dupport me

الثلاثاء، 13 أكتوبر 2009

اقلع أكتر... وهنيالك يافاعل الخير!!


فى مجتمعنا الذى يتصنع المشاكل لا تجد أى حادثة إلا وتقوم لها الأشياء ولا تقعد تصبح وتمسى كل يوم على أزمة . والأزمة مختلفة عن التى تسبقها ومن صنع شخص مختلف.

السؤال الأن هل نحن من تغيرنا أم أن الزمن هو من تغير؟

تعلمنا أن من مفاهيم الحرية أن حريتك تقف عند حرية الأخرين أو حرك اصبعك ولكن لاتدعه يلمس أنف من أمامك أو لا ضرر ولا ضرار

فلماذا إذا نصر على أن نوجد أزمة من لا أزمة أم أننا استمتعنا بإثارة المشاكل لنجد أشياء نتكلم عنها ونملىء بها مساحات فى برامجنا وصفحاتنا وندردش بها مع الأهل والأصحاب. ولماذا يهاجم شىء ويسكت عن الضد؟

ففى الفترة الأخيرة كثر الكلام عن النقاب وخصوصا بعد الحادثة الأخيرة. أنا لن أتكلم فى جوانب دينية ولكن أتكلم فى جانب حضارى واحترام لثقافة الغير ومراعاة لمفهوم الحرية وللتقاليد الشرقية والعربية .

فالنقاب حرية شخصية سواء أخذناه من باب الفريضة أو الإستحباب أو التقرب إلى الله عز وجل أو حتى من باب أنه كان مظهرا شرقيا قديما كان يرتدى فيما يسمى البيشة إلى أن جاءت هدى شعراوى وخلعته وتبعها باقى السيدات فى هذه الفترة ولكن يبقى النقاب حرية شخصية يرتدية من يرتديه ولا ينكر على الأخر ويبقى الحجاب هو الأصل الذى أجمع عليه الجميع بلا أى خلاف. دعونا نتحدث عن الفطرة قليلا فى بداية الخلق لم يكن هناك الى بعض من الأوراق والقماش البدائى ليستر بالكاد العورة ثم جاءت التشريعات السماوية تباعا لتحد من هذا العرى السؤال الأن التقدم هو أن تغطى جسدك أو أن التقدم أن تعود للعرى بعد أن سترت جسدك

عن أى جاهلية يتحدثون ولماذا يقاومون اى ستر للمرأة أم أن الغرب صار نبراسا بدون حتى ان نراعى قيمنا التى تربينا عليها ! ولماذا تصير هذه الهجمة على المنتقبات فقط؟ ولم نر أحد اهتز له شعرة يدعو للوقوف ضد السفور والعرى وصار المبدأ والشعار اقلع أكتر وهنيالك يافاعل الخير وهذا طبعا بفضل إعلامنا الهادف نعم الهادف إلى افساد قيمنا وأخلاقنا بل وديننا. لم نر حملة يوما من الأزهر أو أى مؤسسة من المؤسسات الكبرى لن أقول من جانب دينى ولكن من جانب أخلاقى وتربوى وأنا أعنى هنا من يسيرون فى الشوارع ويبدو أنهم نسيوا أن يرتدوا باقى ملابسهم فلتكن حملة إذا لنذكرهم بإرتداء الباقى .

وحتى لا يقول قائل أنت ناديت بالحرية فى البداية فكيف تريد أن تمنع هؤلاء

سأقول له دعنا نرتب من جديد اتفقنا على فرضية الحجاب والذى لاخلاف فيه وأن النقاب حرية شخصية مع اختلاف سبب لبسه كما ذكرنا وحتى الغير محجبة فقط مع ارتدائها ملابس معتدلة .

أتحدث هنا ياسيدى عن مقاومة العرى فلا دين أو تقاليد أو عادات أو شرقيتنا تقبل هذا إذا فهذه ليست حرة لأنها بذلك تضر . تضر بشبابا يفتنون بها وأناس يتعلقون بها تضر بقيمنا واخلاقنا وشرقيتنا . إذا فهى ليست حرة وهذه ليست حرية وإلا لأبحنا الزنا فى الطرقات وقلنا بأنه حرية

!!!!!!!!هذا يحدث عندما تتحول الحرية إلى فوضى فلكل مجتمع حريته التى تناسب قيمه.

