dupport me

الأربعاء، 1 أبريل 2009

مشروع زواج وبناء أسرة

تابعوا إحنا لسه بعيد على نظرة http://nazratolife.blogspot.com/

قطار العمر يمر بنا حتى تأتى فترة عنفوان الشباب فيحين وقت الزواج وهو سنة الله فى الأرض لإعمار الأرض لذا فمشروع الزواج من أهم مشاريع العمر على الإطلاق.

أولا: الغاية من الزواج:

*قال الله تعالى: {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }الروم21.

*وقال صلى الله عليه وسلم( الدنيا متاع وخير متاعها المرأة الصالحة)

*فى بيتك تصير مملكتك فتبدأ برسم لوحة حياتك وإعداد الجيل القادم ممن سيتولون إعمار الأرض.

*فى الزواج حسن معاشرة وتربية للنفس والذات وود ورحمة بين الزوجين.

*فى الزواج إشباع للغريزة بطريقتها الشرعية.

* فى الزواج استقرار وهدوء وراحة بال وقلب ترتاح اليه ويرتاح اليك.

*فى الزواج اقتفاء بسنة النبى صلى الله عليه وسلم( حبب إلى من دنياكم النساء والطيب) وعن النبى أيضا (أما أنا فأتزوج النساء فمن رغب عن سنتى فليس منى)

وعن النبى أيضا تزوجوا الودود الولود فإني مكاثر بكم الأمم .

*فى الزواج تعارف بين الناس وإتساع لدائرة الأقارب.

ولكن كيف نختار؟

يبدأ مشروع الزواج بمشكلة إختيار فى أن تختار شريكة حياتك أو تختارى شريك حياتك وأعظم ما قد يقال فى هذا هو قول النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " وكم هو رائع أن نحصل علي الأربع الدين والمال والحسب والجمال.

ثم تأتى الأحلام بعد ذلك والتى تختلف من شخصية إلى أخرى فأنا أحلم بفتاة تشاركنى أحلامى تشاركنى لحظات حزنى وفرحى صدر ألجأ إليه عند العقبات والأزمات وقلب يطرب لفرحى عند سعادتى فتاة عندما أتحدث إليها

فى أى موضوع أو ألجأ إليها لأخذ رأيها فى شئون حياتنا أجدها تملك الكثير من الثقافة فتاة تدفعنى دائما إلى الأمام تعرف معنى أن تتحملنى وقت غضبى وتواسينى و قت حزنى , تعرف كيف تعامل أبنائنا وكيف تربيهم إمرأة تهتم بأنوثتها لى وحدى أغار عليها من كل العيون وأحمد ربى على أن رزقنى إياها تكون أحلامى هى أحلامها عندما ابتعد عن الطريق إلى الله سرعان ما تساعدنى على العودة عندما اشعر باليأس سرعان ما تدب الأمل فى قلبى عندما أنظر فى عينيها أنسى مشاكل الدنيا عندما تكلمنى أحب أن استمع إليها. فهل حقا سأجدها؟!

إن النساء رياحين خلقن لكم_______ وكلكم يشتهى شم الرياحين

احلم بشاب يملك قلبي بعطفه وحنانه...يكون لي ابا واخا وصديقا قبل الزوج والحبيب ..اضحي من اجله وانا سعيدة لذلك..يحفظني بقلبه فلا يميل قلبه لغيري ويحفظ عينه لي فلا تنظر الا لسواي..هو لي سلوة عن هموم عالمي وكلامه لي فيض انهل منه ولا ارتوي..احبه فهو صدر حنون كلما ضاقت بي الدنيا اليه لجأت.

لحظات بعاده عني نيران تجتاح كياني ووجوده الي جانبي برد وسلام.. ان غاب عني الف سنة فبقلبي احفظه من كل الانام..احلم بشاب يكفيني منه نظرة دافئة تنسيني برد ايامي وقسوتها..بلمسة حانية تبعث في نفسي امان الدنيا وروعتها..بكف بيربت علي كتفي اذا تغلبتني الاحزان وكثرتها.. بعين تحرسني وبرمش يغطيني من كل عين ترميني بنظرتها احلم بمن يكون لي زوجا ابد الدهر وفي الجنة نجتمع سويا كما اجتمعنا فى الدنيا فأنساني ظلام الليل وسهده...فهل حقا سأجده؟!

