dupport me

الأحد، 28 مارس 2010

ناولنى ورقة وقلم

تخيل انك فى حديقة واسعة ترى مالذ وطاب من أصناف الفاكهة وكل ما تشتهى نفسك

ترنو نفسك الى فاكهة فتاكلها ثم تشتاق إلى اخرى فتأكلها وتظل هكذا تقطف حبة من كل نوع ولون وانت فى كل مرة تستمتع اكثر من المرة التى سبقتها . هذا هو الحال لمن يشتاقون دوما الى القراءة يتجولون فى حديقة واسعة من العلوم والمعرفة فهذه شجرة الإقتصاد وأخرى السياسة وأخرى الإدارة وأخرى الشعر واخرى الرواية وأخرى ساخرة وأخرى تنمية وأخرى دينية وأخرى متعلقة بمجال دراسى أو علمى . ولا يزال ينهل ويستمتع بكل لون .

فالدراسات الحديثة اكدت جميعها بلا استثناء أن أصحاب تلك الهواية هم أكثر الناس تفتحا وتفهما للحياة وتعلما من الحياة والحقيقة اننى لا أتخيل كاتبا مثلا لم يقرأ فى مجاله لا بد أن يقرأ ثم يبتكر على ما يقرأ ويقدم الجديد وكما قال لى صديقى لا بد من المدخلات ليكون هناك مخرجات

لذا فمن يملكون تلك الموهبة دائما ما يكون الكتاب خير صديق لهم فى السفر والترحال والفراغ وحب المعرفة والأدب لا ينقطع عندهم وحبه الى جديد كتابه الذين يتابعهم با ستتمرار ثم يمسك بقلمه محاولا ان يكتب.

وأهم طريقة للإستفادة من هذا الكم من الكتب هو تلخيص ما تقرأه دائما فى نقاط بسيطة لتخرج من كل كتاب بكنز من المعلومات والكتاب الذى لن يضيف لك على الأقل لن يأخذ منك ودائما ما ستجد معلومة او فكرة كانت غائبة عنك .

دون دائما ماتستشفه من الكتاب . دون دوما افكارك الخاصة بك فى موضوع الكتاب. شخصيا كنت لاأدون أبدا أى شىء ولكنى تعلمت أن أدون منذ كنت أقرأ فى كتاب لا تحزن من 4 سنوات والحقيقة استفدت استفادات رائعة حتى انى فى أخر الكتاب كتبت جمل قصيرة خرجت بها من الكتاب تضاهى الجمل التى كتبها صاحب الكتاب (الشيخ عائض القرنى) فى اخر الكتاب كجمل ملخصة للكتاب. فشعرت بفرق كبير من يومها . فأدون أفكارى واقويها بكلمات الأخرين فلما اجتمعا أضافوا لكتباتى الكثير .

فكما يقولون خير جير صديق فى الأيام كتاب فكن صديقه يكن صديقك اقرأ تعلم لا تعتمد على السماع فقط ركز على قرائتك وما طالعته عيناك . اقرأ فنحن أمة أقرأ.

دعوة الى كل صاحب قلم

هناك 29 تعليقًا:

sony2000 يقول...

اهو انا بحس بالاحساس ده
لا اكتفي ابدا بالكتب نوهائي
فعلا اللي قال الكتاب خير جليس ده
ديما معايا فأي مكان واي ذمان
والاروع انك بتلاقيه معاكي وقت مالواحد عوذه
ربنا يخلي لينا النعم دي ويخلي لينا الكتاب يارب:)

موناليزا يقول...

تصدق عندك حق فعلا
لازم ندون اللى بنستفيده من الكتب
انا كنت بكتفى باسمتاعى بجمال العبارات لو فى مجال الادب او بمعلومات جديدة لو فى المجال العلمى
بس بجد انت نبهتنى لنقطة مهمة فعلا اشكرك عليها

mohamed ghalia يقول...

sony2000
صح يافندم الكتاب أفضل صديق
وربنا يديمها علينا نعمة
منورانى

mohamed ghalia يقول...

