dupport me

الاثنين، 5 أكتوبر 2009

وبدأت رحلة الكفاح

لالا فلنعود إلى الوراء قليلا حيث البداية... بداية النشأة فى قرية كبيرة من قرى مصرحيث المولود الأول لأب وأم من أسرة متوسطة الحال جاء ليأخذ قلبهما وعقلهما ويجذب إهتمام الجميع.

فمنذ اليوم الأول وجد محبة الجميع فهو مولد العائلة الأول وابن أكبر أولادهم . تمضى الأيام يكبر يوما بعد يوم وسط إهتمام الجميع الذى لم يقل يوما.

فى الحضانة يشعر الجميع بأن هناك شىء مختلف فى هذا الطفل فهو يمتلك الكثير من الذكاء تمارس والدته مهنتها معه كمدرسة فى المرحلة الإبتدائية فتستغل تلك الموهبة لتنهى معه المناهج الدراسية الإبتدائية وهو لازال فى مرحلة الحضانة.

وتمر الأيام سريعا ليدخل المرحلة الإبتدائية ويشهد الجميع بذكائه اكثر ومن الطبيعى أن يكون سابقا لسنه فلقد درس تلك المواد فى مرحلة الحضانة . كل ماكان يقال فى الإذاعة المدرسية من كتاباته الشخصية ويقوم بإلقاء الكلمة الصباحية طيلة سنوات هذه المرحلة

دعونا نعود للخلف قليلا حيث الحدث الذى غير مجرى حياته ففى الأسبوع التانى من بداية دراسة الصف الثانى الإبتدائى يتوفى والده _رحمه الله_ . لتطوى صفحة من اهم صفحات حياته صفحة ابيه كم هو مؤلم هذا الإحساس .

وتمر الأيام سريعا و يحاول الجميع ان يستقطبوه لذكائه بين الأخوان المسلمين اوبين شيخه الذى تربى على يديه وبالطبع لم يختر الأخوان لأن فطرته التى لم يعلمها له احد كانت على انه لا جماعة ولا حزبية فى هذا الدين العظيم لذا فأختار الشيخ ... تعلم منه فنون الخطابة والإلقاء

وبعد فترة توقف لأنه رفض ان يكون مجرد ناقل لكلمات كبار المشايخ فقد تعلم ان يكون له شخصية مستقلة كما انه يريد أن تكون له ثقافة فى شتى انواع العلوم وليست فقط الدنية لذا دخل الى صومعته ليقرأ فى كل انواع الكتب وإن كانت لازالت الدينية هى الغالبة ولكن بالتأكيد كان معها الكثير.

وفى الصف الرابع الإبتدائى يكتب أول بحث فى حياته بعنوان حقوق الجار فى الإسلام بجانب الكلمة الصباحية اليومية .

لتنتهى تلك المرحلة ثم تأتى المرحلة الإعدادية ببعض خمول وربما غرور وربما مجرد ثقة زائدة وربما لثناء الجميع المستمر فأصابه ذلك بالخمول وبالرغم من انه لا زال يتمتع بتميزه ولكن ليس كسابق عهده .

فى الصف الثانى الإعدادى يكون جميع صداقاته الحقيقية التى استمرت معه حتى اليوم فهو لم يخرج من مرحلته السابقة إلا بصديق واحد ولكن فى هذه المرحلة اختلف الوضع فقد كون صداقته الحقيقية التى استمرت معه .

وفى الصف الثالث الإعدادى يكتب تانى بحث مهم فى حياته بعنوان القدس أرض الأنبياء وحقا تعلم واستفاد الكثير خلال كتابته لهذا البحث .

وليشتعل حب القراءة والعلم فى رأسه أكثر وأكثر . وتمر الأيام وتأتى مرحلة الثانوية العامة

وفى الصف الثانى الثانوى وحينما شعر أن الجميع يعقد عليه أمالا كبيرة والضغوط تحيط به من كل جانب حينها لم يجد إلا الفشل حليفه وخصوصا حينما توبرت أعصابه لدرجة أنه قضى معظم العام طريح الفراش وتمر تلك السنة بخيبة أمل كبيرة نتيجتها التحويل من علمى لأدبى ويكون العام التالى اسعد حالا بعض الشىء لتكون المحصلة النهائية هى دخوله كلية التجارة.

ولا شك فى أن حياته من المرحلة الثانوية إلى المرحلة الجامعية انقلبت رأسا على عقب... فمن تقوقع على اصدقائه وأقاربه وكتبه فقط إلى إنفتاح على حياة جديدة وأشخاص جدد وثقافات مختلفة عما تعلمه أو تربى عليها .

ولكن سرعان نتيجة لثقافته ما انصهر فى هذا المجتمع وتعلم كيف يعامل الجميع على قدر علمه وثقافته ومكانته ولكنه أبقى على قيمه وعاداته التى تربى عليها وهو مازال لم يتحدث إلى بنت واحدة طيلة سنوات الجامعة.

وأعتقد أنه ليس فى هذه المرحلة من تفاصيل خاصة بالدراسة والتعليم تذكر فحتما دخل وخرج منها بمجرد قشور علم وعناوين عريضة فى مجال المحاسبة والإدارة والإقتصاد ويبقى ان تعلم نفسك بنفسك وتنمى انت دراستك بالكورسات فى المحاسبة واللغة والكمبيوتر فلا يخفى على احد حال التعليم هنا فى مصر .

ولكن الأهم هو أنه تعلم كيف يعامل الجميع واكتسب ثقافات وصداقات ومعارف وربما أماكن .

