أحيانا أتسائل عن سبب سعى الناس وراء المال والجاه والسلطان؟ وهل حقا يوجد سعادة فى هذه الأشياء؟!
أولا: سعادة المال والثراء:
ذلك المدعو الدولار الذى يلهث الجميع خلفه ويبذلون الغالى والنفيس فى سبيل الحصول عليه
هل هو حقا سبب سعادتهم؟
القرأن الكريم ذكر لنا الكثير عن هؤلاء ممن اهتموا بجمع المال فقط
فهذا قارون قال الله تعالى{وَآتَيْنَاهُ مِنَ الْكُنُوزِ مَا إِنَّ مَفَاتِحَهُ لَتَنُوءُ بِالْعُصْبَةِ أُولِي الْقُوَّةِ إِذْ قَالَ لَهُ قَوْمُهُ لَا تَفْرَحْ إِنَّ اللَّه
لا يُحِبُّ الْفَرِحِينَ }القصص76
ولكنه لم يشكر الله على نعمه وبغى وتكبر قال تعالى{ وابتغ فِيمَا آتَاكَ اللَّهُ الدَّارَ الْآخِرَةَ وَلَا تَنسَ نَصِيبَكَ مِنَ الدُّنْيَا وَأَحْسِن
كَمَا أَحْسَنَ اللَّهُ إِلَيْكَ وَلَا تَبْغِ الْفَسَادَ فِي الْأَرْضِ إِنَّ اللَّهَ لَا يُحِبُّ الْمُفْسِدِينَ{77} قَالَ إِنَّمَا أُوتِيتُهُ عَلَى عِلْمٍ عِندِي}.
بل إن الناس فى زمانه كانوا يتمنون أن يحصلوا على ماحصل عليه قال تعالى ( لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ).
فكان الجزاء لتكبره وسعيه بالفساد واستغلال نفوذه قال تعالى (فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِن فِئَةٍ يَنصُرُونَهُ مِن دُونِ اللَّهِ
وَمَا كَانَ مِنَ المُنتَصِرِينَ). فانظر إلى عقاب الله . فهل حقا أسعده ماله؟!
ثم تستمر أحداث التاريخ بينه وبين من يبحث عن المال. هل سمعتم عن أغنى أمرأة فى العالم؟ نعم أغنى أمرأة فى العالم !
"كرستينا أوناسيس" تلك الفتاة اليونانية، ابنة المليونير المالي المشهور "أوناسيس" ذلك الذي يملك المليارات، يملك الجزر، يملك الأساطيل.
هذه الفتاة مات أبوها، وقبل ذلك ماتت أمها، وبينهما مات أخوها، وبقيت هي الوريثة الوحيدة - مع زوجة أبيها - لهذه الثروات الطائلة.
أتدرون كم ورثت؟
لقد ورثت من أبيها ما يزيد على خمسة آلاف مليون ريال!!! فتاة تملك أسطولا بحريا ضخما!! تملك جزرا كاملة!!! تملك شركات طيران!!
امرأة تملك أكثر من خمسة آلاف مليون ريال، بقصورها وسفنها، وطائراتها، أليست - في مقاييس كثير من الناس - أسعد امرأة في العالم؟؟
كم من إنسان يتمنى أن يكون مثل هذه المرأة!! تعلمون لو وزعت ثرواتها على مئة فرد، لأصبحوا من كبار الأثرياء، بحيث يصل كل واحد منهم
خمسون مليون ريال!!! فهم - إذن - من كبار الأثرياء، فما بالك بامرأة تملك هذه الثروة؟ السؤال هو: هل هذه المرأة سعيدة؟
أما أمها: فقد ماتت بعد حياة مأساوية، كان آخر فصولها الطلاق.
وأما أخوها: فقد هلك بعدما سقطت به طائرته، التي كان يلعب بها.
وأما أبوها: فقد اختلف مع زوجته الجديدة التي هي "جاكلين كندي" زوجة الرئيس الأمريكي السابق "كندي"،
تلك الزوجة التي تزوجها بملايين الدولارات، يبحث عن الشهرة فقط، ليقال: إنه تزوج بزوجة الرئيس الأمريكي "جون كندي".
ومع ذلك فقد عاش معها في شقاء دائم.
تصور أن من بنود عقد الزواج: ألا تنام معه في فراش، وألا يسيطر عليها، وأن ينفق عليها الملايين - حسب رغبتها -.
ومع ذلك فقد اختلفت معه، وعندما مات، اختلفت مع ابنته.
وخلاصة القول: أن هذه الفتاة كانت قد تزوجت في حياة أبيها - برجل أمريكي، وعاش معها شهورا، ثم طلقها - أو طلقته -.
وبعد وفاة أبيها تزوجت برجل آخر يوناني، وعاش معها شهورا ثم طلقها - أو طلقته -.
ثم انتظرت طويلا تبحث عن السعادة. أتعلمون من تزوجت؟
للمرة الثالثة، "أغنى أمرأة في العالم على الإطلاق"، لقد تزوجت شيوعيا روسيا، يا للعجب!! قمة الرأسمالية تلتقي مع قمة الشيوعية!!!