موناليزا
كلنا بنفكر عشان نساعد بعض
أنا كمان حقيقنى بنتبه لحاجات كتير من مواضيع حضرتك

احاسيس آيوشه يقول...

ازيك يامحمد
عندك حق القراءة بتضيف للانسان كتير جدا والقراءة بصراحة متعة كبيرة بتنقل من زمان لزمان ومن مكان لمكان
انا مجربتش انى ادون او الخص الكتب اللى بقراها الا من فترة قصيرة وبجد مفيدة جدا الفكرة دى
وكمان موضوع انى احفظ الجمل اللى بتعجبنى فى الكتب شئ كويس بس للاسف ذاكرتى ضعيفة فى الحفظ وبنسى كتير علشان كده مش بقدر اتذكر جمل بتعجبنى فى الكتب اللى بقراها

قلم رصاص يقول...

صدقت يامحمد
فنحن أمة إقرأ ولكننا مقصرون

فكره جميله جدا اننا نلخص اي كتاب قرأناه انا اشكرك فعلا عليها رغم اني كنت بجد ناوي اعملها من زمان اوي لكني كنت بكسل رغم ان الحمدلله عندي مجموعة كتب قيمه جدا قرأتها اكتر من مره في السياسه والاقتصاد والشئون العامه اعتقد انها تفيد القارئ العادي بقدر ما زي مابتفيد المتخصص وصحاب الاتجاه.

تعرف فيه معانا مدونه بتعمل كدا في معظم تدويناتها في مدونتها بس هي بقالها فتره مبتكتبش ودي مدونتها اسمها حياة قلم
http://nour22.blogspot.com/

انا بلاحظ ايام ماكانت بتكتب باستمرار ان معظم تدويناتها كانت خلاصة كتب قامت هي بقرائتها وبصراحه كانت بتعرضها بطريقه رائعه جداااااااااا بأسلوبها هي

مزيد من الابداع والتميز يامحمد

في امان الله

مهموهـــــــة يقول...

محمد غاليــــة .............
عاش من شافك يا محمد و الله
ايه يا باشا الشغل الجديد بقى متعب و واخد كل وقتك كده ؟؟
عموما ربنا يوفقك و يكرمك يا رب


اما عن البوست فطبعا معال الف حق و حق

لازم اللي نقراه و نستفيد منه نحاول نكتب عنه كمان علشان الناس نستفيد منه

و نبقى كده نشرنا الافادة كلها بين الناس

شكرا على النصيحة الجميلة دي يا محمد

خالص تحياتي و تقديري

نهــــــــــار يقول...

السلام عليكم ورحمة الله وبركاته...
ألوب جميل وسلس ...
ونصيحه غاليه منك أخي ....
بستان المعرفه لا ينتهي ولا يمل ...
...
دمت بخير

طوبه فضه وطوبه دهب يقول...

الله عليك سلمت يداك بجد موضوع اكثر من رائع ربنا يجعله فى ميزان حسناتك

بحر الالوان يقول...

من مقولات الامام زين العابدين بن علي :

قلم ضعيف ...... خير من ذاكرة قوية .

واظنها خير تلخيص لهذا البوست الرائع

تحياتي لك في مرور اول

Sonnet يقول...

بارك الله فيك

كلمات من نور يقول...

محمد يا غالي

تعرف أنا عندي كام كراسه وكام ورقه دونت فيها نقاط من كل كتاب؟؟؟؟؟؟؟ يملئوا اكتر من 4 كراتين وقوم إيه؟؟؟؟و أنا بانقل من بيتي لبيتي الجديد زوجي كان بينقل الحاجه وشاف الكراتين وبص لقى ورق ورق لونه أصفر وكراسات من زمن حتشبسوت
لو كملت حتزعل

أكيد انت عرفت حصل لهم إيه؟

رماهم و أنا كنت قاعده في الشقه الجديدة انتظر و لما جت الحاجه قلت اكيد له في الشقه القديمة

رجعت مش لقيتهم و تمنيت أن مصيرهم يكون لزبال مثقف مش لبتاع الفول والطعمية .....تحياتي يا بني على موضوعاتك الجميلة

Sometimes يقول...

