dupport me

الثلاثاء، 14 يوليو 2009

دعونا نتحاور لا نتشاجر

بالأمس القريب كان الإختلاف فى الرأى لا يفسد للود قضية

أما الأن فأصبح الخلاف يفسد كل قضية بل ربما يفسد الود ذاته

تغير الحال كثيرا وأصبح لا يتحمل أحد أن يختلف معه أحد أو يناقشه فى رأيه

ودائما ما تجد الحوار ينتهى بشجار إلا من رحم ربى . وعندما يختلف مع شخص

يصير من المغضوب عليهم وربما انتهت كل أوصال الصداقة والحب بينهم

بسبب هذا الخلاف. بالرغم من أن الخلاف يوجد فى كل شىء فى الأراء الإقتصادية

والسياسية والإجتماعية حتى الدينية فالأئمة الأربعة اختلفوا ورغم هذا كان كل واحد

منهم يقدم رأى شيخه وأستاذه على رأيه الشخصى . أما اليوم فالكل يقول انا ولا أحد غيرى

أنا أعرف ولا أحد يعرف غيرى. فلماذا تغير الحال؟ وتبدلت النفوس والأهواء

لذلك دعونا نتحاور لا نتشاجر ولنرى كيف يكون الحوار؟

1-تجنب النصح فى العلن يقول الإمام الشافعى

تعمدني بنصحك في انفرادي----------وجنبني النصيحة في الجماعة
فإن النصح بين الناس نوع----------من التوبيخ لا أرضى استماعه
وإن حالفتني وعصين قولي----------فلا تجزع إذا لم تعط طاعه


2-لا تكثر من اللوم والعتاب ولكن ركز فيما تريد أن تقول.

3-اعترف بخطأك إن أخطأت ولا تتكبر على فعل ذلك.

4-ركز على إيجابيات أكثر من السلبيات وأمتدح إيجابياته.

5-انسى الزلات فلا تستمر كل لحظة لقد أخطأت لقد أخطأت كأنك تعيره بخطأة. فيكابر ولا يسمع منك.

6-احذر من النقد المباشر اللازم ولكن تكلم بكل أدب ولطف.

7-لا تتكبر على من تحاورة لإنه إن شعر بهذا فأنسى أن يسمع منك.

8-احترم الرأى الأخر طالما أن صاحبة يتكلم ويدعم كلامة بشواهد.

يقول أحد الحكماء(يابنى كن أحكم الناس إن استطعت ولكن لاتحاول أن تقول لهم ذلك).

9-قدر الناس وأنزلهم منازلهم وهم حتما سيقدروك.

10-اشكر الناس (من لم يشكر الناس لم يشكر الله).

11-ابتسم فدائما تكون البسمة البسيطة هى شعارك فى كل حواراتك فبالإبتسامة يفتح لك قلوب بها

12- لاتغضب ولا تُستفز بسرعة وتحكم فى أعصابك جيداااااا.

13-تهادوا تحابوا هدية بسيطة تخطف بها قلب من تحدثه ولكن على سبيل الحب لالشىء أخر.

14-أن يكون الحوار والنقاش من باب إظهار الحق لا من باب إنتصار الرأى.

15-كن مستمع جيد لكل ما يقال.

16-لا تنظر بعيدا عن المتحدث حتى لا يشعر بعدم الإهتمام.

17-احذر النظرات الساخرة الباهتة. فلو استشعرها منك فلن يسمع منك أبدا.

18-لا تقاطع المتحدث حتى يفرغ من كلامه.

19-ركز فى عين من تتكلم ولكن ليس بإستمرا ر

فالعين تنطق والأفواه صامتة*** حتى ترى من صميم القلب تبيانا

20-أحيانا يكون السكوت أفضل من الحوار إذا كنت تتأكد أن الحوار سيصل إلى طريق مسدود

يقول النبى (أنا زعيم بيت فى ربض الجنة لمن ترك المراء (الجدال) وإن كان محقا).

21-أعرض عن الجاهل والسفيه يقول الشافعى:
قالوا اسكت وقد خوصمت قلت لهم----إن الـجواب لباب الشـر مفتـاح
والصمت عن جاهلٍ أو أحمقٍ شـرف----وفيه أيضاً لصون العـرض إصـلاح
أمـا ترى الأسد تخشى وهي صامته ؟-----والكلب يخسى لعمري وهـو نبـاح
22-تعلم جيدا كيف تعامل الناس على قدر عقولهم وأهوائهم سئل لويد جورج

السياسى البريطانى ما الذى أبقاء فى دفة الحكم رغم كل هذه الصراعات فقال

(لأنى تعلمت أن ألاءم بين ما أضعة فى السنارة وبين نوع السمك).

