dupport me

الأربعاء، 21 أكتوبر 2009

!هو مين الى بيفسد؟

عندما تستيقظ فى الصباح وتجلس على مائدة إفطارك وبعدها تتناول كوب الشاى أو القهوة المفضل وأنت تطالع جرائد الصباح تطالع العناوين والمقالات لكتابك المتميزين والذين اعتدت على متابعتهم فتجد الجميع زعماء وقادة وكتابا جميعهم يبحث عن الإصلاح ويتكلم ويكتب عن الإصلاح وكيف ينصلح حالنا سياسيا واقتصاديا وأخلاقيا .

وفى الساء حينما تعود من عملك وتتناول عشائك تفتح التلفاز لتشاهد البرامج الحوارية التى تفضلها ومقدم برنامجك المفضل فتجد الجميع أيضا يبحث عن الإصلاح والنهوض والتقدم

وهكذا تقريبا غالب الناس حكاما ومحكومين ينادون دائما بأنهم يبحثون عن الإصلاح والسؤال الأن لما الشعب كله بيدور عن الإصلاح والتغيير أمال مين الى بيفسد بالظبط؟!!!

تستشعر أن الأمر مجرد شعارات رنانة لاتسمن ولا تغنى من جوع وأن من يريد أن يصلح حقا ينبغى أن يعمل فى صمت ويبدأ بنفسه أولا ثم بمن حوله وليس العكس. يحكى أن شابا قال سأصلح العالم بأسره وأجعله يعيش فى سلام ووئام وحب وبعد عشرون عاما اكتشف أنه لم يفعل أى شىء لأنه مجرد نقطة فى بحر وأنه لن يؤثر فى هذا العالم بأجمعه فقرر أن يضيق التحدى وقال سأصلح مدينتى بالكامل وأجعلها مدينة أشبه بالمدينة الفاضلة ومرت السنوات أيضا وأدرك أن حلمه كان مجرد سراب فقرر أن يضيق النطاق مرة أخرى قال سأصلح فقط أهلى وعائلتى ومرت السنوات ولم ينجح فيما أراد .نظر يوما فى مراّته ورأى التجاعيد قد ملأت وجهه وانحنى ظهره وتساقط شعره وضعفت قوته قال أدركت الأن خطأى كان ينبغى أن أبدأ بنفسى أولا فأصلحها وأهزبها لأنى فرد فى هذا المجتمع إذا إنصلح انصلح سائر المجتمع..

فى مسلسل يوميات ونيس وفى هذه الرواية تستشعرالتسلسل الصحيح للإصلاح الحقيقى الرجل بدأ بنفسة وأولاده كان يغرس المعنى والقيمة فى نفسه وفى أولاده من هم تحت رعايته وطوع بنانه

ثم خرج إلى حارته يحاول الإصلاح فنجح وعندما تولى منصبا استطاع أن يصلح من خلاله لأنه نجح فى أن يبنى قاعدة يسير منها هذا هو الإصلاح الحقيقى لا إصلاح الشعارات الرنانة الجوفاء.

هذا هو الإصلاح الذى ننتظره أن تطبق على نفسك مقاومة الفساد والرشوة والوساطة وغيرها قبل أن تدعو الناس إلى ذلك .أن تعامل الناس حقا كما تريد أن يعاملوك.

أعلم أناسا قريبين من شخصيات بارزة فى الظاهر هم دعاة إلى الإصلاح والتقدم ومنارة للإصلاح والمصلحين وحينما تسأل من هم قريبين منهم تكتشف عنهم عجبا عجاب وبأنهم أكثرالناس إستخداما لما يقاومونه ويعارضونه وربما وصلوا إلى ماوصلوا إليه بالوساطة فقط !.

فعن أى إصلاح يتحدثون إذا ؟! فالأمر ليس مجرد شعارات وكلمات تقال ((إن الله لا يغير ما بقوم حتى يغيروا ما بأنفسهم)).

لتكن قائما على نفسك أولا ثم أسرتك ومن هم مسئولون منك فأنا وأنت وهو وهى كل واحد منا لبنة فى هذا المجتمع إذا إنصلح حال كل واحد فينا حتما سينصلح المجتمع . واحذر أن تكون انت سببا فى ضعفه وانتكاسته . فطالما الكل يدعو الكل إلى الإصلاح يبقى مين الى بيفسد؟؟!!

أكيد ناس من كوكب تانى!!!

هناك 91 تعليقًا:

(Joudy) يقول...

صحيح لما لكهم بيصلحوا بالشكل ده ليه بقى مقلوب حالنا مش عارفة بس اللى متاكدة منه إنى لو عملت حاجة كويسة كتيير هيغيروا ويعملوا زيى ومش لازم أقول هصلح الكون هى نفسى الأول لو قدرت عليه كل شئ هيكون أسهل بعد كده

دمت بكل الخير والسعادة

Unknown يقول...

جميل يا محمد
عندك حق فى كل كلمة
و بهذه المناسبة ازف اليك
اخر اخبار الحزب الوطنى الذى لا يمل
من الحديث عن الإصلاح و ان الناس لا يتقبلون التغيير بسهولة بينما هو ما شاء الله يقاوم كل تغيير فى المجتمع

و لا حول و لا قوة الا بالله

mohamed ghalia يقول...

(Joudy)
تمام ياجودى هى نفسك الأول
وكل واحد كده وأكيد حالنا هيتصلح
منورانى دايما

mohamed ghalia يقول...

بدراوى
ربنا يكرمك ياعمنا على الخبر السار ههههههههههههههه
هو لسه فى احزاب فى البلد
ربنا يستر علينا
منورنى ياصاحبى

د.مادو يقول...

