dupport me

الأحد، 12 أبريل 2009

وقفات

عندما تتوقف مع النفس البشرية تجد العديد من الأمور العجيبة

*النفس تريد من الأخرين أن يتمتعوا بقلوب بيضاء وبالصبر والحب والتفاهم والود

والتسامح ونحن ما علمنا أنفسنا أن تكون هكذافإذا أردنا أن يكون الناس هكذافلنعلم أنفسنا

أولا ولنغرس فى نفوسنا هذه المعانى. كن للناس كما تريد أن يكونوا لك.

*فى بحثنا عن السعادة نريد أن نصل إليها إلا أننا نحيط أنفسنا بعدد لانهائى من الهموم

والمشاكلولا نريد أن نتجاهلها وأن نتعلم من مواقفنا التى نمر بها.

نحزن نعم أما أن يستمر الحزن فلا.

*طبيعة البشر تميل إلى أن تمل من تكرار الأعمال ونصر على ألا نخرج أنفسنا من هذا

الروتين والأمر بأيدينا وبمقدورنا أن نستمتع بكل لحظة حتى وإن كانت هذه اللحظة

لحظة عمل شاق فهى لحظة سعيدة لأنها خطوة فى طريق النجاح.

*قليلون من البشر من ينسون الماضى بمرة ويعيشون الحاضر بواقعه وينظرون إلى

المستقبل فنجد الكثير لازالوا يبكون على اللبن المسكوب ويطمح فى المستقبل بأكثر

مما هو منشود ويهملون لحظتهم الحالية. استمتع بكل لحظات حياتك.

*النفس دائما تتوق إلى كل نجاح جديد لأنها داذما تعشق التحدى لتخرج من رتم الحياة

المستمر الإيقاع إلى كل ماهو جديد وكل مايساعد النفس على الخروج من الملل.

فاطرد الملل من حياتك وقاومه.

*نعلم جيدا ماذا نريدونعلم ما يسعدنا ورغم كل هذا نبتعد عما نحب فحتما فى حياة

كل منا صديق يحبه وشخص يتتوق لرؤيته ويسعد بأنسهورياضة يزاولها أو يتابعها

وهواية يمارسها ومكانا يرقص قلبه فرحا عندما يذهب إليه ولعل فى حياته

زوجة يأنس بها ويشتكى إليها. اكتشف نفسك جيدا.

*نعلم بأن الرضا هو أول مراتب السعادة ورغم هذا نغضب عند حدوث المكروه وترانا

نستنكر ولا ننظر أنه لعل فيما حدث الخير فنرضا .انظر للجانب المشرق دائما.

*غريبة هى تلك النفس ففى حالها مع الله تعرف أنه لا ملجأ إلا إلى الله دائما .

تبتعد وتبتعد ثم تلجأ إليه فى الضيق والشدة وهى على يقين بأن الله هو حسبها ونعم الوكيل.

حتى الكفار يلجأون إلى الله عز وجل فى وقت شدتهم .كلمات سمعتها من شاب أمريكى

دخل إلى الإسلام قال بأنه ظل فترة كبيرة يدعو الله أن يرشده إلى الحق فهداه الله إلى

الإسلام .حتى المشركين فى جاهليتهم كانوا يعبدون الأصنام ولكنهم كانوا يعرفون أن

ربهم فى السماء يدعونه ويتوجهون إليه دائما

أرسلت قريش حصين بن المنذر للنبى صلى الله عليه وسلم فلما دخل حصين

قال : يا محمد فرقت جماعتنا و شتت شملنا فان أردت مالا أعطيناك أو ملكا ملكناك

فلما سكت .. قال صلى الله عليه وسلم : يا أبا عمران كم الها تعبد ؟ قال أعبد سبعة ,

ستة في الأرض وواحدا في السماء !! فقال النبى : فاذا هلك المال من تدعو؟

قال : أدعو الذي في السماء . قال فاذا أنقطع المطر من تدعو ؟ قال: الذي في السماء ..

قال : فيستجيب لك وحده أم يستجيبون لك كلهم قال : يستجيب وحده , فقال النبى :

يستجيب لك وحده و تشركهم في الشكر ! أم تخاف أن يغلبوه عليك ؟

قال : لا ما يقدرون عليه ..

حقا عجيبة هى تلك النفس البشرية تعرف سر سعادتها وتتجاهله

ملحوظة : اقرأ الموضوع بقلبك

هناك 85 تعليقًا:

elsha3er يقول...

