dupport me

الخميس، 18 يونيو 2009

الحلقة المفقودة

فى حياة كل منا بل ربما تكون فى داخل كل منا حلقة مفقودة

وصاحب النظرة الثاقبة فقط هو من يستطيع أن يكتشفها بسرعة

ليصبح هو من يتحكم فى دفة الأمور. فكلما ظلت هذه الحلقة مفقودة

صار التخبط له شعارا وفقدان التوازن وفقدان الثقة هو الحال الدائم له

وغياب الهدف هو الغالب عليه.

إننا نعنى بالحلقة المفقوده هنا أن تتعرف على نفسك جيدا وهذه بصراحة هى

مشكلة الكثيرين منا أنه لا يعرف نفسه جيدا ولا يعرف ماذا يريد أو ربما يعرف

ولا يستطيع أن يحدد الطرق التى تؤدى إلى مايأملإليه لذا صار الطريق الحقيقى

إلى كل مايريد هو أن يعرف نفسه جيدا وأن يستكشف قدراته ومواهبه

وأهدافه ويحلم فى ظلها.الكلمات قد تبدو بسيطة ولكن التنفيذ صعب

ولكنه ليس مستحيل فالكثيرين قد اكتشفوا أنفسهم فصاروا إلى ما صاروا إليه

ملأت بهم بهم كتب التاريخ والمراجع العلمية . رغم أن إكتشاف النفس لا يحتاج

إلى الكثيرفقط إعمال بعض التفكير وبعض الوقفات مع النفس فتعرف ماذا تريد

وماهى قدراتك وحدودك وأى منها ستبدأ فى تطويره .

فلا شك أن كل منا فى حياته هوايته المفضلة أو أشياء يرتاح إليها عندما يفعلها.

شخصيا أشعر براحة كبيرة عندما أمسك بقلمى وأخط به بعض الكلمات

حتى وإن لم يقرأها غيرى المهم أنى أخرجت ما بداخلى.

فالعقل نعمة كبيرة يصل دائما من يستخدمها فعندما تسقط التفاحة

لا أحد يهتم بسقوطها فقط يأكلها ويستمتع بها شخص واحد فقط هو الذى تساؤل

لماذا سقطت التفاحة فصار أعظم علماء زمانه وكانت له قوانين الجاذبية

فقليلون من يكتشفون حلقتهم المفقودة هذه ولكن الغالب أن من يكتشف تلك الحلقة

يصير له شأن عظيم واسألوا الباز وزويل ومجدى يعقوب فسيقولون لكم

أن هناك الكثير ربما مثلهم وربما أفضل منهم لكنهم مازالوا ينتظرون الفرص

تأتيهم ولكن هؤلاء العلماء الكبار أصروا على ألا ينتظروا الفرص وأن يصنعوا

هم بأيديهم هذه الفرص . لأنهم علموا أن الفرصة الحقيقية أن يكتشفوا أنفسهم

ومواهبهم جيدا فكانت هذه حقا نقطة بدايتهم. وعندما قال جاليليو بأن الأرض

تدور حول الشمس اتهمه قومه بالجنون لأنهم كانوا يعتقدون العكس.

ولكن بعد قرنين من موته تثبت صحة نظريته فيصبح نابغة زمانة.

وهذا بيل جيتس وهو طفل دائما ماكان يقول لوالدية

(أستطيع أن أفعل أى شىء أضع كل تفكيرى فيه).

وعندما صار فى مرحلة مراهقة كان يدد لمعلمية أنه سيصبح مليونيرا

قبل بلوغه الثلاثين عاما وهذه هى المرة الوحيدة فى حياته التى قلل فيها

من شأن نفسه لأنها عندما بلغ الواحد والثلاثين من عمره كان قد أصبح بليونيرا .

ويكفيك أن تعرف بعض المعلومات البسيطة عن ثروته الأن

يربح كل ثانية 250 دولار، يعني 20 مليون دولار في اليوم، يعني حوالي ثمانية مليار

دولار في السنة.
لو أعطى كل واحد على الكرة الأرضية 15 دولار .. سيتبقى معه 5 مليون دولار.

لو بيل جيتس دولة، كان ترتيبه الـ 36 بين الدول في الثراء .

لو حولت ثروة بيل جيتس لفئة الدولار .. فيمكنك أن تفرشها من الأرض للقمر 14 مرة،

وستستخدم لذلك 713 طائرة بوينج لنقل النقود.

