dupport me

الأحد، 17 أغسطس 2008

رمضان السنادى راح يغير حياتى

إننا نبحث عن السعادة وأعتقد أنه ليس هناك فرصة أفضل من تلك الفرصة القادمة ويجب إغتنامها إنتا مستعد؟ إنتى مستعدة؟
يلا رمضان جاى ومش هيستنى كتير لأن رمضان بروحانياته العالية والطاقة التى يعطيها لنا وراحة البال التى نشهدها فى هذا الشهر الكريم هى اكبر فرصة للشعور بالسعادة وراحة البال والهدوء الطمأنينة.
كان الصحابة رضوان الله عليهم يدعون الله ستة اشهر بعد رمضان ويقولون اللهم اتقبل منا رمضان ويدعون الله ستة اشهر قبل رمضان ويقولون الله بلغنا رمضان. السؤال الأن بقى على رمضان القليل فهل سيكتب لنا أن ندركة ؟! لعل رمضان يأتى وقد فارق احدنا الحياة.......
لذا فلينوى كل واحد من الأن أو يجدد نيته وينوى فعل الخيرات ويقول اللهم بلغنا رمضانويحاول أن يعلى همته ويأتى بالجديد هذا العام
ويتخذ شعار رمضان السنادى راح يغير حياتى فإن مات أخذ الأجر بنيته (اللهم بلغنا رمضان).
الهدف من رمضان:
عرف الصحابة الغاية والهدف من رمضان فانتظروا شهر رمضان من قبل أن يأتى واستعدوا له من ستة أشهر فهم من قبل رمضان من ستة أشهر يدعون اللهم بلغنا رمضان . لذا فرمضان يهدف إلى
أولا يعطيك طاقة روحانية لبقية العام فيعلو من همتك ففيه يزيد وردك القرءانى وفيه تقوم الليل وفيه تمسك لسانك لذا ففيه كأنك تشحن جسدك بالطاقة.
ثانيا يعلمك الصبر فأنت تصبر على الجوع والعطش والشهوة إبتغاء مرضات الله (وخصوصا السنة دى رمضان جاى فى الصيف شوية هيكون ليه متعة خاصة)
ثالثا أن تشعر بالضعيف والمسكين وذا الحاجة فى هذا الشهر .
*هنعمل إيه جديد السنة دى؟
كل واحد فينا يسأل نفسه أنا عايز أعمل إيه جديد السنة دى ويحاول يعلو بهمته.
قراءة القرأن:
كل واحد فينا ليه ورده اليومى من القرأن فى رمضان فى ناس بتختم المصحف مرة فى الشهر وفى ناس بتختم 3مرات وفى ناس بتختم 10مرات كل واحد وهمته المهم إنى كل واحد يشوف كان بيختم كام مرة ويعمل تحدى جديد السنة دى ويزود عدد المرات ويقول هختم السنة دى كام مرة؟
لك دعوة مستجابة:
لكل واحد فينا فى رمضان كل يوم دعوة مستجابة!
قال رسول الله صلى الله عليه وسلم(للصائم عند فطره دعوة لاترد)صدق رسول الله صلى الله عليه وسلم
متنساش تدعيها وأوعى تسيبها حبيبك النبى وعدك بإنك ليك دعوة مستجابة كل يوم عند الفطار .
ياريت بقى متنسانيش بواحدة (من السنة أن تفطر على تمر).
التروايح وقيام الليل:
