dupport me

الأربعاء، 24 يونيو 2009

الشماعة

شىء لا يختفى تقريبا من حياتنا اليومية ونصر على تواجدها دائما فى حياتنا بإستمرار

ألا وهى شماعة الأخطاء. ففكل خطأ يحدث منا سرعان ما تعلق العشرات من المبررات

على تلك الشماعة ,ولا توجد مرة واحدة نحلل الأمر فيها تحليل دقيق لنصل إلى السبب

الحقيقى للخطأ حتى لا يتكرر,ولكن سرعان ماتجد العشرات من المبررات التى لاتنتهى

والتى تختلف من موقف لأخر.

عندما لايوفق طالب فرضا فى الإمتحان سرعان ما تجد المبررات تنزل.( العيب من

الدكتورالعيب من نظام التعليم العيب من ......إلخ) إلى أخر التبريرات التى يعلق عليها

عدم توفيقه والغريب أنه فى تلك العشرات من المبررات لا يوجد مبرر واحد يدين

نفسه به ويحاسبها على خطأها وتقصيرها.

عندما لا يوفق قريق كرة قدم فى أحد مبارياته تجد خروج المبررات ( العيب من أرضية

الملعب العيب من درجة الحرارة والرطوبة العيب من التحكيم العيب من.........إلخ)

ولا توجد مرة يدين فيها الفريق نفسه ولاعبيه أنفسهم بالتقصير.

عندما يفشل أحد أو يخفق فى الوصول إلى النجاح سرعان ما يجد لنفسه العديد من

المبررات التى تساعده على الإستسلام والتوقف عن استكمال رحلته.

وعندما لا يبدأ أصلا فى طريق النجاحيجد لنفسه أيضا المبررات فتارة ظروف البلد

الإقتصادية والسياسية وتارة كبار السوق لا يسمحون بدخول أحد بينهم ولا يتعب

ولا يكل أبدا عن إلتماس الأعذارلنفسه واستخدام تلك الشماعة.

إن من يتحجج بالظروف والأحوال لن يتحرك يوما من مكانه وسيظل محله لا يسير

ولا يتحرك كل من حوله يتقدم وهو ثابت لا يتحرك بل ربما يتأخر.

تعلمنا أن من مبادىء علم الإقتصاد (على قدر المخاطر تأتى الأرباح)

فما بالك إذا غاب عنصر المخاطرة أصلا فمن أين ستأتى

الأرباح وهو واقف فى مكانه لايفكر حتى فى أن يخاطر بمجرد فكرة لا يخاطر

بأن يحاول حتى أن يعرف ماذا يريد.

ولله در الشيخ القرضاوى حينما قال:

قالوا السعادة فى السكون و فى الخمول و فى الخمود
فى العيش بين الأهل لا عيش المهاجر و الطريد
فى لقمة تأتى اليك بغير جهد جهيد
فى المشى خلف الركب فى دعة و فى خطو وئيد
فى أن تقول كما يقال و لا اعتراض و لا ردود
فى أن تسير مع القطيع و أن تقاد و لا تقود
فى أن تعيش كما يراد و لا تعيش كما تريد

قلت الحياة هى التحرك لا السكون و لا الهمود
و هى التفاعل و التطور لا التحجر و لا الجمود
و هى الجهاد و هل يجاهد من تعلق بالقعود
و هى الشعور بالإنتصار و لا انتصار بلا جهود
و هى التلذذ بالمتاعب لا التلذذ بالرقود
هى أن تزود عن الحياض و أى حر لا يزود
هى أن تحس أن كاس الذل من ماء صديد
هى أن تعيش خليفة فى الأرض شأنك أن تسود
و تقول لا و بملء فيك لكل جبار عنيد
هذه الحياة و شأنها من عهد ادم و الجدود
فاذا ركنت الى السكون فلذ بسكان اللحود

أفبـعد ذاك تـظن أن... أخـا الخمـول هو السعيـد؟

وكأنى أتذكر هوندا صاحب شركة هوندا للسيارات هذا الرجل الذى دمر الزالزال

مصنعة بعد إفتتاحة مباشرة وبعد ذلك فى الحرب العالمية الثانية القيت قنبلة ذرية

على اليابان فدمرت مصنعة تماما ورغم هذا تحدى الرجل الظروف ولم يأخذها حجة

ليظل فى مكانه فعاد من جديد

لتصبح شركة هوندا الشركة الثانية فى اليابان بعد شركة تيويتا.

فغريبة هى تلك الشماعة لا نريد أن نتجاهلها أو أن ننتزعها نهائيا من حياتنا

فمن يتهيب صعود الجبال

يعش أبد الدهر بين الحفر

سنقول لتلك الشماعة اليوم أيتها الشماعة اتركينا وشأننا فإنا قد قررنا أن

نتخلص منكى أخيرا فلا تعودى رجاءا ولن نتذكرك مرة أخرى. فإنا سنقتل كل مخاوفنا

وسنتحدى كل ظروفنا.