وعندما سألها الناس، والصحفيون - بشكل خاص - عندما سألوها: أنت تمثلين الرأسمالية فكيف تتزوجين بشيوعي؟
عندها قالت: أبحث عن السعادة!!! نعم، لقد قالت: أبحث عن السعادة.
وبعد الزواج ذهبت معه إلى روسيا، وبما أن النظام هناك لا يسمح بامتلاك أكثر من غرفتين، ولا يسمح بخادمه، فقد جلست تخدم في بيتها
فجاءها الصحفيون - وهم يتابعونها في كل مكان - فسألوها: كيف يكون هذا؟
قالت: أبحث عن السعادة.
وعاشت معه سنة، ثم طلقها - بل طلقته -.
ثم بعد ذلك أقيمت حفلة في فرنسا، وسألها الصحفيون: هل أنت أغنى امرأة؟ قالت: نعم. أنا أغنى امرأة ولكني أشقى امرأة!!!
ثم تزوجت برجل فرنسي.
لاحظوا أنها تزوجت من أربع دول وليس من دولة واحدة لعلها تجرب حظها.
ثم تزوجت بغني فرنسي (أحد رجال الصناعة) وبعد فترة يسيرة أنجبت بنتا، ثم طلقها - بل طلقته -.
ثم عاشت بقية حياتها في تعاسة، وهم، وقد وجدوها ميتة في شالية في الأرجنتين، لا يعلمون هل ماتت ميتة طبيعية، أم أنها قتلت حتى إن الطبيب الأرجنتيني قد أمر بتشريح جثتها، ثم دفنت في جزيرة أبيها!!
فانظر إلى هذه المرأة هل أغنى عنها مالها؟
إن من أكبر مساوىء الحياة أن يبذل العمر كل العمر فى البحث عن المال ومتعته الزائفة
تعرفون الممثل الكبير أنور وجدى؟
قال لزوجته يوما: أتمنى أن أملك مليون جنيه حتى ولو أصبت بمرض، فقالت له: ما ينفعك المال إذا جاءك المرض؟
فقال: أنفق جزءا من المال في علاج المرض، وأعيش ببقيته سعيدا، فملك أكثر من مليون جنيه، وابتلاه الله بسرطان الكبد، فأنفق المليون جنيه وزيادة،
ولم يجد السعادة حتى إنه كان لا يأكل إلا شيئا يسيرا من الطعام، فهو ممنوع من أكل كثير من الأطعمة، وأخيرا، مات بهذا المرض
فهل هذه سعادة؟!
ثانيا سعادة الجاه والسلطان:
ذكر لنا أيضا القرأن الكريم قصة النمرود مع نبى الله إبراهيم عليه السلام
حينما طغى النمرود وتكبر وغره ملكه وادعى بأنه يحيى ويميت
قال تعالى({أَلَمْ تَرَ إِلَى الَّذِي حَآجَّ إِبْرَاهِيمَ فِي رِبِّهِ أَنْ آتَاهُ اللّهُ الْمُلْكَ إِذْ قَالَ إِبْرَاهِيمُ رَبِّيَ الَّذِي يُحْيِـي وَيُمِيتُ
قَالَ أَنَا أُحْيِـي وَأُمِيتُ قَالَ إِبْرَاهِيمُ فَإِنَّ اللّهَ يَأْتِي بِالشَّمْسِ مِنَ الْمَشْرِقِ فَأْتِ بِهَا مِنَ الْمَغْرِبِ فَبُهِتَ الَّذِي كَفَرَ
وَاللّهُ لاَ يَهْدِي الْقَوْمَ الظَّالِمِينَ } فأنظر إلى نهايته!
ارسل الله بعوضة فدخلت في انف النمرود ، ثم انتقلت لرأسه فألمته فكان يطلب من الناس ان يضربوه بالنعال علي أم رأسه ليخف الم راسه حتي مات من كثرة الضرب بالنعال .. فمات ذليلا.
وذاك فرعون دفعه جهله وسلطانه إلى أن يقول أنا ربكم الأعلى وأن ينادى فى قومه {وَنَادَى فِرْعَوْنُ فِي قَوْمِهِ قَالَ يَا قَوْمِ
أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ } فأجرا ها الله من فوقه.
ثم ننتقل مع التاريخ فهذا صلاح نصر فقد كان يعقد على زوجات الناس عقودا وهمية، وهن في عصمة رجال آخرين، ويتزوجهن!!!
لكن كيف كانت نهاية؟
فقد أصيب بأكثر من عشرة أمراض مؤلمة، مزمنة، عاش سنوات من عمره في تعاسة، ولم يجد له الطب علاجـا، حتى مات سجينا
وهكذا دائما ما يذخر التاريخ بأمثال هؤلاء فهل حقا وجدوا السعادة؟
يدخل علينا فى كل مناسبة يقوم له الجميع إحتراما له ويتركون ما فى أيديهم ليقوموا للترحيب به
مشهد يتكرر معى فى كل مناسبة عندما يحضر الحفل أو العزاء إحدى الشخصيات الهامة! تجد الجميع يهب لإستقباله
وكأنه حضر لتوه من كوكب أخر! وكأنى بقول الشاعر:
رأيت الناس قد مالوا إلى من عنده مال *** ومن لا عنده مال فعنه الناس قد مالوا
رايت الناس قد ذهبوا إلى من عنده ذهب *** ومن لا عنده ذهب فعنه الناس قد ذهبوا
رأيت الناس منفضة إلى من عنده فضة *** ومن لا عنده فضة فعنه الناس منفضة
إن لقمة عيش تأكلها وانت فى راحة بال وبيت تسكنه وامرأة تأوى إليها وقلب يستمع إليك فى الشدائد ولباس ترتدية
خير لك من كنوز قصرى ومفاتيح قارون وهيبة فرعون ونساء الدنيا ثم يكونوا سببا فى شقائك
فإن أعطاك الله هذا ففكر واحمد واشكر ولا تجحد فضل ربك عليك.