انا بموت فى الاقلام والورق والكراسات والكتب
دول زى الميه والهوا بالنسبه لى


وعارف الاجمل ايه
انك فى كل قراءه لكتاب معين بتكتشف فيه حاجه جديده
بحب الحته دى اوى


ربنا يبارك فيك

الزهرة البرية يقول...

القراءة بجد شئ ممتع وعندق حق فى كلامك نافعة إلى حد كبير بتنمى قدرات ومهارات تانية غير توسيع العقل والمدارك وفى الغالب القراءة هى اللى بتدفعك للكتابة

الموضوع حلو جدا وفعلا لو القراءة لما كان هناك إبداع

دمت بكل الخير والسعادة

فراشة يقول...

فعلا محمد خير صديق هو الكتاب ومعه القلم والورقه
اصدقاء لديهم طول بال واستماع وتركيز وحب وكل ماهو جميل وممتع

بهنيك على جمال اسلوبك

أم مالك يقول...

محمد ازيك ياابتى عامل ايه
ومن التعليقات عرفت انك اشتغلت
ربنا يوفقك وييسر لك الامور معلش
اصل كنت متغيبة ليا فترة
البوست جميل وانا من هواة القراءة
لكن الجديد هو كتابة خواطرنا عن مانقراه ومنك نستفيد
حزاك الله خير وجعله فى ميزان حسناتك

мαησηα يقول...

والله صدقت يا محمد ..

تصدق انا من كتر حبى للقرأة وعارفة

اهميتها والله لما بقعد مع ناس اول

ما ببتدى كلامى بقول بتقراو ايه

وبصراحة غالب الوقت بتصدم

حقيقى بحمد ربنا على النعمة

الجميلة دى

الحمد لله .. وبجد بشكرك على مقالك

الجميل ده انت بجد ابدعت فيه

كأسلوب وفكرة

تسلم ودمت مبدع ورائع

мαησηα يقول...
أزال المؤلف هذا التعليق.
لاسع افندى يقول...

الكتاب خير رفيق فى السفر

وافضل صديق فى السهر


تحياتى

nour shahen يقول...

اكيد عندك حق وانا متفقه معاك كليا والله
وعجبنى اسم الموضوع وقولت ادخل اشوف هتدون ايه حسيت انك وفكرت فى البدايه انك هتتكلم عن الجنه
لكنك بالفعل كتبت عن جنه لكن مختلفه وهى جنة التفكير والابداع
الانسان مبيشعرش انه ليه قيمه الا لو عقله فكر وساعات بنقول افكار تفيدنا وتفيد غيرنا ولو مكناش دوناها كانت هتضيع وتبقى منغير قيمه
لخصت الموضوع بتميز كعادتك
وهجبلك دفتر بحاله هديه بس انت دون وخلى الورق والاقلام علينا

Ahmed MeTalliCa يقول...

بصراحه انا شايف ان القراءه ضاعت او بمعنى اصح فى طريقها للانقراض من كتر هموم الناس و معترك الحياه مفيش اى فرصه لأى حد انه يقرا لكن فى نفس الوقت لازم نفكر فى طرق جديده نقدر نجذب بيها الناس للقراءه تانى زى زمان و نحببهم فيها و فى العلم لكن انا عن نفسى و عن تجربتى بطلت قراءه من ايام الثانويه العامه و السبب اسلوب المناهج اللى خلانى بجد مش عاوز اقرا اى حاجه تانى ف حياتى :)
شكرا

ريمان يقول...