دمتم فى نجاح

هناك 89 تعليقًا:

حواء يقول...

أول تعليق

حواء يقول...

والتاني
كمان علشان خاطر الحبايب

حواء يقول...

ممكن اخد التالت كمان لو سمحت

حواء يقول...

ايه ده هي الدنيا هو كده ليه
كله نايم طبعا مع انه وقت البركه كلها

حواء يقول...

صحيح بوست جميل
انا قريت وجيت اعلق وبرده مفيش حد
انا بصراحه تدراكت موضوع الشماعه ده في حياتي
والكلام ده من بداية الدراسه في هذا العام
وقررت قرارت كتيره في حياتي
بس تصدق الاعتراف بالحق ده وسط ناس الوضع ده غريب وسطهم بتبقي حاجه لذيذه اوي
من كتر الشعارات اللي بتقولها ولما نفوجئ بحد بينفذ تلك الشعارات بيبقي حاجه كده جميله في يعون من حوله حتي لو كانوا مرضي نفسيين
تحياتي

mohamed ghalia يقول...

حواء
منورانى والله
ايه ده بتستغلى انى الناس نامت هههههههههههههههههههه
الحمد لله إنك نجحتى فى ده
عقبالنا كلنا
دمتِ فى سعادة

Unknown يقول...

السلام عليكم ورحمة
الله تعالى وبركاته
يقولون ان النجاح له
الف اب اما الفشل فله
اب واحد (وحتى يتهرب منه)
الاعتراف بالخطأ ومواجهته
والاقرار به ومحاولة اصلاحه
يتطلب قوة وعزيمة ونظرة موضوعية
للامور بعيدا عن (كتير من العاطفة)
وهذه كلها امور لا تتوافر لكثير منا
وللاسف .

Unknown يقول...

المهم حمدلله على سلامتك
وموفق يارب فى دراستك.

mohamed ghalia يقول...

norahaty
منورانى يادكتور
الله يسلمك
ياريت فعلا القوة ومواجهة المشاكل تتوافر لينا ونبطل نعلق على الشماعة
دمتِ فى سعادة

ستيتة يقول...

بوست جميل وفي الصميم
ماهي الشماعة قصة حياتنا دلوقت
ولا يخلو عقل واحد منا الا وجواه ولو شماعة مستخبية في ركن من اركان النفوخ

سلمت ايدك
تحياتي

mohamed ghalia يقول...

ستيته حسب الله الحمش
منورانى يادكتور
عندك الشماعة متوغله فى كل حياتنا
إن شاء الله نرميها

ahmed_k يقول...

ما شاء الله عليك يا محمد
وصدقت فيما قلت
فإن الله أبدا لا يضيع أجر من أحسن عملا
ومن يتوكل على الله ويجتهد ويقدم كل جهده بإخلاص لابد أن يحصد يوما ثمرة جهده

دمت بكل خير

dramaqueen يقول...

ماشاء الله عليك يا محمد
بوست قوى جدا بعد غياب

كلماتك جميلة جدا وفى محلها تمام

اتمنى الوضع دة يتغير بس صعب لان فى ناس كتير بترفض انها تعترف بالخطأ

دمت بكل ود

بـسـمـــة صـــــلاح يقول...

بجد بجد حضرتك هايل
بوست ولا اروع
كلام جميل جدا جدا
بحس مدونتك فيها تميز جميل جدا

ربنا يسعدك
يجزاك خير على الحاجات الحلوة اللي بتفيدنا بيها
طبعا انا مقصرة
اعذرني اخلص البلاوي اللي عندي بس
وعندك حق والله دا انا شايله من زمان اوي
وما صدقت فضفضت في المدونه
حتى اول مرة كدا ميجليش تعليقات
عشان طويل
بس مش مشكله انا كتباه كذكرى
هههههههههههههه
ايه الرغي بتاعي دا
اسيبك في امان الله
تحيــ بسومةــاتي(:

بـسـمـــة صـــــلاح يقول...

بجد بجد حضرتك هايل
بوست ولا اروع
كلام جميل جدا جدا
بحس مدونتك فيها تميز جميل جدا

ربنا يسعدك
يجزاك خير على الحاجات الحلوة اللي بتفيدنا بيها
طبعا انا مقصرة
اعذرني اخلص البلاوي اللي عندي بس
وعندك حق والله دا انا شايله من زمان اوي
وما صدقت فضفضت في المدونه
حتى اول مرة كدا ميجليش تعليقات
عشان طويل
بس مش مشكله انا كتباه كذكرى
هههههههههههههه
ايه الرغي بتاعي دا
اسيبك في امان الله
تحيــ بسومةــاتي(:

غير معرف يقول...