وفى أجازة العام الثالث من الدراسة وفى احدى زياراته العائلية يجد قريب له يجلس أمام مدونته يتابع التعليقات على اخر مواضيعه. وعرف منه معنى مدونة وأن تكون لك صفحة على الإنترنت يكتب فيها بحرية واستعرض هو شريط الماضى ... يااااااااااااه وكأنه فجأة تذكر أنه كان يعشق الكتابة وكانت كل حياته ولكنها ابتعد عنها ل6سنوات كاملة

ياااااااااه أترى هل نسى كيف يكتب ! أم هى مشاغل الحياة أم أنه لم يعد يرغب فى الكتابة وأخذ يتسائل واشتعلت الفكرة فى رأسة أن يعود ليكتب من جديد فلعل ماحدث هداية من الله عز وجل ليكون له مكان فى هذا المجال . وكانت البداية مع مدونة هل تبحث عن السعادة؟ مدونة لتكون له فى المقام الأول يذكر نفسه بما تعلم وليستخرج ثقافته عليها ولتكون للشباب فى سنه وبالفعل بدأت فى الإنتشار وذاع صيتها بين المدونات ولله الحمد . ولعل هذا هو أبرز ما حدث له فى هذا العام.

لتنتهى تلك المرحلة لن أقول بخيبة أمل ولكن ليس كما كان يحلم. فلقد تخرج بتقدير مقبول! بعد اربع سنوات من الجد والحضور والمتابعة ولا يدرى ما السبب فالحمد لله على كل حال. فها هو ينهى دراسته وبالأمس أخذ تأجيل من أداء الخدمة العسكرية واليوم تبدأ رحلة الكفاح الحقيقية.

غالبا ماتكون نهاية كل قصة قصيرة

تمت ولكنها هنا بدأت

ملحوظة:

أى تشابه بين صاحب القصة وبين صاحب المدونة هو من قبيل فقط المصادفة(وش بيستهبل).

هناك 118 تعليقًا:

ঔღঔ نـــوارة ঔღঔ يقول...

بخ بخ

وسعووووووووا

انا اوووووووووول تعليييييق

كح كح

ঔღঔ نـــوارة ঔღঔ يقول...

وتاني تعليييييق كماااااااان

يلا عشان متقلش حرمتك من حاجة :]

بـسـمـــة صـــــلاح يقول...

لااااااااااااااااا لا بقى يانواره

بـسـمـــة صـــــلاح يقول...

عيب كدا ياحبيبتي خلينا حبايب وامشي من هنا وامسحي كومنتاتك دي خالص

بـسـمـــة صـــــلاح يقول...

أنا بحارب من بدري عشان الحق اول تعليق اخرتها كدا

بـسـمـــة صـــــلاح يقول...

انت ياواد ياللي اسمك أستاذ محمد

أنا أول تعليق صح ولا لأ؟؟؟؟

mohamed ghalia يقول...

ঔღঔ نـــوارة ঔღঔ
المدونة منوره يافندم
أكيد شرف ليا يكون حضرتك أول تعليق

mohamed ghalia يقول...

بـسـمـــة صـــــلاح
معلش يابسمة هنعتبرك مجازا الأول مكرر
ههههههههههههههه

ঔღঔ نـــوارة ঔღঔ يقول...

نعم نعم نعم

امشي يا بت

احنا قفلنا النهاردة فوتي علينا بكره

وايه ياخويا اول مكرر

دا انا اهد الدنيا

(وش معصب كدا وكدا )

:]

بـسـمـــة صـــــلاح يقول...

ملحوظة: أى تشابه بين صاحب القصة وبين صاحب المدونة هو من قبيل فقط المصادفة(وش بيستهبل)....

لا فعلا مصادفة
هي مصادفه ولا مصادفة
اوعى تكون مصادفه
خخخخخخخخخخخ

بجد أنا متأثرة جدا جدا جدا
بوست جديد وبجد خلاني آخد فكرة جديدة عن محمد الإنسان وحياته ...
أنا مش عارفة أعلق بجد...

غالبا ماتكون نهاية كل قصة قصيرة تمت ولكنها هنا بدأت ...
التعبير دا تحفة


ربنا يسعدك يا محمد دايما يارب
ويحققلك اللي تتمناه


بقولك ايه أنا أول كومنت وإلا هضربك
ههههههههههههههههههههههههه
ههههههههههههههههههههههههههههه


تحيـــ سفيرة السعـــادةــاتي(:
بسومة النعومة

بـسـمـــة صـــــلاح يقول...

بت انتي وهو بقولكوا ايه

انا عانيت عشان اوصل لحد الصفحه دي


انا الأول بلا منازع
ال مكرر ال

mohamed ghalia يقول...

ঔღঔ نـــوارة ঔღঔ
يافندم من غير متتعصبى
نخليها التانى مكرر يمشى ؟؟؟؟؟
هههههههههههه

بـسـمـــة صـــــلاح يقول...

نععععععععععععععععععععم نععععععععععععععععععععععععم نععععععععععععععععععععععم ال التاني مكرر ال

نوراه انا الصغننه عيب كدا

ঔღঔ نـــوارة ঔღঔ يقول...

ماشا الله عليك

شكلك خطيرررر وانا مش عارفة

يابختك ياعم

انا برضوا عندي ذكاء خارق اسم الله عليي بس بالعكس :]

هههههههههههههههه

مبررروك عالتخرج وربنا يوفقك على كل حال

وقولي انت هتسبنا وتروح الجيش
وتغني انا رايح بكره عالجيش اتجند بين رفاقي ؟!

mohamed ghalia يقول...