السلام عليكم
ازيك يا محمد
انا كنت معدى قولت اسلم عليك
وحشتنى
ليا مداخلة تانية ان شاء الله لما أقرا موضوعك
يا رب تكون بخير

mohamed ghalia يقول...

د.مادو
دكتور
أخبارك ايه
بجد المدونة نورت
حمدا لله على السلامة
ربنا يكرمك دايما

الجواز و سنينه يقول...

انا يادوب رديت على الموضوع اللى فات
لحقت نزلت ده امتى
طيب بكره ارجع بقى

الجواز و سنينه يقول...

انا قلت بس احجز مكان
حكم احنا نعشق الحجز
هع هع هع

لاسع افندى يقول...

يعنى هو الكلام بفلوس




تحيه لاسعه

حياتى نغم يقول...

السلام عليكم ورحمة الله وبركاته

كلام جميل لا خلاف عليه ..
هناك قاعدة قرأتها تقول اصلح نفسك وادع غيرك .
بالفعل لابد من أن نصلح من أنفسنا أولا ولكن لا غنى عن دعوة غيرنا ثانياً .

أما عن الإعلام فهو أضحوكة هذا الزمان وفيه مما يضحك و مما يبكى وحسبنا الله ونعم الوكيل ففيه الحق باطل والباطل حقاً وفيه يتحكم المسئولين عما يشغل الناس .

------ يقول...

اذا اردت تغير الكون

فأبدأ بنفسك اولا

امشى بمبدأ ركز على نفسك

اصلح نفسك وبعدين اصلح من حولك

موضوع جميل

ليس فقيرا من يحب يقول...

عندك حق فى كل كلمه
مفيش حاجه هتنصلح
الا لما كل انسان يبدأ
يصلح نفسه الاول

بوست هادف وقيم

اسماء واحلام فى وجدانى يقول...

يوميات ونيس جميلة بس احداثها تحقيقها من ابعد المستحيلات بشكل واقعى اوى لو مشينا واحدة واحدة هنقول واحد عنده اربع اولاد والاربعة هيبقى عندهم 12 والـ12 هيكون عندهم 36 ولو فضلنا ماشين كده تفتكر لو وصلنا لحد 10 الآلف هيعملوا حاجة فى 90 مليون طبعا استحالة ده غير ان اكيد هيكون مع تباعد الاجيال هيكون فيهم فسادين لانهم احتكوا بالحياة وبعدوا خالص عن المبدا اللى اتزرع فى ابائهم

((إن الله لا يغير ما بقوم حتى يغيروا ما بأنفسهم))
كلام ربنا مش فى اى جدال بس ازاى نقدر نحققه واحنا فى جو ايمانه ضعيف

غير معرف يقول...

ناس من المريخ هم اللى بيعملوا كدا

هههههههههههههههههه

كوكب الارض دا مليان ملايكه دا كلام برضه ياراجل

ال فساد ال

دول ملايكه دول وش افساد دول دول بس فالحين ينادوا بالاصلاح

ربنا يعنا

حنين

marmar يقول...

طب متصلحو نفسكم الاول قبل ما تعملو برامج وكتب ومقالات و الذي منه
يعني لو كل واحد بادر بأصلاح نفسه قبل اي حد الكل هيتغير وهتبقى المشاكل معدومه يعني لو حكومتنا الفاسده صلحت نفسها الشعب هيمشي عدل
وكل واحد عارف اخرو كويس بدل ما البلد ماشيه كوووووووسة كده
ربنا يعينا على ما نحن فيه من حكومه فاسده وشعب بيحب الاستعباط
اخبارك ايه يا محمد يا جميل وعامل ايه في الجامعه والدراسه
ربنا يوفقك يا جمييييييييييل

حياتى نغم يقول...

السلام عليكم ورحمة الله وبركاته

والله أنا حزينة لرأى الزملاء ..

الصحابة رضوان الله عليهم كانوا يخطئون والتابعين وتابعيهم رضوان الله عليهم جميعاً ، ومع ذلك لم يتركوا الأمر بالمعروف والنهى عن المنكر والفتوحات والغزوات والمؤلفات ونشر الدين ..

نعم لسنا ملائكة نحن بشر ولكن كما قال ابن تيمية ..حقاً على شاربى الكؤوس أن يتناصحوا فيما بينهم ..

وكما ذكرت لابد للإصلاح فى النفس مع دعوة الغير فى نفس الوقت وليس بعد ذلك فمن رأى فى نفسه الصلاح فهو أول من يحتاج للإصلاح ..

ودامت مدونتكم متميزة .

مي يقول...

(إن الله لا يغير ما بقوم حتى يغيروا ما بأنفسهم)).
فعلا كل كلامك صح يمكن العفاريت هما اللى بيفسدوا
عارف انا برضه لسه شايفة فى برنامج يقولك نفى الوزير كذا وبعدين يطبق القرار طب ازاى بينفى ويطبقه او مين اللى بيطلع القرار وينفيه
لخبطونى خلاص
بس فعلا احنا المفروض نبدا من نفسنا نصلح نفسنا مننتظرش الناس اللى تبدا واحنا مجرد ألسنة بتررد زى البغبغانات ومبنعملش حاجة
بجد موضوعك حلو جدا وايجابى تسلم ايديك

رابطة هويتي اسلامية يقول...

السلام عليكم ورحمه الله وبركاته

جزاكم الله كل خير يا اخى على الموضوع القيم
ويجب ان نسير بمبدأ اصلح نفسك وادعو غيرك كما قالت اختنا

نريد رايك فى حوار بين مصرى وجزائرى بخصوص مباراه كره القدم على الرابطه

فى انتظارك رأيك يهمنا

اسره رابطه هويتى اسلاميه

mohamed ghalia يقول...