أما المحجبات وغير المحجبات فأنا أرفض أن يؤخذ الناس بالمظاهر سأدعو لمن لا يردتديه بالهداية ولكن سلكياته هى ما ستحدد مدى احترامه. أتذكر حينما أجلس إلى أجدادى الكبار ومايحكونه لى عن فترة الستينات والسبعينات حينما كان الدين مغيب تماما (ولعل هذا كان أحد أسباب النكسة) فى هذه الفترة كان الغالب على اللبس الميكرو والمينى جيب والخمر يفترش بها الشوارع ورغم هذا لم يسمعوا عن حالات تحرش أو اغتصاب مثل مايحدث فى هذه الأيام.إننى أريد أن أقول أن مانعيشه حقا هى أزمة أخلاق بكل المقاييس وأزمة غياب دين أو دعنا نكون أكثر دقة ونقول أزمة فهم دين نفتقد حقا لمفهوم الدين المعاملة والدين النصيحة وحسن الخلق والمبادىء والقيم والعادات والتقاليد والأصول التى تربى اجدادنا عليها. فلتنظر حولك انظر إلى لكل مأسينا وأزماتنا ومشاكلنا وركز فيها جيدا سرعان ماستردها على ازمة الأخلاق التى نعانى منهاوالغريب انها تأتى فى وقت ذاع فيه و علا صوت الدين ولم يعد مغيب مثل ماكان!. ألهذا الحد تغيرت النفوس أعتقد أنه عيب فينا نحن فالدين جاء منهج حياة متكامل لينظم لنا جميع شئون حياتنا فالدين يقول غض البصر لئلا يكون اطلاقه مقدمة للمعاكسة والتحرش ولعل النتيجة تصل الى الزنا وليس مسئولا عن أنك لم تهذب نفسك وتنجح فى غضة. والدين أمرها بحسن اللباس وأنلا تخضع بالقول وليس مسئولا أيضا عن أنها لم تفعل والدين أمرك بحسن المعاملة وليس مسئولا عن عدم فعلك.

أنا أتحدث هنا عن جميع الديانات السماوية فهى مكملة لبعضها البعض وكلها تحدثت عن غرس هذه القيم والأخلاق التى تحدثت عنها .

أخيرا إذا العيب فينا نحن ونحن من تغيرنا ليس عيب زمان ولامكان ولا سياسة

نعيب زماننا و العيب فينا
و ما لزماننا عيب سوانا
و نهجو ذا الزمان بغير ذنب
و لو نطق الزمان لنا هجانا

هى دعوة للعودة عودة حيث الأصول لنتخلص من مأسينا وأزماتنا.

دمتم فى سعادة

هناك 75 تعليقًا:

بـسـمـــة صـــــلاح يقول...

أول تعليق بعد معاناة
يخرب بيت كدا انا هعيط بجد

بـسـمـــة صـــــلاح يقول...
أزال أحد مشرفي المدونة هذا التعليق.
بـسـمـــة صـــــلاح يقول...

أول تعليق بعد معاناة
يخرب بيت كدا انا هعيط بجد

بـسـمـــة صـــــلاح يقول...

التالت من حقي بردو

بـسـمـــة صـــــلاح يقول...

لولا اني بعلق من موبايلي كنت احتليتك

بـسـمـــة صـــــلاح يقول...

شوف بأه أنا مش هعلقلك أساسا
يلا سلام
وش مطلع لثانه
‏*سفيرة السعادة*

ماما أمولة يقول...

ربنا يبارك في عمرك يارب

تقديري واحترامي لابني الغالي

mohamed ghalia يقول...

بـسـمـــة صـــــلاح
ياهلا ياهلا مبروك عليكى أول تعليق
كمان كام تعليق وتكسبى معانا

mohamed ghalia يقول...

بـسـمـــة صـــــلاح
ياهلا ياهلا مبروك عليكى أول تعليق
كمان كام تعليق وتكسبى معانا

mohamed ghalia يقول...

ماما أمولة
ربنا يكرمك يا أمى ودايما بجد منورانى

ستيته حسب الله الحمش يقول...

ما شاء الله عليك
ما شاء الله
كلام جميل وعين العقل
بس يارب نسمع
كلام موزون صحيح
العيب فينا
لا في الزمن ولا في اي شيء تاني

دموع القمر يقول...

اوعى وشك والريمود كنترول

راابع تعلييق

كويس والله

دموع القمر يقول...

ازيك يامحمد اخبارك ايه

يارب تكون بخير

يلا اروح اقرأ واجى

romansy يقول...

اهلا يا محمد اخبارك ايه
عارف احنا عندنا مشكلات نفسيه اكبر بكتير النفوس وحشه قوى يا محمد بقى اللى بيلبس بنطلون وجينز وبادى والحاجات دى متحضر اما اللى بلبس النقاب متخلف
الدنيا اتغيرت قوى يا محمد بس العيب مش فى الزمن العيب فى اللى ساكنين الزمن

adel يقول...

يعني اعلق هنا وعلي الفتيش بؤ ؟؟
خلينا هناك احسن :):)

دموع القمر يقول...

لا الزمن عمره مابيتغير

احنا اللى بنتغير احنا اللى بنطلع تقاليع وعادات وحاجات غريبة

نعيب الزمان والعيب فينا وما للزمان عيب سوانا
ونهجو ذا الزمان بغير زنب ولو نطق لنا الزمان هجانا

الناس فاضية ومش لاقية موضوع تتكلم فيه فلازمن تخترع اى حاجة علشان تثرثر :)

اكيد النقاب حرية شخصية

لا ياطبعا نغطى ايه
عرى جسمك اكتر فرصتك فى المعاكسات تكتر

اعلامنا دا عشرة على عشرة

كلامك جميل يامحمد
بارك الله فيك

ربنا يهدى

انك لاتهدى من احببت ولكن الله يهدى من يشاء

د. ياسر عمر عبد الفتاح يقول...

مقال رائع يا محمد
خاصةً إنه جاه بعد ما قرأت مقال لأحد العلمانين كان هيجيبلي إكتئاب


من زمان وأنا مبردش خالص في المدونات
وده أول رد ليا من فترة طويلة جداً

smilyrose يقول...