دمتم فى سعادة
هناك 100 من التعليقات:
كله ده يا محمد
طيب احجز اول تعليق غلاسه
والتانى
علشان مش مصدق
والثالث
علشان يبقى حقيقه
بس اكيد هايبقى موضوع سعيد
تفتكر
وكمان الخامس
الاعمار بيد الله
وكيارا لسه كاتبه وصية
ويظهر بعد وصية كيارا
الموضوع هاينتشر فى البلوج كله
وفى بوادر للموضوع ده
الازهرى مش فى حالته خالص
ومدونته تحت الاحتلال
تفتكر صحيح فى طريق بين الوهم والحقيقه
ممكن يعنى
طيب ابتسم
كده
علشان ارحمك من تعليقى
لسه ما شوفتش البسمة
هاااااااااا فين
انا ممكن اعلق تانى
بس مش دلوقتى
الثانى عشر
يااااااااا عينى عليك يا محمد
اه اه اه
يا ازهرى
والرابع عشر
لويس بقى
خلى السعاده بقى تنفعك
ههههههههههههههههههههههه
خلاص حرمت
بص بعد العشرين تعليق ارحمك
يااااااااااااا سعاده
كده برضوا يامحمد
التاسع عشر برضوا
غتاته
العششششششششششششرين
الحمد لله
المدونة احتلت يا جدعااااااااااااااااااااااااااااااان
وكمان واحد
علشان انتى دخلت
كفايه عليك كده
اقرء بقى
واعلق
استنانى
ولا عندك مانع
لا أنا مستنى أهو
هناك حديث عن النبى صلى الله عليه وسلم
ان من اصبح امنا فى سربه صحيحا فى بدنه وعنده قوت يومه
فقد حيزت له الدنيا بحذافيرها
تخيل الدنيا كلها لا تزيد على ذلك
واعجب لطامع ينفق عمره فى محاولة الحصول على اوهام وربما لجأ الى طرق غير مشروعه
القناعة هى اهم اسباب الرضا والرضا هو السعادة
تحياتى دوما
السلام عليكم
السعادة بإختصار في صفحات كتاب رب الانام وفي هدي سيد البشر
هذه السعادة الحقيقة لمن كان يبحث عنها
ليست بمال او منصب أوجاه او زوجة او سيارة او متاع
جزاك ربي خير الجزاء.
لا تنسوا اخوانكم في غــزة من دعائكم
||..بحــر الدموع..||
السعاده
ليست كلمة تقال
انهااااااااااا كلمة تشعر بها وتنظر اليها وتغازلها وتغازلك
انها راحة البال
انها اليقين
انها جوهر
انها كرامة
انها ثقة
انها خالق ومخلوق
انها كلمة تحيا فيها ولا تنطقها بلسانك
تحياتى على الموضوع الرائع
المفعم بالاسانيد
ياااااااااااا سعيد
منورنى يا أزهرى
احسنت اختيار الحديث
ربنا يتقبل
دمت بكل الود أخى
-----------------------------------
ABOALI
أكيد طبعا السعادة مش مجرد كلمات
منورنى دايما
ومبروك عليك الواحد وعشرين تعليق ههههههههههههه
السلام عليكم
الصديق العزيز:
لقد أسردت لنا كل الطرق التى يتخيل بعض الناس أنها الطريق إلى السعادة وقمت بتحليلها على أنها ليست هى طريق السعادة ماشاء الله عليك دائما عند حسن الظن
وجزاك الله خيرا
تحياتى
اللؤلؤة
أخى العزيز
جزاك الله خيرا على حسن الظن
دمت بكل الود
السلام عليكم
الصديق العزيز :
يكمن عدم الإحساس بالسعادة لبعض الناس بسبب
1-عدم قناعتهم بما رزقهم الله
2-حب الدنيا والتعلق بها
4-أمنيات الإنسان بالأفضل فى ظل ضعف إمكانياته
5-البعد عن تعليم
الدين القويم وهذه وجهه نظر خاصة
تحياتى
السلام عليكم
اخي العزيز محمد ..
والله ان موضوعك جميل جداً .. وصدقت يا اخي العزيز إن السعاده تكمن في الرضا ..ولكن هل يعرف الناس كيف يكونون راضون عن حالهم شاكرين ربهم على نعمه التي لو حاولوا عدها لعجزوا .. اذا اردت ان ترضى ففكر وحاول مجرد محاوله ان تعد الأمراض الموجوده في البشر وبعدها اسأل نفسك لماذا ربك لم يبتليك بها .. وحينها ستعرف ان الله رحمك وعافاك من هذه الأمراض وسوف ترضى وتشكر رب العالمين على هذه النعمه .
