dupport me

الجمعة، 19 مارس، 2010

إلى زوجتى التى ....... وابنى الذى...... ولا زلتِ ياأمى

إلى زوجتي التي.........

إليكِ يا زوجتي أرسل أشواقي وسلامى مع طيور الحب والسلام

انتظرتك طويلا لتكونى بحياتى لتكون أجمل حياة

انتظرت ان يلتقى قلبانا فيسيران قلبا واحدا

انتظرت ان يتلاقى نفسانا ليسيرا نفس واحدة

وعدتك ونفذت وعودى لك حافظت على نفسى من أجلك أنتِ.

أرى فيكِ الآن كلمات إيليا: إذا أطلّ البدر من خدره فإنّما يطلع كي تنظريه
و إن شذا البلبل في وكره فإنّما يشدو لكي تسمعيه
و إن يفح عطر زهور الربي فإنّما يعبق كي تنشقيه
يا ليتني البدر الذي تنظرين !
يا ليتني الطير الذي تسمعين !
يا ليتني العطر الذي تنشقين !
أوّاه ! لو تصدّق يا ليتني

فكأنه وصف حالي

نسيت أن أقول أن هذه الكلمات إلى حبيبتى أنتظر ان يجمعنا الله فى ظل شرعه

إلى إبنى الذي ............

إليك يا بنى الذي لم ألقاك بعد أعلم أنك لازلت ماء مهين بداخلي

أعدك يا بنى أن أحسن اختيار اسمك فأختار لك خير الأسماء

أعدك يا بنى بأن اعمل وأجتهد وأنجح

أعدك يا بنى أنى سأبذل قصار جهدي لكي أصبح أبا تفتخر به بين أقرانك

أعدك يا بنى أنى لن أدخل إلى فمك لقمة من حرام.

أعدك يا بنى أن تكون لي وأمك أقرب الناس إلى قلبي وكيف لا وأنت ولدى وقطعة منى

أعدك يا بنى أن أجعلك بعد موتى لا تنس دعواتك لى من فرط حبي لك ومن فرط حسن تربيتي لك.

أعدك يا بنى بأن أحافظ عليك بكل ما أُتيت من قوة

نسيت أن أقول أن هذه مجرد رسالة إلى إبنى الذي لازال مجرد حلم في مخيلتي.

إليكِ يا أمي ...........

إليكِ يا أمي أهدى كلماتي وأهاتي وأشواقي وعرفاني

صبرتِ عليا زمانا وقصرت في حقك أزمانا

ربيتني من بعد موت أبى وكنتِ لي أبى وأمي

تحملتِ وصبرتِ عليا منذ كنت طفلا حتى صرت فتاكِ

فكم سهرتِ الأيام وتعبتِ من أجل راحتى

كنت أكبر أخوتي فأعطيتني حلما أكبر من قدراتي

كم أعتذر إليكِ يا أمي أنى قد خيبت أملك في وأضعت حلمك فصار سرابا

أعدك يا أمي بأني سأنجح في حياتي وأعوض ما فاتنى

أمي لازلتِ مصدر راحتى وهنائى

حتى تأتى زوجتي وأولادي ولكن تبقى في قلبي

لن أنسى أبدا قلقك وسهرك لأجلى وحملانك لهمومي وذكرياتي

فأنتي سلوة قلبي وحضنك هو مكاني في أزماتي

سامحيني يا أمي على تقصيري في حقك وزلاتي.

أحبك أمى

هناك 32 تعليقًا:

بـسـمـــة صـــــلاح يقول...

الله توبيك تحفة
بجد انت انسان رومانسي وجميل أوي
ربنا يخليلك حبيبتك ويجمعكوا قريب ويرزقكوا الذرية الصالحه ويسعدكوا
ويخليلك ست الحبايب ماما ويعينك على برها
ويخليك ليهم ياملك السعادة
تمنياتي ليك بحياة وردية سعيدة
سفيرة السعادة
بسوم النعوم

بـسـمـــة صـــــلاح يقول...