إن من يريد أن يكون له شأن فى هذا الزمان لابد أن يكتشف تلك الحلقة المفقودة

مثلما اكتشفها هؤلاء.

فهل حقا أدرك كل منا أين حلقته المفقودة؟!

دمتم على الحب

هناك 76 تعليقًا:

Qatarat Nada يقول...

سعيدة جدااااا انى اول تعليق
بجد والله فرحانة جدا
مش قادرة اقول لحضرتك انا قد ايه بحب النماذج اللى حضرتك بتجيبها وكمان طريقة السرد بجد راااااائعة
والله حسيت بتفاؤل لما قريب البوست دة
الف حمدا لله ع السلامة
اتمنى لك النجاح والتوفيق
وفي انتظار المزيد من الكلام الحلو دة
تسلم يمناك

Qatarat Nada يقول...

بالمناسبة
حضرتم المفروض ليك تاج عندى من زماااان
اتمنى من حضرتك الاجابة عليه
حتلاقي الاسئلة ان شاء الله في مدونتى
اتمنى اشوف الاجابة عن قريب
اختك ،،

mohamed ghalia يقول...

جنــــــــــة الله
أختى العزيزة
أنا بجد الى اسعد بسؤالك عنى فى غيابى
دايما منورانى
والله هى الكلمات خرجت كده من قلبى عشان كده وصلت زى مطلعت منى
إن شاء الله أحاول أجاوب على التاج لإنى مجهز كام موضوع كده هخلصهم وبعدين هحاول
بجد أنا سعيد جدا بتعليقك

فتاه حالمه يقول...
أزال المؤلف هذا التعليق.
أبو العريف يقول...

محمد

انا من ساعة ما اتولدت وانا بدور علي حلقتي المفقوده دي
بس يظهر انها مفقوده


الموضوع جميل كعادتك

دمت بكل خير

Unknown يقول...

السلام عليكم ورحمة
الله تعالى وبركاته
وحمدلله على السلامة
يارب بالتوفيق
والنجــــــــاح

EMMY BABY يقول...

جميل العنوان اوى بصراحة

فعلا الوقت اللى الانسان بيكتشف فيه الحلقة دى بتكون نقطة انطلاقة فى حياته لانه بيحط ايده على اللى فعلا محتاج ينميه مش عايش وخلاص

بيعجبنى جدا استشهادك بامثلة فبتخلى الامور تبدو واقعية ومش كلام وخلاص

بس بلاش قر على بيل جيتس يا شيخ ده زمانه مات :P

ههههههههههههههههههه

زمانك بتقول ايه اللى رجع البت دى تانى

تحياتى

ايمى

Unknown يقول...

بس ليا ملحوووظية صغيييرررية
كل الامثلة اللى ضربتها يامحمد
من اول نيوتن لحد بيل جيتس
كلهم امريكان !ساكنين فى
امريكا وعايشين فيها
والفرصة خدوها هناك
ولو ما كانوا راحوا
ماكنش حد سمع عنهم !
واسمع حكايات د.زويل
والتعقيدات الادارية
لما كان فى مصر سواء
وهو شاب فى اول الطريق
او حتى بعد ما خلص وجه
عايز يعمل حاجة حقيقية
لبلده:(:(:(:(:(!!!
انا مش مكشرة انا ببكى!!!
على حالنا واحوالنا وللاسف!

عمرو جويلى يقول...

محمد غالية
السلام عليكم
حمد لله على سلامتك وموضوع شيق للغاية فجميل أن يبحث كل منا عن تلك الحلقة المفقوده
دمت بكل الخير

شموع يقول...

السلام عليكم
لأول مرة أزور مدونتك وإن شاء الله لن تكون أخر مرة
ولقد بحثت فى مدونتك وما شاء الله عليك مدونة مليئة بالموضوعات الجيدة
وأعجبنى جداً طرحك عن الحلقة المفقودة
تقبل مرورى

mohamed ghalia يقول...

أبو العريف
بإذن الله تلاقيها
وبالتوفيق دايما

mohamed ghalia يقول...

norahaty
مع حضرتك حق
بس هى البداية اننا نعرف احنا متميزين فى ايه عشان نبدأ نطورة
وميزة الناس الى ضربت بيهم مثل انهم صنعوا الفرص لنفسهم وده هو المهم
منورانى دايما

mohamed ghalia يقول...