23-لا تعظ أو تدعو إلى شىء وتأتى بغير كلامك. يقول ابو الأسود الدؤلى:

يا أيها الرجل المعلم غيره
هلا لنفسك كان ذا التعليم
تصف الدواء لذي السقام وذي العنا
كيما يصح به وأنت سقيم

ونراك تصلح بالرشاد عقولنا

أبدا وأنت من الرشاد عديم
فابدأ بنفسك وانهها عن غيها
فإذا انتهت عنه فأنت حكيم
فهناك يقبل ما تقول ويهتدي
بالقول منك وينفع التعليم
لا تنه عن خلق وتأتي مثله
عار عليك إذا فعلت عظيم

24-الإقناع: والاقناع يدور فى ثلاث طرق

أولا الأدلة النقلية البحتة مثل أن تتكلم فى مسألة علمية أو اقتصادية فتنسب

الكلام إلى مجموعة من العلماء الكبار وتأيده بالكلام والكتب أو أن تتكلم فى

مسألة فقهية فتأتى بالأدلة من الكتاب والسنة ثم إجتهاد الأئمة الأربعة وهكذا.

وكذلك تدعيم كلامك بإستخدام الشعر والنثر وجميع فنون الأدب.

ثانيا الإقناع بالأدلة العقلية البحتة فهناك من الناس من لا يقتنع إلا بالأدلة العقلية

البحتة أى واحد +واحد يساوى اتنين فلابد أن تثبت له بالتجربة ما تقول.

ثالثا القصة: فمن الناس من إذا ظللت تكلمهم وتحدثهم لم يعطوا إليك إنتباها

أما إذا قلت لهم وإليكم هذه القصة أعطوا إليك ءاذنهم.

دمتم على حسن وأدب الحوار

هناك 86 تعليقًا:

EMMY BABY يقول...

اول كومنت محجوز لايمى

EMMY BABY يقول...

هقرا وارجع ثوانى

EMMY BABY يقول...

فعلا يا محمد والله موضوع مهم جدا بجد لان فعلا مبقاش عندنا ادب الحوار

حتى اللى بيقتنع بيكابر ويعند ويحس انها جريمة لو غير رايه او اقتنع براى تانى

بصراحة انت لخصت كل حاجة ممكن تتعمل مفيش بعد كدة كلام


دمت دوما فى سعادة

تحياتى

ايمى

mohamed ghalia يقول...

EMMY BABY
مبروك عليكى أول تعليق هههههههههههههه
الجوايز المرة الجاية
أكيد الموضوع مهم بجد فى ناس بتقلطع بعضها بسبب ده
ربنا يهدى
منورة المدونة يا ايمى

♥نبع الغرام♥♪≈ يقول...

طيب انا التانى مكررر

هع هع هع

♥نبع الغرام♥♪≈ يقول...

السلام عليكم


اذيك يامحمد اخبارك ايه يارب تكون بخير

والله تسلم ايديك على البوست الجميل ده اللى تناولته بشكل جميل وحسى وهادف

وبصراحه مش محتاج كلام

احيك عليه من كل قلبى

اختك

انوسه

romansy يقول...

الله عليك يا محمد انت عارف بتفكرنى بمين بخطبه سمعتها قريب فى جامع الفردوس
كانت بتتكلم عن ادب الحوار فى الاسلام وازاى الرسول الكريم كان بيتناقش مع الصحابه وازاى نتعلم ادب الحوار لازم يكون اصلا جوانا احترام لغيرنا

SHAPE YOUR LIFE (ABOALI) يقول...

هههههههههههههههه

ايمى اعلنت السيطرة على السعادة يا عينى يا عينى

هما دول الشباب الصح

مببببببببببببببببروك يا جميل

SHAPE YOUR LIFE (ABOALI) يقول...