في امان الله
الحمد لله على النعم الكتير اللى عندنا
السعادة لا فى مال ولا جاه ولا منصب السعادة فى الرضا والقناعة ارضى ربك يرضى عنك ويسعد حياتك
جزاك الله خيييييييييييرا
صحيح عيد ميلادك امتى بالظبط علشان الهدية:)
سبحان الله
عمر ما كانت السعاده فى المال ولا الجاه ولا السلطه
سبحان الله
ومن نحسبهم اسعد ناس هم اتعس ناس على الارض
ولكن السعاده والله فى الرضا
وراحه البال
جزاك الله خيرا اخى
تحياتى لك
كل سعادة فى غير رضا الله فهى وهم
اللهم اسعدنا برضاك عنا
ايه يا محمد الكلام اللى يخلى الواحد يفكر الف مره
هو انا علاقى السعاده ازاى
الا مع قلب احبه ويحبنى
شكرا لك اخى محمد غاليه
على هذا البوست الجميل
ولست أرى السعادة جمع مال ******* ولكن التقى هو السعيد
و البيت ده عجبنى جدا فعلا مش السعادة ان الواحد يكون عنده فلوس كتير
بس السعادة بتكون بحال الواحد مع ربنا و تحياتى
مساء الخير أخي محمد ^_^
يكفي الشعور فقط بالسعادة لتكون سعيدا ..
حتى ومع حال الفقر والعوز والمرض .. فالسعادة لا تقاس إلا بالأمور المعنوية وليست الحسية ..
وأقرب مثال ذكركـ بعض ملوكـ العالم القدماء الذين خضعت لسطوتهم أغلب سكان الأرض ومع ذلكـ لم يجدوا السعادة ولم يذوقوا لها نكهة ..
بل كانت ميتتهم أشبه بالحيوانات وأكْرِم بالحيوانات عنهم ..
فلوا كانوا فعلا سعداء لم شقوا في دنياهم وآخرتهم ..
السعادة برأيي مرتبطة بالدين فكل ماكان الأنسان متمسكا بدينه قريبا من ربه أستلذ بطعم السعادة وشعر بها ..
أخي محمد قلمكـ رائع ..
لطالما وقفت أمامه مبهورة ومذهوله لله دركـ ..
^_^
سبحان الله
بوست جميل جداً
وفعلاً غلطان اللى يعتقد إن السعادة فى المتع الحسية المادية بقدر ما هيه فى المتع الروحية
ورويت قصص كثيرة عن سلفنا الصالح ممن كانوا يأكلون الخبز بالماء ثم يحمدون الله علي ذلك ويقولون لو علم الملوك وأبناء الملوك ما نحن فيه من نعمة لجالدونا عليها بالسيوف
وبن تيمية لما سجن قال وماذا يفعل بى أعدائى والله إنا جنتى وبستانى فى قلبى واستطرد قائلاً إن فى الدنيا جنة من لم يدلخلها لن يدخل جنة الأخرة
وطبعاً هيه القرب من الله
أسف على (الرغى) .. بقى داء عضال عندى مش لاقيله علاج
تسلم ايدك
أنا طول عمرى بكره حاجه اسمها فلوس
الفلوس بالنسبالى وسيله وليست غايه !
بسم الله الرحمن الرحيم
السلام عليكم ورحمة الله وبركاته
صديقى العزيز محمد
تحياتى
بجد بوست هايل
بس تفتكر ان الناس ممكن تقتنع بالكلام ده؟؟
طب مالاناس كانو بيتمنو اللى عند قارون وبعدين شافو نهايته السودا وبرضو بعد كده كل واحد بيدور على الجاه والسلطه والمال
(وبعدين كرستينا اوناسيس كان المفروض تيجى المدونة بتاعتك علشان تبحث عن السعاده)
المفروض كل الحاجات دى الواحد لما يعمل للحصول عليها يكون مخلص النيه لله انه لما يحققها تكون سبب فى زيادة حسناته وليست سبب فى هلاكه
بقولك ايه الكلام فى الموضوع ده كتير وانا لو فتحت مش هخلص
كفايه كده احسن
تقبل مرورى وتحياتى
ودمت بكل خير وود
والسلام عليكم ورحمة الله وبركاته
بسم الله الرحمن الرحيم
السلام عليكم ورحمة الله وبركاته
صديقى العزيز محمد
تحياتى
بجد بوست هايل
بس تفتكر ان الناس ممكن تقتنع بالكلام ده؟؟
طب مالاناس كانو بيتمنو اللى عند قارون وبعدين شافو نهايته السودا وبرضو بعد كده كل واحد بيدور على الجاه والسلطه والمال
(وبعدين كرستينا اوناسيس كان المفروض تيجى المدونة بتاعتك علشان تبحث عن السعاده)
المفروض كل الحاجات دى الواحد لما يعمل للحصول عليها يكون مخلص النيه لله انه لما يحققها تكون سبب فى زيادة حسناته وليست سبب فى هلاكه
بقولك ايه الكلام فى الموضوع ده كتير وانا لو فتحت مش هخلص
كفايه كده احسن
تقبل مرورى وتحياتى
ودمت بكل خير وود
والسلام عليكم ورحمة الله وبركاته
ماشاء الله
بجد بوست رائع
انا شايفة ان السعادة هي راحة البال وبس
اما الفلوس فهي المصدر الرئيسي للتعاسة
ربنا يكرمك ويجعل هذا البوست في ميزان حسناتنك
اناسفه علي التأخير بس جيت لاقيت المدونة محتلة
ههههههههههه
سلام
السلام عليكم ورحمة الله..وبعد
"التاريخ والقرآن الكريم ذكروا... "
كنت أود من باب تعظيم القرآن أن يفرد كشاهد
ثم بعد ذلك تأتى شهادة التاريخ
لقد استحب العلماء عند الاستشهاد على شىء بالقرآن والسنة أن تذكر شهادة القرأن أولا ثم السنة
نفع الله بك..وأحسن الله إليك.