مهمة بناء أسرة:

ثم تأتى مشكلة بناء البيت فقليلون هم من يقدرون أهمية تلك المهمة فدائما فى مجتمعاتنا العربية ينشغل الأب بظروف العمل والسعى لجلب الرزق وتبقى الزوجة وحدها سواء تعمل أولا تعمل ولكن يبقى العبأ الأكبر عليها فى تربية الأبناء وفى إعداد الأجيال القادمة فالمرأة بحق هى نصف المجتمع وتلد وتربى أيضا النصف الأخر

أى لانبالغ حينما نقول بأن المرأة هى المجتمع كله وعلى عاتقها تتحمل الكثير. فالمهمة ثقيلة عليها أن تنجح مع زوجها ومع أبنائها وفى عملها إذا كانت تعمل فمسئوليتها كبيرة وحتما هى تستطيع تحمل المسئولية والمضى

بالقافلة مع زوجها وتحافظ على أبنائها.

إن الأجيال القادمة بما تحمله من ثقافة وتعليم ينبع من أسرة والأسرة زرعت فيها تعاليم وقيم معينة خرجت بها تلك الأجيال لتواجه الحياة وظروفها وعلى قدر حسن التربية ستواجه الحياة.

لذا فهذا المشروع من أهم مشاريع الحياة لأننا نختار شريك العمر ونربى أبنائنا والكل يريد أن يكون أبنائه

أحسن الناس. فهذه هى غريزة الأمومة والأبوه. ولكنها حتما ليست مجرد أحلام بل حتما سيتحقق فى يوم من الأيام وبإذن الله قريب هذا اليوم . وحتى يأتى نعمل بقول النبى يامعشر الشباب من استطاع منكم الباءة فليتزوج؛ ومن لم يستطع فعليه بالصوم فإنه له وجاء .

يارب كل الى متجوزش يتجوز وأنا اولكم طبعا الموضوع ده مفيهوش إيثار هههههههههه.

هناك 85 تعليقًا:

Princesa ... WHiSPeR يقول...

:)

ان شاء الله تلاقيها
وتعزمنا في الفرح ومبروك مقدماً :p

وتبني الأسرة السعيدة دي

♥..~*شـــوشـــو هـــانــم*~..♥ يقول...

واااااااااااااااااء كنت فاكرة نفسي لحقت اول تعليق

♥..~*شـــوشـــو هـــانــم*~..♥ يقول...

عالعموم خلاص انا هعتبره اول تعليق
انما الاعمال بالنيات

mohamed ghalia يقول...

Princesa ... WHiSPeR
يارب كل الى متجوزش يلاقى نصه التانى يابرنسيس
-----------------------------
الشيماء صلاح*shosho*
مش مشكلة نمشى بالنية هههههههه

عمرو جويلى يقول...

محمد غالية
السلام عليكم
العرايس كتير بس النفس اللى تقبل بس أنا عارف هتقوللى لأمش كتير هى واحدة بس هقولك ربنا يوفقك فى دراستك وتنول كل ما تتمنى يامحمد
تقبل تحياتى

عمرو جويلى يقول...

محمد غالية
السلام عليكم
العرايس كتير بس النفس اللى تقبل بس أنا عارف هتقوللى لأمش كتير هى واحدة بس هقولك ربنا يوفقك فى دراستك وتنول كل ما تتمنى يامحمد
تقبل تحياتى

mohamed ghalia يقول...

اللؤلؤة
العرايس كتير بس النفس اللى تقبل بس أنا عارف هتقوللى لأمش كتير هى واحدة بس
ايوه ما هو المهم فين الوحدة دى يا أستاذى
ادعيلى بقى اخلص الشهرين دول وألاقيها
منورنى دايما

همس الاحباب يقول...

اولا جزاك الله خيرا
وجعله فى ميزان حسناتك
البوست رائع كعادتك اخى العزيز
واسال الله ان يرزقك الزوجة الصالحة التى تقر بها عينك
بس بلاش تستعجل على الزواج قوى كده
بكرة تندم يا جميل
وتقول ليت العذوبية تعود يوما
فالعذوبية تاج على روؤس العزاب لايراه الا المتزوجون
هههههههههه
تحياتى

موناليزا يقول...

ربنا يرزقك بالزوجة الصالحة وتبنى معها اسرة اسلامية سعيدة باذن الله

♥..~*شـــوشـــو هـــانــم*~..♥ يقول...