بـسـمـــة صـــــلاح
ربنا يخليكى
اكيد طبعا تشاااااااااااااااااااابه
ولا اعرفه ياباشا هههههههههههه
منورانى دايما ياسفيرة السعادة

بـسـمـــة صـــــلاح يقول...

ها مش ماشيه من هنا غير لما تعترفوا انتوا الاتنين اني اول كومنت

هيه بسسسسسسسس

mohamed ghalia يقول...

ঔღঔ نـــوارة ঔღঔ
لا بقى جش ايه مقولنا تأجيللللللللللللللللل
يعنى عاااااااااااااااااااااطل ولله الحمد هههههههههههههه
معندكيش شغلانه بقى
وحسنه قليلة تمنع بلاوى كتيرة وهنيالك يافاعل الخير
هههههههههههههه

ঔღঔ نـــوارة ঔღঔ يقول...

اجررررررري يا بت من هنا

ال اضربك ال

اخشوشني يابت

احمدي ربنا اني تعطفت وقبلت بتاني ومش مكرر

يلا معلش بقى يا محمد هجي على نفسي

واخليها التاني ومش مكرر

والي هيعترض هرميه من الشباك

بقووولكم اهوو

:]

mohamed ghalia يقول...

بـسـمـــة صـــــلاح

اروح احذف المدونة وارجع
ههههههههههههههههههه
متحلوا ياجدعان المشكلة وبلاش المحاكم سكتها طويلة

ঔღঔ نـــوارة ঔღঔ يقول...

بسوومة

ولا اعررررررررفك

تاني يعني تاني

مش عجبك نامي هناا

جهزلها غرفة في المدونة يابني

mohamed ghalia يقول...

ঔღঔ نـــوارة ঔღঔ
الحكم بعد المداولة
خلاص قررنا التانى يابسمة ههههههههههههه

ঔღঔ نـــوارة ঔღঔ يقول...

تاجييييييل ولا مش تاجييييييييييل

مصيرك هتروح يعني هتروح

ماتخلص منه وتريح نفسك

هتعقد تاجل ومعرفش ايه

ولا يهمك من عنيا اجيبلك احلى وظيفة في الدنيا

بس سبني سنة افكررررررررر

كح كح

بدراوى يقول...

يعنى مصر قالتلك روح
مش عايزاك
هههههههههه
ربنا يوفقك فى حياتك المهنية كلها
و يكرمك
معلش هو حضرتك خريج ايه؟
اوعى تقولى مدرسة الحياة
هههههههههههه

ঔღঔ نـــوارة ঔღঔ يقول...

هييييييييييييه

ظهررررر الحق

ينصر ديييييينك يا محمد

هييييييه بسوومة التاني

(وش مطلع لسانه وبيلعب بحواجب )

ঔღঔ نـــوارة ঔღঔ يقول...
أزال المؤلف هذا التعليق.
بـسـمـــة صـــــلاح يقول...

بأه كدا يعني أنا التاني
ماشي يانوارة
وأنا اللي كنت بقول انك طيبه وعسوله وسكر
شكرا يانوارة
وهترميني من الشباك كمان

ماااااااسي ماااااااسي
يامحمد
):

mohamed ghalia يقول...

ঔღঔ نـــوارة ঔღঔ
مهو التأجيل بيبقى اعفاء بعد 3سنين
اوك هترجعى بعد سنة تلاقينى هنا برده
دورى براحتك ههههههههههههه

mohamed ghalia يقول...

بدراوى
حبيب قلبى
أخبارك ايه
تحيا مصر ياعمنا
يابنى مش كنت معاك فى اللقاء واتكلمنا
أنا خريج تجارة
تجارة دى أكبر من مدرسة الحياة شكلك مش من هنا
ههههههههههههههههههه
منورنى ياصاحبى

ঔღঔ نـــوارة ঔღঔ يقول...

يابنتي عيب كدا

انا لسه جديدة بالاحتلال

اديني فرررررصة افجر مواهبي

واخد فرصتي بجد

محمد

اهاا التاجيل بيقلب لاعفاء

يابختك ياعم

ياخسارة كنت شمتانة فيك

ههههههههههههههههههههه

بدراوى يقول...

لقاء ايه
معلش يا بنى الزهايمر يطرق الباب فى كل وقت
هههههههههه
الساعة معاك كام دلوقتى
كويس انى فاكر ان كان فيه لقاء من اساسه
انما قولنا ايه فى اللقاء ده سؤال صعب اووووووى

طبعاً جاى لقاء اسكندرية ؟!

اللؤلؤة يقول...

السلام عليكم
إيه الموضوع ده ؟
كل ما أدخل على مدونة
ألاقيها محتلة إحتلال جامد
ربنا يكون فى عونك يامحمد

mohamed ghalia يقول...

بدراوى
أوك قولى على تفاصيلة وربنا ييسر
تقريبا هو 10/10

بـسـمـــة صـــــلاح يقول...

ماشي يانوارة انتي طعنتيني في جلبي خلاص
وابويا هيجي ياخد بتاري منك
وهياخده من محمد ويعلجه فوج النخلة


أنا سيبهالكوا وماشيه

روحي نامي يانوارة احسنلك
ههههههههههههههههههههههههه

mohamed ghalia يقول...

اللؤلؤة
استاذى
المدونة تحت الإحتلال ههههههههههه
منورنى دايما

اللؤلؤة يقول...

السلام عليكم
قصة مليئة بالكفاح ولكنى
أعتقد بل أجذم أنها قصة
حياة محمد إبراهيم غالية
دمت بكل الخير

mohamed ghalia يقول...