السلام عليكم

اخبارك اخى الغالى

عارف يا محمد الواحد بيقابل حاجات

فعلا المنجى منها هو الله ودايما بدعى

ربنا فعلا يقينا شر ما نراه

ربنا فعلا يرفع النقمات اللى بنشوفها

وياريت الجميع يدرك مدى خطورة

ما يؤل اليه الكثير من عناصر المجتمع

من تخلى عن الدين والسعى وراء الفساد

الاخلاقى والبعد عن ما وجههنا اليه

ديننا نسال الله الهداية

جزاك الله خيرا على عملك هذا

mohamed ghalia يقول...

ستيته حسب الله الحمش
ربنا يعزك يادكتور انا معاكى الكلام سهل
المهم فعلا التنفيذ

mohamed ghalia يقول...

romansy
انا الحمد لله بخير
مش الدنيا ياصاحبى الناس والضغوط عليها

mohamed ghalia يقول...

دموع القمر
فعلا احنا الى بنخترع
نطلع شائعات ونطلع عادات غريبة
ربنا يهدى بجد
منورانى دايما

mohamed ghalia يقول...

adel
ياباشا انت تعلق مكان متحب المدونة والفيس تحت امرك

mohamed ghalia يقول...

د. ياسر عمر عبد الفتاح
المدونة نورت يادكتور
الحمد لله انى المقال هداك شوية
ربنا يكرمك وبالتوفيق فى كشف الجيش

Pink Dreams يقول...

انا من رايى ان النقاب حريه شخصيه ومش من حق اى حد انه يجبر واحده على عدم ارتدائه

هقول ايه بس ربنا يهدى

دا بدل ما يحلوا المشاكل اللى البلد غرقانه فيها يزودوها بمشاكل اكتر

تحياتى

mohamed ghalia يقول...

smilyrose

انا الحمد لله بخير
ربنا يعينا على التمسك بالدين
دمتِ فى سعادة ياغالية

mohamed ghalia يقول...

Pink Dreams

هما بصراحة ناس فاضية وبيدورا على اى حاجة يشغلونا بيها
منورانى دايما

7annen يقول...

نعيب زماننا والعيب فينا

وما لزماننا عيب سوانا

و نهجو ذا الزمان بغير ذنب

و لو نطق الزمان لنا هجانا

فدنيانا التصنع و الترائي

و نحن به نخادع من يرانا

و ليس الذئب يأكل لحم ذئب

و يأكل بعضنا بعضاً عيانا

حته كدا بما انى قسم لغه عربيه

اهو اقرى القصيده دى وانت تفهم المضمون كله
سلالالالالالام

حنين

GiGi world يقول...

ربنا يباركلك فى شباباك وعمرك
بجد مقال مش اي حد يعرف يقوله
كلام موزون بكل ماتعنى الكلمه
واهم حاجه مقتنعه تمام الاقتناع بنقطه انتشار الدين وشوارعنا لاتعبر عن ذلك اطلاقا
فى حاجه غلط
فعلا الدين مشواخدينه منهج حياه والبركه برده فى الاعلام
ان الدين فى المسجد والجامع وبس
بره انا حر بقه والا تبقى متخلف اذا منعت حد عن ممارسه حريته العفنه
ونقطه كمان البنت لما تلبس ملابس مبتذله هى ببساطه غير انا بتفتن الشباب لانى دايما مقتنعه ان الشباب اذا كان كويس وعلى دين حقيقى لايلفت انتباهه باى حال من الاحوال انسانه مبتذاه فى نفسها ودينا
لكن انا هتكلم انها كمان كده بتبذل نفسها لان بملابسها هى لاتتشبه بانسان يحترم
وانما تتشبه ............................
وبالتالى كيف لها ان تحترم نفسها ويحترمها اولادها وكيف هى تقبل نفسها عى ذها الوضع
اسفه على التطويل
خالص تحياتى

قلم رصاص يقول...

السلام عليكم

ازيك يامحمد

مقال رااااااائع جدا بأمانة والله انت تفوقت على نفسك هذه المرة..بارك الله لنا فيك

وانت لخصت الموضوع هنا

"دعونا نتحدث عن الفطرة قليلا فى بداية الخلق لم يكن هناك الى بعض من الأوراق والقماش البدائى ليستر بالكاد العورة ثم جاءت التشريعات السماوية تباعا لتحد من هذا العرى السؤال الأن التقدم هو أن تغطى جسدك أو أن التقدم أن تعود للعرى بعد أن سترت جسدك "

زائد انه فعلا العيب فينا
لكن دعني اقول لك ان السياسة لها نصيب أيضا من الامر وسأدلل على كلامي

الرجل الذي أثار الضجة بفعلته الغير محسوبة والغوغائية كما عودنا شيخ الازهر .. اكتشفوا انه كان له رأيا مخالف لما فعله هذه الايام من هجوم على النقاب .. حيث كان رأيه مختلفا في الموضوع قبل توليه منصبي الافتاء ومشيخة الازهر .. ولكن ياعزيزي سرعان ماغير رأيه تمشيا مع منهج الدولة والنظام الذي يرى له ذلك كذلك .. انها السياسة ياصديقي فعلت فعلتها هذه المرة ايضا

ولنا الله من قبل ومن بعد

وجزاكم الله خيرا يامحمد

المهاجر يقول...