ياااااه على جمال صلاة التراويح ومتعتها بجد بتكون روحانيات عالية جداا وإحساس جميل إنك تكون واقف بتناجى ربنا وحاسس بتقصيرك
وإنك مقصر فى حق ربنا ومش بتقيم الليل غير فى رمضان بس . وكمان يا سلام لو القرأن مس قلبك قوى وعينيك بكت من خشية الله قال صلى الله عليه وسلم(عينان لا تمسهما النار عين باتت تحرس فى سبيل الله وعين بكت من خشية الله)صدق رسول الله صلى الله عليه وسلم.
وياري بقى غير التراويح يكون لينا نصيب من قيام الليل فى الثلث الأخير ولو حتى ركعتين قبل الفجر بس نداوم عليهم وتكون نواة للحفاظ على قيام الليل بعد رمضان.
العشر الأواخر وليلة القدر:
طبعا كل واحد فينا نفسه يدرك ليلة القدر وفضلها كبير وجزاؤوها عظيم .(اللهم ارزقنا ليلة القدر)وأكثر المجتدين على أنها فى وتر العشر الأواخر من رمضان وبما إننا دايما بنختلف مع السعودية والى عندنا فردى بيكون هناك زوجى فإحنا هنجتهدفى العشر الأواخر كلهم تراويح وقيام ليل وقرأن وصدقة ............. وحتى لو كنا متفقين مع السعودية السنة دى أظن مش كتير نجتهد عشر أيام فى السنة عشان ندرك ليلة القدر يلا نشمر الساعدين ونجتهد قوى فيهم دول عشر أيام من 365يوم . ربنا يرزقنا ليلة القدر طبعا كله عارف جزائها مش محتاجين نتكلم عنه.
الإعتكاف: (هو المكوث فى المسجد)
أ ه ه ه تلك السنة المتروكة التى يغفل عنها الكثير
بجد اسألوا كده الناس إلى اعتكفت روحانيات عالية قوى وتحس إنك عايش فى عالم تانى كل إلى بتعمله بتلزم المسجد وتقرأ قرأن وتصلى التراويح والتهجد وأحيانا بيكون فى درس وعظى. بيكونوا عشر أيام كلهم لله كل دقيقة فيهم لله ربنا يرزقنا وإياكم الإعتكاف السنة دى .(يابخيل انوى تاخد الأجر بنيتك).
مساعدة المحتاجين:
طبعا من فوائد رمضان إنك تحس بجوع الفقير وحاجة المسكين فأقل واجب إنك تساعد الفقير والمحتاج واليتيم والمسكين
ساعد بإلى تقدر عليه مجهود فلوس أى حاجة المهم تساعد .
أخر حاجة:
أخر حاجة أحب أقولها ياريت بقى نلغى التليفزيون ونسيبنا شوية من مسلسلات وحواديت رمضان ونحاول نقلل من الوقت الضايع
ونقلل من وقت النت عايزين نحقق شعار رمضان السنادى راح يغير حياتى .
وطبعا ولا تنسى نصيبك من الدنيا متنسوش تكلوا بتاع خمسين ألف كيلوا كده ولا حاجة كنافة وقطايق والذى منه وتهتموا بصحتكم كده هههههههههه.
وفى الختام
اللهم بلغنا رمضان اللهم اعنا على صيامه وقيامه وارزقنا تلاوة كتابك وتدبره أناء الليل وأطراف النهار.
لا تنسونا من الدعاء