احنا دايما كده
بنحب نرمي اخطاءنا علي غيرنا..

متفهمش ده هروب
ولا ضعف ولا ايه

بوست جميل اوي يا محمد..:)

hasona يقول...

السلام عليكم

موضوع جميل
لأن فعلا الفرق بين النجاح والفشل
الاصرار والامل
ولكن دائما التكاسل وتعليق كل خطأ وتبريره
واعطاء المزيد من المبررات وفي رأئي انه فشل أكبر أن تتبع فشلك بتبريرات تضيع وقت وقد تضيع فرصة أخري للنجاح

،،،،

ربنا يكرمك ويوفقك
وان شاء الله نكلفك عزووووومة كبيرة علي نجاحك الكبير - ان شاء الله

لا تنسانا من صالح دعواتك

تحياتي

Sweet Violet يقول...

هو ده الانسان اللى دايما عايش ضحية .. ضحية ظروف ضحية مجتمع "واوقات بيكون ضحية طيبة القلب ^_^ "

لو اتعملنا مع بعض على اننا بشر مش ملايكة اعتقد ان الشماعة هتختفى من الحياة v_v

رؤية يقول...

فمن يتهيب صعود الجبال

يعش أبد الدهر بين الحفر



معك التوفيق فى اختيار الموضوع
فمن المهم بمكان انن ننظر لمواطن تقصيرنا قبل اى عامل اخر فى عدم اتمام المراد

تحياتى لك

شموع يقول...

السلام عليكم
الله عليك يا محمد من الحس إلى الأحسن ودايماً يارب فى علو وإرتفاع وما أكثر شماعتنا لذلك لن نتقدم
تقبل مرورى

عمرو جويلى يقول...

السلام عليكم
أهنئك يا محمد على إختيار موضوعاتك وبالفعل فإننا نعانى من الشماعة التى لاتنضب فى تعليف أخطائنا عليها
دمت بكل الخير

ghorBty يقول...

السلام عليكم ..

عودا حميدا وان شاء الله بالنجاح والتوفيق ..


موضوع رائع جدا اللهم بارك

لو الواحد فضل يعلل اخطاءه بغيره وبالظروف اكيد هيفضل طول عمره محلك سر لكن مواجهه النفس باخطاءها وتقصيرها اكيد هيخلي الانسان يتحرك ويتغير وينتج ويبدع ويكون احسن بكثير

ربنا يوفقنا جميعا ويصلح لنا الاحوال ..

دمت بخير ..

kochia يقول...

موضوع جميل اوي
لدرجة ان الشماعة هي المسؤول الوحيد عن كل حاجة في حياتنا
مع ان الاعتراف بالخطا اول طريق النجاح

بوست مميز جدا
وافكارك حلوة

تحياتي

همس الاحباب يقول...

حمدلله على السلامة
وايه اخبار النتيجة
بالتوفيق ان شاء الله
الموضوع رائع جدا
وحللت النفس البشرية بطريقة جميلة جدا
تسلم الايادى
تحياتى

Unknown يقول...

يابني هوندا ده ياباني !:D
احنا فييييييييييين و هو فييييييييين :D

و بعدين كلامي ده مش شماعة ولا حاجة :D:D:D:D:D:D


بس فعلا في عندنا هنا ناس حيتان السوق تقدر تقول ! :D:D:D:D:D:

كمان بقولك ايه :D دمت في نجاح و امشي بدل ما اضرب احسن !

غير معرف يقول...

بوست رائع يا محمد بجد جميل

دمت فى سعاده وهنا

حنين

mohamed ghalia يقول...

ahmed_k
أحمد باشا منورنى من جديد
أكيد هيى يوم نحصد فى ثمرة النجاح معاك حق طبعا
دمتِ فى سعادة

mohamed ghalia يقول...

dramaqueen
منورنى أختى الغالية
أنا كمان والله بتمنى الوضع يتغير
إن شاء الله خير

mohamed ghalia يقول...

بـسـمـــة صـــــلاح
بجد بجد حضرتك الى منورانى
وربنا يعينك فى الإمتحانات
والمدونة مدونتك اتكلمى برحتك

mohamed ghalia يقول...

hager za3bal
لازم نتغير بقى ونبطل العادة دى
منورانى دايما

mohamed ghalia يقول...

hasona
وعليكم السلام ورحمة الله وبركاته
حضرتك عندك مدونة أنا دورت ومش لقيت ياريت لو فيه تقولى على لينكها بجد
حقيقى دايما منورنى
ويارب كلامى يوصلك

mohamed ghalia يقول...

Sweet Violet
موضوع المعاملة ده عايز موضوع لوحده ياضد
إن شاء الله تشوفيه هنا قريب انا خلاص جهزته بس بشوف الوقت المناسب

mohamed ghalia يقول...

رؤية
المهم نشوف مواطن المشكلة ونحط ادينا على الجرح
منورانى دايما

mohamed ghalia يقول...