بـسـمـــة صـــــلاح
يعلق ميييييييييييين
أنا محدش يقدر يعلقنى
غير عموما صلاح طبعا هههههههههههههههههه
المدونة مدونتك ياسفيرة السعادة

بدراوى يقول...

التفاصيل كلها هنا

http://mero200528.blogspot.com/2009/10/blog-post.html

mohamed ghalia يقول...

اللؤلؤة
ياأستاذى استر عليا على الملأ كده تسيحلى هههههههههههههههههه
منورنى يا أستاذى

ঔღঔ نـــوارة ঔღঔ يقول...

بسووومة

سلامة جبلك ياجلبي :]

ههههههههههه

اه خدي بتارك من محمد اهو فاضي ومفيش وراه حاجة

التااار ولا العااااااار

افتلوووووووووووووووووه

كان راجل طيب ولسه هيبدا رحلة الكفاح

ههههههههههههههههههه

عشان تعرف معزتك عندي يا محمد :]

mohamed ghalia يقول...

ঔღঔ نـــوارة ঔღঔ
يانهار ألوان
دا انتى طلعتى بتعزينى أوى
كده طييييييييييب بسمة انتى الأول مكرر ههههههههههههههههههههههه

ঔღঔ نـــوارة ঔღঔ يقول...

نعم نعم ياخويا

اساسا انت قاعد تعمل هنا ايه

يلا شطبنا المدونة قفلت

فوووووت علينا بكره

هه كمان

اطمن وروح نااااااام

المدونة بايدي امينة

امينة مين معرفش

ولا يهمك وراك ستات زي القمر

نام ولا يهمك

:]

mohamed ghalia يقول...

ঔღঔ نـــوارة ঔღঔ
أنام وانا مطمن
على فكرة مدونتك هايلة بجد وفيها مقالات علمية حلوة أوى وحلو الجانب الى انتى وخداه صحيح معظم المواضيع للبنات بس يلا فى مواضيع تنفع تمشى للإتنين
منورانى وبجد المدونة مدونتك يا أمينة هههههههههههه

ঔღঔ نـــوارة ঔღঔ يقول...

محمد بلاش الحركات دي

ناوي تضحك عليي بكلمتين لأ دا انا نوارة والاجر على الله

يلا يابنتي ما تبعتي القوم الي عندك يخلصوا عليه :]

هههههههههههههههههه

وامييييينة مين والناس نايمين انا هقوم اعمل طقوس ما قبل النوم واناااااام :)

كج كج

ميرررررسي يا زووق اجي ايه انا جنمبك يا عبقري على فكرة انا ضفت اقسام جديدة وهخلي المدونة تبقى شاملة اكتر وتفيد الجميع ^ـ*

ربنا يوفقك يارب

تصبح على خير :)

نلتقي في احتلال اخررررر

سي يو :)

موناليزا يقول...

تمنياتى بالتوفيق فى حياتك المستقبلية
أنا أيضا لكم تعجبت من صغر سنك ونضجك فى الكتابة ماشاء الله عليك
ربنا يحميك ويهيئلك دايما كل خير

د/عرفه يقول...

ربنا يكرمك يا محمد
دايما بعتقد ان الفترة اللى قادمة اصعب بكتير من المرحلة اللى فاتت

وخلالها بيتوقف عليها مستقبل الفرد

Soul.o0o.Whisper يقول...

أى تشابه بين صاحب القصة وبين صاحب المدونة هو من قبيل فقط المصادفة(وش بيستهبل).

ههههههههههه


أنا بردوا قلت كدا
لا يمكن أبدا أبدا أبدااااااااا ان يكون الشخص دا هو دا
أكيييييييييييييد مصادفة
ههههههههههههههه


ربنا يوفقك يارب يا محمد فى كل حياتك

و تبدء رحلة كفاجك اللى ان شاء الله يكون كلها نجاحات و انجازات تسعدك و ترضى ربنا عنك



دمت بكل خير

دموع القمر يقول...

صباح الخير محمد

مش عارفة اكتب ايه بجد سردك تحفه

ربنا يعزك ويكرمك

وتحقق هدفك من المدونة دى

مقبول :)

قدر الله وماشاء فعل

وبعدين دا التقدير العام لطلاب تجارة :)

أى تشابه بين صاحب القصة وبين صاحب المدونة هو من قبيل فقط المصادفة(وش بيستهبل).

حلوة دى هههه

بس بجد ربنا يكرمك ويعز الاسلام بيك يارب
ربنا يوفقك

ستيته حسب الله الحمش يقول...

انا استكنيصت وعملت احلى استمورننج مع قصة حياة وش مثقف جدا
و
و
"بيستهبل" هههههههههههههه

عالم حبيب يقول...

ربنا يوفقك يامحمد


هههه عاوز اقولك مبروك على التأجيل من الجيش .. الكل بيبارك للي أخد تأجيل او اعفا مع ان المفروض دخول الجيش في بلد مسلم شرف .. يلا ربنا يصلح الحال

ذكريات حلوة .. والحياة اللي انت مقبل عليها جميلة .. شوف الشهادة صدقني الأن ليست أكثر من مجرد ورقة .. لا فرق بين خريج طب او هندسة او تجارة .. هناك بعض الصفات المطلوبة للحصول على وظيفة جيدة

الجميل في الحياة اللي انت مقبل عليها ان شاء الله انك هاتبدأ تعتمد على نفسك وواحدة واحدة تستقل بحياتك

يارب يوفقك ويكتبلك النجاح والتوفيق

مي يقول...

