس بتعتبرها استخفاف وبيفقدوا الثقه فى الدرس كا ملا.


شكرا على تقبل النقاش.

بجد الموضوع جميل جدا
اطيب تحيه

semsema يقول...

موضوع رائع محمد بوركت
ربنا يهدي شباب المسلمين جميعا
وباذن الله موفق في امتحاناتك ويارب تمر علي خير باذن الله
تحياتي ودعواتي بالتوفيق

Sometimes يقول...

عجبتنى حكاية الشموع اوى

ربنا يوفقك وينجحك
اتطمن التدوين وشه حلو
كنت على طول مقبول ولما دخلت عالم التدوين بقت جيد جدا:D

ان شاء الله خير
وفى انتظار المدونة الجديدة
ربنا يوفقك

حياتي كلها لله يقول...

السلام عليكم

بجد ما شاء الله ربنا يبارك فيك و يجعله في ميزان حسناتك ..

حضرتك أشعلت في شمعة الأمل من جديد ..بعدما كادت أن تنطفأ

فبعدما قرأت هذا البوست الرائع عاد إلي الأمل الذي فقدته بقرائتي لبوستات الكثيرين ...

جزاك الله ووفقك في أمتحاناتك

تحياتي
سلمي

أحاسيس طفل يقول...

نعم نحتاج إلى الأمل لتعود مجاري الأمة الإسلامية كما كانت ..

تحتاج إلى الوقفة الصادقة إلى العزيمة للبناء ..

وسينتصر الحق بإذن الله ..

أخي محمد .. سكبت هاهنا فأبدعت ..

اعذرني على التأخر في الرد نتيجة لإنشغالي بأمور الجامعة قليلا ..

ويسرني أن أكون من أتباع هذه الحملة ..

دمت بخير ..

^_^

رابطة هويتي اسلامية يقول...

السلام عليكم ورحمة الله وبركاته
نرجو الحضور الي حجرة الجلسات يوم الخميس القادم الموافق 25/12/2008
وبذلك لعقد الاجتماع الشهري لأعضاء الرابطة
لا تنسي الحضور في تمام الساعة 8:00 مساءا
مع خالص تمنياتنا بالتوفيق والسداد
ورقة العمل يوم الخميس صباحا

المستنصر بالله يقول...

اكيد موضوع مهم جدا لان الشباب هم اللى بيتعتمد عليهم فى التغير لكن للاسف الشباب مغيب ومحبط واصبح قليل الحيله اصبح كل همه انه ازاى يتجوز ويفتح بيت حتى الامل دة اصبح بالنسبه له شئ بعيد المنال
ودة اللى عاوزة اعداء الامه
ربنا يهدينا جميعا لما يحبه ويرضاه
ويصلح حالنا وحال شباب الامه
بالتوفيق ان شاء الله

تحياتى

kochia يقول...

هو ايه في الاصل اسباب التراجع والتخاذل
هو ده السؤال اللي لازم نعرف اجابته عشان نقدر نمسك شمعة الامل دي وننور بيها باقي الشموع

بس بما ان شمعة الحب اول واحدة انطفت يبقي لازم اول واحدة تنور تاني

يعني لازم نحب الخير لبعض ونخاف علي بعض ونحب بلدنا ونخاف عليها .. بعد كدة العجلة هتدور من جديد

موضوع جميل وحكاية الشمع دي جميلة برده اول مرة اسمعها

تحياتي

yoyo يقول...

ازيك يا محمد

يارب تكون بالف خير

ربنا يعينك ويوفقك فى امتحاناتك يارب و ان شاء الله ربنا مش هيضيع تعبك ابدا

بالنسبة للبوست يا محمد هاقولها تانى وتالت و عاشر والله بيعجبنى فى كتابتك روح الامل والتفاؤل الكتابة بمبدا بشروا ولا تعسروا حتى لو عاوز تقول نصيحة بتقولها بشكل حميمى لدرجة انك تحب الكلام وتستمع بيه مش فى شكل خطابى وامر

موضوع الشمعات دا بالفعل القصة دى جميلة جدا لازم يكون عندنا امل لان بالامل هيتحق الخير و من الخير هيكون فى السلام وم السلام ههتكون السعادة يعنى سلسلة مترابطة مش ينفع نفقد حلقة منها

ربنا يوفقك مرة تانية وان شاء الله تعدى الامتحانات على الف خير
تحياتى
يويو

M.K يقول...