الجواز و سنينه
تم الحجز يافندم فى إنتظار التعليق
منورانى دايما

mohamed ghalia يقول...

لاسع افندى
معاك حق ياعمونا خلينا نتكلم
منورنى ياصاحبى

mohamed ghalia يقول...

حياتى نغم
جميلة أوى القاعدة الى ذكرتيها
ربنا يعينا على أنفسنا أولا
متشكر جدا على كلامك المهذب فى حق مدونتى

mohamed ghalia يقول...

همســات عــلى ضــوء الــقمر
ربنا يعينا على اصلاح أنفسنا
دمتِ بكل الود

mohamed ghalia يقول...

ليس فقيرا من يحب

يارب الناس الى بتنادى بالإصلاح يقتنعوا بده
منورانى دايما
دمتِ فى سعادة

mohamed ghalia يقول...

اسماء واحلام فى وجدانى
ذكرت يوميات ونيس كمثال ورواية هدفة مش شرط انها تصلح كمنهج متكامل انا اقصد الفكرة فى حد ذاتها
لكن يبقى الإصلاح الحقيقى اصلاح النفس
منورنى يا أحمد ومبروك مرة تانية على الكتاب

عمرو جويلى يقول...

السلام عليكم
موضوع قيم جداً يا محمد
ومفيد للغاية
ودام قلمك
ودمت لنا مبدعاً

mohamed ghalia يقول...

7annen
معاكى حق فساد ايه انا شكلى كنت بهلوس
داحنا مسكرين خالص ههههههههههههههه
منورانى ياحنين

mohamed ghalia يقول...

marmar
يارب يسمعوا الكلام يامرمر
إن شاء الله حالنا ينصلح قريب
دراسة ايه يابنتى انا اتخرجت السنادى خلاص بقى سبنا التعليم للصغننين الى زيك هههههههههههه

mohamed ghalia يقول...

مي
شكلهم العفاريت الوحشين
لالا عادى بنسمع من ده كتير
ربنا يهدى
منورانى دايما

mohamed ghalia يقول...

رابطة هويتي اسلامية
وعليكم السلام ورحمة الله وبركاته
بإذن الله نشارك
دمتم بكل الود

طوبه فضه وطوبه دهب يقول...

احييك بشده ان الله لا يغير ما بقوم حتى يغيروا ما بانفسهم وان اردنا التغير فبانفسنا فلنبدء تسلم ايدك ولو كل واحد فكر صح اكيد هنغير وهنتغير ربنا يكرمك ويجعله فى ميزان حسناتك

صفــــاء يقول...

اة هما من كوكب تانى
نفس الناس اللى غنى لهم مدحت صالح

Ahmed يقول...

المدون الجميل محمد جبيب قلبي

كتير بننغمز في بحر الكواعظ وبننسى نفسنا
كتير بنمشي ورا الانتقاداتنا للناس وبننسى اخطائنا
كتير اوي

بس الجميل لما نسمع بهدوء كلمه يمكن تفوقنا

يارب تفوقنا

ريمان يقول...

السلاااااااام عليكم



مش هكلم تانى عن اعجابى بمدونتك وباسلوبك وبحسن اختيارك للمواضيع


انت عارف رايى من الناحيه دى كويس


انت بجد عندك حق انك تذكر مثال زى مسلسل عائله ونيس


انا على فكره بتفرج عليه وبشوف الاجزاء الاولى


بصراحه يا ريت بجد كل اسره فى المجتمع يكون فيها شخصيه زى ونيس


ساعتها بجد حاجات كتير اوى هتتغير


لان ربنا قال


حتى يغيروا ما بانفسهم

وهى دى القاعده

وهى دى البدايه

بس على فكر مشكلتنا احنا كأبناء مش عارفين نغير او مش عارفين نسيب اثر لان اولياء امورنا ليهم مبادىء واساسيات ثابيت علايها مش عايزين يغروا مع ان فى كتير منها غلط

ولو جينا احنا نلكم او نغير بيقولولنا انتم هتربوا من جديد؟

ومش بنلاقى بعد كده قيود بتتفرض علينا اكتر من الاول


بس انا حاسه اننا نقدر نحقق ده لو بقي لينا اسره مستقله بينا فى المستقبل ان شاء الله

mimi يقول...

المشكلة يا محمد إن الناس فاهمة إن الإصلاح بالكلام وبس

والنقد بس

محدش قال أنا هبدأ بنفسي ...

كله كلام وخلاص

بجد سؤالك صح ... لو كل الناس عاوزة تصلح طب مين اللي بيفسد؟؟؟؟؟

المعتصم يقول...

ازيك يامحمد
يارب تكون بخير
بص بقى ياعم
انا ليا عندك طلب
لو عرفت مين هو تبقى تقولى عليه
ماشى ؟؟؟؟
ههههههههههههههههههه

موناليزا يقول...

الله ينور عليك
نفس السؤال دايما بسأله لنفسى لما بشوف كل الناس على جميع المستويات تشجب وتندد بالفساد والمفسدين
وحينما تعاملت مع كثرة كانوا ممن يقولوا مالايفعلوا
كان نفسى اكتب شعار
"لا تنه عن خلق وتأتى بمثله .. عار عليك إذا فعلت عظيم"
وأعلقه فى كل مكان يمكن يفتكروا انهم من ضمن الناس المقصود بيهم الفساد!..

الربان يقول...

تحياتي أخي محمد

سؤال وجيه...و الحقيقة انا كنت ناوي اكتب حوله.

اقول في معرض الاجابة عن السؤال انه للاسف معظمنا مفسدون...نتحدث عن الاصلاح
و التطوير...لكن حين يأتي الامر الينا نقاوم التغيير للافضل او الاصلاح...