اولا احجز اول تعليق

ثانيا الكلام جميل بس زى ما انت قولت احنا عارفين وبنبعد بس المشكلة لما بقرب بلاقى نفسى برجع تانى مش ممكن يكون دة مثلا عدم رضا من ربنا او بمعنى اصح ربنا مش عايزنى احيانا احس ان انا قريب اوى وابقى فرحان وافضل ادعى يارب ثبتنى يارب قوى ايمانى وارجع تانى زى ما انا هل دة معناه ان ربنا مش قابلى دعا مش عارف والله الحتة دى احيانا تخلينى افكر فى حاجات ممكن تبعدنى لدرجة الشرك عافانى الله وعفاكم وارجع استغفر ربنا بس المشكلة مش بلاقى اجابة للحاجات دى

انت ايه رأيك


تحياتى

احمد الشاعر

mohamed ghalia يقول...

الشاعر
حبيب قلبى وصديقى العزيز
لا يا أحمد احنا ربنا اخترنا عشان نكون مسلمين ودى أكبر نعمة ربنا رزقهالنا
لو ربنا مش عايزك كان خلقك فى بيئة تانية لكن هو اختارك عشان تكون على الطريق الصح بقى بقى مهمتنا احنا وإننا نثبت على الطريق الصح
مع وعد من ربنا بالجنة فى النهاية لأنى ربنا وعد كل مسلم موحد بيها فى النهاية
يبقى ده ميستحقش اننا نقرب؟
لازم نقرب وندعو ومنملش ونقول يارب
مليش غيرك أروح لمين غيرك
أو دعاء الشعراوى الرائع
اللهم إنى احبك ولكنى عاصيك فأجعل حبى لك سببا فى مغفرتك لى
ربنا يرزقنا طريق الإستقامة ياشاعر
ادعيلنا ربنا يهدينا كلنا
دمت فى سعادة أخى الغالى
وبالتوفيق فى مشروعك

mohamed ghalia يقول...
أزال المؤلف هذا التعليق.
وردة يقول...

الكلام جميل جدا
بنقوله وبنردده وبنكتبه بس ننفذه
هو ده اصعب مافي الموضوع
انا مثلا ساعات بكون مخنوقة جدا او حزينة بدعي ربنا والجئ اليه
واحيانا بسكت خالص
مش عاوزة اقول بيأس او بزهق اعوذ بالله
بس بصل لمرحلة الامبالاة
حنعيش وخلاص
كده كده الحياة مش بتقف عند حد
ربنا يكرمنا بالرضا لانه صعب وغاااااااالبي جدا
في كلام كتيير نفسي طبعا اقوله
نفسي اعلق علي كل كلمة انت كتابها لانه كلام بجد مهم
بس اكيد مش ينفع
احيييك بشدة علي البوست
ربنا يكرمك
سلام

Princesa ... WHiSPeR يقول...

الموضوع رائع كالعادة يا محمد
انا شايفه ان الحكاية مش الناس بتتجاهل اسباب السعادة قد ماهي لقت نفسها في النكد
بمعنى ان اللي عاش في جو النكد ده بيبقى معجب جدا بيه
قد ايه حلو انه يلاقى الناس مهتمه بيه وكلهم بيخففو عنه همه - اللى في معظم الاحوال مش موجود اصلا -
بدليل انهم كل اما بيلاقو حل لمشاكلهم بيخترعو مشاكل جديده

طبعا ده غير الناس اللى بتتجاهل اسباب السعادة لانهم شايفنها متعبه مثلا او تضييع للوقت او اي حاجه

بصراحة مش لاقيالهم مبرر اصلا

اكيد طبعا اول اسباب السعادة هي الرضا باللى ربنا كتبهولنا
اكيد بأي حال من الاحوال ده اللى افضلنا في الوقت الحالي
بس المهم ان الواحد يفهم كده


اها ليا تعليق على الشاعر :
طبعا كلام محمد كافي
بس عايزه اقول ان يمكن بنتعرض للموقف ده اننا نقرب ونبعد لان ده بيكون حاجه زي فلتر
ربنا هيشوف مين فينا عايز يقرب بجد ومين اللى بعد اول او تاني او تالت او حتى عاشر محالوة هييأس
وبعدين لما نغلط ونرجع نقرب من ربنا كل غلطاتنا بتتحول لحسنات ازاي بقى يبقى ده عدم رضا من ربنا
اعتقد ان ثوابنا كده اكتر لاننا كل ما بنلاقى حاجه تبعدنا عن ربنا بنرجع بردو ونقرب منه
علشان احنا بنحبه وهو بيحبنا اكتر بكتييييييييييييييييير

romansy يقول...