يا محمد إذا ضاعت الأخلاق ضاعت الفضيلة وإذا ضاعت الفضيلة ضاع كل شى ولا نملك غير الدعاء على من ظلمنا

(Joudy) يقول...

ممممممم الموضوع كبير دخل فيه دين ومبادئ وأخلاقيات حاجات مش بتتجزأ بقت دلوقتى سهل إنها تتجزأ أدعوا الله أن يعيدنا إلى الصواب وإلى خير ما يرضاه.

دمت بكل الخير والسعادة

لاسع افندى يقول...

اراهنك لو لقيت فى بلدنا حد مش متدين
واراهنك برضه لو لقيت حد فى بلدنا عنده اخلاق
اوضمير
طيب ازاى
اقولك يبقى انت اكيد فى مصر
ناس متدينه ماعندهاش ضمير


تحيه لاسعه متضايقه

عاشقة الأحزان يقول...

ربنا يبارك فيك بجد كلامك عسل وعين العقل

الزمن جميل قوووووووووووى
لكن العيب فينا احنا
ياريت كلنا نشوف الغلط اللى جوانا ونحاول نصلحه
ربنا يسعدك يارب
دمت بكل خير
ايناس

ريمان يقول...

الله يفتح عليك


انت جبت الخلاصه


المهم انا اللى مستغرباله انهم ييجوه عند النقاب ويكلموا ويشددوا وعند التبرج والعرى والمايوهات يقولوا حريه شخصيه


حسبى الله ونعم الوكيل

dr.lecter يقول...

بص انا نص العيانين اللي بيجوني بيبقوا منقبات انا مقدرش اقول عليهم كلام وحش لكن انا مبلاتاحش في شغعلي مع واحده منقبه يعني مثلا ترفع النقاب لغايه بقها بس وتخبي عينيها وماخيرها

طيب اشتغل ازاي؟ وكل شويه علشان اعمل حاجه تغطي وشها وبعد كده تكشفه لما انا اطلب منها ده

ماشي هي حره طبعا بس ماتقبلش ان طبيبه تكون منقبه او ممرضه وخاصه لو في مستشفي او وحده صحيه شايف ان هيبقي فيه اعاقه وليا زميله منقبه بحترمها جدا بس شايف انها مش هتتقدم في حياتها بالنقاب ده اقصد طبعا مهنيا وعلميا


الحاجه التانيه ان المنقبات بقي لبسهم فاحش مش كلهم طبعا بس عدد لا يستهان به بيبلبسوا عباءات لامعه ومحزقه بتجسد جسمهم بشكل غريب ازاي تكوني منقبه وعاوزه تستري نفسك وفي نفس الوقت لابسه بالشكل ده

بالاضافه ان بعضهم بيتعطر بعطر فواح ثقيل خارج منهم والبعض بيتكحل بشكل مبالغ فيه ومادراك النظرات اللي تحت النقاب


باختصار شديد وهتكلم عن مصر بس

النقاب والحجاب بيتم تنفيذهم بشكل غبي وخاطيء للاسف وبيتم ابتكار بدع فيه تخليك تطق من جنابك

الحجاب عندي بشوفه مثالي في السيدات لكن بشوفه غير مثالي وقبيح في الفتيات الصغيرات في السن والمرهاقات وطلبه الجامعات باكملهم للاسف وماتقوليش ربنا يهديهم ىلانهم هيفضلوا علي ضلالهم ده لغايه مايتزوجوا ويخلفوا ويجيبوا زريه تطلع زيهم منيله بستنين نيله

احساس طفلة محبة للرومانسية بس واقعية يقول...

السؤال الأن التقدم هو أن تغطى جسدك أو أن التقدم أن تعود للعرى بعد أن سترت جسدك

مشاء الله عليك يا محمد
اسلوبك فى البوست هايل مش حيث الاقناع والحوار بجد ممتاز بس الطرف التانى
او اصحاب الفكر التانى يفهموا

ربنا يوفقك
دمت بكل خير
تقبل مرورى

محمد سعد القويري يقول...

الأخ الفاضل :: محمد غاليه ::
وما يزال الصراع قائمًا
على مسألة الحجاب

أشكرك على طرحك الراقي

حياتى نغم يقول...

السلام عليكم ورحمة الله وبركاته

بلغت وأبلغت جزاك الله خيراً .
وحسبنا الله ونعم الوكيل فى كل من قلب الموازين وجعل الباطل حقاً وجعل الحق باطلاً .
هذا زمان الهرج والمرج ودلائل قرب يوم القيامة رزقنا الله العفو آمين .

البنفسج الحزين يقول...

انا أول مرة أدخل مدونتك بس بجد رأيك في موضوع النقاب والضجه الاعلاميه المصطنعه عليه زي رايي بالظبط وعجبا ان الباطل بيلاقي ألوف يدافعوا عنه أما الحق للأسف مفيش حد بيدافع عنه
تقبل مروري وتحياتي

mahasen saber يقول...

كل واحد حر يا محمد يقلع يلبس كل واحد حر
انما كل واحد مش حر فى انه ينقد اليى بيلبس او يقلع بأسفاف

يعنى احترم الغير ومحكمش عليهم من طول او قصر هدومهم

والدين فى الاصل معامله وده الاهم والمهم

أبو العريف يقول...