شموع
حضرتك الى منورنى دايما
يارب نقدر نتخلص من الشمالعة دى
وتتحول لشموع تنور حياتنا

mohamed ghalia يقول...

اللؤلؤة
أستاذى الغالى
منورنى دايما
إن شاء الله نخلص منها
دمت فى سعادة

mohamed ghalia يقول...

ghorBty
ياريت نبطل نعلق اخطائنا على الشماعة
هنتغير كتير أكيد
منورانى دايما ياغربتى

mohamed ghalia يقول...

kochia
منورانى بعد فترة غياب
الشماعة بقت فعلا المسئول الأول عن أخطائنا
إن شاء الله نتخلص منها

mohamed ghalia يقول...

همس الاحباب
خالد باشا منورنى
ايه الغيبة دى كلها
يارب أكون قدرت احللها كويس

mohamed ghalia يقول...

المعلم محمد صاحب المطعم
ايه يامحمد كده كل مرة تحبطنى هههههههههههههه
سيبنى ياعم أحلم شوية ومتصحنيش
هههههههههههههه
منورنى دايما حبيب قلبى

mohamed ghalia يقول...

7annen
منورانى بجد
وسعيد بالتواصل الى بينا
ربنا يديمه
ربنا يسعد أيامك

ديالا يقول...

كلنا بنعلق اخطائنا علي شماعه الغير

ونقول احنا والله كويسين بس اصل العيب من كذا وكذا

ده لازم

بس بينا وبين نفسنا بنبقي عارفين ومتاكدين ان احنا غلطانين

تقبل مروري

aidy يقول...

فمن يتهيب صعود الجبال

يعش أبد الدهر بين الحفر


* ***

جميلة اوى المقولة دى

موضوع رائع

ياريت فعلا الشباب يبصوا لقدام

ويكون عندهم هدف مستعدين للمخاطرة علشانه

تحياتى

احساس طفلة محبة للرومانسية بس واقعية يقول...

مش هقول البوست دا هايل يا محمد عشان كل بوست بقول كدا :)

جميل اننا على الاقل نعترف ونواجة نفسنا بأخطائنا ومنلومش فيها غيرنا
مش كدا وبس لا كمان نحاول من جديد مرة واتنين وعشرة

لان عمر ما كانت الراحة بتجيب سعادة لازم نتعب عشان على قد تعبنا نحس باننا حقيقى حققنا حاجة وتعبنا فيها

تسلم ايدك
دائما كدا فموضوعاتك فى طاقة بتدفعنا للسعادة

شكرا ليك
تقبل مرورى

موناليزا يقول...

عاجبنى اوى نظرتك للامور وروح التفاؤل والمثابرة السائدة فى المدونة
دعاءى الدائم لك ان تظل هكذا الى الابد

Kiara يقول...

فمن يتهيب صعود الجبال

يعش أبد الدهر بين الحفر

**********

بوست مفيد اوي وهيفيدنا اكيد

واصبت في اختيارك المثل

*************

حمد الله علي السلامه

غير معرف يقول...

أنا أول مرة اعرف ان صاحب هوندا حصله كدة

انت كدة حتخلينى اروح ابحث سيرة حياته


....

هو للآسف فعلا الشماعة دى على طول موجودة محدش يحب يطلع العيب عليه و ده فى حد ذاته حيخلى الناس دى عندها شمعات كتيييييير

غير معرف يقول...

لأن محدش بيحاول يشوف فين غلطه و يصلحه

SHAPE YOUR LIFE (ABOALI) يقول...

حبيب هارتى يا غالى

ايه الجمال ده

نسيب بقى احنا شغلنا واكل عشنا وانت تشتغل بدلنا

فعلا لمست موضوع هام

ودايما الانجليز يقولوا

المبررات العشرة

يعنى لو بتكلم واحد واتاءخر عن الشغل
هايطلع عشرة مبررات جاهزين فى الجيب

حل موضوع الشماعة ده

استخدام الشماعة فيما يفيد

يعنى نعلق بدلة او قميص او حتى فانلة

بالطريقة دى سنستخدم الكلمات فى محلها

وعن البدء فى وضع الاعتذرات نستبدل ذلك بقولنا
نحن اخطئا وسنصلح من انفسنا


الموضوع جميل يا محمد

ويظهر صحتك جت على الامتحانات واثرت على النمو العضلى لعقلك الباطن
فحدث له استثارة حسية

ولالالالالالالالالالالالالالالالالا ايه

شكرى وتقديرى

عايش... ولكن !!!! يقول...

هيا اصلا الشماعه خلاص قربت تتكسر
من كتر ما بنعلق عليها اخطائنا

Ahmed يقول...