نحتاج الى تلك الوقفات
نحتاجها لتعيننا على اعباء الحياه
لنعلم ما نريد
ولنعلم ماذا نريد

موضوعك جميل يا محمد تسلم ايديك

mohamed ghalia يقول...

وردة
طبعا التنفيذ صعب بس المهم نبدأ
ربنا يكرمنا ونوصل للرضى
جميل كلامك
مش هقدر أقولك قولى كل الى جوالى لأن يمكن فى حاجات خاصة
بس ربنا يكرمك ويسعدك

romansy يقول...

نحتاج الى تلك الوقفات
نحتاجها لتعيننا على اعباء الحياه
لنعلم ما نريد
ولنعلم ماذا نريد

موضوعك جميل يا محمد تسلم ايديك

mohamed ghalia يقول...

Princesa ... WHiSPeR
سمو البرنسيس
قولتى كل الى عايز اقوله مش هقدر اضيف اى حاجة
وجميل إضافتك على كلامى للشاعر
دمتِ فى سعادة

mohamed ghalia يقول...

romansy
ياريت فعلا نعرف عايزين ايه ونتعلم يا رومانسى
دمت بكل الود

yoyo يقول...

صباحك سكر يا محمد

شوف مهما اخدتنا الدنيا وبعدنا عن نفسنا وعن ربنا لازم بيكون فى وقفات بتحصل فى حياتنا هى اللى بتخلينى نفوق ونبدأ نصلح من أنفسنا
سبحان الله خلقنا بشر بعقول المفروض اننا نستخدمهم عشان نبعد عن انفسنا الشقاء و التعب
بس تركيبة الانسان غريبة اوى ممكن يكون عارف الداء و الدواء ومستمر فيه تلك هى طبيعة البشر
من الاخر المهم اننا نحاول ننفذ الكلام دا اعتقد اغلبنا عرفه جدا بس الاهم انه يحاول يطبقه على نفسه

بوست حلو اوى يا محمد تسلم ايدك بجد
تحياتى
يويو

mohamed ghalia يقول...

yoyo
صباحك ورد
عندك حق طبعا
كلنا عارفين
لكن المهم التنفيذ
ربنا يكرمنا ونقدر نستفيد

أمل حمدي يقول...

كن للناس كما تريد أن يكونوا لك

تقديري لك يا محمد ولكل تدوينة في مدونتك

ما شاء الله عليك ربنا يحفظك ويجعلها في ميزان حسناتك

دمت بحفظ الله

عمرو جويلى يقول...

محمد غالية
السلام عليكم
قال رسول الله عمل الناس بماتحب أن يعاملوك
صدق رسول الله
رائع يا محمد من حسن إلى أحسن
ودائما فى تقدم
دمت بكل الخير

Unknown يقول...

محمد
كلامك جميل جدا
انا ليا تعليق صغير
مش عيب اننا نلجأ لربنا في الشدائد
العيب اننا منعرفش اننا محتاجين ربنا علي طول

سلامو عليكم

dodo يقول...

السلام عليكم
كلامك جميل قوى يا محمد كلام فعلا لو نفذته هايكون طريقك للسعاده وفى نفس الوقت طريق للجنه واهم حاجه ان ترضا بما كتبه الله لك وان يرضيك بما يرضاه دى اهم حاجه تشعرك بالسعاده
تحياتى ليك

بنت مصر يقول...

احييك بشده على الوقفات المتميزة اللي كلنا محتاجينها لسير الحياه بصورة افضل

تقبل مروري واحترامي

حياتى نغم يقول...

السلام عليكم / جميل تدوينك كالعادة ومبهر حديث الرسول صلى الله عليه وسلم مع - حصين بن المنذر - جزاكَ الله عنا خيراً .

حياتى نغم يقول...

أخى محمد / أدعوك لحذف تعليق jennifer
على وجه السرعة ولا تحاول فتح الصفحة حفاظاً على عفتك وصلنى التعليق من قبل ولم أشاهد الصفحة ولكن علمت محتواها وقت تحميلها من عنوانها .
حفظك الله من كل سوء .

mohamed ghalia يقول...

ماما أمولة
دايما منورانى ياماما
ربنا يحفظنا جميعا
دمتِ فى سعادة

mohamed ghalia يقول...

