dupport me

الأحد، 17 مايو، 2009

يلا ياشباب

للنجاح دائما رجاله الذين يسعون إليه فى حياتهم ويحلمون دائما بتحقيق أهدافهم

ولكن غالبا ما يقف الجميع فى منتصف الطريق ويستسلمون فى بداية الأمر

وقليلون هم من يستمرون ويعلمون جيدا أن النجاح سيكون حليفهم فى النهاية

فى هذه المرة لن أتحدث عن قصص العظماء فى عالم العلم والمال

أمثال بيل جيتس صاحب شركة مايكروسوفت العالمية وهنرى فورد

صاحب شركة فورد لتصنيع السيارات وهوندا صاحب سيارات هوندا

وساندرز ذلك الرجل الذى تزين صورته كنتاكى وهيلتون صاحب مجموعة

فنادق هيلتون وغيرهم الكثير ممن يستحقون أن يسطر تاريخهم بماء الذهب

وإن بحثت عن العرب ستجد الدكتورفاروق الباز رائد وكالة ناسا لعلوم الفضاء

والدكتور أحمد زويل الذى أصبح أخيرا المستشار العلمى للرئيس أوباما .وغيرهم.

والقاسم المشترك بينهم جميعا هو أنهم حددوا النجاح طريقا لهم منذ نعومة أظفارهم

وفى هذه المرة لن أتحدث عن هؤلاء ولكن أريد أن أتكلم عن نماذج قريبة من الشباب

الذين يعيشون بيننا وربما فى مثل أعمارنا أو أقل . لعلها نماذج بسيطة

ولكن المهم البداية والطموح والأمل.

أولا اصنع مستقبلك معmurf

شعار مجموعة ميرف اصنع مستقبلك. مجموعة من شباب جامعة بنها حاولوا

صناعة نموذج لمحاكاة سوق العمل وتضيق الفجوة بين الدراسة الجامعية والواقع

عن طريق تقديم ثلاثة برامج فى فن التسويق ومهارات البيع والتنمية البشرية

وبالإستعانة بكوادر من أساتذة الجامعة تم عمل الكورسات والأهم أنها تقدم مجانا

لجميع الطلاب لمن يريد أن يتقدم. وقد يظهر من الموضوع أنه بسيط جدا

أعتقد أن بساطته تتمثل فى أنه تم بالفعل ولكن الشباب بذلوا مجهود رائع للوصول

الى ماوصلوا اليه واعتقد أن الداقع كان دائما هو النجاح واثبات الذات

وشعارهم اصنع مستقبلك.

ثانياSUEÑO DEL FUTURO

حلم المستقبل

نموذج هايل من إصرار الشباب مجموعة من شباب الجامعات كذلك

عملوا دراسة للسوق وعرفوا أكتر الكورسات المطلوبة فى سوق العمل

وراحوا لشركة بيبسى وشركة أكوافينا ومجلة كلمتنا والمركز الكندى لإبراهيم الفقى

ومكتب حازم أكبر مكتب محاسبة فى مصر وغيرهم من الشركات الكبيرة

واتكلموا مع الناس ايه أكتر حاجات طلبنها فى الناس الى بتتقدم للوظايف

فى شركاتكم ومكاتبكم وبالفعل جمعوا مجموعة من اهم خمس كورسات واصبحت الأماكن

الى ذكرناها تدعم المشروع بالأشخاص الذين يحاضرون وانضمت إ ليهم كذلك وزارة

الإستثمار بالدعم وحاليا الكروسات دى بتتاخد مجانا فى حين لو أى حد راح مركز

من المراكز الكبيرة هتكلفوا بلا أدنى مبالغة اّلافات.

ثالثا جمعية سنابل الخير

فى الحقيقة مش هتكلم عن الجمعية لأنى طبعا فى جمعيات خيرية كتير فى مصر

لكن مجموعة من الشباب الى مشارك فى الجمعية وهما من طلاب الجامعة

الفكرة هى فى الإقناع إزاى تقنع ناس فى سنك وطلبة إنه بدل ميعزم صاحبه على

كانز يتبرع بالفلوس دى لجمعية خيرية . الشباب دول فكروا يجمعوا مبلغ يساعدوا

بيه الجمعية وأكيد كان فى كمية من الإحباطات غير العادية غير التعنت فى التصريح

وأخيرا قدروا يجمعوا من كليتنا المصونة 18ألف جنية وفى حد ذاته نجاح فى تنفيذ هدف

وقدرة على اقناع الشباب بالتبرع وصبر على احباطات الى حواليهم والى بتصل فى

لحظات للتريقة والإستخفاف أكيد هما فعلا نجحوا.