قال الله تعالي :

"
واذا قيل لهم لا تفسدوا في الارض قالوا انما نحن مصلحون.
ألا انهم هم المفسدون ولاكن لايشعرون واذا قيل لهم ءامنوا كما ءامن الناس قالوا انؤمن كما ءامن السفهاء ألا انهم هم السفهاء ولكن لا يعلمون.
واذا لقوا الذين ءامنو قالوا ءامناواذا خلوا الى شياطينهم قالوا انا معم انما نحن مستهزؤن .
الله يستهزء بهم ويمدهم في طغيانهم يعمهون.
اولئك الذين اشتروا الضلله بالهدى فما ربحت تجارتهم وما كانوا مهتدين ".

سورة البقرة

لقد شخص القرآن الكريم النفوس البشرية الضعيفة التي تفسد و تدعي الاصلاح...عن جهل او عن سوء قصد...

ليبدأ كل منا بنفسه...يصلح من نفسه
ثم الاقربين اليه....و يترك الباقي علي الله....

تحياتي أخي العزيز...و اشكرك علي الموضوع.

مجرد مدونة يقول...

احنا فعلا كلنا بنقع فى نفس الخطأ مع الأسف يعنى انا ممكن مع انى عارف ان ده خطأ وممكن اكون بتهم الآخرين بيه، لكن ده فى حد ذاته دليل على ان انا شخصيا أكتر واحد واقع فيه، الله المستعان
جزاك الله خيرا على التذكرة

خالد فوده يقول...

السسسلام عليكم ورحمه الله وبركاته
كيف الحال
نعتذر علي عدم المتابعه في الفتره الماضيه نضرا لظروف الدراسه
وان شاء الله نتابع من جديد

نقرأ ونرجع

Pink Dreams يقول...

طب والله عندك حق

يعنى لو شفت كميه البرامج اللى بتناقش قضايا الفساد فى المجتمع وبيدعوا الناس للاصلاح هتلاقى عدد من البراممج ملهاش حصر

والحال بردو مش بيتعدل

لانهم بيتكلموا ويناقشوا بس من غير فعل

طب ما يحاولوا مثلا انهم يدعوا رجال الاعمال اللى معاهم مش هقول ملايين بل مليارات انهم يعملوا ولو مشروع ب مليون واحد

وطبعا المليون دا هيكون نقطه فى بحر بالنسبه للملياردير دا

ليه ما ينزلوش ويشوفوا مشاكل الناس ويحاولوا يحلوها بنفسهم ويتعبوا شويه ويبدأوا بنفسهم عشان باقى الناس تعمل زيهم

لكن شاطرين بس يجيبوا حالات تقطع القلب على التليفزيون ويقولولنا دا حال الشسارع المصرى والحكومه مش بتعمل حاجه

انا عارفه ان الحكومه بردو مقصره بس احنا ليه لازم نستنى ان الحكومه تعمل كل حاجه

يعنى لو احنا معنا فلوس والحمد لله قادرين نحاول نساعد الناس اللى مش لاقيه حتى انها تاكل

واكيد ربنا هيكافأنا كمان ويباركلنا فى رزقنا

ربنا يصلح احوالنا جميعا

بوست جميل

تحياتى

Unknown يقول...

ياراجل مش عارف مين
ياعم انا مبتكلمش في السياسة

تقبل مروري وتحياتي

ويبقى التواصل

مدحت محمد يقول...

فى حاجات كتير اوى بتفسد

الرياء بيفسد

والسمعة بتفسد

والاشاعات بتفسد

والفتنة بتفسد

وكل الاشخاص حاملين هذه الصفات ليسو بالقليل

اسماء واحلام فى وجدانى يقول...

الافكار يا محمد بدايتها حلم والخطوة التانية تنفيذ والكلام اللى انا ذكرته كان خطوات التنفيذ انا عارف انك اخدت مثل بس للاسف التنفيذ صعب جدا جدا انا مش باعجز الحلم لكن انا شايف واقع قصادى بيجبرنى انى اقول كده

شوية قهوة يقول...

جميل وي كلامك
كلام سليم جدا
انا قلت اجي اسلم على السريع كدة

”*°•.˜”*°•..سونه..•°*”˜.•°*”˜ يقول...

السلام عليكم
ازيك يامحمد
احيك بجد تسلسل سليم
وتفكير جميل
ونسئل الله التنفيز
تحياتى ليك اختك سونه .

♥نبع الغرام♥♪≈ يقول...

السلام عليكم

بجد كلامك صح يا محمد

ربنا يكرمك يارب
دمت بالف خير

with you يقول...

السلام عليكم ورحمة الله وبركاته

أولا جزاك الله خير الجزاء علي الموضوع لما له من أهمية عظمي.

ثانيا أتفق إتفاق كامل مع الأخت حياتي نغم وأسأل الله العظيم لها رجاحة العقل

ثالثا شعار أصلح نفسك وإدع غيرك نعم شعار للداعي

بإختصار لأن المراء لو قصد الإصلاح الكامل لنفسه فهذا درب من الصعوبات ولكن الإصلاح مع دعوة الأخرين هو المنهج الصحيح " وكان منهج الصحابة هو هذا المنهج ".....


ولو لم يتناصح المسلمين بدعوا عدم صلاح نفوسهم فهذا قمة عقم الفهم

ويقول الرسول صلي الله عليه وسلم بلغوا عني ولو أية """ ويكمل صلي الله عليه وسلم فرب مبلغ أوعي من سامع """ ...


فأقل مثال حضرتك كتبت البوست ربما أستفيد أنا منه علي الرغم من عدم تطبيقك لما فيه...

