dupport me

الاثنين، 15 فبراير 2010

فضفضة

افتقاد

كم هو مؤلم احساس الإفتقاد عندما تفتقد شخصا لا تجده بجانبك تستشعر فى لحظات انك بحاجة إليه

ولكنه على يقين بأنك لن تجده فهيهات انه لم يعد معك . تستشعر بأنك فى امس الحاجة ان تكلمه ولكن هل تظن انه سيسمعك فكيف يكون شعورك عندما يكون هذا الشخص هو أباك تود لو ترتمى فى احضانه تستشعر حنانه

تمعن عيناك من النظر اليه تتلمس انامله تستشعر بدفأأنفاسه تمر أمامك

أواه يا ابى كم تمنيت أنا أكون فى تلك اللحظات معك اكلمك اتعلم يا أبى يقولون لى أنا اشبهك كثيرا انهم يكذبون يا أبى صدقنى فأنا بجانبك صفر على الشمال فأنا احلم طول عمرى انا اصل إلى معشار ما وصلت اليه

انهم كاذبون يا أبى صدقنى ما انا بمثلك ابدا فكيف لى بحب الناس لك ولا برجاحة عقلك ومنطقكك وحسن تدبيرك

تراودنى بعض أحلام تمنيت لو حققتها معك وتراودنى بعض المشاكل وددت لو كنت تواجهها معى

أعلم انى كلماتى هذه لن تصل إليك وانها محض حبر على ورق ولكنى أردت انا احدثك يا أبى فهلا استمعت الى اشتقت اليك حقا واشعر بالإحتياج إليك دوما لم انسك يوما ولا لحظة واحدة ولكنها هى الحياة لابد من ألم الفراق فهذه سنة الله فى الأرض وهكذا دائما ما تدور دائرة الفراق . ابى سامحنى إن قصرت فى طموحاتك التى حلمتها لى أحاول بكل الطرق أن اكون ابنا تفتخر به لا ادرى ستفتخر به اين ولكنى اصر على ان ارفع رأسك حتى بين الأموات .أتذكر يا ابى حينما كنت تداعبنى فى طفولتى أذكر اننى كنت الولد المدلل لك وراحتك دائما حينما تتحدث الى لا ادرى كيف كنت تعرف انى افهمك رغم صغر سنى بل لا أدرى حقا كيف استطعت فهمك

لازلت اتذكر ابتسامتك وانت تحمد الله على مرضك فى ايامك الأخيرة اقسم لك يا ابى لقد تعلمتها منك تعلمت ان ابتسم فى أحلك الظروف ربما لم تفهما لى ولكنى تعلمت الدرس منك جيدا.

لم اكن اتخيل يوما ان امسك قلما لأكتب لك رسالة أوقن انها لن تصل للعالم الأخر فلا يوجد بريد يصل لهذا العالم ولكنى احتاج الى ان احدثك اتعلم ارتحت الأن كثيرا وانا اتحدث معك حتى ولو لم تسمعنى ولكنى اشعر بالإرتياح الأن لازلت على وعدى لك سأبد حياة جديدة بتحدى جديد لإثبات الذات من أجل اثبات انك كنت على حقك فى نظرتك لى ولأكون جزء منك يأخذ نفس المقام.

افتقدك بحق يا أبى افتقدت حنانك وقلبك وعقلك لكن الخير دائما فيما اختاره الله لنا فالحمد لله على كل حال سنلتقى انا وانت يا ابى فى الجنة بإذن الله

البوست ملوش علاقة بأى مود حزن مجرد لحظة افتكرت فيها والدى

عايز أقول حاجات كتير بس مش عارف أقول ايه مممممممم

عارف لما يكون فى حد فى حياتك بتخاف عليه اكتر من نفسك بيبقى نفسك عينك تبقى عليه طول الوقت بتحس نفسك معاه هو وبس هو ده احساسى من فترة مستنى قريب اوى حاجة مهمة فى حياتى يمكن دى كانت سبب لحظة الإفتقاد الى فوق دى عشان كان نفسى بابا يعيش معايا الخطوة دى. .(أنا عنك ما حدثتهم لكنهم رأوك فى عيونى أنا عنك ما أخبرتهم لكنهم لمحوكى فى جفونى) دعواتكم

بتدرب اليومين دول فى شركة ومش لاقى وقت أتابع اى حاجة فمحدش يزعل انى مش بعلق

عنده.