اللؤلؤة
أستاذى العزيز
أعتز بكلماتك كثيرا
دمت فى أمان الله

mohamed ghalia يقول...

طعمية سخنة
تقريبا نفس كلامى
ربنا يكرمك ويسعدك

mohamed ghalia يقول...

dodo
ربنا يعنا ونقد ننفذ
جعلنا الله وإياكم من أهل السعادة فى الدنيا والأخرة

رؤية يقول...

انها الغفلة...
رحمنا الله واعاننا على انفسنا

لك التحية والتقدير

mohamed ghalia يقول...

بنت مصر
اسعد بمرورك كثيرا
والحمد لله إنى الوقفات عجبة حضرتك

mohamed ghalia يقول...

حياتى نغم
الحمد لله على التوفيق
شكرا على التنيه حذفت التعليق
دمت فى سعادة

mohamed ghalia يقول...

رؤية
نعم رحمنا الله جميعا من تلك الغفلة ونجانا
منورانى دايما

بستان الحب يقول...

ابنى محمد غاليه والله وقفاتك أكثر من رائعه يا محمد وقرأتها بقلبى فاكتشفت أن القلب عنده القدره على الابحار فى اعماق الكلمات خلاف العين فالعين تقرأبطريقه سطحيه ومن هنا أدعو كل انسان يتمنى ان يعيش فى سعاده ان يرى بقلبه ويتعامل مع الاخرين بنبضات هذا القلب مع الاستشاره الدائمه لعقله أعتذر للاطاله دمت مبدعا

♥نبع الغرام♥♪≈ يقول...

السلام عليكم ورحمة الله وبركاته
أذيك يامحمد
موضوع جميل قوووى ربنا يبارك فيك
وبصراحه كلنا منا بيحتاج الوقفات دى يامحمد عشا تعينه على حياته
والحمد لله
وجزاك الله كل الخير
تقبل احترامى
وتحياتى

حسن حنفى يقول...

الانسان بتبقي قدامه السعاده سعات وبرضه مش عارف يوصلها ولسه برضه بحاول يوصل ليها

احساس طفلة محبة للرومانسية بس واقعية يقول...

نحزن نعم أما أن يستمر الحزن فلا.

الله عليك يا محمد
اكره الحزن والكأبة رغم وجودهم المتكرر فى الحياه فهى لا تخلوا من المشاكل ولا من الاحزان الا اننا الاقوى
ونفسنا هى لنا وهم مجرد زائرين القلب المؤمن الصافى هو اللى يقدر يتغلب عليهم برضا وطيبة نفس

وقفات هايلة يا محمد
كلماتك ليست دعوة للسعادة
انها السعادة

شكرا ليك
تقبل مرورى

د.توكل مسعود يقول...

السلام عليكم ورحمة الله.. وبعد

فرائعة هى الكلمات... ولكن تنقصنا كثير من الفنيات أو كما يسمونها الآليات.

دلنا على بعض الآليات التى من خلالها نطرد الملل.. ونكتشف أنفستا .. ونستمتع بكل لحظة فى حياتنا.

نفع الله بك

Butterfly يقول...

فعلا النفس البشريه دى غريبه
دايما بندور على الحاجه اللى بتزعلنا

يارب يهون علينا

حواء يقول...

بوست جميل يامحمد
وخصوصا جزئية اكتشف نفسك جيدا
فعلا علشان تعرف قدراتك كلها وتبتدي صح
وترضي بمت قسمه الله لك
تحياتي

على عبدالله يقول...

السلام عليكم

والله ما اجملها من كلمات
بارك الله فيك

استمر
ربنا يحفظك

mohamed ghalia يقول...