EMMY BABY
ايه العنوان بس الى عجبك
هههههههههههه
المدونة طبعا مدونتك اتكلمى للصبح ولو تحبى أتنازلك عن الباسورد كمان هههههههههه
منورانى دايما يا ايمى ونورتى عالم التدوين من تانى

mohamed ghalia يقول...

اللؤلؤة
استاذى العزيز
حقيقى افتقدتك جدا
بس صدقنى كنت حاسس بدعواتك
منورنى دايما ودايما رافع معنوياتى

mohamed ghalia يقول...

شموع
منورنى يافندم بزيارتك الأولى
والحمد لله إنى المدونة عجبة حضرتك
وحقيقى مدونتك هايلة استمر وبالتوفيق

ستيتة يقول...

اولا الحمد لله انك خلصت امتحانات وعلى خير ان شاء الله
ثانيا وكالعادة موضوع دسم واكثر من رائع
طيب انت بشكل شخصي قعدت مع نفسك لإكتشاف الحلقة المفقودة
يعني تجربتك الشخصية في الموضوع ده جابت نتائج؟
ربنا يكرمك

هانى زينهم يقول...

يااااااااااااااالهوى !!
اشد فى شعرلا منك يا ابنى انت ؟! بيل جيتس ايه اللى انت جايبه يعقدنا ده ؟" يربح كل ثانية 250 دولار، يعني 20 مليون دولار في اليوم، "
تصدق بالله ان السطر ده لو فى مدونة حد تانى مش عزيز عليا لكنت قتلته بايدى !! ارحمنا يا عم 250 دولار يعنى 1500 جنيه يعنى مرتبى فى شهرين هو بيكسبه فى ثانية ؟! روح يا بن الحاج غالية ربنا يوفقك فى امتحاناتك .

♥نبع الغرام♥♪≈ يقول...

السلام عليكم


وحشتنى قووى ياقمر

وحمدالله على السلامه

وان شاء الله تكون النتيجه كويسه بدعليك من كل قلبى

ربنا معاك

وكعادتك
رجعت لينا متألق بموضوعتك الشيقه

ربنا يوفقك يارب

تحياتى

ايناس

Unknown يقول...

اولا حمد الله علي السلامة
ثانيا ايه اخبار الاجابات في الامتاحانات؟
ثالثا الموضوع كالعادة اكثر من رائع
و لو اني بكيت في اخره

عشان عقدتني في ثروة بيل جيتس ! بيتهيالي قارون مكنش عنده كل ده :d

امل يقول...

اهلا بعودتك
ان شاء الله سالم غانم ناجح وموفق
انت كعادتك تستطيع سبر اغوار النفس البشريه
ولكننا ضائعون فى البحث عن لقمة العيش وكيفية ارضاء ربنا وسط حياه مليئه بالمشاكل داخل مصرنا الحبيبه
ونور حياتى كلامها صح 100 %

منتظره زيارتك ورايك
تحياتى

Sweet Violet يقول...

حمدلله على السلامة ^_^

و موضوعك كالعادة جميل ومفيد

د. ياسر عمر عبد الفتاح يقول...

ازيك يا محمد
والله يا عم ليك وحشة
إيه الغيبة دي كلها

عملت إيه في الإمتحانات
يارب تكون عملت كويس

المهم بقي
بوست جامد جامد جامد جداً
كعادتك يعني

بيل جيتس ده أسطورة
وفيه قصص كثير عنه غريبة جداً

شكراً يا محمد علي دفعة الأمل دي
ربنا يكرمك ويجازيك خير

ومازلتُ أتعلم يقول...

السلام عليكم ورحمة الله

أولاً:
البوست تحفـــــــــة كالعادة بتاع حضرتك
قرأته وسرحت فيه مع نفسى
والوقت أخدنى فى التفكير
بجد جزاكم الله خيراً

ثانياً:
ربنا يكرمك على سؤالك
البيك نزل من فى الإمتحانات فعلاً
بس هارفعه قريب بإذن الرحمن
ويارب يكون ربنا وفق حضرتك فى الإمتحانات كمان..

فى إمان الله

أمل حمدي يقول...

حمد الله على السلامة يا محمد

ان شاء الله من الناجحين

موضوع جميل جدا

بس هي حلقة واحدة بس ولا أكتر

في مثل هذا الزمان يحتاج الانسان مزيدا من الحلقات ليكتشف نفسه

ربنا معاك

سلام

akeed يقول...