الحمد لله يا محمد الذي لم يجعلنا أغنياء و تعساء و لا فقراء و تعساء ,
الطبقة المتوسطة حلوة برضه :)
الله ينور عليك يا غاليه
السعاده عمرها ما كانت فى الفلوس وساعات كتير بيبقى قصر ذات اليد نعمه وكبيره كمان
بس كريستينا دى اعتقد حفيدة اوناسيس يا محمد
مش عارفه بس اعتقد
بس على فكره المال مش وصمة العار انما تصرف الانسان بيه هو اليى بيشكل بدماغه واتجاهه وطواعيته لنفسه العار من عدمه
يعنى ممكن شخص يكون معاه مال وينفقه بحكمه وبشكل ينشر السعاده والفايده عليه وعلى من يحب
وممكن شخص تانى يتسبب بماله فى دمار نفسه والمحيطين بيه وااقربهم ليه كمان
ربنا يبارك فيك وفى عمرك ويخليك لوالدتك واختك
ودايما مدونتك وموضوعاتك منوره بيك يا محمد
وموضوعاتها مفيده لكل اليى بيتابعها
ربنا يسعدك يا محمد يا رب
احتار الناس في تعريف السعادة ولم يتفقوا على تعريف .... منهم من قال الرضا ... ومنهم من قال اشباع الحاجات .. زمنهم من قال الحب ... الخ
وتبقى السعادة هبة إلهية يختص بها الله مقلب القلوب من يشاء إنها جائزة إلهية غير معلومة المصدر
السلام عليكم
طبعا اولا انا احب اشكر ابلوا علي الابتسامه اللي هو كان السبب فيها
اما ما يخص البوست
فأنا اللي عن تجربه هتكلم
كانت اسعد لحظات حياتي لحظات الحب اللي كانت بتجمعني مع زوجي
ولما كان يجي يصالحني بهديه ياما كنت بتخانق معه بسبب اني مش عايزه غيرك
وانا واحده من الناس اللي زوجي مبوسط ماديا والحمد الله
لكن فضلت الطلاق بس لاني معنديش استعداد حد يشاركني في حبه
ولما كرهني كان ده اخر ما بيني وبينه
فعلا انا عرفت دلوقتي ان السعاده الزوجيه بين رجل وست بيحبوا بعض ده فعلا هو كل ما تتمناه اي امرأه سويه
وحسبي الله ونعم الوكيل
فعلا يامحاسن سعات كتير قصر ذات اليد نعمه محدش يحس بيها غير اللي زي
بص بجد يا محمد
مش عارفة الاقى وصف لمواضيعك واد ايه بتكون مهمة وشاملة لحاجات كتير
البوست دة مدعم بايات قرانية وقصص كتير ودة مخليه حلو اوى وقوى جدا
ياريت فعلا ناس كتير تعرف ايه هو المعنى الحقيقى للسعادة وتطبقه فى حياتها
السعادة هى راحة البال
انى لما اعوز حاجة الاقيها لانها مهمة بالنسبة لى مش مجرد ترف
السعادة انى اكون وسط ناس بيحترموا بعض وبيحبوا بعض
واخيرا السعادة انى اقرا كلامك يا محمد
دمت بكل ود
السلام عليكم
ازيك يا محمد؟؟ الموضوع تحفة بجدومدعم باستشهادات جميلة من آيات القرآن الكريم، وفعلا السعادة ليست في المال أو الجاه لكنها في راحة البال وشكر الله على الستر والصحة.