هئ هئ هئ
حتى التعليق الرابع ملحقتهوش
ربنا يرزقك يارب بفتاة أحلامك يامستر محمد وتسعدك وتحققلك كل حاجه انت عايزها

يلا شد حيلك واعزمنا عالفرح قريب
والف مبروك ليك وليها مقدما عشن ابقى من أول المهنئين بس يوم فرحك بقى خليك فاكر اني هنيتك ماشي

دمت كما تحب..
تحيتي..

♥..~*شـــوشـــو هـــانــم*~..♥ يقول...

اه كنت عايزة أقول لحضرتك
..**كل سنة وحضرتك طيب**..
أطال الله بقاءك في طاعته
وعقبال 100 سنة
كنت والله عايزةأهنيك من زمان من ساعة ماشوفت الكومينت بتاعك عند سفروته بس نسيت والله
بس عالعموم اتقبلها مني
واسفة عالكلام والتعليقات الكتير دي

محمد يقول...

السلام عليكم ورحمة الله وبركاته

بسم الله ماشاء الله أخي العزيز

اللهم ارزقنا جميعا بالزواج الصالح

خالص شكري وصادق دعائي

(صندوق الدنيا) يقول...

أسأل الله أن يرزقك زوجة صالحة تقية نقية
تقربك إلى الله وتقربها إلى الله
وتقفا معا لتقيما الليل بركعة فتخشعا فتبكيا شوقا لرؤية وجه الله
وأن يجعل بينكما مودة ورحمة وذرية صالحة حافظة للقرآن
اللهم آمين

حسام غانم يقول...

موضوع جميل يا محمد

ربنا يرزقنا الزوجة الصالحة


تحياتي ليك

د. ياسر عمر عبد الفتاح يقول...

يا عم ربنا يرزقك الزوجة الصالحة إن شاء الله فى القريب العاجل
بس متعملش فى نفسك كده .. هههههه

مقال جميل جداً على فكرة

dramaqueen يقول...

ربنا يرزق كل واحد بالزوجة الصالحة وكل واحدة بالزوج الصالح

ياااارب
قولوا امين

SHAPE YOUR LIFE (ABOALI) يقول...

ههههههههههههه
محمد الغاليه والزواج
يااااااااااااااا عينى

كمان عايز تتجوز
طب روح كده وفرفش
اشرب وعيش حياتك وتهندم
بكره هاتتجوز وتتعنس
هما يومين وممكن اسبوعين
وعلشان اخدمك شهرين
وهاتقول
انا عاوز اروح العباسية
محتاج اكون فى حريه
يااااا عينى عليك يا محمد
حواء هى حواء
كل ادم وادم ظلها
لو قربوا حبة حبة
ونسيوا انا و انتى
وعاشوا عيشة اللمة
ويلا بينا نعمل عزوة
بدون غضاضه ورسمه
هاتلاقى كله عال العال
من غير فضايح ولا اعلان
وهاتعيش مبسوط
وعمرك ماتشيل الهم ولا قلقان


قال عايز تتجوز قال

اتقى الله

احساس طفلة محبة للرومانسية بس واقعية يقول...

مهمة بناء أسرة

الجزء دا مهم جدا يا محمد وعجبنى جدا
بجد بوستاتك مش محتاجة اى تعليق ومفيش اى تعليق هيديك حقك

ربنا يوفقك فى حياتك
و يرزقك الزوجة الصالحة

salma mohamed يقول...

ربنا يرزقنا جميعا ازواج وزوجات صالحين
ويمن علينا بالذرية الصالحة.

بـسـمـــة صـــــلاح يقول...

السلام عليكم
أول زيارة ليا
مدونة ماشاء الله يعني
وبجد موضوع مهم انك تطرحه للناس
انا بقى لسا صغننه هههههه
ربنا يحقلقلك مناك تعزمنا بقى ها
مستنيه الكرت
هههه
سلام عليكم

حسن حنفى يقول...

ان شاء الله تلاقي الزوجه الصالحه اللي تستحقك :d

غير معرف يقول...

دايما يا محمد مواضيعك جميله وهادفه.. فعلا بحييك

وربنا يرزقك بالزوجه الصالحه والبيت الجميل والاسره السعيده.. :)

تحياتي

هانى زينهم يقول...

أنا عايز أتجووووووووووووووووووووووووووووووووووووووووز.

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ستيتة يقول...

دائما ما تبحث عن السعادة
دائما ما تختار مواضيع مهمة
دائما ما تعدها وتعرضها بشكل اكثر من رائع

وفقك الله ورعاك

وردة يقول...