لوووووووووووووووولىىىىىىىىىىىىىىىىىى
انا جييييييييييت نعم لا مش سامعة زغاريد يعنى

مي يقول...

مبررررروك يا محمد وماشاء الله عليك
وربنا يكرمك ويوفقك يارب وتكون حاجة كبيرة ان شاء الله ونفرح بيك
واشيل عيالك
ههههههههههههه
تحياتى وبالتوفيق

آيوشة يقول...

هو انت بتكلم عن مين ياترى ؟؟؟(وش بيستهبل بردو ) ^_^

المفروض مش انا اللى اتكلم واقول الكلام ده المفروض انك انت اللى بتعملنا السعادة منين يبقى انت اللى هتعرف مصيرك هيكون ايه فى المستقبل باذن الله
وان شاء الله هيكون مستقبل مشرق بالتفاؤل والعمل وانت قولتلها دى البداية ربنا يوفقك ويكرمك ياااااااااااااارب وتلاقى الوظيفة المناسبة

ليس فقيرا من يحب يقول...

السلام عليكم

بالنسبه للدكتور صاحب القصه

لوسمحت خليك واسطه خير وقوله مبروك

التأجيل ومبروك التخرج وقوله مقبول

مقبول حصل خير

ربنا يوفقك ويكرمك يارب

ويكون الجاى احسن بكتير من اللى فات

(المهاجر الى الله) يقول...

السلام عليكم ورحمة الله وبركاته:
كل عام وانتم بخير ،
شعرت للوهلة الاولى انك تتحدث عنى ،فحقيقة هى تتشابه الى حد بعيد مع حياتى السابقة مع وجود بعض الاختلافات فى بعض التفاصيل .
اتفق معك تماما فى انه لا جزبية فى هذا الدين العظيم .
بارك الله لك واعزك ونفع بك.
اخيك فى الله / طارق سليم

طوبه فضه وطوبه دهب يقول...

لا هو كدا بيستهبل اوى مبروك على انهاء مرحله دراستك والف مبروك على تأجيل الجيش وفعلا انت بدءت حياه جديده بكل المعانى ولسه ياما هتعانى وتعانى مش بصعبها عليك لكن دا واقع وهنصحك نصيحه واحده بس للمرحله اللى جايه المرحله اللى كلها رجوله وتحمل للمسئوليه وبعيد عن مرحله الصبيه والاعتماد على الغير حب ما تعمل حتى تصل الى ان تعمل ما تحب وربنا يوفقك لما يحبه ويرضاه

أحــوال الهـوي يقول...

اعرف نفس هذه السمات الشخصية كان زميل لي و كان معجزة من المعرفة و الذكاء يخفظ دائرة المعارف البريطانيه تقريبا علم و ثقافة لم اقابل احد ختي الان بمثل هذا الخضم من اختلاف الاهتمام و الالمام بكافة المعارف

خجول متعثر في دراسته لم يعرف النساء و ايضا متعثر في حياته العمليه لم يكن يسعي الي الصداقة و لكننا كنا نسعي اليه طمعا في نهل المعرفة منه

و الان هو كما تركته منذ 25 عاما بنفس لم يتقدم قيد انمله

ان المعرفة اذا كانت لا تخدم صاحبها ثم الناس اصبحت في كتاب مهمل مهترأ الصفحات رائحتها قديمة

تحياتي

تأثير الفراشة يقول...

أولا، ألف مبروك على التخرج ، و التخرج-صدقنى- هو البداية الفعلية للحياه الحقيقية و تقدير الكلية ليس له علاقة مباشرة بقيمة الشخص نفسه

و أحييك للغاية على سردك الرائع، ليس فقط لجودة و سلاسة الاسلوب و لكن لصراحتك الشديدة فى العرض

نفعك الله و نفع بك و رزقك الاخلاص فى القول و العمل

romansy يقول...

ايزيك يا محمد اخبارك ايه
الحمد لله انك اتخرجت منها الحمد لله مش مهم التقدير انت لسه قايل دا حال التعليم فى مصر
بس فعلا دى بدايه قصه تانيه خالص حياه الدراسه احسن كتير كتير من الحياه العمليه اه والله اسالنى انا
يلا بس نصيحه
ابتدى صح
شوف الشئ اللى تحبه واعمله
علشان تقدر تبدع فى شغلك
ان شاء الله ربنا يوفقك

هانى زينهم يقول...

حلو البوست يا احمد يا عرابى !!

esraa يقول...

:)
كان عندي احساس انك بتحكي عن نفسك
مبروووووووك التأجيل
وربنا يوفقك في كل اللي جاي

همس الاحباب يقول...

صباح الاستهبال يا حماده
هههههههه
كل سنة وانت طيب
وكل سنة وانت وسطنا ومنور مدونتك يا عم
والف مبروك على التخرج والتاجيل
وربنا يوفقك دائما
تحياتى

mohamed ghalia يقول...

موناليزا
ربنا يعزك
عقل ايه بس ده كان زمان ههههههههههههه
ربنا يكرمك ويسعدك دايما ودايما منورانى

mohamed ghalia يقول...

د/عرفه
ربنا يعينا على الى جاى بجد يادكتور
دعواتك
دمت فى حفظ الله

mohamed ghalia يقول...

Soul.o0o.Whisper
أكيد طبعا يادكتور مجرد تشابه مش صح بردهههههههههههه
ربنا يكرمنا وإياكى بإذن الله

ABOALI يقول...