رابعا أكيد كل واحد فينا قريب جدا من قصة نجاح

مجموعة شباب هنا فى قريتى بصوا لقوا انى تركيز بيت المال ومساعدة الأغنياء منحصره

على فئات معينة وفى ناس كتير جدا محتاجة الى هما ينطبق عليهم قول الله عز وجل

(للفقراء الذين أحصروا في سبيل الله لا يستطيعون ضرباً في الأرض يحسبهم الجاهل

أغنياء من التعفف تعرفهم بسيماهم لا يسألون الناس إلحافاً وما تنفقوا من خير فإن الله به عليم(

اتفقوا على اقتطاع جزء شهريا من مصروفهم ويساعدوا بيه الناس دى لأنهم فعلا

بعيدين عن الأنظار تمام والحمد لله نجحت الفكرة الى حد كبير.

أكيد فى قريب من كل واحد فينا قصص نجاح كتيرة مهما بدأت بسيطة أو ظهرت بسيطة

المهم إنك تاخد أول خطوة وكما يقولون(تصرف كما لو كانت أفعالك ستغير العالم فهى كذلك بالفعل)

فى النهاية حابب أقول انى النجاح لا يخضع لتعليمات أو روشته معينة, لا أبدا بس المهم

الإرادةوالإصرار على النجاح وانك لن تصل اليه حتى تمر بالفشل واليأس

وصاحب الإرادة هو الذى يستمر.

و الأهم منعلقش كل الحجج على ظروفنا ونستسلم للظروف.

وبإذن الله لو اتكلمنا عن قصص الناجحين الى اتكلمت عليهم فى بداية الموضوع

هتتأكدوا انهم اتعرضوا لظروف اسوأ مما تتخيلون لكن كان دافع النجاح محرك ليهم دايما

عشان كده استمروا.

يعنى الى هيعلق كل حججه ومشاكله على الظروف يبقى مش هيتحرك من مكانه.

ولا هيتقدم خطوة. يلا ياشباب حددوا أهدافكم وابدأو التنفيذ . بالتوفيق.

دمتم بكل الود

أحبكم فى الله

هناك 79 تعليقًا:

WhItE HeArT يقول...

اول تعليق مش مصدق نفسي

WhItE HeArT يقول...

المهم بأه

حلوة النماذج دي اوي وتحسها قريبه مننا اوي في شعار اعرفه بجد كل مابتفكره بحس ان انا عايز انتج حاجة

never late to change

فعلا احنا ممكن نتغير ونغير كمان في نفس الوقت ونكون زي الناس دي بس مش بإيدينا على خدنا مستنيين المعجزة لكن بالمجهود والتركيز وان الواحد يكون عارف كويس وكويس اوي كمان هو عايز ايه

تحياتي

mohamed ghalia يقول...

WhItE HeArT
الشرف ليا طبعا تكون أول تعليق
ياريت فعلا نبدأ ننفذ لو استنينا المعجزة يبقى مش هنتحرك من مكانا
بالتوففيق لينا كلنا

هذه حياتي يقول...

السلام عليكم ورحمة الله وبركاته

أخي السعيد دوما إن شاء الله


فعلا يجب علينا أن نقوم بثورة تصحيح علي الركود والخمول الذي يسيطر علي نفوسنا وساعة أن نتغلب في الداخل سيكون النصر حليفنا في الخارج إن شاء الله


جعلنا الله وإياكم من السعداء

خالص مودتي وصادق دعائي

Appy يقول...

حاجه مفرحه اوى يا محمد
بص لو تعرف جمعيات فى لاقاهره قولى وادينى تليفون حد فيها ممكن

mohamed ghalia يقول...

هذه حياتي
ربنا يعزك
دايما منورنى بزياراتك
ياريت ننجح فى ثورة التصحيح

mohamed ghalia يقول...

Appy
نورتى مدونتك من جديد
الجمعيات الخيرية كتير جدا
وبجد انتى كمان عامله مجهود هايل لما زورتى اسطبل عنتر والدويقة
ربنا يسعدك ويجعله فى ميزان حسناتك وسبب فى سعادتك

هانى زينهم يقول...