السلام عليكم...
دمت دوما شمعه تضيئ لنا طريق الأمل ...
الله يوفقك في دراستك..
...
في أمان الله..

رندا يقول...

ااتى دائماً الى هنا اقرأ وابتسم امشى فى هدوء
فدائماً اجد عندكـ كل السعادهـ ,, وكل الكلماتــ التى نبحثــ عنها فتلقى علينا بالهدوء والراحة

صديقى

كم أدعوا الله من كل قلبى لك بالنجاح والتوفيق ان شاء الله

لك منى كل الدعواتــ بالتوفيق

اراكـ على كل خير انشاء الله

فى رعاية الله وحفظه

سمكه واحده يقول...

بجد الله عليك
ماشاء الله والله من غير مبالغه بكلامك وانت اللي حسستني ان في امل والله طول ما في شباب ذيك ربنا يحميك ويكرمك يارب
فعلا بالامل والتعاون هنعمل والصعب هيبقي سهل ان شاء الله

كلامك جميل اوي وموضوعك
ربنا يوفقك في درستك ان شاء الله وترجع بالف سلامه
تحياتي
سمكه

منى يقول...

الحمد لله الامل موجود فالله باقى وهو يمنحنا الامل
فقط نعود اليه...
ربنا يوفقك فى الامتحانات وترجع بالف سلامه
تحياتى

Lady E يقول...

بجد كلامك جميل جدا والامل فعلا مهم لحياتنا

ربنا يجزيك خير على مدونتك اللي كل لما بدخلها بحس بسلام نفسي وان الحياة لسه جميلة

وان شاء الله ربنا يوفقك ويوفقنا كلنا في الامتحانات

محمد يقول...

فى أنتظار زياره
محمد
مشاعر وأفكار
شوية كلام

من غير عنـــوان يقول...

العزيز محمد

كلامك موزون ما شاء الله
والشباب هم الأمل
هم غدا

بس عليه دور كبير.. لازم يجاهد نفسه شويه... لازم يعمل اللي عليه.. حاسس بتكاسل من الأغلبيه
والشوية الفاضلين هم بريق الأمل .. مثلك انت وكثير من الشباب هنا...

دعواتي لك بإمتحانات موفقه إن شاء الله

دعاء مواجهات يقول...

جزاك الله خيرا على المحاولات الرائعة فى ايقاظنا جميعا

بجد لمست جوايا نقطة نسيتها مع زحمة الحياة

جزاك الله عنا خيرا

وربنا يعينك وترفع راسنا

وتنجح باعلى تقدير

سلااامى

دينا حامد يقول...

البوست جميل جدا
الامه محتاجة تفوق وتصحى من غفوتها للاسف الحال بقى يحزن بجد وخاصة حال الشباب ربنا يهدي الكل

عجبتني قصة الشمعات جدا واتاثرت بيها ويارب على طول تكون شمعة الامل موجودة

تحياتي

كن جميلا...(عضو رابطة هويتي إسلامية) يقول...

السلام عليكم ورحمة الله وبركاته
أخي و أختي في طريق الله
موعدنا السبت في تمام الساعة الثامنة مساءا
للنقاش المباشر مع عاشقة النقاب في مدونة أخبار المدونين التابعة للرابطة " هويتي إسلامية "
نتمني الحضور الي صفحة التعليقات للرسالة بإسم

نقاش مباشر عاشقة النقاب

وذلك يوم السبت الموافق 27/12/2008 الساعة 8:00 مساءا
سجل بمجرد حضورك رسالة بإسم السلام عليكم ورحمة الله وبركاته
وسيقوم الاخ أبو فاطمة بإعطائك دورك في إلقاء إستفسارك من عاشقة النقاب وذلك ولأول مرة علي المدونات نقاش مباشر كن أول المشاركين
نتوقع منك الحضور والإلتزام بقواعد النقاش
مع تحيات قسم أخبار المدونين رابطة هويتي إسلامية

شمس النهار يقول...

دخلت اسلم عليك وجدت كالعاده موضوع جميل جدا تسلم ايدك
بالنسبه للعمل التطوعي في مصر فافيه نقص كبير من المتطوعيين الشباب
ليه مش عارفه وفي يوم بيتعمل كل سنه اسمه يوم المتطوع العلمي ومابلاقيش الاعلام يظهره مع ان بيكون في احتفال في مصر
جمعية رساله من الجمعيات الناشطه في مصر وشبابها ماشاء الله عليهم من احسن مايكون عليه الشباب
وكذلك جمعية الاورمان وكثير من الجمعيات بس دول اقواهم كمان همه بيعملوا كل حاجه مالهمش تخصص زي 57357
المهم ربنا يوفقك في الامتحانات وترجع مدونتك بالسلامه

قلم رصاص يقول...