فعلا يا غالى رحلة كفاح

والعرق هايشتغل
معلش هى رتبة عاطل رتبة ابهة
بس ربنا معاك


مع نصر السادس من اكتوبر
انصحك تروح سينا
وترفع العلم فوق الخط
بس حاول يكون الخط رقعة

احتمال حد يشوفه او يعملك خط نسخ
والى اللقاء فى الرحلات القادمة

قااااااااااال كفاح اقال

mohamed ghalia يقول...

دموع القمر
ربنا يعينا على جى وبجد ميرسى أوى على دعواتك
ربنا يكرمك ويوفقك فى حياتك

mohamed ghalia يقول...

ستيته حسب الله الحمش
هههههههههههه
يارب تكون حلوة الإصطباحة مش ملتوتى هههههههه
هنقيها استهبال طول البوست ولا ايه هههههههههههه

mohamed ghalia يقول...

عالم حبيب
أكيد معاك حق المفروض العكس
ربنا يعينا ونقدر نعتمد على نفسنا بجد
فى أزمة رجالة
منورنى ياصاحبى

mohamed ghalia يقول...

مي
هنعملك فرح فى المدونة حاااااااااضر
إن شاء الله
ربنا يجازيكى خير على دعواتك
وربنا يكرمك فى حياتك ويسعدك دايما

mohamed ghalia يقول...

آيوشة
وان شاء الله هيكون مستقبل مشرق بالتفاؤل والعمل وانت قولتلها دى البداية ربنا يوفقك ويكرمك ياااااااااااااارب وتلاقى الوظيفة المناسبة
اللهم أمين
ربنا يكرمك ويسعدك دايما يا أيوشه وتعدى حالة الملل إنتى كمان قبل موصلها ونعقد بعض ههههههههههههه

mohamed ghalia يقول...

ليس فقيرا من يحب
الله يبارك فيك
دكتور ايه بقول تجارة يعنى بشمهندس هههههههههههههههه
منورنى

mohamed ghalia يقول...

(المهاجر الى الله
يشرفنى هذا التشابه
منورنى بزيارتك الأولى
دمت فى سعادة

mohamed ghalia يقول...

طوبه فضه وطوبه دهب
حب ما تعمل حتى تصل الى ان تعمل ما تحب وربنا يوفقك لما يحبه ويرضاه

أوعدك مش هنسى
منورانى يادكتور
وربنا يكرمك ويسعدك دايما

mohamed ghalia يقول...

أحــوال الهـوي
ربنا يستر
أوعدك انى هتعلم الدرس كويس

mohamed ghalia يقول...

تأثير الفراشة
ربنا يكرمك ويسعدك يادكتور
سرد ايه بس دى جت معايا كده كانت مرد فضفضة ههههههههه
منورانى دايما يادكتور

mohamed ghalia يقول...

romansy
يارب يا احمد الى جاى يكون احسن وتكون قصة كفاح ممتعها حتى بمشكلها
منورنى يابلدياتى

mohamed ghalia يقول...

هانى زينهم
عمى هانى متقلقش الثورة قريب وانت معايا فى التنظيم وحاسب بقى عشان البلوجر ملغم هههههههههههه

mohamed ghalia يقول...

esraa
ربنا يخليكى ودايما منورانى
دمتِ فى خير وسعادة

mohamed ghalia يقول...

همس الاحباب
ههههههههههههه
خالد حبيب قلبى
كيفك
ربنا يكرمك وبجد سعيد أوى بكل نشطاتك الخيرية
كفاية أوى انى خرجت من عالم التدوين بصديق زيك وناس تانية كتير
منورنى ياصاحبى

mohamed ghalia يقول...

ABOALI
ايه ده عميييييييييييييييل
هههههههههههههه
ماشى ياعمنا اتريق اتريق انت خلاص اطحتيت فى البلاك ليست خد بالك من نفسك
(وش شورير)

mimi يقول...

أنا شايفة تشابه كبير بيني وبين البطل

يبقي أنت قاصدني

ولا أقوللك

يخلق من الشبة اربعين

ههههههههههه

تحياتي ... بوست حلو عجبني

المعتصم يقول...

السلام عليكم ورحمة الله وبركاته
صديقى العزيز
محمد
تحياتى
ياعمنا الف مبروك على التأجيل
ومبروك على لقب عاطل
ده مهم جدا على فكرة
لانه هو فعلا اول خطوة على الطريق
انما انهى طريق بقى
ربنا اللى يعلم ياصاحبى

بقى تختمها بــ وش بيستهبل
ماشى ياعم
ربنا يوفقك يارب كده وتحقق كل اللى بتتمناه ونفسك فيه
ســــــــــلام

ماما أمولة يقول...

اتمنى من الله ان تكون رحلة كفاحك مليئة بكل مايسعدك ويدخل السعادة على قلبك كما تتمناها للجميع وتبحث عنها معهم

تقديري لابني الغالي

norahaty يقول...

بإذن الله رحلة
كفاح وفلاح ونجاح
يــــــــــــــامحمد

TIMMY !! يقول...

ما شاء الله

بداية محترقة لنهاية مشرقة إن شاء الله :)

المجاهد الصغير يقول...

السلام عليكم
وفقك الله لما يحبه ويرضاه
ومااجمل ان تكون ناقل لكلام الله وسنه رسوله
....................
القرضاوي يدعو لجعل الجمعة القادم "يوم غضب" لنصرة الأقصى
ياريت نكون يد واحده ونشارك
التفاصيل "موقع امل الامه"

7annen يقول...

اولا مبروووووووووك على التاجيل

يابتاع المصادفات انت

ههههههههههههههههههههه

وربنا معاك يارب ويكرمك ان شاء الله تحقق كل اللى انت عاوزه

حنين

ريمان يقول...