اكيد موضوع بالغ الاهمية يا باحث السعادة

وكمان العوامل اللى ذكرتها هى المبادىء والاسس الى دايما الحوار يبنى عليها

اصلاح النوايا من النقاط الرئيسية فى الموضوع ده

فبدون نية توافقية عند الخلاف ستتحول المناقشة الى تشاجر كما ذكرت و خناق

نظرية لنكن نحن الاثنين فائزين

لو وضعت امام الاعين

ستنصلح الاحوال



موضوع رائع يا باشا يضاف الى السجلات


وسجل السعادة يحتاج الى المزيد

موفق دائما

mohamed ghalia يقول...

عاشقة الأحزان
مبروك تانى تعليق هههههههههههه
أنا الحمد لله تمام
ربنا يكرمك ودايما فى سعادة

mohamed ghalia يقول...

romansy
أخويا الغالى وبلدياتى منور
ياريت نقدر ننفذ هو ده الصعب
دمت فى سعادة

mohamed ghalia يقول...

ABOALI
حبيب هارتى
لا ايمى احتلت المدونة من زمان انت ممش ملاحظ ولا ايه هههههههههههه
خدت جرعة السعادة كلها هههههههههههههه
ياريت نقدر ننفذ
والمهم فعلا اخلاص النية وزى مقولت الإنتصار للحق مش للرأى
منورنى يا أبوعلى وعايز اسمع صوتك قريب

Sweet Violet يقول...

الله عليك يامحمد بجد
موضوع فعلا مهم
بس تفتكر هنقدر ننفذ v_v

mohamed ghalia يقول...

Sweet Violet
مشكلتنا الأزليه هى التنفيذ
ربنا يقدرنا
منورانى يا ضد

جنّي يقول...

السلام عليكم

أحسنت أخي الكريم .. موضوع رائع .. بذل فيه مجهود ..

ليتنا ننفذ ما فيه .. فكل منا به بعض السلبيات في أدب الحوار ..

جزاكم الله خيرا

موناليزا يقول...

الله عليك
قول يااستاذ محمد كمان
بجد ربنا يكرمك وينفع بيك

أمل حمدي يقول...

قالوا اسكت وقد خوصمت قلت لهم----إن الـجواب لباب الشـر مفتـاح
والصمت عن جاهلٍ أو أحمقٍ شـرف----وفيه أيضاً لصون العـرض إصـلاح
أمـا ترى الأسد تخشى وهي صامته ؟-----والكلب يخسى لعمري وهـو نبـاح


الله عليك يا ابني يا غالي مواضيعك اكثر من رائعة

ربنا يبارك فيك وينفع بيك ويجازيك كل الخير اللهم امين

الازهرى يقول...

فابدأ بنفسك وانهها عن غيها
فإذا انتهت عنه فأنت حكيم

النصائح جميلة وغالية
وللاسف الكثيرون الان اصبح الحوار معهم مستحيل وحين تحدثهم سيبدأون فى انتقاد غيرهم ولا يلتفتون لعيوبهم

تحياتى دوما

Ahmed يقول...

انت تحفه يامحمد
كلامك روعه ونقاطك جميله جدا

في أمور كتير بنفقدها في حياتنا وتعاملاتنا رغم اهميتها زي اننا نهتم باللي يكلمنا ونبصله ونسمعه ونحترم رأيه ونديله المساحه الكافيه للتعبير عن رأيه

وفي نفس الوقت لما نعبر عن رأينا لازم نعبر عنه بشكل يعتمد على الاقناع مش الهجوم على الآخر بدون وجه حق

أمور كتيره مهمه ومفقدوده

دمت بكل خير

قلم رصاص يقول...

السلام عليكم

كالعادة تطل بين حين واخر بموضوعات في غاية الاهمية والروعة يامحمد

بارك الله لنا فيك يا اخي

وياريت نتعظ ونفهم هذا الكلام
على الاقل يا اخي طبقة المثقفين يحسنوا أدب الحوار وان يحسنوا ثقافة الاختلاف في الرأي ، لا الخلاااااااااااف

وبخصوص الحتة دي بتاعتك

ا تعظ أو تدعو إلى شىء وتأتى بغير كلامك. يقول ابو الأسود الدؤلى:

انا هضيف البيت ده لأنه يمشي برضه مع كلام أبو الأسود الدؤلي

" يامن تنهي عن خلق وتأتي مثله .. عاااااااااارُ عليك إن فعلت عظيم "

واشكرك يامحمد مرة تانية على الموضوع

دمت في حفظ الله

وطيبتم وطيب سعيكم وممشاكم

غير معرف يقول...