ايه يامحمد الجمال ده
فتحت نفسنا علي الجواز
هههههههههههه
يالا دعواتك لينا كلنا يانصيف المرأة
وان شاء الله يرزقك بالزوجة الصالحة قريب بس اصبر خلص الدراسة الاول
ايه ده الناس معندهاش صبر
مش لما تجوز اختك الكبيرة الاول"انا انا"
هههههههههه
ربنا يكرمك
سلام

رحلتنا في الحياة يقول...

هههههههههه والله كلنا عايزين نتجوز جزاك الله خيرا يامحمد يارب وربناي يرزقك بالزوجة الصالحة يارب

فاتيما يقول...

يا محمد
تعالى هنا لما أقولك ....
مستعجل على إيييييييييه ؟؟؟؟؟؟
يا بنى إنت لسه صغير على الهم
أيوه هم
و مسئولية
و كلام كبير قوى قوى ...
و حاجات جاية من كل الاتجاهات
تفسدلك حلمك و تخدشه وتبوظ معالمه
طب خد وقتك الاول و نفس طوييييل
و أستعد
و بعدين أدخل فى المعمعة
ربنا يكتبلك الخير يا بنى
و يرزقك خير متاع الدنيا
إنت إبن حلال و طيب ...
بس غالبا اللى زى حالاتك بيتعب فى الدنيا لأنه مثالى و متفائل
و للأسف الدنيا حوالينا مش كدا
مش قصدى انكد عليك و أسدلك نفسك
بس أصلك بتفكرنى بنفسى زماااااااان
قبل ما يدوسنى القطر و إكتشف إن إفكارى المثالية دى ملهاش وجود فى أرض الواقع للأسف ...
ربنا يخلف ظنونى كلها و يسعدلك كل أيامك
خالص ودى يا اخى الصغير العزيز

سمكه واحده يقول...

ديما موضيعك جميله وبتبهرنا كتير
ربنا يبارك فيك ويجعله في ميزان حسناتك
وجزاك الله كل خير ويارب يرزقك بالزوجه الصالحه ويسعدك ويصلح حالك

بس تعالي هنا الاول يابني مستعجل علي ايه خد وقتك وشم نفسك يابني بلاش احسلك؟
انت حر اللهم بلغت اللهم فشهد
بس عموما بردو مفيش مانع تعزمنا علي الفرح وتديني شندوشت بسطرمه لحسن اقول مخدتش واعملكوا فضايح واخبي في الشنطه اه انا بقلك اهو اتوصا بيا
ربنا يعملك اللي فيه الخير
دمت مبدع

حياتى نغم يقول...

السلام عليكم / :) إن شاء الله تتجوز :)
باركَ الله فيك أخى محمد موضوع جميل ومتكامل جميل أن تتكلم فيه بلسان العريس والعروس وتذكر من كلام الله ورسوله الكريم صلى الله عليه وسلم ، رزقكَ الله الزوجة الصالحة وأسعد أيامك آمين .

Unknown يقول...

يا سيدي ربنا يزرقنا كلنا الزوجات الصالحات و يرزق البنات المعنسات الازوراج الصالحين :P:P انا عارف هما مسروعين كده ليه !

sakayar يقول...

هههههههه
بعد كل الكلام ده مش عارف اقولك حاجة
البوست جميل جداً يا محمد
ويااارب يااارب يوفقك ف حياتك ويرزقك بزوجة صالحة وذرية طيبة يعينوك وتعينهم على كل خير وصلاح ف الدنيا ويجمعكم في حبه في الآخرة
ويارب يزوج كل اللي لسه مش اتجوزوا بأزواج خير وطيبين من المسلمين
قول آمين

سوبيا يقول...

ربنا يرزقك الزوجة الصالحة
انت وكل أخواتنا
يارب

ويجعلها لك فوق ما تمنى


بس إبأه اعزمنا

رؤية يقول...

^_^

الى ان يحين معادك صم...
وربنا يرزقك الزوجة الصالحة
التى يقر بها عينك وتقر بك عينها

وجزاك الله خيرا

اظن فى جزء تالت.. صح؟

عموما بانتظار البوست الجديد

تحياتى

فراشة يقول...