ربنا معاك يا محمد وان شاء الله الامتحانات تعدى على خير وبعدين يبقالنا كلام عن الكلام الجميل اللى انت كاتبه .

عاشقة الأحزان يقول...

السلام عليكم
محمد الغالى
طبعآ بدعليك من قلبى والله ربنا يوفقك لما تحبه وترضاه ان شاء الله
اما عن البوست جميل قووى يحمل معانى كثيره

كثير ما يتردد الى ذهن البعض ..
كيف نجعل من حياتنا حياة سعيده؟!
هل بالمال ام بالأصدقاء ام بماذا؟
البعض منا يعيش في احباط او يأس أو نظره سوداويه للحياة ..لدرجة التفكير بالانتحار والعياذ بالله..
ولكــــــــــــــــــــــــن
لو تأملنا الكون وآمنا بالله وثبتنا قلوبنا على خشيته وعبادته ستتغير نظرتنا لهذا الكون وسيكون لنا هدف في بناء الذات
تحياتى لك محمد
ربنا يوفقك يارب
دمت بألف خير

romansy يقول...

اجمل حاجه يا محمد اننا نلاقى حد نسعده
موضوعك جميل يا محمد وربنا يوفقك فى الامتحانات يارب

ومازلتُ أتعلم يقول...

جزاك الله كل خير
وربنا يوفقك فى إمتحاناتك
قصص جميلة ورائعة
والنجاح بيجى بالاصرار وتحديد الهدف قبل أى حاجة

فعلاً جزاك الله خيراً

فراشة يقول...

شباب الامل بحق
ربنا يجعل هذه المشروعات والافكار فى ميزان حسانتكم
بارك الله لكم

د. ياسر عمر عبد الفتاح يقول...

تسلم إيدك يا محمد
قصص كلها جميلة وبتخلي الواحد يتحمس
مدام فيه ناس بتنجح حوالينا وفي نفس ظروفنا يبقي إحنا كمان مش لازم نتحجج

بتغيب وبعدين ترجلعنا بالمفيد
شد حيلك في الإمتحانات
ربنا يوفقنا جميعاً

همس الاحباب يقول...

مجهودات رائعة ونماذج ناجحة
اكثر الله من امثالها
بوست رائع كعادتك
وربنا يوفقك
وبالتوفيق دائما

oRiGiNaL HeArT يقول...

رنبا يوفقكو للخير دايما..

شمس النهار يقول...

بوست جميل جدا يامحمد
ربنا معاك ان شاء الله تجتهد وتنجح وترجع سعيد بالنتيجه الحلوه والتخرج

د/عرفه يقول...

بوست جميل يا محمد
بس دايما بيكون فى فرق من العمل من اجل الاخريين
زيى الجمعيات الخيرية
والجهود العامة وكده
ودى افضل لان الواحد بينتظر السعادة والنجاح فى الاخرة
وهو ده النجاح الحقيقى فى دنيتنا

ستيته حسب الله الحمش يقول...

بوست رائع وفي وقته تماما
ربنا يكرمك على نماذج رائعة تستحق الإشادة والتكريم
وتعطي أمل بأن الشباب بخير وميت فل واربعتاشر
اعانك الله في الإمتحانات
تحياتي

Dr.m يقول...

السلام عليكم
جزاك الله خيرا على هذه النماذج وفعلا محتاجين نعلى بهمتنا شويه لان احنا امه اقرأ وامة وقل اعملوا

وفقك الله في الامتحانات
تحياتي
سلام

صفــــــاء يقول...

بسم الله ماشاء الله
ربنا يوفقهم ونشوف نماذج مشرفه وصور تفرح القلب بدل الهم اللى مالى الدنيا دة
وانت بقى ربنا معاك ويوفقك فى الامتحانات وتجيب تقدير يشرف

تحياتى لك

أحمـــــــــــــد أبو العلا يقول...

الناس اللي انتا بتتكلم عليهم دول كلهم موجودين في أماكن كتير (في المدارس والكليات والأماكن المختلفه بين الناس)

عاملين زي الجنود المجهولين
متعرفش حد فيهم, لكن الجميل انهم بيظهروا كلهم بنفس الشكل ونفس المجهود

النماذج اللي قلتها جميله جدا

ربنا يوفقك في الامتحانات ان شاء الله

ABOALI يقول...