والله فعلا بقينا محتاجين ادب الحوار

شكر ليك على مواضيعك الهادفه دى

حنين

mohamed ghalia يقول...

جنّي
نعم أخى الجميع بلا اثتثناء له سلبياته
المهم أن نتدارك الموقف
دمت بكل الود

mohamed ghalia يقول...

موناليزا
لأ أستاذ ايه بس منكم نتعلم
بجد بتعلم من حضرتك ومن مدونتك
ربنا يعزك

mohamed ghalia يقول...

ماما أمولة
ربنا يكرمك يا أمى
أنا بجد سعيد بدعواتك دى
ربنا يكرمك ويكرم أولادك ويسعدهم

mohamed ghalia يقول...

الازهرى
فعلا الحوار كتير بيتحول لشجار
منورنى يا صديقى العزيز

mohamed ghalia يقول...

أحمـــــــــــــد أبو العلا
أنت الأروع بجد
مفتقدين فعلا اننا نسمع الأخرين
منورنى دايما

احساس طفلة محبة للرومانسية بس واقعية يقول...

3-اعترف بخطأك إن أخطأت ولا تتكبر على فعل ذلك.

اعتقد الاقتناع بالاخطاء قبل الاعتراف بيها بينا وبين نفسنا خطوة مهمة جدا يا محمد

لاتغضب ولا تُستفز بسرعة وتحكم فى أعصابك جيداااااا.
دى بقى اصعب خطوة من الخطوات
لان لحظة الغضب بيتعمى الانسان ومش بيقدر يفكر تفكير مرتب زى ما انت شرحت كدا

جزاك الله خيرا
دائما تقدم ما هو مفيد
مش عايزة اقولك انا فاتحة البوستات الجديدة عند الكل وكل شوية بروح مدونتى اشوف حد ضاف جديد فى الريدير ولا لا وانت برضو لتانى مرة بتسأل وانا فاتحة صفحتك شكرا ليك
انا عملت اضافة فى الفيس بوك
للاكونت الجديد بتاعك

تقبل مرورى

mohamed ghalia يقول...

قلم رصاص
وعليكم السلام
معاك حق لما الطبقة المثقفة تقع فى الغلطة دى أمال الناس العادية تعمل ايه
ربنا يكرمك ويسعدك منورنى

mohamed ghalia يقول...

7annen
أكيد محتاجين أدب الحوار
لو رجع هنتطور كتير
منورانى

mohamed ghalia يقول...

احساس طفلة محبة للرومانسية بس واقعية
عجبنى أوى تعليقك على النقطتين الى ذكرتيهم
بجد نورتينى تانى
ربنا يكرمك
وميرسى على الإضافة

بـسـمـــة صـــــلاح يقول...

هيييييييييييييييه النعليق الاول
هههههههههههه

بجد هايل يامحمد موضوع في غاية الاهميه
ربنا يكرمك على طرح موضوع زي كدا
ادب الحوار من اهم الحاجات
اغلب الناس دخلوا الاسلام زمان بسبب الاسلوب اللطيف والمعالمه الحسنه
ربنا سبحانه وتعالى قال للرسول صلى الله عليه وسلم
:((ولو كنت فظا غليظ القلب لنفضوا من حولك))
العنوان عجبني اوي
والموضوع بجد جميل

تسلم ايديك

دمت كما تحب
تحيــ بسومةــاتي(:

MaNoOoSh يقول...

الموضوع فعلا مهم جدا فى عصر الجدال المستمر اللى احنا فيه ده

واصعب النقط فعلا ان الواحد يتحكم فى اعصابه وكمان انه ميتسرعش
(وللاسف انا من النوع المتسرع شوية)
هههههههههههه

بجد نقط مهمة ربنا يقدرنا على تنفيذها علشان نحب الناس ويحبونا ونكون اكثر تحضرا

سما أحمد يقول...

دعوة مهمة اكيد وعنجد انا ركزت في النقاط المطروحة كنصائح وجدتها من اروع ما يمكن لو فعلا التزمنا فيهم وحاولنا نخليهم منهج نمشي عليه
الحوار بالفعل محتاج طريقة يكون فيها منظم وباحترام لانه ساعات بتلاقي الحوار عقيم ولا طرف فاهم التاني ولا حد من الطرفين استفاد او اقتنع
وكانه شجار فعلا وليس حوار

انا معك محمد وبصراحة كتير محتاجين نفهم اصول الحوار قبل ما ندخل فيه
يسلمووووووووو
رائع كتير وفيه افادة اتوقع كلنا محتاجينها:)

شمس النهار يقول...