جميل يا محمد
البوست تحفه حلو قوى
ربنا يحققلك كل اللى بتتمناه ويرزقك الزوجه الصالحه
عجبنى جدا كلامك بلسان كل من الشاب والفتاة وامنياتهم فى شريك الحياة
جميل جدا
بس اكيد اللى يتمنى هذا الامنيات لابد وان يبدأ بنفسه يعنى بشوف بنات كتير نفسهم فى كل اللى انت قولته ولما تشوف تصرفاتهم فى الحياة تلاقيهم بعاد خالص عن انهم يلاقوا مثل هذا الشخص وبالمثل بالنسبة للرجل او الشاب
يعنى اقصد اننا لازم نتقى الله فى تصرفتنا حتى يمن الله علينا بالزوج الصالح او الزوجه الصالحه
نصلح من انفسنا اولا ونحفظ انفسنا للزوج او الزوجه فقط
تحياتى للكلمة الرائعة واكيد اكيد بإذن الله ستكون زوج صالح فى المستقبل
لانك شاب صالح

”*°•.˜”*°•..سونه..•°*”˜.•°*”˜ يقول...

السلام عليكم .
لا اشعر بسعاده ولا بحريه ولا بامل غير فى
(( بــيــت السعاده )) .
اتمنى لك كل السعاده من قلبى
انت شاب روعه واحسن بنت فى العالم تريد الزواج منك
تريس هههههههههههههه
تحياتى ليك ((**سونه**)) .

خالد فوده يقول...

ربنا يرزقك بنت الحلال
اللي تتحط علي الجرح يورم
ههههههه
دمت بخير

kochia يقول...

ربنا يوفقك ان شاء الله وتعمل اللي عايزه كله

تحياتي

mostafa rayan يقول...

يا بني مين اللي قالك واحدة بس كفاية
لوان النساء فاكهة كافيش مانع ابدا انك تحب المانجة والموز والفراولة
ولو هما ورد فما فيش مانع ابدا تحب الياسمين وتعشق البنفسج
تحياتي ليك يا جميل وربنا يرزقني ويرزقك بمزرعة فاكهه وبستان ورود

الفراشة الصغيرة يقول...

يارب يا رب يا رب
تتجوز ونفرح بيك يا محمد

ربنا يسعد كل البنات والشباب
ويكملوا نص دينهم يارب
وانا منهم طعا

شمس النهار يقول...

بوست جميل جدا يامحمد
وعايزه اقول لك ان الانسان هنا لما يختار ذات المال مش عشان تصرف عليه او يكون طمعان في فلوسها زي ماالناس فاهمه
لا
ذات المال هنا عشان بالعاميه كده تكون عينها مليانه وماترهقش جوزها بالطلابات

yoyo يقول...

هههههههههههههههه

ربنا يرزقك الزوجة الصالحة اللى انت تتمناها و تقدر تحقق كل آحلامك وأمالك وتبنى أحلى و أسعد أسرة اللهم آآمين يااااااااااااااارب

مش تستعجل بقى الاختيار مش سهل ومش كل يوم هتختار بقى ركز انت بس كدا ويالا عشان تعزمنا فى فرحك

ربنا يسعدك ويسعد قلبك يارب
تحياتى
يويو

المعتصم يقول...

بسم الله الرحمن الرحيم
السلام عليكم ورحمة الله وبركاته
صيقى العزيز محمد
تحياتى
دايما موضوعاتك جميلة يامحمد وهادفه
ربنا يكرمك ويرزقك بالزوجه الصالحه المطيعه
واكيد ده هيحصل
ربنا قال الطيبون للطيبات وانت انسان جميل واكيدربنا هيديك واحده تستاهلك
ربنا يوفقك وينجحك ويكرمك يارب
تحياتى ودمت بكل خير وود
والسلام عليكم ورحمة الله وبركاته

marmar يقول...

محمد باشا يارب يابني تتجوز بسرعه وتعزمني عل فرح عشان اخد ورد عروستك
بقققققققى
يلا هانت كلها كام سنه صغيرين وتخلص
وتتجوز بقى وربنا يرزقك بكتاكيت صغيرين يملو عليك دنيتك

ريمان يقول...

ممممممممممممم


بحس ان الناس مفكره انها مخلوقه عشان تتجوز


الجواز مش حقيقه لازم كل الناس هتعيشها

الحقيقه الوحيده اللى فى حياتنا هى الموت

وده اللى لازم نفكر فيه اكتر ما نفكر فى الجواز

إشراقة أون لاين يقول...

متقلبش المواجع يا أخ محمد

Soul.o0o.Whisper يقول...