بستان الحب
أمى العزيزة
الحمد لله انى المعانى وصلت لقلبك زى مخرجت من قلبى ياريت فعلا نتعلم الإبحار فى تلك الكلمات البسيطة
-----------------------------
عاشقة الأحزان
وعليكم السلام
الحمد لله أنا بخير
منورانى بزياراتك
ربنا يرزقنا السعادة
-----------------------------
حسن حنفى
مشكلة فعلا ياحسن منبقاش شايفين الى قدمنا كويس ونركز على الظلام مع إنى النور جنبه
منورنى ياصديقى العزيز
-------------------------------
احساس طفلة محبة للرومانسية بس واقعية
أنا والله بحاول أقدم اى حاجة تساعدنى فى المقام الأول وتساعد الناس الى بحبهم
اتعودت اكتب من قلبى عشان كده الكلام بيوصل لقلوبكم
الحياة طبعا فيها المشاكل والحزن لكن المهم انهم ميطولوش معانا
دمتِ فى سعادة
--------------------------------
د.توكل مسعود
أستاذى الذى أتعلم منه
منورنى دايما
أنا فعلا بتكلم عن أليات وقولتها كتير على مدار مدونتى يعنى صعب تفصل بين الموضوع ده وبين الى فات الموضوع ده مجرد غضائه على نقاط اتكلمت عنها بالتفصيل طول كتابتى على المدونة
منورنى يا أستاذى منك أتعلم
------------------------------
Butterfly
يارب بعد الكلمات البسيطة دى حاجة تتغير ونبطل ندور على الى يزعلنا
دمتِ فى سعادة
------------------------------
حواء
أولا أخبار الإمتحانات ايه؟
وربنا يعينك ويكرمك
ثانيا ياريت فعلا نستكشف قدراتنا كويس أوى
دمتِ بكل الود
------------------------------
على عبدالله
مستمر بإذن الله
دعواتكم ليا ونصائحكم التى أرحب بها
دمت بكل الود أخى

د. ياسر عمر عبد الفتاح يقول...

مشكلتنا مش فى المعرفة
المشكلة فى العمل بالمعرفة
إحنا صدق فينا المتنبي
كالعيس فى البيداء يقتلها الظمأ
والماء فوق ظهروها محمول

عارفين الحل بس مش بنستخدمه

mohamed ghalia يقول...

د. ياسر عمر عبد الفتاح
معاك جق طبعا يا دكتور
المشكلة فى العمل بالمعرفة
منورنى دايما

موناليزا يقول...

النفس البشرية دائما لاتسير على وتيرة واحدة
أحييك على كلماتك

همس الاحباب يقول...

ونفس وما سواها فالهمها فجورها وتقواها
رائع ما كتبت اخى العزيز
حقا نحن نعرف كل هذا ومع ذلك نبحث عن المتاعب
تحياتى وتقديرى

Unknown يقول...

http://www.facebook.com/topic.php?topic=8073&post=33089&uid=86447686494#/group.php?gid=86447686494 كلنا ايد واحده ضد الظاهره اللا اخلاقيه ضد التحرش وقفة 18 ابريل قدام جامعة الزقازيق وقفة سلميه بنطالب بحقنا فى شارع آمن مين معايا دعوه لكل شاب يتمنى اخته تمشى بامان كل بنت نفسها تعيش بأمان
السبت اتمنى تحضريه
اكيد انتى معانا
كلنا ايد واحده

Ghada_Ibrahim يقول...

مساء الخير .. ^_^

في كلامكـ يا أخي محمد يجتمع الحكمة بجميل المنطق ..

فعلا ..

لو تدبرنا حقيقة النفس نرى أنها في شراهة لتطلب من الغير ما لا تحققه هي !!

اللهم ارزقنا الرضاء بالقسمة والنصيب ..
وارزقنا حسن السلوك والمعاملة ..
وارزقنا السعادة الأبجية ..

أخي محمد ..

فليباركـ الرب في قلمكـ وروحكـ ..

^_^

دمت ..

Eno يقول...

موضوعك مميز جدا يامحمد
حقيقي عجبني:)

محمد فارس يقول...

الاخ العزيز
محمد غاليا
موضوعك من الموضوعات الجميله
اللي مفروض تخلينا نحاول نقف مع انفسنا وقفه لكي نعود الي الله
ونعرف لما خلقنا وما هو المطلوب منا
نعم كلنا نعرف ولكن رب العزه قال **
وذكر ان الذكري تنفع المومنين)*وربنا قال كل بنو ادم خطاء وخير الخطاءين التوابون)*
انا اسف باكتب والنت عمال يقطع علشان كده مش مركز
اسف علي التاخير وتقبل اعتذاري

EMMY BABY يقول...