وحشتنا موضوعاتك يامحمد
وحشنا صوتك وتفاؤلك

الشماعه تعبت وبقت مظلومه معانا

ده لأن العقل بطبيعته اقتصادي في كل تصرفاته
العقل بيختار أسل الحلول وأقربها, بنبقى عارفين كده ومع ذلك بنستسلم بسهوله

أبو العريف يقول...

باشا
المشكله اني ده بقي عادي
طبيعي
بقينا احيانا نفكر في المبررات من قبل ما نتيجه مجهودنا تظهر
يعني بنجهز المبررات احتياطي

وبعدين يا اخي
المس لاخيك سبعين عذر
الكلمه دي بقت شماعه كبيره
لان محدش فاهم المقصود منها

تحياتي

Unknown يقول...

السلام عليكم ورحمة الله وبركاته
مواضيعك كلها هايله يا محمد ومدونتك ايجابيه جدا وده اللى بيعجبنى فيها
عن مدونات اخرى
بدون مجامله
انت فى ليست المدونات عندى وبتابعك بس بجد مش كنت بعرف اعلق عندك لظروف الدراسه
نرجع بقا لموضوعنا
الشماعه دى اكبر مصيبه فى مجتمعنا كله
بنحط اخطاءنا عليها .. عشان منحاولش نحس بتأنيب الضمير من نحية نفسنا وانها غلطت
زى بالظبط اللى بيعلق ضياع طموحه على الظروف
وان احلامه مستحيله التحقيق
غصب عنه
بس مش لأنها صعبه
عشان هو مسعاش ليها
دنا الحلم ده متوقف على انى يكون معايا فلوس طب انا مش معايا فلوس خلاص العلم ضاع .. محاولتش تشتغل عشان تكون الفلوس وتكون كوسيله عشان توصل للهدف والحلم
ده مثال والله الناس كلها بترمى العيب
على الحكومات وما الحكومات الا افراد ان صلحنا وكنا احنا ايجابيين كانوا هما زينا
الشماعه دى مصيبة مجتمعاتنا اتمنى فعلا نتخلص منها ونعرف اخطاءنا فين

دمتم بود وطبعا لن يسعنى الوقت ولا الكلام فى الحديث على الشماعه لأنى بكرهها
وبحاول حتى مع نفسى اتخلص منها
شكرا يا محمد على عرضك الموضوع

طـائر الليــل الحـزين يقول...

ياااااااااااااااه
وانا اقول الشمعات غالية ليه قوى دلوقتى
عشان كلنا بنستعملها بكترة
تسلم ايدك يا محمد
تحياااااااااااتى

mohamed ghalia يقول...

ديالا
معاكى حق بينا وبين نفسنا متأكدين اننا غلط وبندور على حجج
منورانى دايما
------------------------------
aidy
إن شاء الله كلنا نبقى بالتفاؤل ده
----------------------------------
احساس طفلة محبة للرومانسية بس واقعية
لا يدرك النعيم بالنعيم
لازم نجتهد ونتعب عشان ننجح
متفق معاكى تمام
منورانى دايمااااااااااا
------------------------------
موناليزا
الحمد لله إنى الموضوع عجب حضرتك
وإن شاء الله مش نتغير
----------------------------------
كيــــــــــــارا
الحمد لله انى الموضوع عجبك
وربنا يعينك على الحر ههههههههههههه
-------------------------
انا ودماغي
أيوه هوندا حصله كده والراجل قام تانى من جديد
إن شاء الله نشوف غلطنا ونصلحة
منورانى دايماااااااااا
-----------------------------
ABOALI
حبيب قلبى منورنى دايما
أخبارك ايه؟
ان شاء الله نبطل مبرراتنا
كويس انى العودة عجبتك مع انك عداك الموضوع الى فات
بس يلا سماح بقى ههههههههههههه
---------------------------------
عايش... ولكن !!!!
هههههههههههههههههه
معاك والله فعلا قربتن تنكسر من كتر مشاكلنا
منورنى بزيارتك
-------------------------------
أحمـــــــــــــد أبو العلا
باشا منورنى والله
وليه بس قفلت التعليقات
ربنا يكرمك ويسعدك دايما
------------------------------
أبو العريف
فعلا أحيانا بنفكر فى المررات قبل حتى منغلط
حاجة غريبة
-------------------------------
اسماء جمعه بنت الشمس
وعليكم السلام ورحمة الله وبركاته
حقيقى سعيد بتشريفك بالزيارة ليا
ومن لا يعرف بنت الشمس
انا طابعا متابعك من زمان
وحقيقى سعيد جدا بزيارتك
وبالتوفيق فى دراستك
معاكى حق
كلنا بنكمل بعض مشكلتا مش حكومة بس أو أشخاص بس
كلنا بنكمل دور مجتمعنا
دمتِ فى سعادة
-------------------------------
طـــائر الليــــل الحـــــزين
ههههههههههههههه
أيوه عشان كده الشمعات غليت
الحقى بقى اشترى اتنين وخدى واحدة هدية هههههههههههههههههههههه
منورانى دايما

محمد فوزي يقول...