الله عليك بجد

البوست رائع رائع رائع

يارب تلاقى البنت اللى بتحلم بيها

و ربنا يكرمكم كدا و تبنوا أسرة جميلة
ربنا يرضى عنها و يوفقها و تكون فى ميزان حسناتكم


و معلش آسفة على التأخير سامحنى
هأحاول بعد كدا مش اتأخر

تحياتى
ودمت بكل ود

مهرة سالم يقول...

السلام عليكم ....
الله يوفقك يارب ببنت الحلال إلي تعينك على أمور دينك ...
وتتجوووووووووز...
...
دمت بخير

وردشان smilyrose يقول...

اخى العالى

يارب نفرح بيك يارب

بس البكالوريوس الاول


والله يابنى فتحت نفسنا

بس هنعمل ايه ظروف وقلة فضى

ربنا يكرمك دايما يا حمادة

ويكرم اللى فى بالى ويبقالنا بيت يارب

ههههههههههههههههه


smilyrose

وردشان

روح الحب الصادق

Unknown يقول...

ذات الدين

أهم حاجة أسمع كلامي والله ما حتندم

ويبقى التواصل

Asmaa mahaba يقول...

هههههههه يا رب يا اخويا يسمع من بقك ربنا
وتكون ساعه استجابه:)
ويهدى بطيخ بقى ويبطل فشر عليا وتقريع

يا مراكبي يقول...

موضوع جميل مناسب جدا لإسم المدونة (هل تبحث عن السعادة) فعلا

لا تعليق غير ذلك فالموضوع جيد جدا

فتاه حالمه يقول...

ربنا يكتبلك الي فيه الخير باذن الله لانك فعلا انسان تستحق كل خير
وباذن الله تحسن الاختيار ويا بختها بحد زيك كدا وبصفاتك دي وعقليتك دي
ويكون مشروع ناجح باذن الله
مودتي

Unknown يقول...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
التفاصيل عندى وعند ماما امولة

أسوور يقول...

ربنا يوفقك للجواز .. ودة اكيد هيحصل يوما ما لكن مش المهم هو الجواز .. المهم هو ما بعد الجواز

تحياتى

فشكووول يقول...

ازيك يا محمد

انت نويت على الزواج ... بكره نقعد على الحيط ونسمع الزيط ...
فى الزواج ايضا حاجات كتيره متعبه وفيه كمان ان مراتك تطلع روحك زى طنطك ام اسامه ما هى مطلعه روحى وكل يوم الصبح تضربنى علقه وانا اتحمل الضرب بسعاده وحب

اشكرك على السؤال

تحياتى

thunder يقول...

معاكى يا محمد وموضوع رائع جد لانه شمل جوانب كتير من التفكير والاختيار وبناء معاك والله انه حلم مشروع للجميع
لكن بعض المعوقات بتتحكم فى الحلم دا وممكن تقضى عليه حتى فى مهم ودا للمطالب والظروف اللى بنعيشها
المشكلة اللى المفروض نناقشها هى مطالب بعض الاهالى واللى فيها مغالاة بطريقة غريبة وكانهم مش على كوكبنا ومش معنى كلامى انى بقول انهم يرموا بنتهم لكن يكون فى مراعاة
المهم الموضوع عاجبنى بجد جدا ادم الله عليك التوافيق يااارب

جنّي يقول...

السلام عليكم

ما شاء الله يا اخ محمد مشاريع ممتازة .. قرأت المشروع السابق ..

ربنا يزوجك ويرزقك بالزوجة الصالحة التي اذا نظرت اليها سرتك واذا غبت عنها حفظتك في مالك وعرضك ..

دعواتك لي بتمام الشفاء

طـائر الليــل الحـزين يقول...

اللهم ام ارزقنا حسن الاختيار
سواء بالزوجة او بالزوج
تسلم ايدك يا محمد
فعلا مفيش اهم من كده فى الموضوعات
ايه ممكن يكون اهم من اختيار شريك الحياة
الانسان اللى هنكمل معاه العمر كله
تحياااااااااااتى

اعشق فى الليل ضوء القمر يقول...

ربنا يكرمك وتعف نفسك
بالحلال
على فكره ملتقى الصحبه فيها بوست هينزل مرتبط بالموضوع ده هيعجبك تابعنا فى القريب العاجل
شكرا لمرورك

حسام غانم يقول...

السلام عليكم

ازيك يا محمد

ليك تاج عندي

Rania Lelah يقول...