محمد

بجد والله كل كلمة قلتها صح جداااااااا بدل مايقعد الانسان يقول الدنيا وحشة والناس بقت وبقت طب سبحان الله لما الناس كلها بتقول الناس بقت وحشة اومال مين الكويس

دايما لما حد يقول كدة اقله انت كويس يقول الحمد لله يبقى اكيد فى كتير زيك

بس هو للاسف ينقصنا تقبل الاخر كما هو وان نزداد صلابة من الازمات والصدمات

وقلت حاجة مهمة جدا الرضا فعلا والله اكبر سبب من اسباب السعادة

فعلا ربنا يكرمك والله على الموضوع ده وبالنسبة ان فى ناس قالت كلام وخلاص لا والله مش كلام وخلاص بس الانسان مبيعرفشى قيمة الشىء الا متاخر ربنا يهدينا جميعا للخير

بجد اسفة اوووى انى اتاخرت عليك فى الرد بس استأنك فى مد المدة هههههههههه شهر اتنين ونصف كدة عاتى عاتى

وبجد ميرسى جدا لسؤالك فعلا ربنا يكرمك


تحياتى

ايمى

فراشة يقول...

كل كلمة قلتها طبعا موفقاك عليها
الرضا بالطبع هو الرضا سر الحياة
فى حقيقة حاولت وبصعوبة بس وصلتلها والحمد لله
ربنا بيعطينا الكثير ويأخذ منا ايضا الكثير ولكنه الشيطان يأتى دائما وينسينا ما اعطانا الله ويذكرنا دائما بما أوخذ منا فقد
لهذا نسلم للحزن ويشعر حينها كل انسان بأنه اتعس انسان فى الوجود وربما يسرح ساعات وساعات يفكر بكل ما حرم منه وأوخذ منه وبكل تفاصيل وينسى عطاء الله ونعمه ولو كانت قليلة
وفى الحقيقة هى ليست بالقليلة
ولكن نحن بشر لا انكر اننا ضعاف النفس نتأرجح فى الدنيا ما بين لحظات الرضا ولحظات الحزن والغضب ولكن اى كافه ترجح واى ناحية نميل اكثر هذا ما نجنيه بأنفسنا ان تقربنا من الله سيمن علينا بالرضا مهما قاسينا فى الحياة ومهما مرت علينا مصائب وشدائد اما ان اعترضنا ونسينا شكر نعمه والحمد فى الشده وفى غيرها ضعنا وانتهينا ولن نأخذ اكثر مما كتب لنا
----
والله عارفه ان كتير حيقولوا اصلك ماحستيش باللى حسناه وما عشتيش اللى عشناه
لا حسيت وعيشت وقاسيت واتظلمت واتحرمت بس عنايه الله وفضله
انا الآن مع كل الامل والثقة فى كرم الله بداخلى حزن وبداخلى فرح وصراع مستمر فنحن بشر
ولكن نسلم لمن
--------
موضوعاتك ممتعه بتخلينى ارغى كتير
دومت ودام لك الابداع

Unknown يقول...

أخى الكريم : محمد غالية
السلام عليكم ورحمة الله وبركاته
أحييك على هذا الطرح الطيب والقيم
بارك الله فيك وأعزك

أخوك
محمد

رحلتنا في الحياة يقول...

ما شاء الله يامحمد البوست جميل وعندك حق فى كل كلمة انا فعلا فى اغلب الاوقات كده
جزاك الله خيرا

شمس النهار يقول...

دائما منظم الفكر
الكلام جميل يامحمد بس اللي يعرف يرتفع عن احزانه ويعمله هو ده الشاطر

صفــــاء يقول...

دائما الانسان ينظر للبعيد
والى ما لا تطوله يدة
صحيح ان هذا سر شقائه
فهو لا ينظر أبدا لما فى يدة ولا يعرف كم هو محظوظ به
موضوع جميل وشيق كعادتك

إبن مصر يقول...

السلام عليكم

ازيك يا محمد

زى العاده كلامك مرتب منظم عارف انت بتقول ايه بتكتب ايه

قعلا دائما الإنسان بيبص على اللى احسن منه
مش بيشوف اللى اقل منه
دايما بيشوف نص الكوب الفاضى مش بيشوف المليان

تحياتى يا بو حميد

r يقول...

نعم تعرف النفس سر سعادتها وتتجاهله
لانها بتكون نفس أماره بالسوء

شكرا يا محمد على دفعاتك القويه دى
دمت بخير

Lady E يقول...

البوست ده رائع بمعنى الكلمة قرأته اول يوم اتكتب فيه بس صفحة التعليقات مكنتش بتفتح معايا وقرأته تاني دلوقتي

تسلم ايدك وجزاك الله خيرا
وبجد مكسب لينا ان يكون معانا مدون متفائل ورائع كده

ربنا يكرمك

جنّي يقول...

السلام عليكم

كيف حالك اخونا محمد لعلكم بخير والحمد لله ..