فعلا كل شخص المفروض يدور على هذه الحلقة المفقودة يجب ان يبحث داخل شخصيته عن الاوجه الايجابية التى يستطيع ان يطور نفسه بها ..


لاكن ايضاً الظروف المحيطة تؤثر على تحقيق الهدف .


بجد بوست رائع وقيم و تحياتى

Unknown يقول...

:)

موضوع جميل بجد

ريمان يقول...

السلام عليكم


حمد الله ع اللسامه

عملت ايه فى الامتحانات

يا رب يكون خير

وان شاء الله بالتوفيق والنجاح

موضوعك ده مهم جدا جدا وفعلا مشكله كبيره جدا ان يبقى الواحد مش عارف نفسه ومش عارف هو عايز ايه

غير معرف يقول...

عارف ...كلامك ده فكرنى بمقولة حلوة أوى:

قل لى موقعى الصحيح...أحرك لك الكرة الأرضية


بجد لو كل واحد فينا وجد الحلقة المفقودة أكيد حيبقى له شأن تانى خالص...وياريت فعلا نلاقيها و لما نلاقيها نمسك فيها

اللهم آمين

mohamed ghalia يقول...

ستيته حسب الله الحمش
منورانى دايما يادكتور والحمد لله إنى الموضوع عجب حضرتك
نجاح كل واحد فينا فى حلقته دى ده شىء نسبى مش شرط نجاحى أو عدم نجاحى فى الحلقة يكون مقياس
دمتِ فى سعادة
-----------------------------
هانى زينهم
هههههههههههههههه
ليه بس ياعم هانى كده
دى دعوة للتفاؤل مش للتعقيد
منورنى دايما حبيب قلبى
--------------------------------
عاشقة الأحزان
إيناس
أختى الغالية
أنا عايز اشكرك على سؤالك عنى فى فترة غيابى
ويارب تلاقى حلقتك المفقودة دى
وربنا يسعدك دايما
---------------------------------
المعلم محمد صاحب المطعم - طعمية سخنة
محمد باشا منورنى دايما
شوية أرقام بسيطة عن بيل جيتس
دا الراجل ده تطلع غلبان جداااااا
هههههههههههههههههههههه
--------------------------------
ماما
دايما منورانى دايما ياماما
عايز اقول برده يمكن الظروف بتأثر بس الناس دى برده واجهتهم مشاكل كتير
وبعدين اهم حاجة تلاقى حلقتك وتحدد هدفك ده هو المهم
يعنى لما طفل يقول يقول استطيع أن أفعل أى شىء أضع عقلى فيه
ده ملوش علاقة بإنه موجود فى أمريكا أو جيبوتى المهم عقليته نفسها وإنه عرف هو عايز ايه
منورانى دايما ياماما
-----------------------------
Sweet Violet
المدونة منوره بيكى دايما ياضد
وميرسى على سؤالك فى الإمتحانات
منورانى دايما يا أختى الغالية

وردة يقول...

حمد الله علي السلامة يامحمد
ان شاء الله تكون وفقت في الامتاحانات
عاوزين نحتفل بالنتيجة قريب ان شاء الله
البوست جميل جدااا وعودة قوية طبعا
بس تفتكر في وقتنا ده في حد عنده وقت يكتشف نفسه
وقتنا بيجري واحنا بنجري وراه
عاوزين نلحق اي شئ وكل شئ
ربنا يباركلك ونعرف نلاقي الحلقة المفقودة
سلام

mohamed ghalia يقول...

د. ياسر عمر عبد الفتاح
دكتور منورانى والله
أنا الحمد لله بخير
الراجل فعلا دماغة حلوه أوى وبيشغل عقلة بطريقة رائعةة
يلا عقبالنا كده
---------------------------------
ومازلتُ أتعلم
الحمد لله إنى الموضوع عجب حضرتك
وبالتوفيق إن شاء الله فى الإمتحانات
-----------------------------------
ماما أمولة
اللله يسلمك ياماما
يمكن يكون فى حلقات بس هى دى الحلقة الأهم
منورانى دايما يا ماما
------------------------------
akeed
نعم المهم أن نكتشف ثم نبدأ فى محاربة الظروف
مودتى
-------------------------------
esraa
الحمد لله إنى الموضوع عجب حضرتك
منورانى دايما
----------------------------
ريمان
أختى الغالية
منورانى دايما
مهم فعلا نلاقى حلقتنا المفقودة ياريمان
بالتوفيق دايما
--------------------------------
انا ودماغي
بيعجبنى أوى التفاؤل المشترك الى بينا
حقيقى نقدر نعمل كتير
ربنا يكرمنا ونقدر ننجح
حقيقى منورانى دايما وسعيد بسؤالك عنى فى الإمتحانات

mohamed ghalia يقول...