أستأذنك فقط في تصحيح معلومة وردت في البوست "ومنذ شهور وجدوها ميتة في شالية في الأرجنتين، "
- الحقيقة أن كريستينا أوناسيس قد انتحرت في الأرجنتين بتناول كمية هائلة من الأقراص المنومة، لكن ذلك كان في عام 1988 أي منذ أكثر من 20 عاما، وقد أصبحت ابنتها الوحيدة الآن شابة تواجه نفس مشكلة والدتها مع الحياة... البحث عن السعادة رغم ثراءها الفاحش
تحياتي وتمنياتي بالتوفيق دائما
وفي انتظار المزيد من موضوعاتك الرائعة
موضوع رائع فكرة وصياغة ودلائل
ربنا يكرمك بقلمك وعقلك يا محمد
اتدري ما هي السعادة
لقمة حلال ينبت منها لحمك ولحم ابناءك .. وعلى أثرها يرزقكم الله رضا تعجز الملايين عن ايجاده
السعادة بيت مبني بالحلال وزوج وزوجة عرفوا بعض حلالا واختاروا بعضهم بمقاييس ربانيه بحتة
السعادة هي ان تضع مفتاح وتديره لتدخل بيت يمتلأ بدفأ المشاعر ودفأ الحب والأحترام .. وبما انك متربي من حلال فهاترفع نظرك للخالق ولسان حالك يلهج بالشكر لرب العالمين
ربنا يبلغنا كلنا السعادة يا محمد
فعلا باسعد بمروري عندك
مليييييييش دعوة انا قريت البوست امبارح والنت فصل قبل ما اعلق
وش زعلان
ما علينا بجد يا محمد فعلااااا السعادة الحقيقة فى القرب من ربنا لما ربنا يرضى عنك بترضى عن نفسك وتحس فعلا بطعم سعادة غريب
موضوع جميل اوى
تحياتى
ايمى
صديقى العزيز محمد الرايق :
مع كامل احترامى لكل الكلام الجميل والمنطقى والعاقل ده واحترامى الاشد لل 55 تعليق اللى سبقونى انما تفتكر يا محمد الكلام ده منطقى ؟!
يعنى عشان قارون حصله كدة انا ما باتمناش دلوقتى انى ابقى فى ثروة قارون " مش فى افعاله ولا كفره " .الحياة الحقيقية حاجة يا محمد والمدينة الفاضلة اللى انت بتدور عليها حاجة تانية خالص . احيانا بتتمنى الحاجة وانت عارف انها ممكن تجلبلك تعاسة ما لهاش حدود وبرضه بتتمناها . الانسان اصلا ربنا سبحانه وتعالى قال عليه " {إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً }
ظلوما جهولا ده الانسان اللى عمنره ما هيقتنع ابدا ان السعادة مش فى المال ولا فى المنصب ولا فى الجاه مهما قرا ومهما شاف بعينه . حاسس ان انا وانت زى الابيض والاسود بتاع المدونات بس انت حبيبى يا محمد والله ونفسى تلاقى السعادة المتوفاة للابد دى .
.
اوقات بنعمل مشكله كبيرة اوى وازمه وحجتنا بنبحث عن السعادة
فى حين ان السعادة شعور يتواجد من الاحساس بالرضا
والمقسوم
يعنى انت فسرت بالظبط السعادة
سلمت دوما يا محمد
.
موضوعك جميل يا محمد
و الاجمل انك استشهدت بمواقف حصلت فعلا في لحياة
دمت بكل ود
تحياتي
محمد
موضوع حلو قوي
ربنا يكرمك يا اخي
طبعا السعاده الحقيقه هى ان الانسان يكون راضى عن حياته و ربنا راضى عنه
لكن بردو يامحمد ممكن يكون المال مصدر سعاده لو استخدم صح
و بردو المنصب كذلك
يعنى الموضوع كله متوقف على الانسان نفسه
الله ينور عليك يامحمد
بوست جميل واضم صوتي لأزهري وتعليقه الجميل
انت اختصرت الموضوع كله في اخر سطرين وازهري ختمها بالحديث
راحة البال ثم راحة البال يامحمد
انك تكون راضي وبتحمد ربنا علي كل حال
أصبت بالطبع وجزاك الله خيرا
انا كل ما ادخل هنا بحس ان السعادة دى كلمة يطول شرحها وعايزة مجلدات ومجلدات بجد يا محمد بوست رائع
تحياتى:))
محمد
تعرف من كتر ما البوست حلو
مش عندى كلام اقوله
بصراحة انا قريته اكتر من مرة
ونفسى اكبر عدد ممكن من الناس تقراه ويقدروا يستوعبوا اللى فيه
بجد انت انسان جميل قوى يا محمد جواك جميل لتفكير شاب عايش فى مجتمع فيه الشباب بطل يفكر
وواضح انك تعبت فى البوست ده جااااااااااااامد
تحياااااااااااتى
محمد
المدونة اكثر من رائعة
بصراحة احنا نبطل نكتب
انا حسيت قد ايه ان القلم له رونقه من خلال مدونتك الرائعة
طبعا كلامك كله صح مليون الميه
لان الفلوس ملهاش قيمة مادام الانسان بيعبدها ولعياذ بالله
الانسان هو اللى بيعملها
وبعدين دى مجرد وسيلة ربنا اعطانا اياها عشان نعيش ونسعى
لكن للاسف الناس جعلوها غاية وليست وسيلة
المشكلة ان اللى دلوقتى بيموت على الفلوس مش اللى محتاج او الفقير
لأ ده اللى عنده ملايين مش عجباه وعايزهم مليارات
الطمع طبعا
ابدعت وربنا يباركلك
بجد ان اتصور ان يوم القيامة هذه المدونة ستكون شفيعه لك يوم القيامة
ربنا يباركلك
تحياتى
ربنا يسعدك ويبارك فيك