السلام عليكم

والله كلامك كله حكم يا محمد

فعلا احنا اهملنا القراءه

انا من فتره نت حملت شويه كتب من ع النت وعاهدت نفسى انى كل يوم هقرا شويه

قرات تلات ايام وبعد كده توقفت وكسلت

بس عايزه ارجع اقرا تانى هحاول ان شاء الله

تحياتى ليك

GiGi world يقول...

ربنا يكرمك
فعلا القراءه شئ اخر تماما

يعنى مثلا انا الايام دى بقرا فى غزوه احد مش بمزاجى بس لسبب معين اضطرنى اعمل كده الانسان ده وحش برده

ورغم انى سمعتها اكتر من مره الا ان القراءه عالم تانى اروع ومعلموات اغزر وكلام النبي عليه الصلاه والسلام والصحابه فى وصف الغزوه اروع كتيييييييييييييييييييييييييييييييير من كلام اى حد اتكلم عن الغزوه


وطبعا الكتاب اللى اثر فيا قوى كتاب اسمه هكذا حدثنا الزمان للشيخ الدكتور عائض القرنى
خالص تحياتى

ahmed_k يقول...

يقال ان أعظم إختراعين هما
المطبعه والتي تطبع الكتب التي يستفيد من قراءتها الناس
والتليفزيون الذي يلهي الناس عن قراءة الكتب
فحقا الكتاب خير رفيق وخير جليس
والقراءة هي أسهل الطرق لتنمية القدرات الذهنيه والعقليه وتدارك المعرفة والعلوم
تقبل تحياتي لك على موضوعك القيم هذا

Haytham Alsayes يقول...

السلام عليكم

اول مرة ادخل مدونتك الجميلة وبلفعل اعجبت بها جدا


اما عن هذه التدوينة فهي رائعة للغاية وبالفعل القراءة تنمي العقل وتحرث الوجدان فكلمة ثقافة معناها حرث العقول وزراعتها اي انها تنموفيها الافكار مثلالنبات الذى ينمو

انا اصبحت من متابعيك
وارجو ان تتواصل معي

تحياتي لك

قهوة بالفانيليا - شيماء علي يقول...

محمد
ازيك ؟؟
:)
على فكرة نتيجة قلة القراءة و عدمها ظاهرة جدا في المدونات ..
شوف الاخطاء الفادحة في الكتابة ..
شوف الاخطاء اللغوية المخزية فعلاً !!
يا ريت يكون في دعوة حقيقية للقراءة
:)
يا ريت الناس تفهم ..
الكتاب مهم جدا جدا ..
بس الناس تقرا :)
شكرا على الدعوة الجميلة دي ..
مقالاتك حلوة اوي يا محمد .
:)

ضكـــــتور جدا يقول...

السلام عليكم
نرجو مشاركتنا في نشر الفن الهادف
بنشر (شبكة صوتنا للفن الهادف)
http://www.sawtona.blogspot.com/
ووضع البانر الخاص بالشبكة في مدونتكم الرائعة
http://img23.imageshack.us/img23/6886/91117988.jpg
جزاكم الله خيرا

دندنة قيثارة الوجد يقول...

في الحقيقة من لا يهتم بالكتاب والورقة والقلم .. فهو لا يملك أي فكر ..

موضوع رائع

Jonathan Leger يقول...

نشكركم على سعه صدركم للموافقه على التعليق ، افلام جديدة ، افلام ، سينما ، افلام عربيه ، افلام حصريه ، افلام نادره ، افلام مرعبه ، افلام اكشن ، افلام مصريه ، افلام خليجية. افلام مصرية لـ المشاهدة , افلام مصرية اون لاين , افلام مصرية اونلاين , افلام عربية اونلاين , افلام اونلاين , افلام ضحك , افلام كوميديا , افلام رومانسي.افلام مصربه,تحميل افلام مصريه,مشاهدةافلام مصرية,أفلام مصرية,افلام مصريه جديدة,