الراجل الى اتعلمت منه اهم حاجة فى حياتى انى احترم الى قدامى أوى مهما كنت مختلف معاه أردنى وهو هنا فى مصر مش لاقى وقت اسلم عليه منظرى بقى زباالة .الراجل ده اتعلمت منه كتير اوى كفاية أدبه العالى بجد واحترامه الغير طبيعى . أشهد الله أنى أحبك فى الله .

باخد قرارات اليومين دول بتبان لأى حد غريبة بس انا بغامر وربنا يستر وادينى ماشى ورا دماغى اشوف هتودينى لفين . سترك يارب. دعواتكم

بكتب كتير بس مش بنشر وده لان احتمال المدونة تتحول لكتاب قريب فبحاول أعمل مواضيع مخصصة للكتاب بس. وبصراحة الفكرة مجتش فى بالى غير لما فى أكتر من شخص بيكتبوا فى مجال كتابتى وليهم كتب فى التنمية شافوا المدونة وقيموها وده الى شجعنى.

لو المدونة فعلا اتحولت لكتاب ايه أكتر المواضيع الى تحب أركز عليها فيه وياريت كل واحد يرشح أكتر 5 مواضيع أثرت فيه أو شدته أوى.

مدونة السعادة كلها كام موضوع وفكرتها هتنتهى إن شاء الله ومحدش يفهم غلط انى بقفلها أو زهقت من التدوين لا ابدا بالعكس دى كانت فكرة وتحدى انى أكتب فى موضوع صعب وجهزت عناصره والحمد لله كتبت فيها كلها الى حد ما كلام كويس وكالعادة اى حاجة لا بد ليها من نهاية

صحيح كان نفسى متجيش أبدا بس دى سنة الحياة كلها كام موضوع وهنختمها إن شاء الله.

بفكر حاليا فى فكرة جديدة وتقريبا هتكون مدونة متنوعة اقتصاد سياسة إدارة تنمية دين كل حاجة

وبفكر برده فى تحدى جديد موضوع يكون صعب اكتب فيه تقريبا فى فى دماغى موضوع بس لسه بظبط الفكرة

لسه محتار أكمل هنا واغيرالإسم ولا اعمل مدونة على نفس الأكونت واسيب دى كمرجع

ياريت تشوروا عليا ولا خاب من استشار ياجرعان .

دوشتكم بكلامى ومعلش لخروجى عن النص تقريبا دى اول مرة اخرج عن اطار المدونة.

متنسوش ترشيح التوبكات المميزة وكمان المدونة الجديدة.

ربنا يسعدكم دايما

هناك 32 تعليقًا:

بـسـمـــة صـــــلاح يقول...

ابتسمي يابسمه في أحلك الظروف
هي ايضا نصيحة والدي الحبيب لي
....
بكيت بكيت بكيت كتير أوي
ربنا يرحم والدك ويسكنه فسيح جناته ويجمعكوا بيه في الجنة
.........
ربنا يسعدك وييسرلك كل خطوة فحياتك وترفع راس والدك وكل حبايبك وأنا متأكدة من كدا يامستر محمد والدك اكيد سعيد فقبره عشان عنده ابن زيك.........
انا سعيده اني اول تعليق فموضوع زي دا
.....
ربنا يحققلك كل أحلامك
.....‏
أنا عنك ماحدثتهم لكنهم رأوك في عيوني
أنا عنك ما اخبرتهم لكنهم لمحوكي في جفوني...رائعه بمعنى الكلمه ربنا يخليهالك
ويجمعكوا على خير
.....
رغيت كتير وشكل التعليق الأول هيضيع عليا

....
دمت في سعاده ياملك السعاده

تحياتي
سفيرة السعادة
بسومه النعومه(:

بـسـمـــة صـــــلاح يقول...

ابتسمي يابسمه في أحلك الظروف
هي ايضا نصيحة والدي الحبيب لي
....
بكيت بكيت بكيت كتير أوي
ربنا يرحم والدك ويسكنه فسيح جناته ويجمعكوا بيه في الجنة
.........
ربنا يسعدك وييسرلك كل خطوة فحياتك وترفع راس والدك وكل حبايبك وأنا متأكدة من كدا يامستر محمد والدك اكيد سعيد فقبره عشان عنده ابن زيك.........
انا سعيده اني اول تعليق فموضوع زي دا
.....
ربنا يحققلك كل أحلامك
.....‏
أنا عنك ماحدثتهم لكنهم رأوك في عيوني
أنا عنك ما اخبرتهم لكنهم لمحوكي في جفوني...رائعه بمعنى الكلمه ربنا يخليهالك
ويجمعكوا على خير
.....
رغيت كتير وشكل التعليق الأول هيضيع عليا

....
دمت في سعاده ياملك السعاده

تحياتي
سفيرة السعادة
بسومه النعومه(:

mohamed ghalia يقول...