وضوح الهدف
سلامة القلب
صدق الاهتمام

هى يقنيا روشته النجاح

المحاوله ثم المحاوله ثم المحاوله تخلق واقع
والواقع ثم الواقع ثم الواقع يخلق مستقبل

يلا شباب

دعوه رائعه لشباب اروع


تحياتى

طـــائر الليــــل الحـــــزين يقول...

جميل قوى موضوع المرة دى يا محمد
دايما فعلا موضوعاتك اجمل من بعضها
وربنا يوفقك فى امتحاناتك وترجع بالسلامة
ان شاء الله بالتوفيق

الفراشة الصغيرة يقول...

ربنا يوفقك يا محمد

بجد موضع هام جدا
واحب ازود على كلامك

كلمات الدكتور ابراهيم الفقى

ععندما ندخل فى شىء ونريد النجاح فيه

ولكن فجأه شعرنا بالملل بالاحباط

هل نقف طبعا لا هنرجع نفكر تانى فى الاهداف والاسباب اللى خلتنا بدأنا هذا الشىء
والحافز اللى خلنا كملناه

واكيد هنكمل فيه للنهايه لحد ما ننجح فيه

أبو العريف يقول...

ربنا معاك يا باشا وترجعلنا بالسلامه
ربنا يوفقك
بس ما تغيبش كتييييييييييييير
مستنيينك

المعلم محمد صاحب المطعم - طعمية سخنة يقول...

نماذج مشرفة فعلا

المهم الاستمرار و المثابرة و دي اهم نقطة بجد لأن في ناس بتتراجع بعد شوية انكسار

يا رب الامتحانات تخلص علي خير

كيــــــــــــارا يقول...

والله بجد الواحد فرحان لسه فيه شباب حلو اوي وبيتحمل المسئولية

طيب اللي في القاهرة عاوزين يساهمو

الحل ايه

لحظة تأمل يقول...

دايما اول خطوة فى قصة النجاح انك تعرف ان مفيش شئ مستحيل وتثق فى نجاحك

احييك فعلا على النماذج اللى ذكرتها لانهم موجودين كتير بس مفيش حد يعرفهم

بالتوفيق والنجاح ان شاء الله فى امتحاناتك
ومنتظرينك

جنّي يقول...

السلام عليكم

الشباب طاقة هائلة وقوة تحتاج التوجيه والترشيد لاستغلالها الاستغلال الامثل .. ولكن المعوقات الادارية ما اكثرها فمثابرة وصبر هؤلاء دليل القوة والنجاح ..

ربنا معاك يوفقك ان شاء الله

yoyo يقول...

صباحك سكر

ربنا يوفقك يارب يا محمد
وتعدى فترة الامتحانات دى على الف خير يارب

بجد جميل اوى روح الاصرار و التحفز للنجاح حتى وان كانت البداية بسيطة عمر ماالشىء الكبير بيكون كبير من الاول
المهم يكون فى ارداة واخلاص فى العمل

تسلم ايدك يا محمد
ربنا يوفقك مرة تانية
فى انتظارك بعد الامتحانات ان شاء الله
تحياتى
يويو

ايوشة يقول...

تصرف كما لو كانت أفعالك ستغير العالم فهى كذلك بالفعل

جزاك الله خيرا يامحم فكرتنى بكلمة جاتلى على الايميل امبارح
يقول البنا: "إنما تنجح الفكرة إذا قوي الإيمان بها، وتوفر الإخلاص في سبيلها، وازدادت الحماسة لها، ووجد الاستعداد الذي يحمل على التضحية والعمل لتحقيقها، فهم عناصر أربعة: الإيمان، والإخلاص، والحماس، والعمل


ربنا يوفقك فى امتحاناتك ياااااااارب

حسن حنفى يقول...

كل واحد لو بص حواليه هيلاقي نماذج من دي بس للاسف كل واحد بيكسل ومش بيرضي يشتغل معاهم او حتي يعمل هو لوحده

ربنا يوفقك في الامتحانات

دعواتك

قلم رصاص يقول...

السلام عليكم

موضوع رائع جدا اخي محمد

بارك الله فيك

في ميزان حسناتك ان شاء الله

وربنا يوفقك في امتحاناتك

في حفظ الله

حياتى نغم يقول...

السلام عليكم / بوركت وبورك هؤلاء الشباب قصص جميلة أكثر الله من أمثالهم .
أحبك الله الذى أحببتنا فيه ووفقك فى مذاكرتك بالتوفيق والنجاح بإذن الله .

اللؤلؤة يقول...