السلام عليكم

أشكرك جدا أخ محمد على الموضوع المتميز جدا

انا بحب جدا كل من يتكلم عن الأمل والتفاؤل والتمسك بغد مشرق

بارك الله فيك يا اخي ووفقك في الامتحانات

تقبل مروري مع التحية

ندا منير يقول...

انا برده كنت بقول ان مبقاش فى شباب بيفكروا خالص
لكن دلوقتى بقى عندى امل كبير ان فى شباب ممكن يغيروا مصر
صادفت انى لقيت شباب بنات وولاد فى الجمعيتين اللى مشتركة فيهم
ما شاء الله على دماغهم محتاجين بس يحطوا ايديهم فى ايد بعض ويفركوا صح بعدها ممكن حاجات كتير قوى فى مصر تتغير

رئيس التحرير يقول...

السلام عليكم ورحمه الله وبركاته
محمد ,,,دي صورتك ؟
فيك شبه كبير قوي من احمد ابن أختي ...لدرجه اني متصور انك هو ...ومتنكر.
محمد الغالي...موضوعك بجد اشعل شمعه الامل عندي والحماس ايضا ...بشكرك علي زيارتك دائما وربنا ما يحرمني من حلاوتك يارب.
كمان نفسي تقول للشباب الي بيحب التغير (ان الله لا يغير ما بقوم حتي يغيروا ما بأنفسهم)دمت بخير ووفقك الله في امتحاناتك وقواك ...والسلام عليكم ورحمه الله وبركاته.....

fashkool يقول...

يا بنى السعاده هى راحة البال وراحة النفس .. والشباب اليوم حائر ماذا يفعل والنظريات سهله ولكن التطبيق صعب .. نريد لشبابنا القدوه ولا يجدونها ونحن فى حاجة اليها فلا تيأس

momken يقول...

ماشاء الله

بوست اكثر من رائع
والقصه جميله والمعنى رائع والمغزى فوق الفظيع

ماشاء الله عليك

ربنا يكرمك

تحياتى

ghorBty يقول...

السلام عليكم

ما شاء الله موضوع رائع وجميل

ساعات كتير الواحد من كتر ما بيشوف الامثلة السيئه بيحس بالياس الشديد ويقول خلاص علي الدنيا السلام

بس والله كمان فيه ناس كتير جدا كويسين وعندهم اهداف نبيله وشايلين بجد هم وحال الامه ساعاتها الواحد بيقول فعلا زي ما الرسول قال الخير في امتي الي يوم الدين والامل بيبعث فيه من تاني

بس صوت الباطل هو اللي عالي وظاهر وانا بستغرب جدا زي ما انت بتقول عن عالم التدوين بجد فيه عقول وافكار ما شاء الله عليهم فين عاملنا علي ارض الواقع ليه بس مكتفين بالكلام وبس بستغرب جدا من كدا وماشاء الله معظم المدونين من الملتزمين ولله الحمد هل دا هروب من واقع مش عارفين نصلح فيه فعملنا كدا بس لمجرد اننا نفرغ عن نفسنا بالكلام وهل صوتنا في يوم هيوصل لحد وهيغير في حد اسئله كتير جدا جوا الواحد وربنا يسهل ويسر الحال

وبالنسبه لجميعه رساله بجد مااااااااا شاء الله عليهم انا ولله الحمد مشتركه معاهم وحاجه بجد تفرح والله شباب حابب يعمل خير وكله تطوع واللي بشوفه ان معظم بيكون سنهم صغير في ثانوي او فس كليه بس هو دا الامل اللي احنا عايزينه ربنا ينفع بهم ويثبت خطاهم

وربنا معاك في امتحاناتك وبالتوفيق

ودا دعاء كنت احب اقوله قبل دخول اللجنه

اللهم ادخلني مدخل صدق واخرجني مخرج صدق واجعل لي من لدنك سلطانا نصيرا


دمت بخير وتفوق ان شاء الله

غربتي

nour shahen يقول...