جميلة جدا التدوينة واجملها ختامها بقصة النبي صلى الله عليه وسلم مع حصين بن المنذر .. فهذا المنطق لا يخرج الا ممن علمه ربه وأدبه وكان خلقه القرآن ..

قلم رصاص يقول...

السلام عليكم

موضوع رائع اخ محمد والله

بارك الله فيك

أحلى حياة يقول...

السلام عليكم ورحمة الله وبركاته

اللـــه... بجد كلمات جميله اوي ما شاء الله
ربنا يكرمك يارب ويجعلها في ميزان حسناتك وينفع الناس بيك وبيها يارب :)

تحياتي لحضرتك :)))

بسمـــة مســـــلّم يقول...

الرضا عن النفس اكبر سعادة فى الحياة وكتير من اجدادنا يقولوا اصله باله مرتاح ومسلم امره لله بجد عرفت معنى الرضا اول ما تبتدى تنام وتلاقى ضميرك عملك كشف حساب ومحاكمة عسكرية لاضعف الاسباب شكرا محمد على موضوعك الجميل

mahasen saber يقول...

محمد النفس دى متاهه فعلا
وسبحان الله لما قال ..بسم الله الرحمن الرحيم
..ونفسا وما سواها فالهمها فجورها وتقواها..) صدق الله العظيم


موضوع مهم ورائع وتناولته بشكل راقى زى عادتك يا محمد يا مبدع يا غالى

ندا يقول...

ما شاء الله يا محمدعلى دى كلمات
لازم يبقى عندنا حسن ظن بالله ونجدد ايماننا دايما
لو تسمحلى اسالك انت بتقرا كتب فى التنمية البشرية????

كلمة حق يقول...

السلام عليكم ورحمة الله وبركاته

أخى وحبيبى فى الله محمد

كيف حالك

على فكرة انا كنت متابع موضوعاتك قبل كده بس ما كنتش بعلق لأنى كنت مشغول ولأن كلماتك لا تحتاج الى تعليق فأنت على حق دائما

أدعو الله لك بالتوفيق

خلينا على البال

أخيك

رضا أبو خيرى

aidy يقول...

عجبتنى اوى الجزء بتاع غريبة النفس البشرية فى علاقتها مع الله

بجد كلماتك كلها بدءا من بداية الموضوع جميلة وكلها بيها حكمة ودفعة للأمام

وتحث على التفائل

تحياتى ليك

Soul.o0o.Whisper يقول...

ياااااااااااااااااه
ايه دا ؟؟؟
أنا لسه معلقتش؟؟؟


دا أنا حظى وحش اوى


بجد ما شاء الله عليك يا محمد
و كمان فيلسوف و حكيم
بجد أنا قرات كل فقرة اكتر من مرة


فعلا حقيقى كل كلمة قلتها
و كتبتها باسلوب رائع

ربنا يبارك لك يارب



دمت بكل ود

akeed يقول...

كلام جميل جداً لاكن المهم الاصرار على تنفيذة



بوست رائع


تحياتى
أكيد

مهرة سالم يقول...

السلام عليكم ...
نحتاج بالفعل لهذه الوقفات...
...
ودوما إبدأ بنفسك...
....
جزيت خيرا أخي باعث السعاده..

فشكووول يقول...

العزيز محمد غاليا
تحياتى
الكل يبحث عن السعاده وهى بعيده وليست بعيدة المنال
المهم ان تجد طريقك اليها.
تحياتى

مـجـنـووون يقول...

موضوع في منتهي الجمال

والكلام الي مكتوب بالأحمر هو خلاصة حاجات كتيرة

وبجد لو نعمل بالكلام ده هتتغير فينا حاجات كتيره قوي

تقبل مروري اخي الكريم

مجنووون

عالم ماريونت يقول...

اولا ازيك يا محمد؟

انا اسفه اني اـخرت عليك كدة بقالي كتير مش جيت عندك

بس عموما في بيتها

حقك عليا يا سيدي
انا دايما معجبه بمدونتك ومقالاتك
يارب دايما
رنا

Tamer Nabil Moussa يقول...

السلام عليكم


موضوع اكثر من رائع


ربنا يعين الجميع على طريق الحق والخير والقرب من ربنا

لتكون النفس سعيدة وهادئة ديما

تحياتى

ساره يقول...

قرأت الموضوع بقلبي
فستشعره عقلي مع قلبي

الرضا مع النفس السبيل اليها القرب من الله
ونعرف دينا كويس

محمد رغم صغر سنك الا ان عقلك كبير
فعلا هى عمرها ما كانت بالسن

الله يحفظك

ريمان يقول...