محمد بك غالية
السلام عليكم
ربنا معاك يا محمد وان شاء الله الامتحانات تعدى على خير وتلاقى نفسك من المتفوقين إن شاء الله ودايما تعطينا النماذج الطيبة
دمت بكل الخير

الربان يقول...

تحياتي

اشكرك لانك أعلمتنا بهذه الجهود الايجابية الجميلة...اليس هذا افضل و أجدي الاف المرات من مجرد الاعتصامات
و الاتهامات و أهدار الشباب لطاقاتهم...

حقيقي أخبار مفيدة تسعد الجميع...

تحياتي و تقديري

بنت مصر يقول...

الله على الموضوع اللي يشجع اي حد انه يحط هدف ايجابي في حياته ويحققه

ويقول لأي حد انه فيه ناس كتير ظروفهم سيئة لكنها مش بتخلي الظروف تتحكم في حياتهم لكنهم هم اللي بيتحكمو في ظروفهم وبيوظفوها كويس علشان يحققو احلامهم وينمو فكرهم ولو بأبسط الطرق

ويارب يوفقك في انتخاناتك انت وكل اللي بيمتحنوا

ندا منير يقول...

ما شاء الله
هو دا بجد الشباب اللى يفرح ويبسط ويخلينا نحس انه فى امل فى مصر
ربنا يحميهم يارب
وياريت كلنا نعمل زيهم كدة ونحط افكارنا مع بعضها ونعمل حاجة بجد

والنجاح اكيد شئ مش سهل وفعلا فى ناس بتياس بسرعة بس اللى بيستمر بجد ربنا بيكرمه

رؤية يقول...

(تصرف كما لو كانت أفعالك ستغير العالم فهى كذلك بالفعل)

اعجبتنى جدا هذه المقولة

اعانك الله فى امتحاناتك ورزقك التوفيق والسداد
واحبك الله الذى احببتمنا فيه
جزاك الله خيرا

تحياتى

ريمان يقول...

بسم الله ما شاء الله


راع رااااائع رائع

حلوه اوى اوى النماذج دى

تحياتى

ربنا يوفقك يا رب فى الامتحانات وانا كماااااااااااان

kochia يقول...

ياريت الكل يعمل كدة
انا احيي كل المشتركين واصحاب الافكار الجميلة
وربنا يوفقك ان شاء الله

mahasen saber يقول...

ياه والله زمان يا غالى

ازيك يا محمد جميل طبعا دايما زى موضوعاتك
اليى تبعث على الامل والنشاط والنجاخ

برافو عليك

اخبار الامتحانات ايه
يا رب تكون كل شئ بخير

سلامى لمامتك ولاختك الجميله

mahasen saber يقول...

ياه والله زمان يا غالى

ازيك يا محمد جميل طبعا دايما زى موضوعاتك
اليى تبعث على الامل والنشاط والنجاخ

برافو عليك

اخبار الامتحانات ايه
يا رب تكون كل شئ بخير

سلامى لمامتك ولاختك الجميله

دينا حامد يقول...

ان شاء الله بالنجاح لينا كلنا :)

تحياتي

إبن مصر يقول...

السلام عليكم

ازيك يا محمد ربنا يعينك على الإمتحانات يارب وتنجح بتفوق والأهم زى ما قولت هو الإصرار على التفوق والنجاح


تحياتى ومش هقول على الموضوع اكتر مما قلت انت فالنجاح دائما يأتى ولكن بالعزيمه

كل التقدير لشخصك ولأفكارك القيمه

جنــــــــــة الله يقول...

البوست رائع
النماذج اللى حضرتك جيتها جميلة جدا
هما دول شباب وجيل المستقبل
سلمت يمناك

Soul.o0o.Whisper يقول...

السلام عليكم و رحمة الله و بركاته

أولا ربنا يبارك لك يارب
و يوفقك فى امتحاناتك
و نسمع عنك كل خير


ثانيا عارف احنا ناقصنا ايه.؟؟
ثقة بالنفس
و حسن توكل على الله

ربنا يوفقنا جميعا إلى ما يحب و يرضى

دمت بود

”*°•.˜”*°•..سونه..•°*”˜.•°*”˜ يقول...

السلام عليكم .
حقا انت انسان جميل وكلامك كلو مفيد
وتستاهل كل خير
ربنا ينجحك يارب يامحمد وتحقك كل احلامك يارب .
سلام ((سونه)) .