دايما بتختار قصص رائعه يا محمد فعلا وفيها من العبر الكثير بتسعدنا وتقوينا بيها وفى وسطها تعقيبات ليك هايله
ربنا يباركلنا فيك يا رب
وربنا يوفقك ويقويك علي الدراسه والامتحانات من كل قلبى بدعيلك وشد حيلك وارفع رأسنا
ربنا يكرمك بكل الخير يا رب
وغير الشعار بتاع نظره دى الاسم جميل يا محمد لكن العين شكلها يخوف
الله يكرمك حط عين شكلها مفرح كدا فيها لمعان وبريق وهج الأمل مش عين يأئسه كدا كسرتها السنين
دايما موفق يا رب

My Hope$ يقول...

بجد انا مقصرة جامد هنا
وبقايلي كتير مدخلتش

الامل مهم بالذات في الشباب
لانةالجيل اللي طالع


ومبروك مقدما علي المدونة الجديدة

وربنا معاك في الامتحانات
يارب

وفعلا اول امتحانات
بتمر
في المدونة بتقي جميلة جدا
وبتقي عايز كل الناس تحس بيك وانت متوتر
وبتحل
وكدا
ويدعولك
بجد هندعيلك كلنا
من قلبنا

واعذرني لغيابي
عندي حالة
توقف وكئابة شوية

عذار اخي العزيز

سلام

وليد الاسلام (عضو رابطة هويتى اسلامية يقول...

الله اكبر ولله الحمد نعم نكبر لان النصر من عند الله نكبر لاننا ذقنا كاس الذل والهوان نكبر لان بنى جلدتنا خانونا وتامروا علينا نكبر لاننا على ثغر من ثغور الاسلام الله اكر على الظالمين الله اكبر على المحتلين الله اكبر على الذين يحاصروننا الله اكبر على من قتلونا من دمروا مساجدنا فماذا تنظرون الا تفيقون الا تستقيظون الا تفعلون شى لنا متى تفيقون متى متى متى ؟؟؟؟؟؟؟؟؟؟؟؟؟؟؟؟؟؟؟؟
شارك معنا برابطة هويتى اسلامية فى الصد عن اخواننا بغزة الرجاء الدخول على هذا الرابط ونشر الرسالة الموجودة فى مدونتكم
http://hawetyhawety.blogspot.com/2008/12/blog-post_28.html

صامدون رغم الخيانة

الوردة البيضا يقول...

الصديق العزيز محمد غالية
لا أدري من أين تجد في نفسك القدرة النادرة على التمسك بالأمل وسط كل الظلام المفجع الذي يحيط بنا من كل جانب.. أحييك بشدة على ذلك وأتمنى لك التوفيق في مدونتك الجديدة التي سننتظرها جميعا، كما أتمنى لك النجاح والتفوق في امتحاناتك لتعود لنا في أسرع وقت ان شاء الله
خالص تحياتي وعام سعيد عليك ان شاء الله

fashkool يقول...

ازيك يا محمد ياغالى .. دعواتك لاخوانا فى غزه .. تحياتى

كلام على بلاطة يقول...

فى قلوبنا
الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
======================================

كلام على بلاطة يقول...

فى قلوبنا
الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
======================================

انا حرة يقول...

عايزة ارد بس على جزئية من امتى و الشباب مش بيفكر غير فى التحرش و الماتشات و المغنيين و الافلام
من ساعة ما الدين اتحول لقشور و سطحيات و الجوهر بقى حاجة ثانوية جدا

لما نفهم ديننا صح و نقرا فى تاريخ سيد الخلق و الصحابة و مواقفهم و نبطل نركز على طول البنطلون و لون النقاب و كأن الدين اتحول من اسلوب و دستور للحياة لمجرد لبس و مظهر

ساعتها هينفع نتكلم عن تصرفات و ايجابية..قبل كده مش هيحصل

يوميات نائمة في الأرياف يقول...

السلام عليكم
يارب يا محمد ربنا يوفقك في الامتحانات وتجيب تقدير كبير ان شاء الله
وتحقق كل اللي تتمناه
ويارب سنة جديدة سعيدة عليك وعلى كل اللي بتحبهم
رنا

همس يقول...

كل الكلام دا كويس جدا

وبكلامك ادتناامل


بس نطلع من المدونة ونبص على الاخبار يتسد نفسنا



على العموم ركز فى الامتحان

وربنا يوفئك

rovy يقول...

السلام عليكم

صدقت فى كل ما كتبت حقا
جميله جدا حكايه الخمس شمعات فكعادتك تتمسك بالامل لتصلنا الى السعاده ..
ما اروع ما كتبت .. سلمت يداك

اتمنى ان يوفقك الرحمن و ان يكون التقدير امتيااااز .. يااااارب

خالص دعواتى
تحياتى

funckydoctor يقول...