ماشاء الله
دايما كلامك في الجون

ياريت نعمل بالكلام ده

محمد فوزي يقول...

الحوار هو أكثر شيء بيفكرني بمثال نقطة الماء والصخره , وإنه إزاي ممكن بعد وقت معين الصخره العنيده تتفتت تحت قطرات الماء الضعيفه المتتابعه ,

لكن في ناس بتعتقد إن الحوار ده معركه لازم تنتهي بإنتصار طرف وقبول وإذعان الطرف التاني لرأيه وفي نفس القعده وده شيء صعب جدا خصوصا إذا كنت بتناقش أفكار ومعتقدات وقيم تكونت عبر سنين

مش هقدر أضيف أكتر من كده لكلامك القيم يا ابو غاليه ولا لكلام ضيوفك المحترمين

تحياتي

بستان الحب يقول...

ابنى محمد غاليه جزاكم الله خيرا استفدت كثيرا ومن الرائع قبل اى حوار أردد دعاء الاخلاص لاكى يكون كل حرف من حروف كلماتى خالص لوجهه تعالى وبعيد عن الجدال والانتصار للنفس والتعصب للراى الى آخر هذه الآ فات ،تقبل الله منكم

الفراغ يقول...

دائما امنى نفسى بانى ياستفيد من موضوعك
ودائما تكسب الرهان
بارك الله فيك

ليس فقيرا من يحب يقول...

السلام عليكم

موضوع جميل وهادف بس للاسف معظمنا يفتقد ادب الحوار والتواصل مع الاخر

ودايما تلاقى دورات كتير معلن عنها لتنميه مهارات التواصل الاجتماعى فى حين اننا لو رجعنا لاسلامنا ولمواقف رسولنا صلى الله عليه وسلم والصحابه هنلاقى اروع الامثله على ادب التواصل والحوار

ربنا يعينا على التنفيذ

تحياتى لحضرتك
فى حفظ الله

Qatarat Nada يقول...
أزال المؤلف هذا التعليق.
Qatarat Nada يقول...

يا سلام يا سلام
طيب ايه رأيكم بقى انا التعليق ال 39
( وليا الفخر كله )
يا جماعة سيبوا لنا مرة فرصة الواحد يتهنى بأول تعليق
طيب والله والله كان زمانى التعليق التالت
لانى دخلت امبارح وماكانش حد رد غير 2
كان زمانى دلوقتي التالتة
بس والله كانت ظروفي مش تمام واضطريت اقفل
نرجع لتعليقنا ع الموضوع
زهقت من تكرير نفس الكلام ( رائع ، جميل ، ممتاز ) عايزة اغير شوية بس مش عارفة اقول ايه والله
بس انا ممكن اقول لحضرتك على اكتر جزء عجبني


" أحيانا يكون السكوت أفضل من الحوار إذا كنت تتأكد أن الحوار سيصل إلى طريق مسدود يقول النبى (أنا زعيم بيت فى ربض الجنة لمن ترك المراء (الجدال) وإن كان محقا). "
عجبني جداااا الجزء دة
تسلم ايديك اخى الكريم
في انتظار الجديد على احر من الجمر

Qatarat Nada يقول...

اقصد التعليق ال 40
لانى حذفت ال 39
لانه كان غلطة

Qatarat Nada يقول...

ويلا الواحد يحس بنفسه شوية وياخد كمان ال 51
احنا مش قليلين في البلد برده

Qatarat Nada يقول...

اخر تعليق كان فيه غلطة
بدل ال 51
خلوها 52
يلا ان شاء الله ما حد حوش

Qatarat Nada يقول...

لبخت جااامد في الارقام
نأسف لهذا العطل الفنى

حياتى نغم يقول...

السلام عليكم / جزاك الله خيراً تدوينة كأنها ندوة فى فن الحوار والإتصال .
بارك الله فيك .

أبو العريف يقول...

محمد
تخيل اننا فعلا احيانا بنختلف ونزعل من بعض عشان
اختاف بسيط في الرأي في حاجه بسيطه

قد تكون راي حتي في كرة القدم


الموضوع جميل والحلول
او النصائح
ممتازه

شكرا علي المجهود الرائع

elsha3er يقول...