هناك 63 تعليقًا:

zOzO يقول...

اللهم بلغنا رمضان اللهم اعنا على صيامه وقيامه وارزقنا تلاوة كتابك وتدبره أناء الليل وأطراف النهار.
لا تنسونا من الدعاء

يارب
اللهم أمين


عجبني موضوعك اوي
موضوع كامل من كل نحيه


ف حاجه انت قولتها بجد بضايقني ع طول
اننا نبقي يوم بدايه رمضان
وفي السعوديه يوم تاني
بجد حاجه تضايق اوي


بجد بحييك ع البوست
الدسم دا


كل سنه وانت طيب
وأقرب لربنا

المحمدي يقول...

اللهم بارك لنا فى شعبان وبلغنا رمضان
واجعلنا ممن يصومون نهاره ويقيمون ليله
إيماناً واحتساباً وارزقنا فيه ليلة القدر واجعلنا من عتقائك من النار اللهم آمين.
جزاك الله خراً

maiosha يقول...

ما شاء الله عليك
بوست جمييل جدا بسم الله ما شاء الله

ربنا يكرمك ويكون فى ميزان حسناتك ان شاء الله
ويجازيك عنا خير
اللهم بلغنا رمضان

كل سنة وانت طيب

الإتربي اللولبي يقول...

جزاك الله خيرا

أدع لنا بالهداية

سلام عليكم

كلبوزة لكن سمباتيك يقول...

جزاك الله خيرا و بارك فيك و تقبل منا و منكم صالح العمل

تحياتي

مها يقول...

مدونة مختلفة ومتميزة.. جزاك الله خيراً عن كل حرف..

غير معرف يقول...

السلام عليكم

ربنا يكرمك يا رب.. على التذكرة
بالمعاني الطيبة دي...وربنا يارب
يبلغنا رمضان.ويبارك لنا في شعبان

وجزاكم الله خيرا على مروركم الكريم

وزادك الله من فضله....إنه ولى ذلك

اللؤلؤة المكنونة يقول...

كلام جاى فى وقته بالتمام

ربنا يكرمك ويباركلك

وجزاكم الله خيرا على التذكرة

فى ميزان حسناتكم ان شاء الله

ويا رب السنة دى رمضان يغير حياتى

اللهم بلغنا رمضان وتقبله منا

شفـقــة و إحســــان يقول...

المدونة بتاعتك رائعة جزاك الله كل خير
وان شاء الله مش هننساك بالدعاء

PrInCeSS BeRy يقول...

يارب يبلغنا رمضان كلنا فى احسن حال

ربنا يكرمك ويسعدك ويكون رمضان كلو خير عليك وحياتك تكون احسن

والمجهود الرائع اللى بجد افدتنا بية ربنا يجازيك خير عنا

همسة قلم يقول...

اللهم بلغنا رمضان وانت راضٍ عنا

كل عام وانتم الى الله اقرب اخونا الكريم

نسأل الله أن نكون من المقبولين المرحومين المعتوقين هذا العام

موضوع وتذكرة في وقتها

وان شاء الله نرفع شعار (رمضان السنة دي هايغير حياتي ) معكم

دمتم بكل خير وتقبل الله منا ومنكم

Noha El-arabi يقول...

كل سنة و انت طيب
و اللهم بلغنا رمضان كلنا
:)

حبارير يقول...

جزاك الله خيرا

ذكرك الله بالخير دوما

سبحان الله شوية التقوى بتوع رمضان

بيغرقونا رزق وخير الدنيا والآخرة

ياريت نستمر بعد رمضان برضه

أجمل حاجة في رمضان شعوري باجتماعنا

وتوحدنا ولو ببعض الصور,تحس ان البيئة كلها بتجدف بالمركب في اتجاه واحد

ربنا يتقبل أهم شئ وبصراحة خايف

لأنه أول ما بيبتدي...بيخلص

mahasen saber يقول...

ربنا يكرمك ويجازيك خير انا رمضان السنه دى من غير والدى الله يرحمه فهجاهد انى اعمل حاجات تبسطه فى قبره..وهصلى التراويح فى المسجد السنه اليى فاتت ابنى كان صغير وميدركش اسكت وجامع وصلاه السنه دى بسم الله ما شاء الله 3 سنيين ونص فبمهدله من دلوقت وبشوقه للصلاه معايا فى الجامع ...والاهم ربنا يتقبل منا بس فعلا جزاك الله كل خير عن الموضوع الجميل ده اتمنالك كل خير ورنا يعود الشهر الكريم علينا بكل خير ...فى رعاية الله وامنه..عايزه اتطلق و..

ShimaaMahdy يقول...

اللهم بلغنا رمضان اللهم اعنا على صيامه وقيامه وارزقنا تلاوة كتابك وتدبره أناء الليل وأطراف النهار.

اللهم امين

بجد موضوعك متكامل جزاك الله خيراً

رؤية يقول...

جزاك الله خيرا بكل حرف،
وندعوا ان يعننا الله على الصيام،
والقيام ،
وقراءة القران ،
ويرزقنا العتق من النيران،
اللهم امين،

blue-wave يقول...