اول طريق النجاح هو كسر الشماعه
فعلا مش بهذر والله , عشان تنجح لازم كل حواسك وعقلك وقلبك يؤمن إنك انت المسئول مش أي حد ومش أي حاجه تاني
مسئول عن نجاحك وصعودك ومسئول عن فشلك وركودك ,

لو فيه عشر معوقات قدام نجاح أي إنسان واحد من نفسه وتسعه من خارجه يبقى يشتغل على الواحد اللي من نفسه ولا يستنى لما التسعه يتصلحوا ؟

جانب من الإيمان العملي إذا صح التعبير

mohamed ghalia يقول...

محمد فوزي
هايل والله يامحمد
جانب من الإيمان العملى فعلا
منورنى دايما

المعتصم يقول...

بسم الله الرحمن الرحيم
السلام عليكم ورحمة الله وبركاته
صديقى العزيز محمد
تحياتى
معاك حق فى كل اللى بتقول عليه
الشماعه دى موجوده فى حياتنا بصورة فظييييعه
والمشكله ان كل واحد بيعلق عليها مشاكله
بيفضل يقول فى الكلام ده لغاية مايصدقه ويقنع نفسه انه مش هو السبب فى الفشل اللى هو فيه وان الاسباب والظروف وحال البلد هو السبب
ههههههههههههههه
بس موضوع اننا نستغنى عن الشماعه ده صعب خالص يامحمد
لاننا ببساطه خلاص اتعودنا عليها ومش بنقدر نعيش من غيرها
ومتهيألى انه من الصعب اننا نستغنى عن حاجه متعودين عليها خالص فى كل امور حياتنا
بس ياريت نحاول محاولة جاده فى اننا نجرب نستغنى عنها
ومن المحاولات هنعرف فعلا الاسباب اللى بتخلينا نفشل فى الحاجات اللى بنفشل فيها وبالتالى هنعرف طريق النجاح
ربنا يكرمك يامحمد وينجحك ويوفقك فى دراستك ويحققلك كل ماتتمنى يارب
تقبل مرورى وتحياتى ودمت بكل خير وود
والسلام عليكم ورحمة الله وبركاته

قلم رصاص يقول...

السلام عليكم ورحمة الله وبركاته

اخي الغالي محمد

كفيت ووفيت

فعلا موضوع الشماعة ده أصبح حقيقة تعيش الى جوارنا بل واصبحت فرد من افراد الاسرة

لأ وايه اتعودنا عليها زي تعود الانسان المصري على الفول

والفول تاعب دماغه طبعا وعاطيله اجازة ، وفي نفس الوقت يتعب لو لو سابه
ههههههههههههههههههه

وتقييم الانسان لنسه هو ده المحك الحقيقي اللي يجب ان يكون

ولازم نكسر الشماعة او نبيعها ياعم حتى نشحتها مش مكشلة المهم نخلص منها
ههههههههههههههههه

في حفظ الله

(Joudy) يقول...

السلام عليكم

حقيقى ماشاء الله عليك عندك حق فعلا لو بجد قدرنا ناخد القرار بالمواجهة مش التبريبر حقيقى هننجح وهنقدر نحقق كل اللى نتمناه بمجرد ما نتخلص من شماعة الأخطاء هنصلح حقيقى من أنفسنا

سلمت وسلم قلمك وسلمت كلماتك تقبل مرورى

دمت بكل الخير

yoyo يقول...

صباحك سكر

حمد لله على سلامتك من الامتحانات نورت مدونتك من جديد معليش متاخر بقى لظروف خارجة عن ارداتى

عندك حق يا محمد ان لو كل انسان فكر فى اخطائه و بدا انه يصلح الاخطاء دى واحدة واحدة مش هيكون نفس الخطا دا تانى
بس المهم اننا نواجه نفسنا ومش نهرب و نحاول ندور على اى مبرر اللى بيه بنخدع الناس ومن قبلهم نفسنا
يعنى الاول نحاسب و نقيم نفسنا وقتها هنقدر ننجح و نتواصل بشكل افضل

دمت اخى بالف خير
تحياتى
يويو

حياتى نغم يقول...

السلام عليكم / جزاك الله خيراً على تدويناتك المتميزه وبالتوفيق دائماً .

EMMY BABY يقول...

هييييييييييييييييييييييييه لحقت التعليق رقم 62 بلا فخر

هو ده التميز فعلا

هههههههههههه

على فكرة والله فعلا موضوع الشماعة ده منتشر اوى كل واحد عنده دولاب مليان شماعات
شماعة متعلق عليها الظروف وشماعة النصيب وشماعة الحظ وشماعة الناس وشماعة الصحةعلى القد وشماعة معييش فلوس
وووووووى

مع ان الانسان لو اعترف ان هو اللى غلط وشاف مقصر فين المشكلة هتتصلح

على فكرة القصيدة عجبتنى جداااااااااا

ادينى منها حتة لو سمحت :P

تحياتى
ايمى

وردة يقول...