السللاااااااااااااام عليكم

عايز تقنعنا انه مش انت يعنى


ههههههههههههه


بس على مين

طب كوييس اوى انك اخدت تاجيل عقبال يا رب ما تاخد اعفا خالص

يلا بقى شوف مصلحتك وربنا ييسرها باذن الله

adel يقول...

مبروك علي التاجيل يامعلم
وعقبالي اخلص و اتاجل انا كمان

وطبعا الكلام مش ليك
ده للقصة القصيرة مش البطل حتي
ههههههههههههه

----
ميرسي علي السؤال و صدقني كنت بعيد بس عشان تعب علي اني مكنتش في بيتنا و حاجات كده

*البت المشمشية *حلوة بس شقية * يقول...

مبروك ع التأجيل يا معلم
وربنا معاك
ده انتا لسه بتقول يا هادى
صعبان عليا اوى

وش مطلع لسانو

rovy يقول...

ربنا يوفقك دايما يا محمد ..
ان شاء الله رحلة كفاح يملؤها النجاح و يكللها الفلاح دائما ..

تحياتى لك دوما

طـــائر الليــــل الحـــــزين يقول...

الحمد لله
مفيش تشابه مابينى وما بين صاحب القصة
اصلى لسه مش خت تأجيل من الجيش

حسن حنفى يقول...

كل سنه وانت طيب :)

سمكه واحده يقول...

هههههههههههه
جميله تمت
فعلا ليست النهايه لسه في البدايه
ربنا معاك
مش مهم التقدير
المهم المخ
ياما ناس جايبه تقديرات ولا تفقه شئ المهم الثقافه
اسألني انا
ربنا يوفقك ويجعل حياتك سعيده
تحياتي

شوكولاتة يقول...

اتشرفت جدا بزيارة مدونتك وألاقيك بتكتب عن حياتك في أول زيارة ليا

ربنا يوفقك في حياتك
تقبل مروري

لحظة تأمل يقول...

هى فعلا البداية

يارب بداية موفقة وناجحة ان شاء الله

رزقك الله بالنجاح والسعادة

تأثير الفراشة يقول...

السلام عليكم و رحمة الله و بركاته

على فكرة كنت بعت لحضرتك مقال مجلة ميكانو يوم خمسة و عشرين سبتمبر، و بعدين احتياطى بعته تانى من كام يوم ، فياريت اعرف من حضرتك إذا كان المقال وصل و اللا لأ

جزاك الله خيرا

نهــــــــــار يقول...

السلام عليكم....
أسأل الله أن يسهل درب كفاحك...
....
ومبروك التخرج يا دكتور محمد..
...
في امان الله أخي

mahasen saber يقول...

وش بيستهبل قوى قوى ...علينا ما احنا عارفين الحكايه وما فيها

حكاية الشاب الجميل والابن الصالح والاخ الصغير الغالى محمد غاليه

ربنا يجعلك لوالدتك نعم العوض والسند
ويجعلك لاختك الحصن المتين اليى تحتمى فيه دايما

ويكتبك دايما من المحبوبيين من خلقه
وتفضل منورنا دايما بكتاباتك الفريده وبنظرتك الجميله للسعاده

اتمنى النهايه تكون بشغل كويس ان شاء الله
ودى هتكون بدايه لحياه تانيه وبيت واسره واولاد ان شاء الله

ومازلتُ أتعلم يقول...

ربنا يوفقك ويكرمك فى حياتك بإذن الله

”*°•.˜”*°•..سونه..•°*”˜.•°*”˜ يقول...

السلام عليكم
ازيك يامحمد
الف الف الف مبروووك التخرج
والف الف الف مبروك التاجيل
ويارب ابركلك على الشغل قريب اوى وفى احسن مكان
رغم طول الحدوده لاكن اسلوبك مخليها خفيفه وشيقه جدااا
تحياتى سونه .

Eno يقول...

قصة كفاح جميله يامحمد

اتمني اني اللي جاي يكون مليان نجاح واثبات ذات اكتر :)

تحياتي:)

كلمات من نور يقول...

حد يا محمد يا ابني يدخل كلية التجارة ويعرف هو جاب التقدير داه ليه؟؟

أعرف جرسون في النادي شاب في عمرك و عمر ابني الكبير في كلية التجارة برضه المسكين شاب مكافح ومجتهد السنة اللي يقولي فيها الامتحانات كانت صعبه وعكيت ينجح فيها والسنة اللي يقولي الامتحانات زي الميه اللي حضرتك بتشربيها دي يسقط في جميع المواد وعجبي


ألف ألف مبروك عالتأجيل بتاع الجيش عقبال ابني الكبير كده السنة الجايه يارب اما يتخرج ومن الجيش يتبرأ ..وصدقني يا محمد بأمر الله تقدر تجتهد و تكون لامع في مجال شغلك وحياتك الجاية علشان الجامعه دي ساعات بتكون مرحلة واللي جاي مرحلة وفي انتظار اخبار الوظيفه بأمر الله

وفقك الله لما يحب ويرضى

سفروتة يقول...

هههههههههههههههههههههههههههه
تصدق اهم ما في الموضوع الملحوظة
لو مكنتش كتبتها كنت افتكرت ان اللي بتتكلم عنه ده هو انت
(وش بيستعبط)

ربنا يوفقك في رحلة كفاحك
وتحقق كل ما تتمناه

صفــــــاء يقول...

ربنا يكرمك يا محمد ويوفقك
وتعود لتميزك
قصتك جميله وحكيتها ببساطه

محمد فوزي يقول...