السلام عليكم

بارك الله فيك والله ربنا يكرمك بس فين يا محمد اللى ينفذ دة والله دة شيوخنا العلماء ما بيعملو كدة الا من رحمه ربى

مش عارف بقت الحاجات دى غايبة عننا لية مشكلة ضمير ولا قلة دين

جزاك الله خير

تحياتى

احمد الشاعر

مجرد مدونة يقول...

اللهم بارك .. والله كلام زى الفل :))

صفــــاء يقول...

النصح
وقدرة الانسان على تقبل الكلام من الاخر
والسيطرة على الغضب
ربنا يعينك الكل فى السيطرة على طباعه وكظم غضبه

همس الاحباب يقول...

بسم الله ماشاء الله
بوست رائع حقا
وفعلا نحتاج اليه فى وقتنا الحالى وفى كل الاوقات
للحوار ادب
والموضوع غاية فى الاهمية
جزاك الله خيرا
دمت مبدعا
تحياتى

م/ الحسيني لزومي يقول...

هذا خلق جميل اسأل الله ان يساعدنا علي نشره.
الموضوع مخدوم وفيه مجهود
جزاك الله خيرا

Ghada_Ibrahim يقول...

مساء الخيرات ..

سبحان الله أهو توارد خواطر ؟

أنا في صدد كتابة موضوع عن هذا العنوان ..

فلا زلنا نحن بحاجة ماسة إليه ..

شكرا لكـ أخي محمد ..

أستفدت من موضوعكـ كثيرا ..

^_^

لكـ أعظم التحايا ..

على عبدالله يقول...

السلام عليكم

احسنت اخى الكريم

موضوع قيم كالعادة
هناك من يختلف لمجرد الاختلاف لا لشىء اخر !
دائما ما اضع امامى حديث النبى صلى الله عليه وسلم
انا زعيم بيت فى ربض الجنة لمن ترك المراء وان كان محقا !


بارك الله فيك واعزك

عمرو جويلى يقول...

السلام عليكم
ما شاء الله عليك يا محمد
بالفعل موضوع فى غاية الأهمية وزى ماإنت قولت الإختلاف فى الرأى لا يفسد للود قضية
تقبل مرورى

أحمد سعيد بسيوني يقول...

ابتسم فدائما تكون البسمة البسيطة هى شعارك فى كل حواراتك فبالإبتسامة يفتح لك قلوب بها

الله ينور عليك

(Joudy) يقول...

كلام موزون وله ثقلة حقيقى ماشاء الله عليك متألق دائما

دمت بكل الخير والسعادة والنجاح

فراشة يقول...

ربنا يباركلك محمد

موضوع رائع وكل نقطة فيه مهمه جدا ولازم واكيد نكون بنعمل حاجه منهم واحدة على الاقل
كلنا فعلا بنقع فى الاخطاء دى ولازم ناخد بالنا منها

تحياتى لك
ادام الله على قلمك تلك التذكرة الرائعة

حياتي كلها لله يقول...

السلام عليكم

جميل فعلا الموضوع ده
وأستفدت منه بجد
تحياتي
سلمي

غير معرف يقول...

السلام عليكم
أشكر لحضرتك زيارتك وأتمنى التواصل
موضوع فى غاية الأهمية
والإختلاف فى الرأى لا يفسد للود قضية
خالص تقديرى

شريكة في المطعم يقول...

السلام عليكم ورحمة الله وبركاته

موضوع جميل باسلوب مميز
وياريت كل الناس تنتبه للحجات دي
والنقد دايما يكون يأدلة مقنعة
مش مجرد احباط للشخص الآخر
وباسلوب مهذب وطبعا زي ما قولت اهم حاجة..ميكونش في العلن

جزاك الله خيرا...ودام ابداعك

mahasen saber يقول...

الله يكرمك يا غاليه وينور عليك

دايما مواضيعك فى الهدف ...

احنا عندنا التحاور مشكله بتقلب فى الاخر لشد الشعر احيانا

ويا سلام بئه لو التحاور والنقاش كان فيه خلاف ساعتها هيتعمل مليون قضيه واحتمال ناخد بعض على القسم ومن ثم المحكمه

مقاللك رائع ويا ريت اليى حاسس انه عنده مشكله فى التحاور مع الاخر يستفاد منه اى حاجه

مبدع دايما يا غاليه

mahasen saber يقول...

الله يكرمك يا غاليه وينور عليك

دايما مواضيعك فى الهدف ...