وردة
ربنا يخليكى وميرسى على سؤالك
بس لازم يكون فيه وقت لبعض التوقفات
ربنا يكرمنا إن شاء الله

د/عرفه يقول...

السلام عليكم

حمد الله على السلامة يا محمد

ويارب تكون الامتحانات كويسة


وتكون اجاباتك تمام


بالنسبة للموضوع فعلا جميل

ومهم اوى ان الواحد يتعرف على نفسه اكتر
ويعرف هو عايز ايه وامتى
وطريقته لده ايه


وفقك الله
نحياتى

Eno يقول...

كلامك جميل اوي يامحمد وفعلا مهم اوي اني كل حد مننا يكتشف نفسه ويكتشف قدراته ويقدر يوظفها في المكان الصح وكم من شعوب عملت كده وكانت ناجحه جدا

بوست هايل فكرني بي منتدي كنت عليه الاسبوع اللي فات اسمه طاقتي الغير محدوده وهو مجموعة اختبارات كده بتعرف الشخص بنفسه اكتر وبمهارته :)

ليك تاج عندي اوي مش تجاوب عليه :)
تحياتي

mohamed ghalia يقول...

د/عرفه
ربنا يخليك يادكتور
بالتوفيق لحضرتك انت كمان ونسمع أخبار حلوه قريب
------------------------------------
Eno
الحمد لله إنى الموضوع عجبك
وبإذن الله هحاول أجاوب على التاج

marmar يقول...

اولا مبروووووووووووووووووووووك لرجوعك العالم التدويني وطمنا عليك عملت اييه في الامتحانات ثانيا مبروووووووووووك مبروووووووووووووووووووووووووووك مبرووووووووووووووووووووووووووووووووووك لمصر اللي رافعا راسنا وعملت شغل جامد جدا جدا جدا جدا جدا جدا شغل اهلاوي ميه ميه بصحيح هههههههههههههههههه

البوست بتاعك جميل جدا يا محمد وكلو تفائل في الدنيا اللي احيانا بتبقى وحشه بس لما بنفكر فيها بعقلنا مش بقلبنا بنلاقي حااجات حلوة كتير ولسه في الدنيا خيييييييييييييييييييير

رحلتنا في الحياة يقول...

مبروك على عودتك لينا مرة تانية ومبروك على انتهاء كابوس الامتحانات :)
البوست جميل جدا وانا واحدة من الناس اصلا مش عارفة انا عايزه ايه ولا ايه هدفى علشان كده بتعب كتير او يمكن عندى هدف وخايفة احققه بس مقتنعة تماما ان التركيز على اهدافنا هنقدر فعلا نحققها كلها

Ahmed يقول...

محمد بك الجميل
حمدلله على السلامه
ويارب النتيجه تبقى خبر سعيد يفرحك ان شاء الله

الأول لازم نعرف احنا مين؟ احنا عندنا ايه ومعندناش ايه
الناس اللي بتقدر تحدد ده (وده مش سهل) بصدق مع النفس بتنجح في مواجهة الحياه بالشكل الصح

المشكله اننا في بعض الأحيان بنستمتع بالكذب على نفسنا وحياتنا

حواء يقول...

السعي الدائم هو اللي ممكن يبين الحلقه المفقوده فين وازي امشي فيها
وقبل ده كله الصبر
انا هقولك علي حاجه
انا امبارح وامبارح بس وضعت رجلي واتعرفت علي الحلقة المفقوده عامه والمطلوب خاصة
وعرفت طريقي وربنا يعني عليه
دعواتكم
وبدعي دايما ربنا يرزقني الخير حيث كان ويرضيني بيه

عمرو يقول...