اللهم بلغنا رمضان
وارزقنا فيه الغفران
احياتى

إسراء يقول...

اللهم بلغنا رمضان
ماشاء الله موضوع رائع
مدونة جميلة
أول زيارة وإن شاء الله لن تكون الأخيرة

mohamed ghalia يقول...

zozo
اللهم أمين
ميرسى لكلماتك الرقيقة دى ون شاء الله هيجى اليوم إلى نتفق فيه مع السعودية
كل سنة وإنتى طيبة وأقرب لربنا
دمتى بود
تحياتى
-----------------------------------
المحمدى
أمين
جزاك الله كلا الخير على دعائك
وإنشاء الله رمضان السنادى غير
كل سنة وإنتا طيب
دمت بود
-----------------------------------
maiosha
ربنا يكرمك ويحفظك وبالتوفيق إنشاء الله
وكل سنة وإنتى طيبة
تقبلى تحياتى
دمتى بود
-----------------------------------
الإتربى اللولبى
ربنا يهدينا ويعديك وإن شاء الله رمضان السنادى هيكون أحلى
وهنكون فيه أقرب لربنا
ربنا يحفظك ويزيدك
كل سنة وإنتا طيب
دمت بود
-----------------------------------
كلبوزة لكن سامبتيك
تقبل الله منا ومنكم صالح الأعمال
كل سنة وإنتى طيبة وربنا يعنا على طاعته
تقبلى تحياتى
-----------------------------------
مها
يارب تكون المدونة عجبتك
ربنا يكرمك ويحفظك وميرسى على كلامك الحلو ده
كل سنة وإنتى طيبة
دمتى بود
-----------------------------------
جمعاوى
وعليكم السلام
ربنا يكرمك
أنا سعيد جدا إك حسيت الكلمات دى
وربنا يعنا وإياك على طاعتة
تقبل تحياتى
كل سنة وإنتا طيب
-----------------------------------
اللؤلؤة المكنونة
الحمد لله إنى الكلام جه فى وقته
ربنا يكرمك ويوفئك
وإن شاء الله رمضان السنادى هيغير حياتنا
كل سنة وإنتى طيبة
دمتى بود
-----------------------------------
شفقة هانم وإحسان بيه
ميرسى ليكى قوى على كلامك الحلو عن المدونة
ومتشكر مقدما على الدعاء ومتنسيش إنى فيه ملك هيقلك ولك بمثل ذلك
كل سنة وإنتى طيبة
تحياتى
-----------------------------------
princess bery
اللهم أمين
ربنا يكرمك ويسعدك ويكون رمضان كلو خير عليكى وحياتك تكون احسن
ربنا يبلغنا وإياكى رحمته والعتق من النار فى هذا الشهر الكريم
كل سنة وإنتى طيبة
تحياتى
-----------------------------------
همسة قلم
ما أجمل همسات قلمك
سلم لكى قلمك
ربنا يسعدك وإن شاء الله رمضان السنادى يغير من حياتك للأفضل
وتكونى من الفائزين برحمة الله
كل سنة وإنتى طيبة
دعواتك
دمتى بود
تحياتى
-----------------------------------
noha el_arabi
أمين
الله بلغنا رمضان
كل سنة وإنتى طيبة وإن شاء الله تحققى كل إلى بتتمنيه من رمضان
تحياتى
دمتى بود
-----------------------------------
حباير _السعادة_ إنطلاقة
عندك حق الإجتماعية والود إلى بيكون فى رمضان بتكون حاجة جميلة قوى
وفعلا فكرت زى ما فكرت إنى عايز ألحق لإنى رمضان أول ما بيبدأ بيخلص
يارب نلحق نعمل حاجة
كل سنة وإنتا طيب
دمت بود
تحياتى
دعواتك
-----------------------------------

MY FATE يقول...