ماشاء الله عليك يا محمد
بجد رائع والاروع ان نبحث عن سبب فشلنا داخلنا وليس حولنا لاننا دائما ما نمسك في الفروع ولا نقترب لاي ثابت حتي لو كان خطأ
ربنا يوفقك ويكرمك دائما
وحمد الله علي سلامتك

جنّي يقول...

السلام عليكم

كيف حالك اخونا محمد ناثر الساعدة ..

موضوع جميل والشماعة وسيلة الفاشل لتبرير فشله ..

الفراشة الصغيرة يقول...

موضوع شيق جدا
ومهم فعلا

فللاسف كلنا بنعلق فشلنا على شماعه غيرنا

مع ان ربنا ادانا عقل نفكر بيه
ونعرف الحقيقه لوحدنا

اما عن كلمات الشيخ القرضاوى
فهى فعلا ايجاز بسيط لمن يفهم السعاده بالمفهوم الخاطىء لها

خالد فوده يقول...
أزال المؤلف هذا التعليق.
خالد فوده يقول...
أزال المؤلف هذا التعليق.
خالد فوده يقول...

ليه بس كده
ماكنت تسيب الموضوع ده لبعد ما النتيجه تتطلع علشان نعلق فشلنا علي حاجه

علي العموم موضوعك جميل
بس طبعا مش الشماعه لواحدها هيا السبب
بعضا من الاشياء التي ذكرتها ممكن يكون لها سبب
يعني لما الامتحان يكون جاااي صعب ومش في المنهج نسأل سقط ليه؟؟
لما رجال اعمالنا يستثمروا اموالهم في الخارج نسأل اقتصادنا تعبان ليه؟؟؟
وهكذا
دمت سعيد

ومازلتُ أتعلم يقول...

ماشاء الله على البوست
رااائع
مشكلة تعليق الاخطاء على شمعة
مشكلة جداً وبتخلينى فعلاً فى خمول
ومش هنتقدم أبداً

كلمات شيخنا القرضاوى تحفة

ربنا يجازيكم خيراً على الموضوع الجميل ده

اعشق فى الليل ضوء القمر يقول...

السلام عليكم ورحمة الله وبركاته

حمد لله على سلامتك يا أبو حميد
وعلى الله تكون أبليت حسنا فى إمنتحانات

تقبل منى
اعشق فى الليل ضوء القمر

Unknown يقول...

السلام عليكم
والله الشماعه دى جت بالوراثة والعادات الخاطئة للتربية والقاء اللوم على الاخرين
وعدم الاعتراف بالحق
تحياتى على الموضوع الحلو

NEW Teawater يقول...

علي فكرة انا اول مدونة الاقي نفسي بابرشت عليها هي مدونتك ووحشاني بجد جدا المدونة الذيذه ديه العسل
يا راشي انا قريت البوست وجميل جدا بس الواحد ع فكرة لما بيبقي متعصب مبيصدق حاجه كده يطل فيها غضب وهو ده دورها بس لما اكيد بنهدي بنعرف الصح من الغلط
تقبل مروري وشكرا انك كنت بتسال عليا فترة غيابي وياريت تشرف المدونة الجديده

TIMMY !! يقول...

فعلا ,
لازم نعتمد على نفسنا - بعد الله طبعا - , و ما نعلقش فشلنا و لا نحاول نبرره ,

شمس النهار يقول...

ده العرب عندهم مصنع شماعات
واهم شماعه ان الدنيا بتتأمر عليهم
عشان كده مش عارفين يعملوا حاجه

بستان الحب يقول...

أبنى محمد غاليه النت نور وعادت موضوعاتك الرائعه الهادفه ادعو الله ان تكون النتيجه كما تتمنى (نتيجة الامتحان)وان تكون من الاوائل باءذن الله دمت مبدعا

Ghada_Ibrahim يقول...

جمعة مباركة أخي محمد ،،

وباركـ الله لكـ في رجب وشعبان وبلغكـ رمضان // ^_^

موضوع الشماعة راق لي كثيرا كعادة موضوعاتكـ المتميزة ،،

فعلا أصبحنا نعلق أعذارنا على شماعة دائما ما نجدها لا تنصف النتيجة أبدا !!

فكما قلت أصبحنا نتخذ لنتائجنا اسبابا أخرى نثقل بها كاهل الغير دون أن نثقل كواهلنا بأسباب فشلنا ،،

أخي محمد رائع وكالعادة ،،

مع تمنياتي لكـ بالتوفيق وأدام الله لكـ هذا العقل النير الواعي ..