فشكووول يقول...

ازيك يا محمد
دعواتى لك بالنجاح والرشاء
ربنا يهدى لك الحال ويوفقك
تحياتى

طوبة ذهب وطوبة فضة يقول...

ربنا معاك يارب وترجع لنا بالف سلامه وفعلا طريق الالف ميل يبدء دائما بخطوه المهم ان نعرف من اين نبدء تلك الخطوه جزاك الله خير على كلامك الرائع ده تسلم ايدك

نهــــــــــار يقول...

السلام عليكم....
بتوفيق أخي بالإمتحانات........
........
بارك الله فيهم...
وفعلا البركه بالشباب...
والله يهدي ويهل أمور جميع المسلمين...
...
دمت بخير

محمد فوزي يقول...

هايل حقيقي يا محمد عرضك للنماذج دي وبجد مفيش أي مجهود إيجابي بيبذله إنسان وبيروح على الأرض , أكيد أكيد هينفع نفسه والناس بتأكيد وبنص القرآن بسم الله الرحمن الرحيم

( أما الزبد فيذهب جفاءاً وأما ما ينفع الناس فيمكث في الأرض ) صدق الله العظيم

ربنا يوفقك في الإمتحانات خلص وتعالى على عندي على طول ليك تاج هناك

تحياتي

اقصوصه يقول...

كالعاده

مميز في طرحك

تقبل مروري :)

غادة يقول...

مساء الخير أخي الفاضل..

نماذج رائعة تقودنا للنجاح الحقيقي ..

أخي محمد ..

كل الشكر لكـ ..

جعل الله أيامكـ ولياليكـ مكللة بالنجاح الدائم ..

^_^

Hossam يقول...

سلام عليكم حبيب قلبى
الموضوع حلو اوى واحلى ما فية انك مكلمتش عن الكبار زى جيتس وزويل ولكن قلت نماذج شابة حبة بس بصراحة اول مرة اسمع عنهم خصوصا فريق جامعة بنها
بجد شكرا عل المعلومات الجديدة
تحياتى
سلام

hasona يقول...

السلام عليكم

ربنا يكرمك ويوفقك
ويعينك ويزيدك من فضله

وتنجح وتعود لنا بالسلامة
وطبعا مش تنسي الحلاوة والحاجات الباردة والساخنة

تقبلي تحياتي

norahaty يقول...

تسلم ايدك يامحمد
ويوفقك ربنا فى
امتحاناتك
يارب.

الفراغ يقول...

اولا ربنا معاك وخد بالك من مذاكرتك
ويارب كل اللى فات كان كويس
واللى جاى بتفوق

وشدوا حيلكوا يا شباب

Israa El-sakka يقول...

مرسي يا محمد بجد أنا بحب الإيجابية يعني لا تلعن الظلام لكن أضيء شمعة
مستنية جديدك

جنــــــــــة الله يقول...

حضرتك ليك عندى تاج

mero-moory يقول...

السلام عليكم و رحمة الله وبركاته

جيت اقولك ربنا يوفقك يارب يا محمد وينجحك ويوفقك

اللهم آمين يارب

في رعاية الله

معتز شاهين - باحث تربوي يقول...

جميل جدا النماذج دي تكون موجودة بالعقليات دي
ربنا يوفقكم
الشباب بدأ يتحرك وسعولهم

الله ينور


ويبقى التواصل

maha zein يقول...

ربنا ينجحك
ويبارك فيك
ويعينك علي طاعة الله
السعادة الحقيقية في الايمان بالله
و الرضا بالقضاء و القدر خيره وشره
و العمل و التوكل علي الله
و السعي للرزق
السعادة في ديننا ونحن نغفل عنها

mahasen saber يقول...

الله ينور عليك وينور بصيرتك ويكرمك ياغاليه

ده بوست مفيد لكل الشباب
ربنا يصلح حالك
ويجازيكى عنه خير

mahasen saber يقول...

الله ينور عليك وينور بصيرتك ويكرمك ياغاليه

ده بوست مفيد لكل الشباب
ربنا يصلح حالك
ويجازيكى عنه خير

فراشة يقول...

انا آسفه ان كنت غيبت عن زيارتك كتير ولما ارجع اعلق عندك يكون تعليقى بعيد عن المدونة بس والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

نيجار يقول...