بجد يا محمد انا تعبت من اللي بقراه سواه في المدونات

او عالنت او الجرايد

الموضوع بقي زياده عن حده

وبدات اعذر الناس اللي هنا في السعوديه

ومظبطين حياتهم علي انهم هيستقروا هنا

رغم اني كنت بضايق منهم جدااا

لكن كل اللي بيحصل في مصر بيطفش اهلها منها

من اهانات وتعذيب وفساد واهمال

الي المساس بالحريه الشخصيه لمن اراد ان يعف نفسه

حسبنا الله ونعم الوكيل

محمد فوزي يقول...

ماشي يا محمد بس فيه شوية نقاط سريعه لابد أن تقال عن هذا البوست
أولاً : لا أعتقد أن هناك هجمه مقصوره فقط على المنقبات وليس معنى أن يهاجم أحد النقاب أو ينتقده أنه موافق على العري والإبتذال , ومش طبيعي ان كل ما حد ينتقد النقاب يتقاله بص على العري لأن دي حاجه ودي حاجه وزي ما النقاب بينتقد العري برضه بينتقد

ثانياً : النقاب حريه شخصيه ماشي على عيني وعلى راسي بس إذا إتفقنا إنه مش فرض يبقى لازم الحريه الشخصيه دي تخضع لسلطة الدوله مش العكس , بمعنى إنه لو فرض ولا مخلوق يقدر يتكلم إنما حيث إنه مش فرض يبقى مفيش داعي أبدا للتصايح والتباكي على الدين والعفه عند كل قرار إداري يراه صاحب القرار , يعني مثلا لما وزير الصحه يقول مش عاوز ممرضات منقبات مفيش داعي تطلع هوجه ضد وزير الصحه ويشكك في دينه وعقيدته واللي والله شايفه انه فرض يبقى تقعد في بيتها وربنا أكيد مش هينساها يعني

ثالثاً : برغم إختلافي في كثير من الأمور مع شيخ الأزهر إلا إنه في الموقف ده لم يخطأ بإستثناء إسلوبه اللي قيل إنه كان جاف إنما هو يترأس مؤسسه دينيه وتعليميه في فقهها لا يوجد شيء إسمه نقاب !! إذا من حقه , ثم كيف تكون مثلا مؤمنا بفرضية النقاب ثم تتوجه إلى تعليم مؤسسه دينيه لا تعترف به ؟!! هذا يشبه أن تذهب إلى المدينه مثلا لتتعلم المذهب الشيعي !!

رابعاً : ثبت بما لا يدع مجالا لنقاش أن النقاب له مثالب عديده تجعل دوله غير مستقره أمنيا وإداريا مثل مصر تتحسس , بل حتى في الدول المستقره إذا الحريه الشخصيه هنا تكون في بيتك وجيرانك وفي ظروف محدده إنما إذا رأت الدوله شيئا في مؤسساتها وهيئاتها فلا مجال للحديث عن الحريه الشخصيه وإخضاع الدوله لرغبات فئويه كما بدأت


تحياتي

Soul.o0o.Whisper يقول...

ربنا يبارك لك يا محمد يارب

و صحيح .. إن أخدناه صحيح بمبدأ اللى قال إن النقاب لا فرض و لا سنة و لا مستحب و لا فضل

و انما هو مباح


فالسؤال البديهى ... فلماذا الحظر إن كان مباح؟؟؟

دى نقطة

النقطة التانية انها فعلا ازمة أخلاق
و عشان كدا رسول الله صل الله عليه و سلم اهتم اول ما اهتم بتربية الصحابة
ثم التشريعات



ربنا يهدى الجميع
و يربينا و يؤدبنا بأدب الاسلام



دمت بود

موناليزا يقول...

ينصر دينك وتسلم ايدك

رابطة هويتي اسلامية يقول...

السلام عليكم ورحمة الله وبركاته

تتشرف رابطة هويتى اسلامية بدعوتك لتكون ضيف الرابطة فى نقاش عام وحوار مفتوح معك بمقر الرابطة وذلك فى إطار حملة " مدونتى عنوانى " وذلك يوم السبت القادم الموافق 17 /10 .

لمذيد من التفاصيل عن الحملة وأهدافها نرجو زيارة الرابطة.

نرجو الرد فى أقرب وقت لسرعة إعداد الترتيبات اللازمة للقاء.

والله تعالى ولى الوفيق

مع تحيات ؛
رابطة هويتى اسلامية

yoyo يقول...

صباحك سكر

بصراحة يا محمد البوست دا فيها كلاك كتير و انت ماشاء الله قلت كلام موزون و كله عقل

انا برغم انى مش منتقبة الا ان الموقف الاخير اللى حصل دا يزعل و يضايق كان المفروض ان شيخ الازهر مش يتعامل بالاسلوب دا على الاقل يتعامل كاب و ناصح مش باسلوب همجى و مهين
النقاب مش فرض ولكنه فيها حرية شخصية يجب ان تحترم مش تهان بالشكل دا
كل انسان حر يفعل مايراه صالح و فى طاعة الله
يويو

الربان يقول...

الاخ الفاضل محمد

تحياتي

اشكرك لطرحك هذا الموضوع ، واسمح لي ان اعلق بالاتي:

* نحن نفتقد الوسطية السمحاء للاسلام..
فالاسلام دين الوسطية ، لا افراط او تفريط.