ربنا يكرمك خير عن الموضوع ده
وربنا يبلغنا رمضان ويتقبل منا
ويكون رمضان اللى جاى بعد كده والإسلام والمسملين حالتهم أفضل بكتير من كده
وكل سنة وحضرتك طيب
سلام

Zanooba (Zeinab sab9n) يقول...

ربنا يبلغنا رمضان على خير و يغفر لنا ذنوبنا و أخطئننا

Asmaa mahaba يقول...

اللهم بلغنا رمضان جزاك الله كل خير
تحياتى ليك سومه_87

ghoneem يقول...

السلام عليكم ورحمة الله

أخي الكريم محمد ...ماشاء الله مدونتك تشهد تحول وأصبحت تملك عناصر جذب كثيرة جداااااااااااا

ربنا يوفقك ويبارك فيك وأنت شخص يستحق أن يقرأ الجميع كلماته فهي تحمل قيمة وفائدة كبيرة أكبر بكثير مما تحمله مدونات أخري

رمضان
ما أجمل هذا الشهر ضيف كريم يأتي سريعاً ويرحل أسرع والمسلم الذكي الفطن من يدركه ويرحب بيه ويصافحه حتي تصيبه ريحه الطيب ونفحاته الكريمة

نقاط شديدة الأهمية وهي بالفعل ما يميز رمضان عن باقي أيام وشهور السنة

فقراءة القرآن أشد متعة وامتاع في رمضان

صلاة الترويح وقيام الليل ما يميز هذا الشهر الكريم

الدعاء ومتعة القرب والصلة بالله

الاعتكاف متعة ما بعدها متعة والخروج بعد قضائك العشر الأواخر من رمضان في بيت الله وفي عزلة عن الدنيا يشعرك بغربة جميلة فعلاً تشعر معها بمتعة العبادة ....

أضيف الي نصائحك الغالية الصدقات ...تصدق ولو بمالك كله ولا يهمك يعني

تحياتي ليك أخي العزز بارك الله فيك وجعل هذا العمل في ميزان حسناتك

سأنقطع عن التدوين والنت لفترة الي أن ينتهي رمضان نراك بعدها علي خير ان شاء الله

أشكر ليك مرورك الدائم وتعليقك ودعمك المتميز

دمت بخير غفر الله لنا ولك وزودنا واياك بالتقوي وتقبل منا ومنك صالح الأعمال ونظر الينا وغمرنا برحمته

تحياتي وخالص ودي
لا تنسانا من صالح دعائك

بالتوفيق.....................

ghoneem يقول...
أزال المؤلف هذا التعليق.
mohamed ghalia يقول...

mahasen saber
جزاكى الله خيرا ورحم الله والدكى
وربنا يباركلك فى ابنك
كل سنة وإنتى طيبة
دمتى بود
شكرا لزيارتك
-----------------------------------
shimaa mahdy
اللهم أمين
كل سنة وإنتى طيبة
دمتى بود
تحياتى
-----------------------------------
رؤية
وندعوا ان يعننا الله على الصيام،
والقيام ،
وقراءة القران ،
ويرزقنا العتق من النيران،
اللهم امين،
اللهم أمين
كل سنة وإنتى طيبة
دمتى بود
-----------------------------------
blue wave
اللهم أمين
كل سنة وإنتى طيبة
ورمضان السنادى راح يغير حياتى
دمتى بود
-----------------------------------
إسراء
اللهم بلغنا رمضان
غفر الله لنا وإياكى
وإن شاء الله مش هتكون الأخيرة ونورة المدونة وربنا يحفظك
كل سنة وإنتى طيبة
دمتى بود
-----------------------------------
my fate
أهلا بيكى نورتى المدونة
وإن شاء الله يكون حالنا أحسن
كل سنة وإنتى طيبة
دمتى بود
-----------------------------------

Zanooba (Zeinab sab9n)
اللهم أمين
كل سنة وإنتى طيبة
دمتى بود
تحياتى
-----------------------------------
سومة مجنونة فى بلد عاقل
ميرسى جدا على زيارة مدونتى المتواضعة
اللهم بلغنا رمضان واعتقنا من النار
كل سنة وإنتى طيبة
دمتى بود
-----------------------------------

mohamed ghalia يقول...