من بلغ البخاري لم يكن بخاري

ومن بلغ إبن تيمية لم يكن بن تيمية

وهكذا

أما بدعوا أن الكل يصلح الجميع يعلم من يدعوا للإصلاح بحق ويعلمون من يدعون إلي الإصلاح برغم فساد ما يعتقدون

تحياتي لك اخي الكريم من هو المفسد من علي هذا الكوكب ومن هو المصلح من علي نفس كوكبنا....

تحياتي

محمد حياتنا

المجاهد الصغير يقول...

السلام عليكم

جزاكم الله خيرا

نبدء بانفسنا لندعو غيرنا

قال الله تعالى" هَاأَنْتُمْ هَؤُلاءِ تُدْعَوْنَ لِتُنفِقُوا فِي سَبِيلِ اللَّهِ فَمِنْكُمْ مَنْ يَبْخَلُ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ وَاللَّهُ الْغَنِيُّ وَأَنْتُمُ الْفُقَرَاءُ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ"


(اقيموا دوله الاسلام فى قلوبكم تقم دوله الاسلام على ارضكم)

وقال الله تعالى "وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًاوقال اننى من المسلمين "

(ام انس )

المجاهد الصغير يقول...

السلام عليكم

وعلينا ان نعلم ان هذا الاصلاح المرجو لا يحدث فى يسر ولكن نتيجه صراع شديدبين الحق والباطل

قال الله تعالى " كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث فى الارض كذلك يضرب الله الامثال"

فلنثق فى الله وتأيده ولنثق فى ديننا وأنه الدين الحق ولنثق فى طريق الدعوه وانه طريق رسول الله ولنثق فى المستقبل ولنثق فى انفسنا ولنعمل حتى يتحقق وعد الله " وكان حقا علينا نصره المؤمنين"

وفقك الله لما يحبه ويرضاه

Asmaa mahaba يقول...

ههههههههههه بتوع المريخ يا محمود حاطينا فى دماغهم مش عارفه ليه
عارف ايه اللى بيفسد اننا اصبحنا نقول مالا نفعل كلامنا اكتر من افعالنا بكتير وكل واحد بيرمى المشكله ع النظام متهيالى لو حد جاله امساك حيقول الحكومه السبب ومخدشى باله انه هو فى الحقيقه اللى غلطان احنا كدا بننقض الناس ونشوف عيوبهم وبنتجاهل عيوبنا عن تعمد يوم ما نقف ونقول الحق والى لينا وعلينا تاكد محدش حيفسد

الفراغ يقول...

انا معاك فى كل كلمه قلتها
بس فعلا الدنيا دى مبنيه على كلام فى كلام وكله كذب ونفاق
ولك الصدق الوحيد هو كلام الله ورسوله صلى الله عليه وسلم
اذى قال:
عليكم انفسكم لا يضركم من ضل اذا اهتديتم

مش معنى ان صعب تحقيق منهج ونيس فى الحياه ان نقف ونقول مافيش حاجه نافعه
فعلا لازم نكون قدوه واللى مش عاجبه يدورله على كوكب تانى
او احنا اللى جايين من كوكب تانى

غروب يقول...

هههه والله عندك حق لما كله بيدور على الاصلاح فين المفسدين

اكيد دول العالم المنافقه سواء قراء او كتاب

ياريت والله نبطل كلام وكل واحد يدور على نفسه

موضوع مهم وجميل

تحياتى

Tamer Nabil Moussa يقول...

بجد هيا الشعارات دى اللى مودنا فى داهية

فى ناس كدة بتاعة كلام وبس فعل مفيش

ربنا يصلح الحال

مع خالص تحياتى

with you يقول...

نسيت أقول وهل هذا قدوة تقدم

هل مسلسل مثل مسلسل يوميات يكون القدوة

هل إنتفت القدوة في العالم ككل حتي يقدم مسلسل يدخم إتجاه معين وأفكار معينة حتي يكون قدوة

ولكن حضرتك تبنيت الفكرة الإسلامية فعل الصحيح ضرب الأمثلة من هذا الوسط

تقبل رايي بصدر رحب

ولكن هناك الأمثلة والقدوة في الرسول صلي الله عليه وسلم وصحابته الكرام والتابعين والسلف الصالح من بعدهم الأمثال كثيرة


أين هو الإصلاح في إمرأة عارية الشعر وأخرين الله أعلم بهم.

تحياتي

محمد حياتنا

Unknown يقول...

صــــــــح!
ابدأ بنفسى !
لو كل واحد أصلح
نفسه حينصلح كوننا كله!
ممكن يكون حلم لكن نحاول!

أبو العريف يقول...

صحيح يا محمد مين اللي بيفسد

كلام واقعي جدا ومنطقي

ابدأ بنفسك

تجد ان المجتمع انصلح

ساعات بسأل نفسي سؤال

وبخاف قوي من الاجابه

لو انا كنت مكان حد من المسئولين اللي بننتقدهم ليل نهار

هل ممكن ابقي زيهم

ربنا يهدينا جميعا ويصلح حال الامه الاسلاميه وحال بلدنا الحبيب

تحياتي

marmar يقول...

هههههههههههههههههههههههه
ولله ما اعرف انك اتخرجت بجد الف مبروك يا جمييييييل وربنا يوفقك في شغلك وحياتك المستقبليه
انا صغننه اه حد عندو ماانع
ايه الحقد ده :@
انا عارفه انك عايز ترجع الكليه تاني بس مش عارف معلش معلش
:d

انا العبد يقول...

هو مين الى بيفسد
يبقى هذا السؤال تائها كما هو حالنا جميعا
فمن منا له ان يرد
من منا فعلا فعل ماعليه وهل فقط لسنا الا من هؤلاء الذين يلقون التهم ولايرون مابهم
جزاكم الله خيرا واعزك هدانا واياك وجعلنا من المصلحين

جارة القمر يقول...