حمد الله علي السلامه
البلوجر نور

البوست طبعا جميل جدا
اولي خطوات النجاح اكتشاف مانحب ونجوده ونتقنه حتي ننجح غيه بكرم الله

mohamed ghalia يقول...

marmar
الله يسلمك الحمد لله الإمتحانات عدت على خير

ومليون مبروك لكل المصريين
يارب نكمل بالتفاؤل ده
-------------------------------------
ايوشة
الخوف من تحقيق الهدف مشكلة أكبر
ربنا يعبنك ويرزقك الشجاعة
------------------------------------
أحمـــــــــــــد أبو العلا
ياريت فعلا نقف وقفة صدق مع نفسنا
---------------------------------
حواء
الحمد لله انى حضرتك وجدتى الحلقة دى
وبالتوفيق دايما
---------------------------------
عمرو
استاذى العزيز منورنى دايما
ربنا يسلمك ويحفظك
بإذن الله نجد أولى خطوات النجاح

”*°•.˜”*°•..سونه..•°*”˜.•°*”˜ يقول...

السلام عليكم .
حمدلله على السلامه
ياااااااااا كل ده بعد انت كمان
بس المهم نجاحك ان شاء الله


بجد كلامك كلو بيعجبنى واسلوبك ماشاء الله فى كل كلمه افاده ومعلومه جديده
انا سعيده بيك وسعيده انى فى شباب مثلك فى الحياه يارب من نجاح لنجاح
تحياتى ليك ((ســـونه)).

Unknown يقول...

يابني حرام عليك !
ده الراجل جاله اكتئاب و ساب ادارة الشركة و جه يكافح الملاريا في افريقيا

من كتر القر عليه طلع يجري ورا الناموس !

وردشان smilyrose يقول...

السلام عليكم اخى الغالى

اخبار امتحاناتك ايه يارب تكون

اديتها على خير انا شفت بعض منها من

الطلبة اللى بقابلهم فى المواصلات

ولقيت مستواها كويس

وان شاء الله تكون من المتفوقين

على فكرة اسفة على ابتعادى ويارب

ااقدر اواصل على التواجد

ولعلى غيابى كان بسبب تلك الحلقة

المفقودة كان لابد لى من البحث عن نفسى

والتصالح معها حتى ابتعد عن ما يؤلمنى


دمت اخى بكل الود

اختك

وردشان

روح الحب الصادق

عمرو يقول...

الحمد لله على السلامه يا دكتور و بالتوفيق دائما ..
فعلا الحلقه المفقوده دى غالبا لو وجدت بتحل مشاكل كتير جدا للاٍنسان .. لكن بعض الأشخاص لا يقدروا قيمتها الحقيقيه حتى بعد أن يسعدهم الله بالعثور عليها ..
تقبل تحياتى و تقديرى ..

طـائر الليــل الحـزين يقول...

ازيك يا محمد
فعلا كل واحد فينا جواه حلقة مفقودة
ومش كل الناس عرفوا ايه حلقتهم المفقودة
بحييييييييييك على الموضوع ده

mohamed ghalia يقول...

”*°•.˜”*°•..سونه..•°*”˜.•°*”˜
منورانى دايما أختى العزيزة
وياريت نقدر ننجح ونعمل حاجة
دمتِ فى سعادة
--------------------------------
المعلم محمد صاحب المطعم
هههههههههههههههههه
والله مش بعرف أحسد أنا بنق ههههههههههههههه
ربنا يوعدنا
-----------------------------------
smilyrose
الحمد لله الإمتحانات عدت على خير
ويارب ترجعى تنورى مدونتك دايما
وبإذن الله تلاقى الحلقة المفقودة
----------------------------------
عمرو
لا حضرتك أنا فى أخر سنة تجارة بنها مش دكتور ولا حاجة
ياريت فعلا كلنا نلاقى حلقتنا المفقودة
منورنى دايما أستاذى.
-------------------------------
طـــائر الليــــل الحـــــزين
ياطائر الليل نورتنا
يارب نلاقى حلقتنا دى

الجواز و سنينه يقول...

ايه المواضيع الجامده دى
لاء بجد جامد يا محمد
تسلم اديك و معجبه جدا بتفكيرك
ماشاء الله عليك امسك الخشب اهه

mahasen saber يقول...

ازيك يا غاليه اخبارك ايه يا محمد

يا رب تكون بالف خير وسلام

ليك بصراحه وحشه جامده جدا جدا جدا

اخبار اختك ومامتك ايه يا رب تكونوا بافضل حال

mahasen saber يقول...

اما الحلقه المفقوده دى بئه فانا لو لقيتها وبقيت زى بيل جيتس كده

مش عارفه هعمل ايه فى نفسى
بس اعتقد ممكن اجيبلى صاروخ اخلى كل تحركاتى بيه

لا يا عم الاقى الحلقه ان شاء الله وبلاش صواريخ ولاا غيره

المعتصم يقول...