بـسـمـــة صـــــلاح
ارغى ارغى البيت بيتك يافندم ههههههه
انا الأسعد بمرورك
ربنا يسعدك ويحققلك كل الى بتتمنيه وأكتر

بـسـمـــة صـــــلاح يقول...
أزال المؤلف هذا التعليق.
بـسـمـــة صـــــلاح يقول...

ابتسمي يابسمه في أحلك الظروف
هي ايضا نصيحة والدي الحبيب لي
....
بكيت بكيت بكيت كتير أوي
ربنا يرحم والدك ويسكنه فسيح جناته ويجمعكوا بيه في الجنة
.........
ربنا يسعدك وييسرلك كل خطوة فحياتك وترفع راس والدك وكل حبايبك وأنا متأكدة من كدا يامستر محمد والدك اكيد سعيد فقبره عشان عنده ابن زيك.........
انا سعيده اني اول تعليق فموضوع زي دا
.....
ربنا يحققلك كل أحلامك
.....‏
أنا عنك ماحدثتهم لكنهم رأوك في عيوني
أنا عنك ما اخبرتهم لكنهم لمحوكي في جفوني...رائعه بمعنى الكلمه ربنا يخليهالك
ويجمعكوا على خير
.....
رغيت كتير وشكل التعليق الأول هيضيع عليا

....
دمت في سعاده ياملك السعاده

تحياتي
سفيرة السعادة
بسومه النعومه(:

سمكه واحده يقول...

الله عليك بجد
برغم لحظه الحزن اللي عيشتها واتأثرت اوووووووووي كلام يوجع اوي
بس بجد ربنا يبارك فيك ويحميك ويسعدك طوووووول العمر
ربنا يحقق كل احلامك وتبقي عند حسن ظن والدك ان شاء الله
فكرتني بحجات كتير هييييخ ياله
الحمد الله علي كل حال
متهيقلي تعمل مدونه تانيه وتفضل دي مفتوحه بردو ان شاء الله
والف الف مبروك علي الخطوه اللي جايه انشاء الله مقدما
انت تستاهل كل خير
خالص تقديري واحترامي
سمكه
(:

mohamed ghalia يقول...

سمكه واحده
ربنا يعزك يافندم
انا الأسعد بمرورك وربنا ميجيب حزن
حاضر هحاول انفذ رأى حضرتك

SHAPE YOUR LIFE (ABOALI) يقول...

رحم الله كل من اقترب من الله عز وجل وفارق حياة كتب علينا فيها الفناء وهناك كانت دار البقاء

جميل ذلك العبور الى ثنايا النفس لنتذكر من تشتاق انفسنا اليهم
وكان لهم بالغ الاثر فى ان يقيموا اعمدة نور لنا فى الحياه
والاب هو سكن ويد تساعد يقينا فى اعباء الحياه
رحم الله الجميع وجعل تذكرك له فى ميزان حسناته
وثق ان ماكتبت سيصل
وسيكون له سلوى
فالله قادر على كل شيىء

ام عن المدونة وطرحها فى كتاب فتلك تجربة جيدة لتعم الفائدة
هناك مواضيع اكيد كثيرة فى المدونة
ستجد الكثيرين اثنى عليها وكان لهم رد فعل ايجابى
ومن خلال تفحصك للتعليقات ستدرك الموضوعات التى لمست لب العقل و زغزغت القلب
فليس كل مايكتب عن السعادة والبحث عنها يصل بالتاءكيد

اما عن تغير المدونة وعمل مدونة جديدة

التغير هو الثابت الوحيد على مستوى الخلق
لذا التجديد مطلوب
ومادام القلب ينبض لن يتوقف الكلام الدال على السعادة فى رايى

ولكن ان كنت مصمصم على فكرة معينة فى عقلك
فالك ان تترك المدونة كما هى

وتبدء رحلة جديدة فى مدونة اخرى

وليكن عنوانها منوفى وهاتوب
هههههههههههههههه

وربنا يجعله عامر

غير معرف يقول...

ربنا يوفقك ويسعدك لما يرضاه ولما فيه الخير لك

هننتظر الافكار الجديده وبصراحه كل مواضيعك هنا كانت رااااائعه فعلا

ربنا يكرمك يارب
ويحققلك كل اللى تتمناه

غير معرف يقول...