نبحث عن الاصلاح

فلنصلح مابداخلنا أولا ونصلح انفسنا ثم نبحث عن من هو سبب الفساد حولنا وقتها لن نجد اي فساد لو ابتدا كل واحد بنفسه لانتهى موضوع الفساد

شكرا للموضوع المهم

احترامي

------ يقول...

صباح الخير يامحمد

الصراحة انا تهت

انا كتبت موضوع اسمه لحظة من فضلك

او جدد حياتك او اى عنوان :)

هو المضمون بيتكلم على ازاى انك تبص لحياتك نظرة تانية

او ليه متقفش مع نفسك للحظة تحدد اهدافك وتبدأ تنطلق

هو موضوع كبيبر بس انا هجزأه

المهم
انت قولت ابقى ابعتيهم على الميل وانا اصلا مش لاقياه هههه

Unknown يقول...

أخى الفاضل: محمد غالية
السلام عليكم ورحمة الله وبركاته
لقد أصبح الفساد للركب ورائحته أزكمت
الأنف وأذهلت العقل.

والسبب طول البقاء فى السلطة من قمتها حتى أصغر مسؤول.

فالماء الراكد يصبه الفساد والعفن
وسنة الحياة الصحيحة التغيير.

تقبل تقديرى واحترامى
أخوك
محمد

عالم حبيب يقول...

أحسنت يامحمد .. واصلاح النفس والمجتمع من حولنا أرى أنهم ينبغي أن يسيروا في خط متوازي .. لأن الإنسان لو قال سأصلح نفسي أولاً فلن ينتهي لأن اصلاح النفس لا يتوقف .. لكن يحاول أن يحصل على القدر الأدنى وهو في نفس الوقت يصلح في مجتمعه وبذلك يرتقي الفرد والمجتمع معا

دعواتي لك حبيبي محمد

العلم نور يقول...

الموضوع جدا جميل وقيم .. وأمثلته تمثل واقعنا المعاصر..

لكن أود أن أضيف أن هذه النقاط الإصلاحية التي تجمعت في البحر في يوما ستكبر وستتحول إلى فيضان يدمر كل الفساد، وهذه سنة الله في الكون، يبقى أحدهما يدفع الآخر، فلا الفساد يودم ولا الإصلاح يدوم إلى أن يرث الله الأرض ومن عليها.

جزاك الله خير الجزاء أخي في الله ونفع بك الأمة الإسلامية العربية.
جزاك الله خير الجزاء

شريكة في المطعم يقول...

صحيح كل الناس عايزين يصلحوا
من حال كل شيء
امال مين الي بيفسد
عارف الي دايما ينصح ومينفعش معرفش ايه ولازم الاصلاح
لما يتحط في موقف معين ..مش بيطبق كلامه
ويقول هو انا لوحدي الي بعمل كده!!
مهي كده كده بايظه
صح ..المفروض كل واحد يبدأ بنفسه قبل ما يبدأ ينصح الآخرين ..
ربنا يكرمك...

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

مهرة سالم يقول...

السلام عليكم..
السؤال مش مين بيفسد السؤال متى نتخلص من فساد القلوب ...
...
بارك الله فيك أخي
دوما متميز في طرحك..
...
في أمان الله

------ يقول...

هههه
ضحكتنى والله

انا حاطة البوست وكله فهمنى غلط
وانا بقرأ التعليقات وعمالة اضحك على اللى بيتقال

البوست اصلا عن حاجة تانية خااالص
اللى جاوب عليها صح

3 بنات وربنا يكرمهم
وان شاء الله هبعت الموضوع

بس كنت عايزة منك طلب صغير
لما تحب تتكلم عن موضوع تحت عنوان الاجابية
ويكون مختصر يعنى مثلا تعمله فى مطويات كدا
النقاط اللى هتتكلم فيها هتكون ايه
معلش هتقل عليك

وعلفكرة البوست الجاى هتعرف انا قصدى ايه:):)؛)
وبتكلم عن مييين

كلمة حق يقول...

السلام عليكم ورحمة الله وبركاته

اخى الكريم

اتفق معك ومع اخوتى المعلقين انه يجب على ان اصلح نفسى حتى يكون كلامى للأخرين من القلب للقلب وليس من اللسان وأن اكون ما ادعو اليه اطبقه بالفعل .

ولكنى اختلف مع بعضهم فى التركيز على انفسنا وإهمال الغير حتى نصلح انفسنا بالكامل فيجب أن يكون الخطان متوازيان

بدليل انا وانت لم نصل الى كمال الصلاح لأنفسنا بل نحتسب انفسنا عند الله من الملتزمين ومع ذلك ندعو غيرنا

كما انه طبقا لكلام (الشيخ محمد حسان )
يوجد نوعين من الدعوة :
1- دعوة خاصة
2- دعوة عامة

الدعوة الخاصة يشترط فى من يعمل بها قدر كبير من العلم والفهم والايمان مثل دعوة غير المسلمين والملحدين والعلمانيين وغيرهم .

أما الدعوة العامة فهى للجميع كل فى موقعه وفى مجاله دون التقيد بقدر معين من الصلاح


اضم صوتى الى صوت ابو فاطمة فى ان يوميات ونيس لا تصلح مثال للدعوة فلقد كان يدعو الى محاربة الرشوة مثلا ولكن ابنته وزوجته كانتا تخرج للشارع متبرجات كما ان استشهادك به يدعو الناس لمشاهدته لتعلم ذلك وهو مايتضح من تعليقات بعض الاخوه هنا منهم من قال لك نعم اشاهده ومنهم من قال سوف اشاهده
وكما انه به بعض القيم من ناحية فأيضال مثله مثل باقى المسلسلات العربية ملىء بالرزائل وحرام مشاهدته

هل تتفق معى ؟

تحياتى
أبو مريم

كلمات من نور يقول...