صديقى العزيز محمد
حمدالله على السلامه
وان شاء الله تكون وفقت فى الامتحانات
وربنا يكرمك وتنجح بالتقدير اللى نفسك فيه
انا قلت بس اسلم عليك واعتذر عن تقصيرى معاك
وعلى فكرة منابك فى الشكولاته شايلهولك على جنب ماتقلقش
ســــــــــــلام
وان شاء الله ليا عودةمرة تانيه

mohamed ghalia يقول...

الجواز و سنينه
يافندم من بعض ما عندكم
منورانى دايما
---------------------------------
mahasen saber
ست الكل وأختى الغالية
انا الحمد لله تمام وكله تمام
أخبارك انتى وبيرو ايه؟
وربنا يكرمك وتلاقى الحلقة المفقودة وأشوف بيرو زى بيل جيتس وأحسن بإيمانه
--------------------------------
المعتصم
أخويا الغالى منورنى دايما
ههههههههههههه
متشكر يامان على الشيكولاته
دمت فى حفظ الله

حياتى نغم يقول...

السلام عليكم / دائماً تبهرنا بجديدك ومعلوماتك القيمه ، بارك الله فيك وزادك من علمه ووفقك فى كل شئونك اللهم آمين .

بنت الأسلام يقول...

السلام عليكم ورحمتة الله وبركاتة
بس ياريت كل واحد يدرك حلقتة المفقودة فى الوقت المناسب قبل ما يفوت الاون.
شكرا لمرورك العطر فى مدونتى
تحياتى

منى يقول...

طبعا لم يدركها معظمنا بعد
والا كنا فى حال اخر ومصر ايضا فى حال ااااخر
ليتنا ندركها بالشكل الصحيح يوما
حضرتك لك تاج عندى نتمنى تجاوبه
تحياتى

فشكووول يقول...

ازيك يامحمد يا غاليا
غايب عننا من زمان
تحياتى

شرقيّةُ الهوَى يقول...

ان تدرك ما هى الحلقه المفقوده بحياتك فهو بالتاكيد اصعب شء ولكن الانسان يحاول بقدر استطاعته فان تضع يدك على المشكله فهو اول خطوه لتحل المشكله
جميل جدا جدا وتسلم الايادى
اتمنى ان تتقبل مرورى

سفروتة يقول...

موضوع في الجون كالعادة
يارب كل واحد فينا يلتقي بحلقته المفقودة

حمد الله ع السلامة

mostafa rayan يقول...

المقال حلو قوى
ولكن المشكلة اننا كتير مش بنعرف نكتشف نفسنا
تحياتى لك يا صاحبي

mohamed ghalia يقول...

حياتى نغم
جزاك الله خيرا أخى على جعل هذه الدعوات ولك بمثل ذلك إن شاء الله
---------------------------------
همسة
ياريت فعلا نلاقى حلقتنا فى الوقت المناسب
مشرفانى حضرتك بزيارتك الأولى
--------------------------------
منى
إن شاء الله ندركها قريب
بإذن الله قدامى كام موضوع وهحاول أحل التاج
-------------------------------
فشكووول
انا الحمد لله تمام
منورنى دايما استاذى
وسعيد بسؤالك عنى فى الإمتحان
-------------------------------
حواديت بنوته
معكى حق المهم اننا وضعنا ايدينا على المشكلة
دمت ِ فى سعادة
------------------------------
سفروتة
سفروته هانم منوره المدونة يافندم
ويارب تكون الإمتحانات تمام
بالتوفيق دايما
-------------------------------
mostafa rayan
أخويا وصاحبى
معاك حق هى دى المشكلة
يارب نكون قدرنا نقدم خطوات لحلها

اسماء واحلام فى وجدانى يقول...

اولا الف حمدلله على السلامة
ويارب ناجح باذنه
وتنورنا من تانى يارب
واعتذر لك عن التاخير لانى لسة جاى النهاردة

طوبه فضه وطوبه دهب يقول...

فعلا فى حياه كل انسان فينا حلقه مفقوده بمجرد ما يوصلها هيقدر يحل حاجات كتير اوى ومشاكل كتير ممكن يكون تايه عنه حلها تسلم ايدك

بسمـــة مســـــلّم يقول...