الأمل فقط هو ما يبقينى أجاهد
لو فارقنى الأمل فى فجر جديد لن أخرج من منزلى لأنى أعلم أن اليوم أسوأ من البارحة
بوست رائع

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

mahasen saber يقول...

القصه دى اليى كانت بداية انهيا عصر الاندلس متتخيلش يا محمد
بتووجعلى قلبى ازاى

بس على فكره امتنا فى القصه دى وبتعيش احداثها من زمان قوى وللاسف

ربنا يوفقك فى الامتحانات
شد حيلك عشان تحقق حلمك
فاكره ولاا افكرك ولاا ااقولك اسال مامتك

hager za3bal يقول...

انا جيت اقولك كووووووووووول سنه وانت بخير وطيب ويااااااااااااارب 2009 تبقي اجمل بكتيييييييييييييييييير من 2008 الوحشه وتحقق كووووووووووووووووول اللي بتتمناه

طوبة ذهب وطوبة فضة يقول...

ربنا معاك بندعيلك وكلنا مستنينك يارب تخلص على خير

fashkool يقول...

جيت ازور واسلم وخلاص .. تحياتى

saheda.com يقول...

إصابة أربعة جنود صهاينة في الساعة الأخيرة من القتال في غزة... استشهاد 70 فلسطينيًّا بينهم 21 طفلاً و11 سيدةً وإصابة 371 آخرين منذ بدء التوغل الصهيوني في قطاع غزة... مستشفيات القطاع تعاني من أزمة كبيرة بسبب الحرب الصهيونيه وصعوبة وصول الطواقم الطبية... كتائب القسام تقصف تجمع مغتصبات أشكول بصاروخ جراد... الجيش الصهيوني يعترف بسقوط قتلى في صفوفه... القسام تؤكد مصرع وجرح 25 جنديًّا صهيونيًّا... سرايا القدس: المجاهدون في غزة بالآلاف جاهزون لسحق العدوان... القسام تقنص 3 جنود صهاينة ببيت لاهيا... قصف مغتصبة "جوليت" الصهيونية بصاروخ قسام رغم التحليق المكثف للطيران الصهيوني... سقوط صاروخ على بلدية مغتصبة أشكول بشكل مباشر... القسام تفجر عبوتي أفراد بقوة صهيونية خلف جبل الكاشف... القسام تقصف قاعدة بتسليم الصهيونية أكبر قاعدة برية في المنطقة الجنوبية بصاروخي جراد.

مـجـنـووون يقول...

والله الي بيحصل في غزة دلوقتي عايز منا وقفة جامدة مع نفسنا ومع الظالمين

وارجوا ان الناس تفوق من الي هي فيه

الدنيا مش اكل وشرب وجنس وخلاص

الدنيا فيها حاجات كتيرة يستحق الواحد يموت علشانها

تقبل مروري اخي الحبيب
مجنووون

هند يقول...
أزال المؤلف هذا التعليق.
هند يقول...

أخى فى الله محمد بورك فيك وجعلت ممن يفخر بهم الدين ، جميل جدا كل ما كتبت ، واسمح لى أن أصحح مقوله كتبتها فى تدوينتك ( كأس وغانيه يفعلان بالأمه المحمديه مالم يفعله ألف مدفع ) ارجو أن تصححها فهناك فرق كبير فى اللغه بين كلمة جاريه وكلمة غانيه ، أرجو أن تتقبل مرورى .

هند يقول...
أزال المؤلف هذا التعليق.
هند يقول...
أزال المؤلف هذا التعليق.
نيجار يقول...

محمد
بوست رائع
وقصتك قمه في الروعه،
وربنا معاك يارب في الامتحانات
وبالنجاح بإذن الله
بس شد حيلك يا بطل :)
تحياتي ليك أخويا الغالي

شمس النهار يقول...

ازيك
عامل ايه واخبار الامتحانات ايه
ربنا يوفقك وترجع مدونتك ناجح ان شاء الله
انا حبيت ادخل المدونه اسلم عليك

WhItE HeArT يقول...

محمد

انا بحييك بجد على الموضوع وفعلا عندك حق في كل كلمة

مش عارف ليه حاسس ان ان شاء الله نصر ربنا قريب بس احنا نعدل من نفسنا

بحييك بجد لإنه موضوع مفيد جدا

تحياتي

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

حسن حنفى يقول...