كلامك عن افتقاد انسان عزيز على الشخص وجعنى اوووى
معلش كله خير وربنا يكرمك وتحقق كل احلامه اللى رسمها لك وتبقى شخص يفتخر بيه كل اللى يعرفك مش والدك بس

وربنا يوفقك فى الخطوة اللى ناوى عليها وتبقى خير
حلو اوى الكلام ( أنا عنك ما حدثتهم لكنهم رأوك فى عيونى أنا عنك ما أخبرتهم لكنهم لمحوكى فى جفونى)

وربنا يكرمك ويوفقك فى الشركة اللى بتدريب فيها

هههههههههههه معلش الراجل اكيد مقدر ظروفك بس حاول تفضى وقت تروح تسلم عليه

اكيد دماغك هتوديك للى المكان اللى انت عاوزاه مش دماغك خليك واثق فيها

ربنا يكرمك فى الكتاب وينجح ان شاء الله

امممممممممممم
احلى خمس مواضيع
استنى كده بلف واقولك

اقصوصه يقول...

اممم


الله يرحم والدك

ويسكنه فسيح جناته يا رب

قليلون هم


من يتركون فينا

اثرا كهذا !

أمل حمدي يقول...

ربنا يحميك يا ابني ويبارك في عمرك اللهم أمين

ربنا يوفقك في عملك ويصلح حالك

لا تغلق المدونة بل اجعلها مرج أو ربما تكتب فيها ما يناسبها وانشء مدونة جديدة متنوعة

أما عن التوبيكات التي تريدها ها ألف شوية في المدونة وارجع أقولك
سلام

أمل حمدي يقول...

المواضيع الخمسة التي أرشحها


ماذا أعلم ابنى

الفتنة

دعونا نتحاور لا نتشاجر

أحلى ما فى الحياة

هكذا ابتسم النبى




تقديري لك ابني الغالي
ربنا يوفقك

بسمة انور يقول...

مممممممممممممممم

بصراحه
انا توهت فى الكلام الكتير ده

ربنا يرحم والدك
ويسعدك ايامك يارب

EMMY BABY يقول...

ياااااااااربى يا محمد انت خلتنى بكيت وبعدين تقول ملهوش اى علاقة بمود حزين

حاسة انى حاسة بشعورك ده اوى وحاسة قد ايه كمان لما الانسان بيمر بازمة بيكون محتاج حد قريب منه اوى يخرجه من اللى هو فيه

هو اكيد حاسس بيك ناو يا محمد وحاسس بمشاعرك دى وهو حواليك ومعاك

ربنا يرحمه يارب وتكون ليه الابن الصالح اللى كان طول عمره بيتمناه

مبروك التدريب فى الشركة وان شاء الله قريب تثبت وتبقى وظيفة خير ليك

فعلاااااا ساعات كتير بننفصل عن ناس بس بيفضلوا فى قلوبنا وبنفضل نطمن عليهم من بعيد لبيعيد ربنا يهديك للصواب ان شاء الله

معلش مش هقدر اذكر 5 بوستات لان فعلا انا مش فاكرة حاليا حاجة معينة

بالنسبة للمشورة من رأيى تعمل مدونة تانى على نفس الاكونت بحيث يكونوا المدونتين مفتوحين للى عايز يقرا فى اى واحدة فيهم وفى نفس الوقت تبقى حافظت على اسم محمد غالية زى ماهو

تحياتى

ايمى

غير معرف يقول...

اهىء اهىء اهىء بعد ما كتبتهم فؤجئت وصدمت وكاااااارثة لاقيهم راحوا

يلا مش مشكلة اكتبهم تانى

الخمس مواضيع

1 الدائرة

2 دعونا نتحاور لا نتشاجر

3 سر التفاؤل والامل

4 هو مين اللى بيفسد

5 ابتسم

بما انى خلصت الخمس المقالات اللى مسموح بيهم هبدء العد من تانى

1 دعونا نصنعها ونحن نبحث عنها

2 الشماعة

3 الحلقة المفقودة

4 وجهان لعملة واحدة

5 ما بين الوهم والحقيقة

دول حلوين مش لازم كل خمسة لوحدهم بس عامة العشرة دول حلوين
وربنا يكرمك وتختار افضل المقالات

وبيتهالى لو تعمل المدونة التانية فى نفس الحساب يكون احسن

مهرة سالم يقول...