السلام عليكم


جميل اوى اوى يا محمد

عجبتنى اوى الجمل الصغيره اللى كتبتها بالاحمر

معبره اوى وفيها حكم جميله

تحياتى ليك

Unknown يقول...

الكلام جميل وسهل
المهم التنفيذ: صعب

ghorBty يقول...

ما شاء الله

اللهم بارك

سلمت يمناك يارب

وعندك حق فعلا .. ساعات بنكون عارفين كل دا ولكننا دائما نحتاج الي الذكري

( وذكر فاٍن الذكري تنفع المؤمنين )

نورألآيمان يقول...

السلام عليكم


موضوع رائع

جزاك الله خيرا

منى يقول...

حاسه البوست كانه ماسك اللى بيقراه وبيشور له على اللى قدامه ومش شايفه
طبعا عندك حق فى كل كلمه
والله نفسى اطبع البوست والف بيه على كل القلوب الحزينه اللى حوالينا جايز يحاولوا يكونوا سعدا
تحياتى لصاحب السعاده

blue-wave يقول...

الله عليك يا محمد
فعلا الموضوع محتاج تدبر بالقلب

Asmaa mahaba يقول...

نفسى انفذ كلامك مره واحده بس كل ما انفذه العرق الجنانى ينقح
محمود تعالى بسرعه شوف الفيلم بتاعنا:)))))))))))))

الفراغ يقول...

لا حزن ولا اكتئاب
طول ماحواليك احباب
وفى قلبك اعظم حبيب
وفى نظرك..احن طبيب..القرءان الكريم
دمت بكل سعاده

WhItE HeArT يقول...

تصفييييق حااااااااااااااد

بجد بوست ممتع جدا وفعلا رااائع

فعلا المدونة دي لمن يبحث عن السعادة


تحياتي يامحمد وبالتوفيق

M.M.Abdullah يقول...

فعلا كلنا عارفين سعادتنا فين ( طاعة ربنا ) لكننا لازم نبعد لكن صدقنى مهما ابتعدنا نعود ثانية لاننا نعرف اين طريق سعادتنا

سوبيا يقول...

بتصعب علينا كل مرة التعليق
لانك بتجيب من الاخر

بس كل اللي اقدر اقوله
اننا مش بنعرف طريق السعادة ونتجاهله
اد ما بنتجاهل حجم مقدرتنا علي السير فيه على طول
يمكن
غياب لليقين
او غياب للأمل

لسبب تاني
ان كل ثقافتنا الدينية
قايمة على الثواب والعقاب
يعني هاتصلي وتصوم وتعبد
هاتعيش سعيد دنيا واخرى
والعكس
نتيجته العكس

بس ده مش لاقيينه
في دنيتنا
يعني لا الظالم
شايفينه
بيقتص منه (بضم ال ي )

ولا المتجبر
ولا السارق
ولا اي فاسد
بنشوف فيه يوم اسود

طبيعي
في زمن مقلوب
تكون موازيننا الداخلية مقلوبة
الا من رحم ربي


موضوع رائع

لكن يبقى
ان النفس البشرية دي

عايشة
اكيد
اكيد
اكيد
في مصر

د/ رامي شهاب الدين يقول...

الكلام طبعا كالعادة عاقل وحكيم

بس الصراحة التنفيذ صعب يامان

تحياتى

maiosha يقول...

ايه الجمال ده يا محمد
يسم الله ماشاء الله

فعلا الموضوع ده محتاج يتقرا بالقلب مش بالعين

من غير عنـــوان يقول...

كلامك جميل
كلامك رائع
كلامك متزن

ما شاء الله

ربنا يسعدك يا محمد

رابطة هويتي اسلامية يقول...

اول كونفرانس لهويتي إسلامية بعد التعديل غدا الساعة التاسعة صباحا نتمني حضور الكونفرانس

بسمـــة مســـــلّم يقول...

السلام عليكم بجد ان حب ربنا والتفانى فى الاخلاص ليه بتولد سعادة كبيرة جوانا ودا بسبب حالة الرضا عن النفس التى بتصاحب العبادة وكلامى بيظهر لما تجرب تقرأ القراّن بخشوع وفهم او تصلى وانت حاسس انك امام اللله مباشرة ياااااه احساس جميل انك تبقى راضى عن نفسك وعن افعالك وصدقكك مع كل الناس شكرااا ليك على الموضوع الانسانى الطابع