موضوع جميل والامثلة رائعة والفقرة الاخيرة فيها الخلاصة
السعادة هى راحة البال
بجد مش لاقية غير انى اقولك
ربنا يكرمك ويجعلك ديما سب لسعادتنا كما عهدناك
تحياتى لكل حرف اعطى امل وسبب السعاده
ادعوك لزيارة
http://mhlpyaaa.blogspot.com/
بجد انا سعيدة بالبوست ده
حسستنى ان رأيى فى الحياة صح وانى مش جاية من كوكب تانى ولا حاجة زى ما بيقولولى
كفاية اوى الصحة والستر والولد والزوج وراحة البال
وكفى بالإسلام نعمة
الحمد لله حمدا كثيرا طيبا مباركا فيه
ولست أرى السعادة جمع مال ******* ولكن التقى هو السعيد
ربما عزيزى الغالى ولا كنها سنة الحياة
ولقد خلقنا الانسان فى كبد والسعى وراء المال هى الكبد
تحياتى ليكى ياصديقى
سلمت يدك
شخابيط mahgoub
السلام عليكم ورحمته وبركاته
نعم السعاده ياصديقى
فى الرضا والقناعه بما قسم الله لنا
أحسنت العرض والطرح
مدونتك وأهتماماتك جميله وراقيه
وسعيد لوجود أمثالك من المدونين الشباب
وبالتوفيق
ودمت أخى بخير
السلام عليكم ورحمة الله وبركاته
إخواني وأخواتي في الرابطة
بمجرد وصول هذه الرسالة لكم أرجوكم الدخول علي حجرة الجلسات للأهمية
أخوكم أبو فاطمة
رائع يا محمد والاجمل الاستشهاد بالأيات
تحياتى
احمد الشاعر
حقيقى موضوع رائع يا محمد
انا راى ان السعادة شى غالى الثمن
لان السعادة الحقيقة هى السعادة الوجدانية
ان الواحد يكون حاسس من جواه نفسه بالراحة والامان والرضى انا بشوف ان دى اعلى درجات السعادة
دمت بخير
واتمنى انك تكون خلصت امتحانات على خير
عمر السعاده ماهتبقي في الفلوس ابدااااا والله
بوست ف الجووووووووووووون كالعاده
معاك حق السعاده مش في جمع المال
ممكن تكون اغني واحد في العالم زي المرأه دي بس في نفس الوقت اشقي واحد في العالم والعكس صحيح
الغني في راي هو غني النفس
الي معاه فلوس مش مرتاح والي مش معاه فلوس مش مرتاح
يارب
اعطني مال الدنيا كلها
ولاكني اطمع اولا في رحمتك ورضاك عني
اللهم اعطني زينة الحياة الدنيا
واجلعني للاخرة من العالمين
****
تحياتي ليك يا استاذ محمد وربنا يديك السعاده وراحة البال
السلام عليكم و رحمة الله و بركاته
أولا آسفة على التأخير
حاولت أعلق قبل كدا بس الكهربا قطعت
المهم
السعادة الحقيقية
هى أن تشعر بنفسك
و أن تجد ذاتك
أن تقابل الشخص الذى يشعرك بقيمتك كانسان
و أن يشاركك حلمك
اعتقد دى الحاجة اللى تخلى الانسان سعيد فى علاقاته مع الاخرين
و طبعا حب ربنا و القرب منه
دا فوق الكل
اما المال و الشهرة و الجاه
فكل دا الواحد مايضمنش زواله بلحظة
خالص الود
أظن ان السعادة شعور نبني من أنفسنا ..
إذا رضينا بحياتنا مثل ما هي ..
السعادة مب في المال و لا الجاه ..
السعادة هي مقدار رضانا عن الاشياء الي نمتلكها نحن .. :)
دمتم بود ..
و مدونة جميلة ..
موضوعك حلو اوى يا محمد
السعاده و بالبحث عن السعاده و السعاده اكيد ولا فى الشهرة و لا المال
تحياتى
مدونتك جميلة ومكثفة المعلومات والحديث
دمت ناشراً للسعادة
ودمت سعيداً وجميلاً أخي الجميل
الموضوع رااائع جدا.. انا شايفة ان السعادة في الرضا والرضا وبس
انا قريت قصة حياة أوناسيس بجد فيها عبر كتير السعادة ابدا مش في المال والثراء ابداااا
ياريت تقرا انت كمان القصة بجد فظيعة جدا
وكالعادة متميز يا محمد
كل إنسان في هذه الحياة الدنيا ينشد السعادة و يبحث عنها، ولكن لابد من السؤال أولاً: ما هي السعادة؟ أهي الغنى بعد شدة الفقر، أم الصحة بعد المرض و القوة بعد الاستضعاف، أم هي التخلق بالحكمة و العفة؟ هل هي تناول الشهوات، وأن يعيش الإنسان حراً طليقاً دون قيود يفعل ما يحلو له، ولو كان معارضاً للخلق والدين؟ كل هذه الأمور يمكن أن تخطر ببال الإنسان؛ فالسعادة شيء حقيقي وليست وهماً، فالعالِم يسعد بعلمه، والكريم يسعد بكرمه، و المجتهد يسعد باجتهاده، ولذة هؤلاء أعظم ممن يسعد بأكله وشربه و كسبه، ولكن هل هذا هو منتهى حلم الإنسان و تطلعاته؟
نسيت اقولك موضوع ممتاز
جميل اوى اوى الموضوع كالعاده ربنا يبارك فيك
السعاده مالهاش اي دعوه بالفلوس ولا بالجاه والسلطان
بالعكس كتير الحاجات دي بتكون سبب في التعاسه
السلام عليكم
جزاك الله خيرا يا محمد
اكيد السعاده عمرها ما كانت بالمال
السعاده فى الرضا و الاحساس بالامان
وده مش ممكن نحسه الا لو كان مولانا و وكيلنا الرحمن سبحانه وحده القادر على ان يمنحنا اجمل سعاده ..