* ارتداء النقاب حرية شخصية...هذا صحيح...و لكن:

لا لارتداء التقاب في الامتحانات و المحاضرات... وهذا عن تجارب شخصية.

لا لارتداء النقاب في عربة السيدات في المترو....

لا لارتداء النقاب اثناء المرور بالجوازات في المطارات....

القاعدة الشرعية تقول : دفع الضرر مقدم علي جلب المنفعة..., و في رأيي ان
النقاب في مثل الحالات المذكور عاليه به مضرة....

* ايضا لا اري ان الحرية الشخصية لا تتضمن ارتداء كل ما هو كاشف للبدن
او لنقل ان لا ترتدي الفتاه ما يستر بدنها الذي هو ليس بملك لها...كلنا مؤتمنين علي اجسادنا...و ليس من حق احد
ان يكشف او يفرط في جسده الا في حدود ما صرح الله لنا به....

* للاسف ان معظمنا أخذ الممظهر من الدين و ترك الجوهر....

أخيرا أقول أن هذا الدين للحياة...و ما أنزل الله من رسول او نبي او رساله الا لينظم الحياة بين البشر...فأن الله تعالي غني عنا و عن عبادتنا و طاعاتنا.


أسأل الله ان يهدينا جميعا سواء السبيل
و ان يكشف عنا الغفلة...و ينير بصيرتنا.

تحياتي و تقديري اخي العزيز

TIMMY !! يقول...

مش عارف أعلق يا محمد ,
الواحد مخنوق اليومين دول بسبب الموضوع ده ,

ربنا ينصر الإسلام و المسلمين ,
و ينصر من نصر الدين ,

طوبه فضه وطوبه دهب يقول...

انت قولت المفيد نعيب زماننا والعيب فينا اكيد العيب والغلط كله عندنا لان احنا اصحاب الزمان ده واحنا اللى مسئولين عن المفاهيم دى يبقى اكيد الغلط فينا تسلم ايدك على الكلام الجميل ده

ABOALI يقول...

فى زمن القلع
اكتب اي انسان
مهما اجتهدت
وذهبت الى هناك ورايت
ستتوارى منك الحروف
وستعجز عن النطق الافهام
فهل سنقول عجبا"
ام نقول انه الزمان
انضحك على انفسنا
ام نفترى البهتان
هيهات هيهات
محجبات مختمرات منقبات
شتان الفرق
حينما تنظر الى الصورة هناك
سافرات كاسيات عاريات
لن تطأ انفونهن رائحة الجنان
مهما قيل ومهما تغيرت معالم الانسان
فطرة الله التى فطر الناس عليها
هى ستر عور الابدان
فهل نفيق يا من تتدعون انكم الافهام



موضوع ثرى والتعليق عليه شجن والكتابه فيه حزن والنظر من بعيد تجاهل

تحياتى يا غالى

بسنت يقول...

شوف هو التقليد سواء فى اللبس الخليع
واللبس المظهرى الدال على الدين
اكيد لا اقصد الخلط فالكثيرين ملتزمين الحمد له مظهريا وسلوكيا ولكنها اللافت حاليا
يعنى تصدق ان فى مدينتى كان منذ عامين موضه فعلا لبس الاسدال ليس بهدف التدين طبعا لانه بكل الاشكال الغربيبه ولكنها الموضه
وزى الرجال اللى بيسافروا الخليج ويرجعلوا ملتحين مظهريا بردوا بدون نوازع السنه مثلا او الدين
يعنى تقليد بجانب دين قشرى من الخارج
فما تستغربش ان التقليد ما يصلش بردوا للاعلاف لاننا بنقلد مجتمعات لا تناسبنا مهمتها الفضائح زى مجتمعات الغرب بجانب طبعا محدش مسئول يقدر يقول كلمه على عدم الحجاب وزوجات كبار المسئولين غير محجبات يتعزل اكيد
من موقعه
الامور حاليا متناقضه بكل شئ
واللى هيعرف يعيش هو الوسطى لا غير

والاعلام حاليا زى ما فيه القليل المفيد
اصبح اكثره مفسد فعلا
ربنا يرحمنا منهم جميعا


دمت بخير

آخر العنقود يقول...

السلام عليكم ورحمة الله

عندك والله انا نفسي بقيت بشمئز من اللى بنشوفه
نفسي يتقال كلمة حق او يتعمل ضجة كده على حاجة تستاهل مش تلاكيك وخلاص

اما العيب في مين
فهوه اكيد فينا
التغيير في مين
فى الاتنين احنا بنغير ونتغير
ده الطبيعي

بس للاسف بقى الاغلب اننا فاكرين زى ماقلت بالظبط فاكرين فى ده التقدم والرقى والاستيل

ربنا يهدينا يارب ويهدي كل شباب المسلمين

جزاكم الله خيرا

Heba Faruq يقول...

صحيح زمان كانت النساء في مصر لا ترتدي الحجاب وبرغم ذلك عدد حوادث التحرش كان قليل..لكن زمان برضه ماكنش فيه تدني الاخلاق الشديد ده كان فيه احساس برضه بالعيب
وكمان زمان ماكنش فيه الزحام الشديد الموجود الآن (على الأقل كانت المواصلات فاضية)وماكنش فيه أزمة السكن وأزمة الشغل وبالتالي ماكنش فيه أزمة تأخر الزواج..
فعشان نعمل مقارنة صحيحة لازم نشوف الصورة كاملة
بصراحة انا بتغاظ قوي من الحجة دي اللي بيقولها الناس اللي ضد الحجاب

بوست جميل

مع تحياتي

طـــائر الليــــل الحـــــزين يقول...