احنا عندنا التحاور مشكله بتقلب فى الاخر لشد الشعر احيانا

ويا سلام بئه لو التحاور والنقاش كان فيه خلاف ساعتها هيتعمل مليون قضيه واحتمال ناخد بعض على القسم ومن ثم المحكمه

مقاللك رائع ويا ريت اليى حاسس انه عنده مشكله فى التحاور مع الاخر يستفاد منه اى حاجه

مبدع دايما يا غاليه

mahasen saber يقول...

الله يكرمك يا غاليه وينور عليك

دايما مواضيعك فى الهدف ...

احنا عندنا التحاور مشكله بتقلب فى الاخر لشد الشعر احيانا

ويا سلام بئه لو التحاور والنقاش كان فيه خلاف ساعتها هيتعمل مليون قضيه واحتمال ناخد بعض على القسم ومن ثم المحكمه

مقاللك رائع ويا ريت اليى حاسس انه عنده مشكله فى التحاور مع الاخر يستفاد منه اى حاجه

مبدع دايما يا غاليه

الفراشة الصغيرة يقول...

بجد يا محمد انت انسان مثقف وكلماتك كلها على صواب

فعلا نفتقد لغه الحوار كل منا لا يحاول سماع صوت الا صوته وادئما ما نردد الاختلاف فى الراى لا يفسد للود قضيه

على الرغم اننا مش بنعمل بده

وحلوه قوى النصايح بتاعتك دى فعلا
عقل مستنير لشخص جميل

محمد سعد القويري يقول...

الأخ الفاضل :: mohamed ghalia ::

متميز كالعادة

وما شاء الله نقاط رائعة وفي الصميم ..
لكن ألا تتفق معي أن بعض البرامج التليفزيونية تساهم بشكل أو بآخر في نشر ثقافة المشاجرة ..
ولا اريد أن أسمي برامج .. فاللبيب بالإشارة يفهم ..

أطيب الأماني

Hossam يقول...

صديقى الجميل
بجد واضح انك بتعشق التنيمية البشرية
بس الموضوع فعلا جميل ويا رب كل اللى يخش يستفاد منه
تحياتى صديقى واتمنى اشوفك قريب

فشكووول يقول...

ازيك يا محمد
تحياتى
والله نصائح غاليه جدا من 21 بند وان شاء الله نحاول تنفيذهم
تحياتى

غير معرف يقول...

السلام عليكم
موضوع جميل باسلوب مميزوياريت كل الناس تنتبه للحجات دي
خالص تقديرى

إبن مصر يقول...

السلام عليكم

ازيك يا محمد والله وحشنى جدا ووحشنى كلامك الجميل ده

ولو كل واحد جعل النقاط دى فى عقله وهو يحاور اى حد
فلن يجد اى عناد لن يصدر اى شجار


تحياتى واشواقى لك يا حمام

Ahmed Mohamed يقول...

ازيك يامحمد عامل ايه
وحشني كلامك
فعلا حاليا الاختلاف يفسد للود قضيه
احاول احترم رأي الاخر ولاكنه لا يقنعني ابدا
وهناك فرق بين الاقتناع بالرأي واحترامه
وعلي كل حال سيبقي الوضع كما هوه عليه وهذا رائي ولن ولم اقتنع بغيره !!
*
تحياتي يامحمد علي الموضوع واستشهادك بالكثير من اقوال الحكماء والعلماء

رحلتنا في الحياة يقول...

السلام عليكم ورحمة الله وبركاته
انا جييييييت اكيد ضلمت المدونة :)
ازيك يامحمد اخبارك ايه طبعا باعتذر عن عدم زيارتى للمدونة الفترة اللى فاتت دى كلها
بس بجد البوست جميل جدا ماشاء الله عليك كل بوستاتك تحفة ربنا يجعلها فى ميزان حسناتك يارب بحاول انى انفذ الكلام اللى بتقوله دايما وربنا يقدرنى والحمد لله البوست دا المرة دى يعنى جبت كام نقطة فيه عقبال الباقى ان شاء الله :)

ghorBty يقول...

السلامـ عليكمـ

عندك حق والله وقلت كل شئ فعلا ..

ويبقي (إن فى ذلك لذكرى لمن كان له قلب أو ألقى السمع وهو شهيد)


جزاك الله خيرا وتقبل منك صالح الاعمال ..