السعاده منحة من الله لمن يشاء ..
تحياتى دوما
سبحان مالك الملك بيده الملك
يهب الملك لمن يشاء و ينزع الملك ممن يشاء
اللهم اسعدنا بطاعتك و لا تشقينا بمعصيتك
بسم الله الرحمن الرحيم
انا اسفه على التاخير عنك يا محمد
تصدق كنت فاكره انك وسيرجو شخص واحد
رغم انى بكلمكم انتم الاتنين بس فى عقلى انكم واحد
النهارده بس وبعد صلاة الفجر فجاه لقيتنى بقول هو محمد ليه ماعندوش مدونه
يا دوبك خلصت الاذكار والشاى ابو لبن(اتفضل معايا) وجرى على الكمبيوتر ولقيت مدونتك ولقيت موضوع رائع جدا فرحت جدا جدا انى جيت لقيت موضوع زى ده
بارك الله فيك ويا ريت نلاقى مواضيع زى دى كتير
(فذكر فان الذكرى تنفع المؤمنين)
اشوفك دائما فى افضل حال
دايما تدويناتك عن السعاده
تثير اعجابي
السعاده مطلب الانسان
منذ بدء الخليقه
يحاول الوصول لها بشتى الوسائل
في رايي الشخصي
السعاده تنبع من داخلنا
والقناعه بما كتب الله
سر السعاده العظيم :)
يادى الكسوف
يادى الكسوف
يادى الكسوف
تعليقى نمرة
الثانى والتسعين
والله مكسوفة من نفسى
لكن معلش انت صديق كريم
وحتسامحنى على التأخير لانى ماكنت
اعرف انك نزلت تدوينة جديدة .
ساعات الشىءلما يزيد عن حده
ينقلب الى ضده فلما الفلوس تزيد
اوى كده فعلا السعادة تبقى شبة مستحيلة والعكس صحيح ايضا
بمعنى ان مع الفقرالشديد
صعب تلاقى سعادة لانه
حيجى ومعاه المرض
وممكن كمان الجهل
تبقى السعادة
تيجى ازى؟
تدوينة حلوة اوى يامحمد
جزاك الله كل الخير
وينجحك وتجيب
امتياااااز
يااااارب
موضوع بجد جميل
عمرها ما كانت في جمع المال
و لا في أي حاجة مرتبطة بالدنيا أصلا
دة لو بنتكلم عن السعادة الحقيقية مش السعادة الوقتية
مواضيعك ماشاء الله بتقول إنك صاحب عقل ناضج جدا. ربنا يزيدك و يثبتك على الحق دايما :)
أنا جاية و مكسوفة بصراحة
بس كمان مبسوطة :)
عشان حسستني إنك أخويا بجد، و مهتم بجد مش مجرد واحد بيسيب تعليق لمجرد إني بعلق في مدونته و بس :)
شاكرة ليك اهتمامك جداجدا جدا وتعليقك رغم إني مقصرة جدا في زيارتي لمدونتك ومدونات كتير بحبها. شكرا أخي الصغير اللي بعتز بزيارته جدا :)
بوست جميل جدا
والاجابة فيه هو البحث عن السعادة
لكن الفيصل فى المكان الذى تبحث فيه عن السعادة!!!
وهل اجانبك فى اختياره الصواب ..ام..؟
اشكرك كثيرا
تحياتى لك
السلااااااااااام عليكم
أخي الكريم محمد
فعلا السعاده ليست في مال
السعاده موجوده في ركعتين لرب العالمين و الناس نيام
السعاده في مال تنفقه لوجه الله تعالى
السعاده في ابتسامه والديك لك
السعاده كلمة تاخذنا لمملكة من الآمان والطمئنينه
بجد جزاك الله خير على موضوعك الرائع
أخوك
أحمد خالد أمير الهدوء
دمت بود
^_^
السلام عليكم
موضوع جمل اخ محمد بارك الله فيك ..
اصبح جمع المال غاية وليس وسيلة للفهم الخاطئ للناس عن وظيفة المال ..
وكذلك البحث عن الجاه والسلطان اصبح غاية وليس وسيلة ايضا ..لعدم الفهم ايضا ..
وقال تعالى :
{الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً }الكهف46
فالمال والبنون زينة في الحياة الدنيا ولكنهم زائلون والباقي هو الاعمال الصالحة
السلام عليكم
اولا احب احييك على الموضوع الجميل دا
ودا مش جديد عليكيا حماده
وفعلا السعاده ليست في مال
إرسال تعليق