واللهى يا ابنى لما بقرى كلام بحس بشوية امل
فى الغابة اللى احنا عايشين فيها

المعتصم يقول...

السلام عليكم
ازيك ياغالى
يارب تكون بخير
موضوع حلو يامحمد ربنا يكرمك
كلامك مظبوط لاننا احنا اللى بنعمل فى نفسنا كده مش حد تانى
والسبب فى كل الانحلال والمصايب التانيه هو احنا بتقصيرنا وتفريطنا
ربنا يصلح الاحوال
ويهدينا الى كل مايحب ويرضى
....
فكرتنى بالملوانى فى مدرسة المشاغبين
كل اما تتزنق اقلع
هههههههههههههه
اهلا بيك فى اجتماع الهنود الحمر يامحمد
ســــــــلام

mimi يقول...

الفراغ يا محمد بيخلي اللي معندوش حاجة بتكلم فيها يدور علي أي كلام علشان يثبت بيه لنفسه إنه مثقف وموجود

كمان ثقافة عدم احترام الرأي الأخر اللي اتكلمنا فيها مع بعض في اللقاء ..فاكر؟ منعدمة

أنا شايفة إن المجتمع في انحدار .. بدون رادع

انا لما بقرالك بحس ان كلامك من بساطته مقنع جدا

ربنا يديم عليك نعمه
تحياتي

mimi يقول...

جاتلي فكرة هايلة

المنتقبات يدخلوا المعاهد والمؤسسات الأزهرية وهما لابسين نظارات شمس وحاطين كمامات علي وشهم .. ومحدش هيقدر يتكلم معاهم
هيا البلد دي كده

رابطة هويتي اسلامية يقول...

السلام عليكم ورحمة الله وبركاته

علي بركة الله البداية غاليه

تحياتنا أخونا الحبيب

بداء الحوار نتمني منك المتابعة ومتابعة النقاشات

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

سومه...مجنونه فى بلد عاقل يقول...

تمام يا محمود معاك حق
بس عارف الازمه فى ايه ان الحكومه والناس بقى عندهم زى ما قولت قبل كدا فصام فى الشخصيه
عاوزين يلبسوا عباءه الدين لهيكل ما يسمونه بالمدنيه
ومدام دخلنا فى نقطه لبس طقيه دا لدا واهواءنا الشخصيه اتحشرت فى الموضوع ومعرفناش نحجم نفوسنا ونطوعها ونعمل احنا مدنيه بقولنين دينيه مش بشريه عمرنا ما حننجح وحيفضل الخلاف قائم
انا عندى راى حلو من شاء فليؤمن ومن شاء فليكفر بمعنى اللى مش عاوز القواعد الدنيه ومعترض عليها يسيب الدين افضل ما يقعد يخرف وينخور فيه
ثم يذهب فيرتضى دين اخر لنفسه من اختراعه وابتكاره
ويطلق عليه اسمه
اما اللى حيرتضى الاسلام ميقعدشى يالف فيه ويفتى تبع اهواءه الشخصيه او تبع الحكومه

كلام من قلبي يقول...

كلامك جميل جدا
وفعلا الناس لو حسوا ان العيب فينا وما لزمنا عيب سوانا

المجاهد الصغير يقول...

السلام عليكم
فعلا نريد حمله لعوده الى الاخلاق والقيم
جزاكم الله خيرا
عرض جميل
جعله الله فى ميزان حسناتك
المهم التطبيق والفعل
اللهم انصر الاسلام والمسلمين وارفع رايه الحق والدين واهدى ابنائنا واهل كل من يساعد فى نشر الاباحيه والعرى

dody يقول...

السلام عليكم...
أولاً جزاك الله خير على الموضوع الرائع ثانياً: العيب فينا وليس في زماننا وقد تفضلت مشكوراً في نهاية كلامك بذكر بيت شعر أحبه جداً وهو
نعيب زماننا والعيب فينا
وما لزماننا عيب سوانا
المشكلة في أي حاجة تعلقة بالأسلام هذه الأيام أنظر لإيران يتهمونها بالعنصرية والتطرف لأنها تجبر الناس على ارتداء الحجاب على العموم أمنى حقاً ان تقوم حملة لمقاومة العري ولكن حتى لو قامت فلا أظنها ستتم في مصر ربنا يهدي ويستر الجميع ودمت في طاعة الله

rovy يقول...

السلام عليكم
ازيك يا محمد .. ربنا يكرمك دائما
سلمت يداك وسلمت افكارك .. و حقيقى انت لخصت القضيه
فى تلك الكلمات المبدعه ..
نعيب زماننا و العيب فينا
و ما لزماننا عيب سوانا
و نهجو ذا الزمان بغير ذنب
و لو نطق الزمان لنا هجانا

دمت بكل الخير
تحياتى دوما

منى يقول...