طيب كان من الاول يعنى
:)
قلها و خلاص
بس بجد موضوعك متميز و جميل اوى
و يا رب الكل يتجوز مع انى اعرف انه نهايه كل ظالم
:))

الوردة البيضا يقول...

السلام عليكم
موضوعك غاية في الرقة والسمو يا محمد ... ويعبر فعلا عن كل ما في نفوس الشباب والبنات
اللهم ارزق كل رجل وكل امرأة بالرفيق الصالح وشريك الحياة الدائم في الدنيا والجنة بإذن الله
تحياتي لك يا صديقي

طوبه فضه وطوبه دهب يقول...

ربنا يكرمك يارب بالانسانه اللى فيها كل الصفات اللى بدور عليها وتتجوز وتستريح بقى عشان تعبت اعصابنا معاك هههههههه ربنا يكرمك يارب ويحقق لك كل اللى تتمناه

Yasmine يقول...

ربنا يرزقك بالزوجة الصالحة يا رب
اهم نقطة هى الاختيار الصح..بعدها اى حاجة بتهون

hasona يقول...

السلام عليكم
مش هأقولك العزوبية تاج
أو أن الزواج ضر لابد منه
أو 00000أو0000
ههههههه

الزواج المبكر للفتاة والشاب جميل جدا
ربنا يرزقك بالزوجة الصالحة والذرية الطيبة

تحياتي

غير معرف يقول...

هههههههههههههههه

إن شاء الله تتجوز و أنا طبعا اول المدعوين على الفرح يا إلا حقلبهلكوا طلاق لو متعزمتش (وش شورير)

و الله اللى أنت بتقول عليه ده جميل
بس تفتكر فى حد فى المواصفات دى دلوقتى

على العموم ربنا يهديك لبنت الحلال اللى تعرف تسعدك...و الله دعتلك الدعا ده بعد ما قريت البوست الصبح

TIMMY !! يقول...

تصور يا محمد إني مفكر إني معلق في الموضوع ده من زماااااان قوي؟؟

شكل الزهايمر عامل عمايله :)

ربنا يرزقنا العفاف , و يمن علينا بخير متاع الدنيا ..

dodo يقول...

لو كل واحد او واحده مننا وجد هذه المواصفات فى شريك او شريكة حياته كانت الدنيا اتملت سعاده وما كنش حد بقى اعزب او واحده غير متزوجه وربنا يرزقنا واياكم
ومشاريعك فعلا جميله وتمنح السعاده شكرا ليك

شرقيّةُ الهوَى يقول...

السلام عليكم
اولا الموضوع جميل واجمل ما فيه انك لم تهمل سنة النبى وكان لكل فقره فى الموضوع نصيبها من قول الله ورسوله وهذا ما يعطى الموضوع طابع خاص وجميل يعجبنى
اما عن الزواج فنسال الله سبحانه وتعالى ان يزوج شباب المسلمين وان يحقق لهم املهم فى الحياه
وانشاء الله ربنا هيسعدك انك تلاقى البنت اللى بتفكر فيها
اتمنى مش اكون طولت عليك
ولك منى اجمل وارق تحيه

*الطالبة عفو الله *زوزو يقول...

ما شاء الله عليك أخي محمد

فعلا موضوع الزواج مهم و يحتاج فعلا لوقفة عنده

فجزاك الله عنا خيرا لقد تناولت الموضوع من جميع جوانبه

بوركت اخي

ملحوظة : لقد أجبت عن تاج منك كان ما يلاحقني منذ فترة طويلة

زى الهوا يقول...

ااااااااااامين يارب

ربنا يرزقك بزوجة صالحة

ندا منير يقول...

جميل قوى موضوعك
واكيد الجواز شئ ضرورى عشان الحياة تستمر
بس المشكلة ان اغلب الناس بتتسرع فى الجواز من غير تفكير صح فى كل حاجة
يعنى فى ناس بتتجوز ويكون مستواها المادى قليل وتلاقيها بتخلف فوق ال 7 اطفال وفجاة يتشرد اطفال منهم او يموتوا من الجوع او او
او يودوهم دار ايتام عشان مش عارفين يصرفوا عليهم
او يجيبوا اطفال وميعرفوش ازاى يربوهم صح ويطلعوا جيل ملوش وصف زى جيل الاطفال دلوقتى
بجد دول مش اطفال ابدا
يعنى دى مشكلة الجواز من وجهة نظرى

دعاء مواجهات يقول...