اللي بيفسد يا محمد يا ابني في نظري اللي بيتكلم عن الأخطاء الكتير ومبيفكرش يبدأ بنفسه

صحيح الفساد زاد والأخلاق بتنهار بس طالما أنا كويس و أنت كويس ليه منكونش نواة لثمار كلها حب في الله وصلاح في الأرض

تحياتي

نبض الحرف يقول...

أوافق ماقلت بقوة

اصلاح الشعب يبدأ باصلاح الفرد
لو صلح كل فرد وانحلت مشاكلة
وصار فرد منتج وغير مظلوم
فان المجتمع سوف ينصلح حاله


الله يعينكم يااهل مصر ..أم الدنيا
تدوين مميزة بالتوفيق

نبض الحرف

mahasen saber يقول...

يبقى احنا باين يا محمد

...ازيك يا غاليه يا رب تكون فى افضل حال

Aиgel يقول...


السلام عليكم ورحمة الله وبركاته

صباحك / مسائك ورد
يا محمد

دائماً ما تطرح لنا كل ما هو مفيد
ويستحق النقاش

أنت فعلاً عندك حق في اللي قلته
بس للأسف كلنا نفسنا في الصلاح
وتقويم الأحوال لكل للأسف كل واحد بيعتمد على غيره
أو بيتبع طريق خاطىء

ولابد أن نبدأ بأبسط الطرق نبدأ بأنفسنا

دمت بكل ود واحترام محمد

Angel love

Aиgel يقول...
أزال المؤلف هذا التعليق.
مدونون من اجل الاقصي يقول...

السلام عليكم
مين مين مين؟؟؟؟؟
الكل
الكل بس بنسب طبعا
والي مش بيحاول يصلح يبقى ده جزء من الفساد
تحياتي على البوست
لما كلنا نفهمو ونفهم الفكرة ممن نصلح

سمسم / سما

TIMMY !! يقول...

إصلاح مين يا محمد ,
الكلام ده كان زمان ,
دلوقتي المحترم مش بيحاول يصلح , إنما بيحاول يفسد بس حبة صغيرين :(

*الطالبة عفو الله *زوزو يقول...

اولا اعتذر عن تقصيري في حق مدونتك يا محمد ارجوا ان تقبل اعتذاري

اما عن البوست فسؤال وجيه فعلا اكيد الخلل فينا و في نظرتنا للاصلاح كلنا راع وكلنا مسولين عن راعيتنا يبقى نبدا من نفسنا قبل ما نطالب الناس بالاصلاح
لايغير الله مابقوم حتى يغيروا ما بانفسهم

تحياتي اخ محمد

Wish I were a Butterfly ... يقول...

يمكن؟؟
:)

أيوة أنا رأيي برده إنهم ناس من عالم تاني

أصل كل الناس بتنادي بالإصلاح و كل حاجة جميلة
وتسمع عن الخطط اللي مكتوبة ومتحددة باليوم و الثانية

بس مفيش على ارض الواقع أييييي حاجة

:)

اقصوصه يقول...

معاك حق

شفـقــة و إحســــان يقول...

الله عليك وعلى البوست اللى انت كاتبه
عرفت تقول فيه اللى كتير منا نفسه يقوله
لو الواحد اصلح نفسه واهله مش هيبقى فيه فساد
تحياتى

تامر علي يقول...

الفساد مثل كرة الثلج
ليس المهم من الذي بدأها لكنها تظل تكبر كلما مر الوقت حتى تصيب الجميع

كلنا مشتركون في الوان من الفساد سواء بالمشاركة أو بالصمت

والتغيير لا يأتي بالصدفة

تحياتي على الطرح الرائع

------ يقول...

انا بعت الموضوع

شوفوا وقول رأيك

حلو ولا عايز تظبيط
لا مينفعش يتحط
شوفى موضوع تانى

فيه ديمقراطية يعنى :)

بس هو يوصل بالسلامة :)

محمد فوزي يقول...

نفس الفكره دي كانت في مخيلتي يا محمد من كام يوم بس انت سبقت وكتبت عنها ,

كنت بسأل نفسي لما حد فينا كمدونين بيكتب عن الإهمال بتلاقي الكل داخل ينتقد الإهمال , لما حد يعيب على من يلقي القمامه في الشارع ينبري الكل لنقد هذا السلوك وتعييبه , لما حد يتكلم عن الفوضى عن الواسطه عن وعن وعن
فسألت نفسي , هما مش المدونين دول تمثيل للمجتمع ؟
يبقى أحنا أكيد بنعيش في مجتمع ملائكي ومش واخدين بالنا !!!

المشكله يا صديقي مش إننا مننصحش بعض لأ لازم ننصح بعض حتى لو مكناش كاملين ومحدش فينا كامل زي ما تفضل الإخوه , لكن المشكله الحقيقيه إننا لازم نوزن أفعالنا بنفس الميزان اللي بنوزن بيه أفعال الناس , لازم نفتح عينينا لنفسنا قبل ما نفتحها لغيرنا ولازم نحب لغيرنا ما نحب لأنفسنا كما أمرنا رسولنا الكريم

نقطه أخيره بس
يا بو غاليه مثالك عن عائلة ونيس هايل لأنه مثال معاصر من حياتنا قريب وسهل الوصول إلى الناس أحييك على ضربه

وسؤال يعني , هل تعرية المرأه لشعرها معناه لدى من إعترض على مسلسل مليء بالنواحي التربويه والأخلاقيه لمجرد أن به سيدات كاشفات شعرهن , اقول هل معنى ذلك عندكم أنها ست غير متربيه وزوجها لازم يكون فاسد ومرتشي ولا يصلح إنه يحارب الفساد ؟!!!!!!!!!!!!!!!