هيييييييييييييه أنا حظي أكون أول تعليق

بـسـمـــة صـــــلاح يقول...

أنا اول تعليق صح
صح ولا لأ ياأستاااااذ محمممد

ريمان يقول...

السلام عليكم

جميله اوى اوى يا محمد الرسايل الجميله دى


ما شاء الله

ربنا يسعدك يا رب ويرزقك بالزوجه الصالحه وبالذريه الصالحه

الزهرة البرية يقول...

تحياتى لكلماتك العذبة وقلمك الراقى وإحساسك الصادق وأرجو من الله أن يحقق لك ما تتمناه ويعجل لك بالخير وأن يجمعك ومن تحب على خير ما يرضاه ويحبه

ربنا يرضى عنك ويرضيك

تحياتى لك ولإحساسك

دمت بكل الخير والسعادة

Joudy

مشمشة يقول...

أول مرة ادخل مدونتك
بجد البوست جامد جدا
يارب يخليك لحبيبتك
ويجمع بينكوا على خير
ويباركلك في زوجتك وابنائك القادمين ان شاء الله
ويخليلك والدتك وأخواتك
تمنياتي لك بالنجاح الباهر ان شاء الله
مزيد من التقدم
اختك هبه

كلمات من نور يقول...

محظوظة أمك يا فتى ...والله إني اغبطها عليك و اسأل الله أن أرى أبنائي مثلك ومثل أبناء كثيرون لي في عالم الانترنت والتدوين فأنتم كنز لي ......


عايزينك معانا :

http://mhg1962.ba7r.org/forum.htm

عفوا أنا أميرة يقول...

ربنا يسعدك ويعزك يامحمد ويحققلك على ما تتمنى ويجمع بينك وبين حبيبتك على طاعته ويرزقكما البنين والبنات البارين، ويجعلك دائما بار بأمك وأخواتك حملت نفسك أمانه كبيرة بمجرد كتابتك للكلمات دى ربنا يعينك على تأديتها، فكرتنى بمدونة واحدة صحبتى أسمها عالم يحي بتتكلم فيها عن ابنها فى المستقبل يحيى وبتحكي يومياته، فكرة رائعة وأمانه عظيمه..دمت بحب وسعادة

إبتسامة ملاك يقول...

جميله اووووووى يا غالى ربنا يسعدك
وربنا يحفظ امهاتنا يارب ويبارك فيهم
بتمنالك حياة سعيده من كل قلبى ربنا يوفقك

حـــــ الــجــنــة ـــــور يقول...

سلام عليكم

الله يسعد اوقاتك من الممكن اني غلطت باول تعليق علشان كده اتشال

الله المستعان

عذرا تقبل خالص احترامي ومروري

آخر العنقود يقول...

بقالي زمن مش بعلق هنا
ربنا يسعدك يارب
ويجمعك بمن تحب على مايحب وكمايحب ويرضى
:)
ويرزقك بالذرية الصالحة اللهم آمين
ويبارك لك فى والدتك ويبارك لها فيك

كان الله فى العون
وربنا يقويك في الشغل يافندم

جنّي يقول...

السلام عليكم


ما شاء الله على كلماتك الجميلة يا اخ محمد ..

اعلم انك ستكون نعم الزوج ونعم الأب ان شاء الله .. كما انك نعم الابن ..

بارك الله في والدتك ورزقك الله الزوجة الصالح والابناء البارين لوالديهم ..

تحيتي

بنت مصر يقول...

توبيك أكثر من رائع يا محمد

كل أم وهي طيبة وسعيده بأبنائها

تحياتي

طوبه فضه وطوبه دهب يقول...

ربنا يكرمك ويخليها لك ويجمعك انت ومن تحب على طاعه الله ويرزقكما الذريه الصالحه

عمرو جويلى يقول...