السلام عليكم يا محمد بجد اختيارك لموضوع البوست اكبر دليل على نضجك وبالنسبة للحلقة المفقودة فهى مهمةولكن الاهم ان تعرف نفسك جيدا سواء من خلال الاختبارات او قياس القدرات وتبحث عن موهبتك لانى مؤمنة مفيش انسان بلا تميز فى عنصر ما لابد ان يبحث عنه!!بس اهم حاجة ان الانسان يضع بأعتباره انه اقوى واذكى من على الارض وان عقله يمكنه تحميل اكثر من ذاكرة الحاسب لو اراد والدليل على كده ان الانسان ساعات بيعمل مواقف لا يتوقعها ابدا فى الظروف الصعبة زى الدفاع عن اهله مثلا او قبل ليلة الامتحان بيبقى عنده قدرة يخزن الكتاب كله لانه مركز يعنى لازم يتزنق هههههههه طولت عليك شكرااااا

شبــ اون لاين ـــاب يقول...

السلام عليكم ورحمة الله وبركاته

ضيف الميل ده ضرورى

shabab_online_3@yahoo.com

joker

elsha3er يقول...

السلام عليكم

ازيك يا محمد عامل اية اتمنى انك تكون بخير واديت تمام فى الامتحانات

وان شاء الله على متابعات

سلام


تحياتى

احمد الشاعر

mohamed ghalia يقول...

اسماء واحلام فى وجدانى
انا الحمد لله تمام يا أحمد
منورنى دايما وربنا يسعدك
-----------------------------
طوبة ذهب وطوبة فضة
إن شاء الله نوصلها
دمتِ فى سعادة
-------------------------------
بسمـــة مســـــلّم
نورتى المدونة من جديد
أكيد استفدت من كل كلامك المدونة مدونتك قولى كل الى عايزاة
منورانى دايما
----------------------------
شبــ اون لاين ـــاب
حاضر يافندم تم التنفيذ
------------------------------
elsha3er
أخويا الغالى
حمدا لله على سلامتك
الحمد لله عدت على خير

سميرة يقول...

رغم بساطة كلماتك الجميلة
الا ان الموضوع عميق جدا يا محمد
في رأيي : مش مهم تكون مشهور او معروف
المهم تعرف نفسك !!!!

تتصالح معها
تعرف انت عاوز تعمل ايه بالضبط في حياتك

فيه كتير مننا بيعيشوا ويموتوا وهما بيبحثوا عما يريدون ولا يستطيعوا الوصول

التصالح مع الذات مهم جداً بس مش سهل
لازم نحاول نكون اكثر صراحة مع ذواتنا

وربنا يوفقك دايما وتنال ما تتمنى
تقبل مروري

صفــــاء يقول...

الحلقه المفقودة
مش عارفه ليه حاسه انه صعب الوصول ليها يا محمد
مش أى أنسان يقدر يتوصل لها ويعيد وصل نفسه بها
مش تشاؤم
بس لو كان سهل اى حد يوصل لها
كان كلنا بقينا زويل وبيل جيتس
طرح جميل
تسلم الايادى
تحياتى لك

ديالا يقول...

موضوعك جميل جدا

والواحد يبقي محظوظ فعلا لو لاقي الحلقه المفقوده

وممكن يعدي عمره كله وميلاقيش الحلقه دي

تقبل مروري

اعشق فى الليل ضوء القمر يقول...

حمد لله على السلامه يا محمد
ويلا ورينا همتك يا بطل
مستنى منك الجديد

لاسع افندى يقول...

كلام جميل بس مين اللى يعمل بيه


تقبلوا تحياتى ومرورى

غير معرف يقول...

انا محظوظه انى اول مره ادخل البلوج الاقى بوست رائع اوى كدا

تسلم ايد

وربنا يديم التواصل

حنين

مجرد مدونة يقول...

موضوع جميل جدا فعلا
أسلوب متميز بجد ربنا يكرمك

عايش... ولكن !!!! يقول...

المشكله ان ساعات بعضنا بيلاقيها وبتضيع منه تانى ويفضل طول حياته يدور من جديد

فشكووول يقول...

ازيك يا محمد يا غاليا
تحياتى
بس يا محمد
انا عايز احدد هدفى
بس زى بيل جيتس
اصل اى هدف بعد هذا صغير قوى
عايز بلايين الدولارات وافرشها من الارض للقمر
هو فيه احلى من كدا
.... يا خساره ... صحيت من النوم

ســـــــهــــــــــر يقول...

الحلقه المفقوده
جمله معبره جدا
المشكله مش بس انك تجدها انك تبقى متاكد انها حلقتك المفقوده

تحياتى