غياب طال

اتمني لك عوده سريعه

انسانةعادية فى عالم مش عادى يقول...

السلام عليكم انا بس جيت امر على المدونة علشان من فترة مش بشوف تعليقاتك ولا بوستاتك الجميلة انا عارفة انك مشغول فى الامتحانات ربنا معاك يارب ويوفقك واستاذ حبارير بيسلم عليك جدااااااا وحملنى امانة السلام اليك
ترجع الى عالم التدوين قريبا ان شاء الله

يوميات نائمة في الأرياف يقول...

محمد ازيك؟
اخبار الامتحانات اية؟
واخبار سعادتك اية؟

سمكه واحده يقول...

ايه الاخبار؟
ربنا معاك وترجع من المتحانات علي خير ان شاء الله
حبيت اسلم عليك
بالتوفيق ان شاء الله

م/ الحسيني لزومي يقول...

هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك

prince4ever يقول...

ربنا معاك في امتحاناتك يا برنس
و الله واحشني اوي يا معلم و ربنا يوفقك و يكرمك و ترجع بسرعه بقى يا معلم
ليك تاج عندي
تعالى خده
بس اما تخلص
اشطات

كلام على بلاطة يقول...

Nagehyossef Fahmy at 3:09pm January 22
لوكان الفــــــــقر بشرا ما قتلنه
لان القاتل يقتـــــل وانما نصحته
واقنعلة بكف اذاه وحيـــــــــدته
ليحيا البشر بكرامةمثلما تمنيته
ويعيش كل فى حاله كما اوصيته
وان نقض العهد ........عاودته
وحاولت معه مرارا لانى احببته
ففيه زهد وتواضع ...قد تبنيته

Write a comment...

«۩AhMeD 3LLaM۩» يقول...

وحشتنا

fashkool يقول...

انت لسه قاعد من ايام الجاسوس بتاع الاندلس .. بقيت كسلان قوى
خلاص .. سلامو عليكم

نهــــــــــار يقول...

السلام عليكم أخي..
أعلم أنك مشغول بالإمتحانات ..
الله يوفقك..
.......
وددة أن أخبرك بأني أفتقد كتاباتك..
ومواضيعك المميزه ...ووجودك الباعث على السعاده دوما..
في إنتظار عودتك أن شاء الله بكل خير ..
......
في أمان الله..

دعاء مواجهات يقول...

ربنا يوفقك ياارب

وتجيب احلى تقدير

ننتظر عودتك

سلامى

fashkool يقول...

العزيز محمد .. تحياتى
اخبار الامتحانات ايه .. ربنا يوفقك وتكون عملت امتحانات كويسه .. وربنا ينجحك وبلغنا عندما تكون النتيجه عشان نفرح معاك
تحياتى

ريمان يقول...

السلام عليكم


محمد

دايما بتبهرنا ببساطه اسلوبك فى عرض الفكره

وبجد جميل اوى التشبيه ده اللى اشرت ليه بالشمعه

احييك بجد

على فكره

انا بعتذر جدا لانى حتى مش سالت عليك بس انا والله كان عندى امتحانات وخلصت من يومين

ارجو ان تقبل اعتذارى

تحياتى ليك

يا رب تكون عملت كويس فى الامتحانات

princess يقول...

اين انت يا استاذ محمد؟:)

blue-wave يقول...

كالعادة
كلمات جميله تحمل الكثير من الأمل
ومن الشموع
تحياتى اخى العزيز

اللؤلؤة يقول...

السلامعيكم
عزبزى محمد أشكرك على زيارتك لمدونتى اللؤلؤة ويسرنى أن أعرف شابا مثلك ومدونتك الجميلة وأنا أتفق معك فى أن الأمل مازال موجودا فى شباب هذه الأمة.
فى حفظ الله
و أرجو التواصل.

شخـا بيــط مـحـجـوب يقول...

الله عليك يا محمد كالعادة جميل فى موضوعاتك
فعلا معاك حق لازم نبص لانفسنا شوية
ربنا يهدينا

تحياتى ليك يا جميل

شخابيط mahgoub

حفيدة البنا يقول...

لا حول ولا قوه إلا بالله
لله ما أخذ ولله ما أعطى رحمه الله.

د. ياسر عمر عبد الفتاح يقول...

جميعل فعلاً البوست ده
تسلم غيدك

雪花 يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