محمد غاليه الغالي :))
كده أرجع الاقيك مش موجود
بس ليك عذرك علشان الامتحانات
ربنا يوفقك ويكرمك يا محمد ويكتر من أمثالك ،
بس عارف انا مومنه جدا بان (لا يغير الله ما بقوم حتى يغيروا ما بأنفسهم)
إحنا عايزين اللي يفوقنا ،

تحياتي لك :)

aidy يقول...

السلام عليكم

ازيك يا محمد

لعل الامتحانات تكون بخير

بجد موضوعك جميل جداااااااااااا

انا شوفت حاجات زى دى وهى بتتعمل قدامى

واعرف ناس كانوا من مؤسسى جمعية رسالة الخيرية

وكمان شوفت نماذج لكورسات عندنا فى الجامعة

بجد فعلا حاجات تفرح ويحتذى بيها

وفعلا الانسان مش محتاج غير انه يخطط كويس لمستقبله و يكون عنده الارادة عشان يحقق ده

تحياتى ..

rovy يقول...

السلام عليكم
ازيك يا محمد .. اخبارك ايه ؟
ربنا يوفقك فى الامتحانات ان شاء الله

جزاك الرحمن كل الخير و بارك فيك

تحياتى

انا ودماغي يقول...

ربنا يوفقك فى الإمتحانات إن شاء الله...على فكرة البوست تحفة و على رأى إبراهيم الفقى معظم حالات الفشل كانت لأشخاص لا يدركون كم كانوا قريبين من النجاح عندما انسحبوا...
بجد كنت محتاجة البوست ده لأنه نورلى كام حاجة كدة كتبتهم فى كشكولى الخاص

جزاك الله خيرا عليه و على كل بوستاتك التحفة دى بجد

وردة يقول...

السلام عليكمو رحمة الله وبركاته
ازيك يا محمد يارب تكون بخير
انا عارفة ان الفترة دية امتحانات يارب يكون النجاح دايما حليفك انت وكل اللي بيمتحنو
انا اتأخرت عن البوست ده كتيييير بس طبعا مش ينفع ابدا ما جيش واطمن عليك انت اخ كريم وعزيز طبعا
البوست هايل جدااا
ناس موقفتش تتفرج
نزلت وشاركت حتي ولو بالافكار
المميز بيظهر ويبان ممهما كانت الصعبات
المهم نحاول
اتمنالك التوفيق والنجاح
وترجع تنورنا انت كلماتك من جديد
سلام

سمكه واحده يقول...

اخبارك ايه؟
يارب تكون بخير
عامل ايه في الامتحان
اتمنالك التوفيق
تحياتي

منى يقول...

تصرف كما لو كانت أفعالك ستغير العالم فهى كذلك بالفعل)
جميل اوى يا ريت نصدق كده عشان نغيرها بجد
ربنا يوفقك وترجع بالسلامه بعد الامتحانات
تحياتى

همسة ايمان يقول...

الايجابيه شىء جميل جدا

والاجمل فعلا اننا نعيش من اجل هدف ونسعى له

مدونة رائعه جوزيت خيرا

سميرة يقول...

رغم الغيبة الطوييييييلة عن المدونة
الا ان روحك كما عهدتها دائماً

انت جميل كالعادة

ربنا يوفقك وطمنى على نتيجة الامتحانات

دعواتي لك

حياتي كلها لله يقول...

السلام عليكم
رائع بجد البوست ده
المشكلة أن كل واحد بيستهون بنفسه و بمجهوداته
ويحس أن هي الدنيا يعني حتتغير بسببه
و هي ده المشكلة
علشان كده عجبتني قوي الجملة اللي بتقول
تصرف كما لو كانت أفعالك ستغير العالم فهى كذلك بالفعل

فعلا لو كل واحد حس بكده
الدنيا حتتغير بجد

تحياتي
سلمي

فراشة يقول...

محمد فينك
انت لسه مخلصتش امتحانات
بجد والله وحشتنا موضوعاتك جدا
عالم التدوين ينقصه قلم مهم جدا

وكمان تعليقاتك وآراءك وحشتنا
ربنا يكرمك وترجع مبسوط بإذن الله

من غير عنـــوان يقول...

الحقيقة الواحد بيطمن على الشباب لما أدخل على مدونتك يا واعد

أمنياتي

الجواز و سنينه يقول...

حمدلله على السلامه
اخيرا خلصت الامتحانات
يا راجل كفاره
المهم عايزين احلى مواضيع بقى
اديك فضيت
تحياتى