جد ما شاء الله عليك وعلى افكارك

كدة فعلا يكون عندك هدف من التدوين

تقبل تحياتى

رزقك الله بالزوجة الصالحه

==========================

ارجو ان تعذرنى على التأخر


سلااام

ghorBty يقول...

ما شاء الله

كالعاده مواضيع بناءه وجميله

كفيت ووفيت

ربنا ييسر الامور ويوفق كل مسلم ومسلمه في بناء اسرة مسلمه ترضي الله ورسوله

بوركت

محمد فارس يقول...

اخي العزيز محمد غاليا
اولا انا اسف جدا لتأخري في التعليق
علي موضوعاتك الجميله
ثانيا**دعواتي لك بأن يرزقك
الله بالزوجه الصالحه
وما تخافش من كلام عمك صلاح
فشكوووول
ايه يعني علقه تفوت ولاحد يموت
مع تمنياتي لك بالسعاده
ان شاء الله

الازهرى يقول...

موضوع جيد كعادتك
ادعوا الله ان يثيبك عليه خيرا
وان يرزقك من تسعدك وتعينك على امور دينك ودنياك

ولى عودة لنظرة

zainab يقول...

أخى محمد

جزاك الله خيرا على سؤالك عنى

أنا بخير و الحمد لله

البوست طبعا رائع فأنت دائما مبدع فى اختيار مواضيعك و طبعا استفدت منه الحمد لله

يارب اللى مااتجوزش يتجوز يارب و يرزقك يا محمد بالزوجه الصالحه و كل شباب المسلمين أمين

لا تنسانى من دعائك أخى

تحياتى

بحب الصراحة والوضوح أوي يا جدعان يقول...

السلام عليكم و رحمة الله وبركاته

بجد جزاك الله خيرا على اللي قولته في الزواج

بس مفيش حد بقى فاهم معنى الزواج بالشكل ده الواحد اتعقد بس لسه في شعاع امل صغير عندي وربنا يسهلها بقى

يلا بقى عايزاك تنط في قلب مدونتي ولو تعرف معلومه قولهالي ينوبك ثواب يااخويا اصلي لسه جديده ههههههه

فتك بعافيه

حياتي كلها لله يقول...

السلام عليكم
للأسف ملحقتش الموضوع من أول جزء بس إن شاء حرجع و أقراه من أوله
وفي انتظار البقية

راااااااااااااااائع

تحياتي
سلمي

Eno يقول...

ربنا يرزقك الزوجه الصالحه ان شاء الله

الكلام جميل بجد ربنا يجزيك كل الخير ليك يارب :)

تحياتي :)

د. محمد رضا يقول...

غاليه

يسمع من بقك ربنا

يارب نتجوز كلنا

بس انا الاول انا الكبير ههههه

والله عن نفسي بدور

ربنا يستر يا عم

الواحد قلقان عشان الغلطه بفوره


موضوع مهم يا ابن بلدي

بستان الحب يقول...

موضوع غايه فى الاهميه موفق جدا يامحمد فى اختياره ياريت تكتب سلسله اما بستان الحب فلها الله اسلوبك الجميل والمؤثر جعلنى اعيد النظر فى تدويناتى ادعو الله ان يتقبل منك ويرزقك الزوجه الصالحه

بستان الحب يقول...

جزاك الله خيرا يا محمد الان فقط رأيت (بستان الحب)فى مدونتك موضوعه تحت عنوان (أحلى ناس)أشكرك جزيل الشكر ،جعلنى الله عند حسن ظنك دمت فى سعاده

سما أحمد يقول...

بالنسبه للمقال فهو رائع ومكتوب بطريقه لطيفه جداااا
اما الزواج فهو حلم جميل الى ان يتحقق
هذا هو الواقع للاسف
لكني ادعو الله ان يرزقك بالزوجة الصالحة ان شاء الله بعد ان تكمل دراستك وتجد عملاً وتجهز بيتاً

ما بحبطك على فكرة :(
بس بقلك وقائع

سما أحمد يقول...

بالنسبه للمقال فهو رائع ومكتوب بطريقه لطيفه جداااا
اما الزواج فهو حلم جميل الى ان يتحقق
هذا هو الواقع للاسف
لكني ادعو الله ان يرزقك بالزوجة الصالحة ان شاء الله بعد ان تكمل دراستك وتجد عملاً وتجهز بيتاً

ما بحبطك على فكرة :(
بس بقلك وقائع