معقول هي دي رؤيتكم للدين وللحياه ؟
معقول وصلنا للدرجه دي ؟!!!!

لا حول ولا قوة إلا بالله

------ يقول...

هو هتلاقيه بيتكلم عن العمل الدءوب

لو عليه اى تعليق او مينفعش قولى اوك

------ يقول...

اتمنى عزيزيى القارىء انك تكون استفد وتضح رجلك على اول طريق للنجاح مع العمل الدءوب

ودى اخر جملة :):)

------ يقول...

انا كان عندى
بأسم سنو وايت بس نسيت بقى الباص

ومفكرتش اعمل واحد تانى وكبرت
لانى مش حباه اصلا
ولا حابه فكرته بس بحب اجرب

وبعدين البسبس ومان مبيبقاش عندهم وقت لللفيس توك :):) ههه

بس اميل اللى بعتلك من عليه الموضوع دا بتاعى لو فى اى ملحوظة او اى حاجة ابعتلى
ولو انا عندى فكرة جديدة هبقى ابعتها على طول
اوكشن

مـجـنـووون يقول...

مقال في منتيه الروعه

المشكله أن الناس بتنظر في عيوب الأخرين ومش بتنظر لنفسها

وبيحولوا يصلحوا الأخرين وبينسوا نفسهم

لو كل واحد بدأ بنفسه الدنيا كلها هتتغير

تقبلي مروري أخي الكريم
مجنووون

فشكووول يقول...

ازيك يا محمد

يا بنى : الاصلاح نظام مؤسسى وليس كلمات وتمنيات وافكار .. عارف ازاى وناخدها من اولها كدا واول خطوه

اولا : لما تروح تحط صوتك فى الانتخابات وصوتك يروح للى انت عايزه .. بعدين بقى اللى انت عوزته يقوم يعمل دستور مظبوط ما يخرش الميه .. من ناحية الشعب طبعا مش من ناحية الحاكم

وبعدين لما يبقى هناك عمل مؤسسى مظبوط .. ودا طبعا اللى حيعمله الدستور والقوانين اللى حتنبثق من الدستور .. ازاى ؟ يعنى الوزير يكون له صلاحيات حقيقيه .. مش مجرد سكرتير عند رئيس الجمهوريه وكل ما يقول : يقول بفضل توجيهات السيد رئيس الجمهوريه .. طبعا احنا الوزراء بتوعنا كلهم تبع التوجيهات .. وجا صحيح الى حد كبير لانهم لا يملكون صلاحيات حقيقيه الا ما يمنحها لهم رئيس الدوله سواء كتابة او شفاهيه

يوم ما يكون فيه سيستم عملى مؤسسى فى كل وحده اداريه .. ويكون الموظف برضه يملك صلاحيه كامله او جزء منها لا يكتسبها من مديره الذى يملك كل شيئ

عارف يا محمد يا غاليه 70% من الصلاحيات فى الدوله يملكها رئيس الجمهوريه .. يوم ما تتوزع الصلاحيات دى ح تلاقى الحاله زين وعال العال

والفساد مش مقصود لكن الواحد اما يلاقى نفسه فى حته بايظه ويقدر يعمل اللى هو عايزه .. ما فيش حد بيحوشه .. عشان كدا مطلوب العمل المؤسسى الصحيح

بس خلاص

غير معرف يقول...

عامل ايه يامحمد
ربنا يبارك فيك يارب
وحشتنى مواضيعك الهادفة والمميزة
وفعلا علينا البدء بانفسنا
اوعى تنسى الدعوات يامحمد
فاانا فى امس الحاجة اليها
دمت بالف خير
تحياتى

يا مراكبي يقول...

الفكرة جميلة .. هو مين اللي بيفسد مادام الكل بقى ملايكة كده؟

وفعلا أغلبنا يردد شعارات لكنه في الواقع لا ينفذها .. إصلاح من بعيد لبعيد .. لا يسمن ولا يغني من جوع

إصلاح المجتمع لا يتحقق إلا بإصلاح الفرد .. قاعدة عامة

دعاء العطار يقول...

فعلااااااً لو الكل قعد يقول اصل الظروف اصل الدنيا بايظه اصل انا مش غلطان يبقى مفيش حد خاااالص هيعمل حاجه

واكتر حاجه ماخرنا ورا انننا بنعلق فشلنا على غيرنا وعلى ظروفنا وبنسيبها تغلبنا

انا مع كل كلمه قلتها

مدونه جميله .. تحياتى

رفقة عمر يقول...

الامر ابسط ممانتخيل
لو كل واحد جاب القران وقرئه ثم
قارن بما فى القران وبما هو يفعله فاذا وجد ان ما يفعله مطابق للقران فليمضى وليعلم انه فى الطريق الصح
ولكن اذا وجد ان مايفعله لا يمت للقران بصله فليعلم انه اخطأ الطريق ولابد ان يراجع نفسه
قال تعالى
ظهر الفساد فى البر والبحر بما كسبت ايدى الناس
احنا كلنا فين من القران
احنا فين من سمعنا واطعانا لله وحده وليس لغيره
اللى بيدوروا على الاصلاح بيدورا على الاصلاح لمصلحه شخصيه ولغرض الدنيا
علشان كدة هانفضل ندور على المدينه الفاضله وهى قريبه جدا مننا بس احنا ماشين فى الطريق الخطأ
ربنا يصلحنا جميعا
اللهم اجعلنا هداه مهتدين غير ضالين ولا مضلين
اللهم امين