السلام عليكم
رسائل غنية بكل أنواع الحب
وقد قرأتهاقبل ذلك فى مدونتك
خالص تقديرى

فراشة يقول...

جميلة يا محمد
كل سنه وكل ام بخير وربنا يبارك لنا جميعا فى حياتهم وصحتهم يارب

romansy يقول...

ايزيك يا محمد
ربنا يديك يا بنى اللى انت عاوزه
اهو كل واحد فينا بيتمنى زوجه صالحه وابن صالح وبنتمنى بقى
ان ربنا يخليى امنا حبيبتنا اللى تعب وشالت وربت
ربنا يسعدك يا غالى

مرايتى يقول...

ماشاء الله عليك

ربنا يرزقك الزوجه الصالحه والذريه الصالحه النافعه اللهم أمين وهنيألهم بك

وتحياتى لأمك التى أكرمك الله بها وأكرمها ببرك

قلم رصاص يقول...

جمييييييييييييل جدا يامحمد

ربنا يبارك لك يارب

وكل سنه وماما طيبه

ويهنيك بكل ماتتمناه عما قريب ان شاء الله

عاملة ناصحة يقول...

توبيك جامد جدا جدا جدا تقبل مرورى تحياتى

فشكووول يقول...

خليك فى المهم يا محمد
امك هى اللى موجوده الوقت
لما تيجى بقى زوجتك وابنك ربنا ينولك مرادك ...

norahaty يقول...

ربنا يباركلك
فى صحتك وعافيتك
ويخليلك الوالدة
ويجمعك بالزوجة
والحبيبة والابن
(المستقبليين)
عن قريب فى
طاعة الله
وعبادته

norahaty يقول...

كل سنة وأنت طيب
يامحمد غــالية:)

akeed يقول...

ربنا يكرمك استاذ محمد فعلاً بوست اكثر من رائع ادعوا الله ان يرزقك الزوجة الصالحة والابن البار و ان تكون بار بأمك برها كى تبرك ابناؤك

دينا حامد يقول...

الله يرزقك يامحمد يارب بكل صالح

جميله رسائلك وعجبتني جدا

تحياتي

مهموهــــــة يقول...

الله يا محمد بوست اكتر من رائع و الله

فعلا الزوجة و البناء و الام و الاب
دول اغلى اهل دول كل الناس بالنسبة لينا و الله

ربنا يوفقك و يسعدك يا رب


و كل سنة و كل امهات الدنيا بخير و سلام

خالص تحياتي و تقديري

MzAjYaH يقول...

*ـ*

الله يحفظكم ويسوي اللي فيه الخير والصالح

شمس النهار يقول...

ازيك

يارب تكون بخير

كل سنة وانت طيب وبخير وصحة وسعادة
والسنة الجاية محقق كل احلامك

يارب

عيد ميلاد سعيد ان شاء الله

سلامي

ghada mOhsen يقول...

بجد تحفــــــه كلماتك يامحمد ...

حبيتها كتير كتير ...

بجد ربنا ينولك كل اللى فى بالك طالما بالخير ..
ويجمعك بنصك التانى وترزق بأولاد صالحين ويخليلك مامتك يارب ...

كل سنه وهى طيبه وبصحه وسلامه ان شاء الله

تقبل تحياتى ...
... ;) ,,, ;) ...

ماما أمولة يقول...

تسلم يارب يا محمد

كلامك جيل زيك

سومه...مجنونه فى بلد عاقل يقول...

ربنا يهنيك ويديلك كل اللى بتتمناه ويرزقك الزوجه الصالحه والابناء الصالحين ويخليلك والدتك ويديها طوله العمر

ليس فقيرا من يحب يقول...

بوست رقيق جدا بجد

ربنا يسعدك ويحققلك كل احلامك

ويجمعكوا على خير ويرزقك الذريه الصالحه

اللى تقر عينك ويخليلك ست الكل ماما