لو عرفوه هيحبوه يقول...

السلام عليكم ورحمه الله وبركاته

موضوع هام جدا لو اتبعنا هدى الرسول صلى الله عليه وسلم فى النصح لانصلح حالنا

جزاكم الله خيرا

تابعونا فى الجزء الثانى من وصف النبى صلى الله عليه وسلم

Unknown يقول...

السلام عليكم ورحمة
الله تعالى وبركاته
الله تدوينة جميلة
اوى بكل ما فيها
من معانى ومن عظات
وكمان من اشعار
تسلم ايدك يامحمد

لاسع افندى يقول...

ماحدش بيتقبل النقد كله عايش على النفاق

شكرا على الموضوع الهادف

شهووووده يقول...

موضوع جميل وقيم .. تقديري واحترامي

رفقة عمر يقول...

اولا باشكرك لاهتمامك لمتابعه مدونتى واعتذر فعلا لانشغالى مش بتابع المدونات خالص بقالى فترة ان شاء الله ربنا ييسر وارجع اتابع تانى
وسبحان الله موضوعك من غير مجامله والله جاى فى وقته بالنسبه لى كنت محتاجه فعلا
واتعلمت منه حاجات كتير
جزاك الله خيرا على مدونتك الهادفه الراقيه الاسلوب

منى يقول...

الاختلاف يفسد الود رغم قسوه العباره دى لكن فعلا ده بيحصل كثير جدا وممكن لحظه غضب تضيع علاقات ود طويله
نشكر لك اخى نصائحك الغاليه
تحياتى

GiGi world يقول...

بجد بوست روعه
ربنا يكرمك بجد يارب
واحلى حاجه ان النصح مايكونش فى العلن دى احلى حاجه قريتها النهارده

وردة يقول...

اخي الكريم محمد
اي نعم انت اخي الصغير سنا ولكنك اخي الكبير فكرا واحتراما
كل مرة ااتي الي هنا اتعلم منك الكثير والكثير
ما اجمل الحوار الهادي
نتحدث ونستمع
نعطي لنفسنا فرصة لفهم الاخر
بجد انت جمعت كل شئ ولم تترك شئيا يضاف
ربنا يباركلك ويثبتك ويعزك يارب
اسفة اني تأخرت في التعليق
ربنا يكرمك
سلام

وردة يقول...

كل سنة وانت طيب اخي الكريم
بمناسبة الاسراء والمعراج
ربنا يوفقك يارب
سلام

طوبه فضه وطوبه دهب يقول...

tslm aydk kol mra a7la mn el ablha rbna ykrmk

عمرو يقول...

للأسف يا عزيزى ثقافة أدب الحوار مفتقده و تائهه بين مختلف القيم الجديده اللى سادت المجتمع ..
اٍما أن توافقنى الرأى و اٍما فأنت ضدى .. كده على طول و ده على فكره خلق نوع من الاٍرهاب الفكرى و دمر الكثير من الجسور اللى المفترض أن تكون موجوده بين الناس بهدف الوصول للأصلح و الأصح ..
المشكله لها جوانب كثيره و متعدده و من المفيد أن تناقش بغير حساسات ..
بوست جميل و قوى بارك الله فيك ..
تقبل تحياتى و تقديرى ..

سمكه واحده يقول...

كل سنه وانت طيب بمناسبه الاسراء والمعراج
اخبارك ايه؟

كلمات من نور يقول...

نعم نبحث عن السعادة في زمن يملؤه الحزن بسبب ما يحدث للإسلام والمسلمين

ومن أهم الأشياءفعلا أدب الحوار

تعرف يا محمد؟ أحيانا كتير في سن الشباب بقى كنت اتعصب بس بأدب والله بس حجتي كانت بتضعف وباسكت احتراما لديني و تربيتي ووووو

دلوقتي الظاهر ومع عوامل السنين والمشيب بدأت اتغير واكون هاديه والابتسامه على وجهي والصمت البليغ حينما يحتدم الحوار حتى يهدأ الطرفين ووووو

العمر عليه عامل أكيد و الطبع التركي برضه مع الاسف (:

موضوع قوي ومهم يا محمد والكل ياريت يقراه مره واتنين ويشوف غلطه فين

ربي يوفقك دايما لكل خير

مهرة سالم يقول...

السلام عليكم....
رحيق الحوار خيرا من حريق الخلاف...
...
دمت بخير