حريه
كل اللى بيقولوه دعاه التحضر بمفهومه الجديدتحت ستار الحريه
وغمار هذه العوه
تناسوا ان للاخرين والاخريات ايضا حريه
حتى لو اسموه تخلف ورجعيه
جاء الوقت الذى ننادى ونطالب بحريه الحجاب والاحتشام فى بلد الازهر دون ان يوصمنا الاخرون بالتخلف ولا نجد صدى للدعوه عند اولى الامر
ربنا يثبتنا ويرزقنا الصبر
تحياتى

تأثير الفراشة يقول...

حقيقى مش عارفة أقول إيه بعد اللى حضرت قلته، بجد أوفيت الموضوع و متفقة معك تماما ، ربنا يكرمك

جزاك الل خيرا

الشجرة الأم يقول...

فعلا العيب فينا، وليس في أي زمان أو مكان، وهذه المعاناة غالبا ما تنتج بسبب إدعاء المعرفة والجهل بأبسط الحقوق والواجبات.

ومن أراد أن يعلن حربا وسطية وليس فيها أي تطرف فليعلنها على الجبهتين الغلو والعري.

مذكرات مدمن عادة سرية ( تائب ) يقول...

بسم الله الرحمن الرحيم

السلام عليكم

أنا جديد في عالم التدوين

دي مذكراتي بأكتبها بعد معاناة طويلة مع العادة السرية ,, المرة دي بجد نفسي أبدأ حياة جديدة ,, ربنا يثبتني

خطر على بالي إن دي تكون فكرة مدونتي , إني اشارككم أفكاري وذكرياتي , علشان الاقي حد يقويني ويشجعني , وكمان علشان اللي لسة هايبدأ يغرق في البحر اللي أنا غرقان فيه يلحق نفسه قبل فوات الأوان

أتمنى انكم تقبلوني وسطكم في عالم التدوين

”*°•.˜”*°•..سونه..•°*”˜.•°*”˜ يقول...

السلام عليكم.
ازيك يا محمد
سلامك وصل
الله يسلمك من كل شر يارب
معلش كنت فقله المدونه فتره كده
والحمد لله على كل حال



حديث فدسى
لا تثب الدهر فان انا الدهر
تحياتى ليك اختك سونه .

نهــــــــــار يقول...

السلام عليكم...
للأسف أخي نحن ندعو للعوده إلى الأصول
ولكن هنالك من يتبرأ من أصوله ...
وينكرها
...
جزيت خيرا على طرحك

شريكة في المطعم يقول...

السلام عليكم ورحمة الله وبركاته
عجبني تعبيرك بأن
السلوكيات هي التي تحدد الاحترام
مقال جميل جدا
والنقاب حرية شخصية..مينفعش حد يجبر بناته مثلا على لبسه ..او حد يجبرها على خلعه..لازم احترام اختيار كل واحد خصوصا ان دي علاقته بربنا ...
ربنا يكرمك ويبارك فيك

مجرد مدونة يقول...

موضوع جميل، بس طبعا النقاب إما واجب وإما مستحب ده محل الخلاف المعتبر بين أهل العلم عليهم رحمة الله، لكن أظنك لما قلت انه حتى لو كان عادة شرقية بتتنزل فقط فى المناقشة وإلا فالنقاب مش مجرد عادة شرقية أو غربية بل فى نصوص كثيرة عن مشروعية النقاب لأمهات المؤمنين وغير أمهات المؤمنين إنما الخلاف السائغ المعتبر هو هل النقاب واجب ولا مستحب فمفيش مشكلة خالص اذا كنت بتعتقد أى من الرأيين ما دمت لا تنكر على صاحب الرأى الآخر ولا تخطئه إلا لو بتناقشة مناقشة علمية لا أكثر
أوافقك تماما على ان التستر تقدم والتعرى تخلف وانحطاط، جزاك الله خيرا

أختلف معك فى موضوع ان الأديان تكمل بعضها {إن الدين عند الله الإسلام}

لكن لعلك تقصد ان الأديان والشرائع كلها من مشكاة واحدة صح كده؟
وربنا يبارك فيك ويكرمك ويتقبل منك صالح الأعمال

همســات عــلى ضــوء الــقمر يقول...

صباح الخير يامحمد

انا عندى استفسار بسيط
انا ببعت لميكانوا بس مش بيحطوا اللى ببعته

ساعات بيودوه موقع تانى ويبعتوا اللينك
ليا ؟؟؟؟؟؟؟

وان كان على التنمية البشرية
انااا عندى موضوعات كتير
بس انا لو عايزة اتصل معاهم ازاى
يعنى ابعت تانى
ولا اسجل
ولا ايه النظام

وفى حكاية رشح مدونتك تكون افضل مدونة برضو ايه النظام اصلى مش فاهمة ههه

دمت بكل خير

همســات عــلى ضــوء الــقمر يقول...

بشكرك جدا يامحمد

وسعيدة جدا

وان شاء الله لو فيه حاجة هبعتها
جزاكم الله خيرا

مجرد مدونة يقول...

حبيبى الغالى محمد
طيب تمام الحمد لله :) ، انا بس حبيت اتأكد من بعض الكلمات اللى ممكن تتفهم بمعنيين، والحمد لله انك طلعت تقصد اللى انا فهمته :)

انا ما كنتش بتهمك ف حاجة اوعى تقول كده :)
لكن بس زى ما قلت انى حبيت استوضح كلامك أكتر
جزاك الله خيرا على الرد ربنا يبارك لك :)