منذ تعرفت عليك وانا احبك في الله
وقرائتي لقصتك زادتك معزة وإحتراماً عندي
وللعلم هناك أوجه تشابه كثيره بيني وبينك أهمها انني كونت اهم صداقات عمري في المرحله الإعداديه وانني بدأت حياتي الدراسيه بتوهج أكبر بكثير مما أنهيتها ( بس انا كنت أشطر شويه برضه هههههه) أو فلنقل الصدق وهو تيسير الله لكل إنسان لما خلق له

مش عارف اقولك مبروك على تأجيل الجيش ولا لأ صراحه فأنا لي فيه رأي يختلف معي فيه الكثيرون

ولكن كل ما أستطيع قوله هو أنني أتمنى لك كل توفيق ونجاح وسعاده في حياتك العمليه والإجتماعيه

تحياتي

princess يقول...

وش صدق الوش المستهبل يبقى وش عبيط
هو فيه شبه بين الحالتين؟؟؟؟ :)))

GiGi world يقول...

ياخبر هو انا ماعلقتش على البوست التحفه ده
انا فعلااسفه اناقراتالبوست من زمان ونسيت اعلق
جزاك الله خيرا كثيرا ورزق مما يرضيه امالك
واحنا كلنا فخورين ان فى واحد زيك طلع للشغل وولعمل يلا ربنا معاك ويارب تبقى حاجه كبيره جدا زيماكنت طول عمرك وتحيه كبيره لوالدتكربنا يباركلها ويعزها ويخليها ليك وتفرح بيك وتفرحها دايما

(Joudy) يقول...

متأخرة معلش سورى جدا

بس مش هقولك رائعة لأنك ناقلها ههههههههههه من الواقع
بس سعيدة إنى عرفت خبايا حياتك

ربنا يوفك يارب

دمت بكل الخير والسعادة

فشكووول يقول...

طبعا ما حدش عرف صاحب المدونه ولا حد عرف كمان هو مين اللى فى القصه ولا عرفنا انه محمد غاليا ولا حاجه يعنى .. السر فى بير

كل واحد يا محمد بياخد حظه من الدنيا وعلى فكره كلية التجاره وانا واحد من خريجيها يا اما كليه ما لهاش لازمه يا اما احسن كليه .. قول لى ليه.

لو اعتمدت على الوظيفه العاديه .. حتبقى شحات وما لكش اى لازمه زى عمك فشكول كدا.

لكن ممكن تعمل ايه .. تشوف مكتب مراجعه زى اللى بيعلنوا عنهم فى الجرنال .. وتروح تلتحق بيه.

ويا ريت كمان تنمى دراستك فى الجامعه الامريكيه او البريطانيه عشان خريجى هذه الجامعات بيشتغلوا وبأجور مرتفعه خلافا للكتاتيب الجامعيه الاقليميه اللى قال عاملين انهم جامعات قال وهما فى الحقيقه كتاتيب ومش معترف بيهم حتى فى داخل مصر .

شوية كورسات فى الجامعه الامريكيه والكورس 3 شعور بـ 600 جنيه وشوية كتب بـ 200 جنيه وانجليزى ودبلومه من الجامعه الامريكيه بحوالى 6000 جنيه وانت تاكل الشهد وتبقى احسن من خريج الطب واولك 2000 جنيه وخلال سنتين تلاته تلاقى نفسك بتقبض من 4 الى 5 آلاف جنيه
اسأل عمك فشكول هو اللى عارف السكه دى

تحياتى

زى الهوا يقول...

:)

جميله اوى المذكرات السريعة والوجزة دى

باحييك على طريقة سردك

معتز شاهين - باحث تربوي يقول...

الف مبروك على الجيش
واستعد لما هو أصعب بكثير مما تتوقع

ويبقى التواصل

رئـــــيسـة حزب الأحلام يقول...

وش بيستهبل ليه انا عرفت من اول سطر انها قصتك ربنا يوفقك وتكمل الحكايه دى على حاجات اكبر وانجازات اكبر
تحياتى

إبن مصر يقول...

السلام عليكم


عارف اكتر حاجه أثرت فيا فى الموضوع ايه







الوش اللى بيستهبل هههههههههههههههههه

عموما مبروك على التأجيل وان شاء الله تكون رحله موفقه وتمنياتى بمزيد من التألق فى عالم التدوين

اعشق فى الليل ضوء القمر يقول...

بجد يا محمد لو ينفع تبقى ابعتلى ميلك
ميلى موجود فى البروفيل بتاعى
إن أمكن
ربنا يعينك يا رب

اسماء جمعه بنت الشمس يقول...

امووووت انا فى الاستهبال
حلوة اوى القصة دى تشبه حياة واحده صحبتنا بس مش تشبهها اوى يعنى
ههههههههههههه
(وش بيستعبط )
ربنا يكتبلك كل خير يا محمد
ونشوفك احسن انسان فى الدنيا

قلم رصاص يقول...

ههههههههههههههههه

طبعا مفيش هلاقة خالص بين صاحب القصة وصاحب المدونة

دا حتى دي بلد ودي بلد تاني خالص

ههههههههههههههه


كم انت رائع يامحمد والله

ربنا يوفقك يا اخي ويكتب لك كل خير

اتمنى ان تحقق كل احلامك

دمت في خير والى الله اقرب

الجواز و سنينه يقول...

يااااااااه يا محمد
انت انسااااان للصبح
عارف بحسك اكثرنا برائه
لما بحد اسمع حد طيوب بتكون انت و الله
مش مجامله على فكره
دى حقيقه
ربنا يحميك يا ابنى
و يكرمك