السلام عليكم ورحمة الله وبركاته...
أحس بك أخي ..
بالفعل ليس حزن إنما إفتقاد ...
رحم الله والدك ووالدي وموتى المسلمين ..
وجمعنا الله وإياهم في جناته...
....
الله يوفقك في التدريب وييسر أمرك ...
....
بالنسبه لخمس مواضيع أتوقع صعب جدا أن نختار ...
ولكن سأذكر لك ماورد إلى ذهني ...
هكذا إبتسم النبي
ماذا أعلم إبني
وللإستماع فنون
السعادة
إلى زوجتي التي وإبني الذي ولازالت أمي هي ..
.....
ونسأل الله لك التوفيق أخي ..
..
في أمان الله

romansy يقول...

ما اكثر لحظات الافتقاد فى حياتنا
نفتقد حنان الاب نفتقد احساس الامان
ولكن عندما ننظر الى الامام ننظر فقط الى ما يهمنا ومانود تحقيقه نصبح اكثر طمانينه
الله يرحمه يا محمد بيك ويرحم والدى وكل اموات المسلمين يارب
وربنا يوفقك فى اللى انت عاوزه
يارب
دعوه بعد صلاه الفجر

صوت من مصر يقول...

والدك يا محمد انسان وانت انسان اخر فلا تقارن نفسك بيه
بمعنى لكل انسان ميزات وعيوب وهو لا يعرفها وانت بجد حد من اطيب اللى عرفتهم فى حياتى
والاهم انك جدع وطيب مع كل الناس وده كده مش صفر على الشمال

موناليزا يقول...

ربنا يرحم والدك
وبهيئلك كل خير
لا اوافق على غلق المدونة
وبالنسبة لى كل مواضيعها عاجبانى

هـمـــــــــــسة يقول...

ربنا يرحم والدك يامحمد
وويسكنه فسيح جناته

وكلماتك كلها احساس يامحمد
وانا مقتنعة ان كلامنا بيوصل لحبايبنا اللى فارقوا دنيتنا

وانا فرحتلك جدا وفكرة الكتاب فكرة هايلة بالتوفيق يامحمد
لانك بتكتب فى مجال حلو بجد ربنا يجزيك كل خير

وانا عن نفسى كل اللى البوستات اللى قرتها ليك عجبتنى جدا لانها كلها بتقول حاجة

ولو انت حبيت تختار اختار الموضوعات اللى اكتر ردود فيها فرحتك وحسيت ان احساسك وصل للناس فيها
لان رأى القراء هو ده المقياس الحقيقى
وربنا يوفقك يااااااااااارب

مهموهة أحمد يقول...

محمد غاليــة .........
يا غالي اوعي تفكر في الرحيل ابدا
احنا اتعودت خلاص على كلامك

و ربنا يرحم والدك يا رب و يسكنه فسيح جناته يا رب

اما عن المدونة لو عايز تعمل مدونات تانية براحتك
لكن استمر في دي كمان انت اسلوبك جميل و انا عن نفسي بحبه بجد
و ببقى سعيدة لما الاقيك كاتب موضوع جديد

يللا كده صحصح كده اصل انا حاسة انك مخنوق اوي و انت بتكتب

ربنا يسعدك و يقويك يا رب

خالص تحياتي و تقديري

ريمان يقول...

السلام عليكم

يااه يا محمد نادرا اوى اما بتفضفض فى مدونتك
الكلمات اللى كتتبها لوالدك بجد اثرت فيا اوى

ربنا يوفقك فى شغلك يا رب وابقى طمنا عليك
ربنا يسعدك وييسر لك امورك كلها يا رب

لؤلؤة الاسلام يقول...

رحم الله والدك و اسكنه فسيح جناته ان شاء الله
و جمعكم بيه فى الجنة ان شاء الله
و تحيااتى

MaNoOoSh يقول...

اول مرة فعلا تفضفض فى المدونة

ومش مع انك تقفلها
بالعكس ممكن تكمل بنفس الفكرة من وقت للتاني

وتبدأ مدونة جديدة معاها بهدف جديد

ربنا يوفقك يا محمد

ندا منير يقول...

اعز ما لينا هم اول ما يجوا على بالنا

وربنا يرحمه ويغفر له

وربنا يوفقك فى حياتك

وخطوة جميلة انك تعمل كتاب
وبالنسبة لترشيح موضوع فبصراحة كل اللى كنت بقراه ليك هنا حلو جدا بس هحاول ارشح ليك موضوع

قيس بن الملووووح يقول...