^_^

كن بخير ,,

ندا منير يقول...

فعلا دا اللى مودى مصر لورا محدش بيعترف بغلطه وبيبرر الغبط بغلط اكبر منه

Qatarat Nada يقول...

والله والله والله
بعجز بالكلام انى اوصف مدى اعجابي الشديد بالمواضيع والبوستات اللى حضرتك بتكتبها
بجد البوست دة ممتاز
والله روووووووعة
فعلا بييجي علينا ايام بنستخدم مبررات لاشياء واخطاء احنا اللى اقترفناها
رااااااائع
تسلم يمناك

*******************
انتظروا عما قريب
مذكرات 4 ايام اسكندرية
واعرفوا اللى حصل بالتفصيل الممل
فقط وحصريا على >>>>
http://kataratnada.blogspot.com

عمرو يقول...

الشماعه دى بقت شىء أساسى فى حياتنا .. و النجاح مش سهل و طبعا مافيش أحلى من الاٍستسهال و القعاد فى الطراوه ..
ربنا يستر ..
تقبل تحياتى و تقديرى ..

dina يقول...

و الله دى مش مشكلة اشخاص...دى مشكلة بلد اصلا....لو للحظة كانت عندنا الجرأة و الشجاعة اننا نواجه نفسنا اكيد حنتغير
تحياتى

prince4ever يقول...

اول تعليق اهو متكلمش خالص :)
ازيك يا حبيب قلبي و يا برنس يا كبير...و الله واحشني جدا وانا مقصر انا عارف بس اعذرني...و الله ما هو بمزاجي...

قريت الموضوع و موافقك على كل كلمه فيه...مفيش حد بيعترف بخطأه...كله يبررلك...و تلاقي كل واحد قولك انا مش غلط فتستغرب ..طب ما احنا عايشين في يوتوبيا و دنيا الملايكه اهو..امال الغلط جاي منين

بس جامد يا معلم.. وتقبل اعذاري عشان بجد مكسوف اوريك وشي
:)
سلام يا جميل

غير معرف يقول...

على قدر المخاطر تأتى الأرباح
ـــــــ

كلامك رائع بجد يا محمد

لازم كل واحد يتحمل عواقب قرارته واخطاءه

ويشوف فين المشكلة ويحلها

مش مجرد يخلص نفسه من التهمة ويرميها على حد تاني ويبقي كده حلها

مشكور كتير ع البوست الجميل ده

بالتوفيق ان شاء الله

Yasmine Madkour يقول...

ما إن قرأت عنوان الشماعه إلا و تداعي إلي ذهني هذا المعني ..
كم أكره الشماعات !!

mostafa rayan يقول...

(على قدر المخاطر تأتى الارباح )
كلام فى الجول ياصاحبى
تحياتى لك

sara draz يقول...

بجد ما شاء الله بوست هايل
وحلو اوى وبجد استفدت
وفعلا لازم الواحد مش كل مرة يقعد يدور على مبرر لفشله ..بدل ما يدور عليه يدور على سبب فشله الحقيقى ويصلحه
لازم الكل ينسى شماعة الظروف اللى مش ورانا غيرها دى
لازم نتقدم بقى
وتحياتى اليك
وتسلم

Eno يقول...

كلامك صح مليون الميه يامحمد وفعلا نبدأ بأنفسنا الاول في اننا نترك شماعة الاخطاء وخلق حجج ومبرارات وكلام القرضاوي بجد حلو اووووووووي ويحث علي الفعل فعلا :)

تحياتي :)

فراشة يقول...

شماعة لدى البشرية بأكملها
ولكن لكل شخص شماعته الخاصة فبعض الاشخاص اصبحت شماعتهم من فولاذ اصبحوا لا ينظرون لاخطائهم ابدا فلهذا قويت الشماعة واصبحت من فولاذ
وغيره اضعف واضعف
وهناك من يملكون ضمائر واعية يحللون الاخطاء ويتوصلون لاسبابها فيعاودون المحاولة فينتهى بهم الحال بالنجاح والتفوق

جميل ان تتصارح النفس مع خطأها لكى تبتعد عنه
ولكن ليس الجميل ان نظهر بافضل صورة لدى الجميع ونظهر بأن الاخطاء ليست منا
فهذا يؤدى الى الفشل الابدى

بارك الله لك يا محمد
فانت نعم الكاتب والقارىء معا

اسماء واحلام فى وجدانى يقول...

اخى الفاضل اتشرف دوما بتواجدك

الدائم عندى واعتذر لك عن تقصيرى معك

Hossam يقول...

صديقى محمد
الموضوع اكثر من رائع عندك اسلوب رائع بتخلى الواحد يقرا عشان يعرف ايه الشماعة دى
نظريتك صواب واضم صوتى الى صوتك لترك الشماعة اللعينة
تحياتى لك صديقى
سلام