نحن في حاجه الي رايك في مشاكل القراء علي مدونة"دقات قلب فوق الخمسين"

ليس فقيرا من يحب يقول...

السلام عليكم

يارب يرحم والدك ويدخله الجنه بغير

مناقشه حساب ولا سابقة عذاب

وانت تفضفض براحتك مع انك حذر جدا وانت

بتتكلم

يارب ييسرلك امورك

على فكرة كل بوستاتك هادفه وقيمه

وبعدين تغير المدونه تسيب دى وتعمل واحده تانيه اى حاجه المهم انك موجود
وبتطلع افكار قيمه

ربنا ييسرلك امورك ويوفقك ويسعدك

يااااااااااااااااااااااارب

Asmaa mahaba يقول...

لا لا مش موافقه مليش دعوه دا الواحد كان بيبقى مكتئب يقوم داخل هنا تتفك المواضيع فى وشه
اكتب موضوعات زى ما انت عاوز بس فى نفس المدونه هنا متحولنيش وبعدين اكتب واحد فى السعاده وواحد سياسه براحتك بس متقفلشى المدونه هنا

كلمات من نور يقول...

محمد يا غالي

كل واحد فينا بيكون له شخص بيتمنى يكون معاه طول عمره ..بس الأعمار بيد الله ونحن ودائع يستردها الله حينما يشاء ...بس بيبقى الحنين وتمنى انه يكون معانا يوم تخرجنا ...يوم فرحنا ....ووووو

زر والدك يا محمد في قبره فالموتى يباهون بزوارهم كما يقال ..وتصدق له دوما و ارفع يداك إلى السماء اطلب له الرحمة ...كل داه بيوصله و بأمر الله تعالى يفضل بينك وبينه تواصل روحي لا ينقطع....

بالنسبة للمدونة فأنا من رأيي تعمل زي حالاتي مدونة جديدة داخل المدونة دي ...أينعم كتير مش بياخدوا بالهم وساعات باعمل تنويه للموضوعات الجديدة بس كده أحسن من التعدد ..أما بالنسبة لموضوعات فكلها بحبها ومقدرتش اختار بينها وخاصة موضوعاتك اللي فاتت الخاصة بالسعادة وبسمة رسولنا المصطفى صلى الله عليه وسلم ....ربي يوفقك ويصلح لك الحال ونقرأ كتابك قريبا إن شاء الله ...تحياتي يا بني 

فراشة يقول...

اولا مشاعرك الجميلة من ناحيه والدك رائعة وماشاء الله عليك نعم الابن البار بجد يا محمد ربنا يحميك يارب

دائما ما كنت اقول فى نفسى ان تلك الثمرة الحسنة وهى انت لا بد وان تكون من جذور طيبة وهى والديك
ربنا يحميلك والدتك ويبارك فى صحتها ويغفر لوالدك وينعم بنعيم الجنة وحسن تربيته لك

اما بالنسبة لموضوع غلق او انهاء مدونة السعادة زعلنى قوى رغم ان السبب منطقى وعجبنى ان يكون كأنه بالفعل كتاب وناقش موضوعات تؤدى بالفعل للسعادة ثم انتهت هذه الموضوعات ويبدأ موضوع جديد فى اطار اخر
يعنى رغم انى حفتقد جدا هذه المدونة لانى والله عندما كنت ابحث عن السعادة كنت اطير الى هنا مسرعة
لكن بهنيك على فكرة الكتاب وربنا يوفقك

انا مش عارفه احدد انهى موضوعات بالظبط لأنها كلها بهرتنى جدا
بس اكتر الموضوعات اللى اثرت فيا كانت سلسلة التفائل وكمان موضوع للاستماع فنون
لكن فى موضوعات كتيره جدا جدا عجبتنى كنت محتاجه احصرها وابقى اقولك عليها
ربنا يوفقك ومنتظرة مدونتك الجديدة وكتابك بإذن الله

نسيت اقولك ان اكيد ان شاء الله وهذا ما اشعر به ان والدك شديد الفخر بك ويرغب بأن يخبرك بأنك لم تقصر

تحياتى لخير الاقلام قلم محمد غاليه

ندا يقول...

ازيك يا محمد
ربنا يوفقك دايما يا رب
يا ريت يا محمد تسيب مدونة السعادة لانها بمثابة باب من ابواب التفاؤل والسعادة لينا ولى انا شخصيا
المواضيع اللى برشحها
سر التفاؤل والامل
ابتسم
ما بين الوهم والحقيقة
الحلقة المفقودة
ندى