د غنيم
أستاذى العزيز متشكر جدا لهذه الكلمات الرقيقة
ومتشكر جدا على تشريفك بالزيارة لى
كل سنة وحضرتك طيب وفى سعادة وهنا وسرور
سنفتقدك كثيرا طيلة رمضان
أدعو الله أن يغفر لك ويتغمدك برحمته وأن يكتبك من عتقائه فى هذا الشهر الكربم

دمت بود وفى رعاية الله
تحياتى

حسن حنفى يقول...

ربنا يجعله في ميزان حسناتك

ويار ب يبلغنا رمضان

اتمني التواصل

Lady E يقول...

ان شاء الله رمضان السنة دي يكون مختلف عن اي رمضان فات
وفي موضوع هنعمل ايه جديد السنة دي فعندي شوية افكار هكتبها ان شاء الله
قبل شهر رمضان علشان كلنا نستفيد منها
وبالنسبة للدعاء انتا كمان لا تنسانا من دعائك
((اللهم بلغنا رمضان اللهم اعنا على صيامه وقيامه وارزقنا تلاوة كتابك وتدبره أناء الليل وأطراف النهار))
اللهم أمين جزاك الله خيرا
وكل سنة وانتا طيب
وبجد سعيدة جدا بزيارتك لمدونتي علشان عرفتني بمدونتك الرائعة

mohamed ghalia يقول...

حسن حنفى
ربنا يكرمنا وإياك ويرضا عنا
كل سنة وإنتاطيب
ودايما فيه تواصل بينا
دمت بود
-----------------------------------
lady e
أنا مستنى مضوعك عن رمضان وإن شاء الله هستفيد منه كتير مش هنساكم من الدعاء
بس متنسانيش إنتى من الدعاء
كل سنة وإنتى طيبة
دمتى بود
متشكر للزيارة

mahasen saber يقول...

انا كنت فى المدونه بعمل جوله تفقديه فقولت اسلم كتابيا وتعليقيا ..كل رمضان وحضرتك طيب وعايزين بوست جديد..فى رعاية الله وامنه..عايزه اتطلق و..

سكة سفر يقول...

بوست اكتر من رائع

و فعلا اهم حاجه لازم نعملها البعد عن التلفزيون لانه بيأثر كتير جدا ع كل حاجه

تسلم ايدك

ftafeet يقول...

جزاك الله كل خير بجد على الموضوع ده تسلم ايدك وان شاء الله يكون فى ميزان حسناتك


نونااا

سميرة يقول...

اولا: وقبل كل شئ السلام عليكم
ثانياً: اول مرة ادخل ع المدونة
ثالثاً: المدونة جميلة اوي
رابعاً: الموضوع جميل جداً ، وما اقدرش اقول اكثر من اللي قلته اللهم بلغنا رمضان.
تحياتي
:)))

دعاء مواجهات يقول...

أثابك اله على الكلمات والتذكرة الجميلة والتشجيع

نفعنا الله جميعا واعاننا على صيام وقيام الشهر لاكريم

نورتنى

اتمنى دوام التواصل

maha zein يقول...

ربنا يكرمك
انا قريت اول حتة
بس مكملتش صراحة
لاني بعمل شغل البيت
بس انا عوزة اقولك اني هدخل اقراها انشاء الله
عشان استفيد منها شخصيا
بحب كده
بحب حد يقولي اعمل ايه
ويشجعني
بجد ربنا يعزك

mohamed ghalia يقول...

mahasen saber
يا أستاذتى المدونة مدونتك وتشرفينى فى أى وقت
ربنا يعزك ويبارك فيكى
-----------------------------------
صاحبة الكلمات
كلماتك أكثر من رائعة
دمتى بود وفى رعاية اللله
شكرا لتشريفك مدونتى
-----------------------------------
ftafet
جزاكى الله خيرا على دعواتك الرقيقة دى
دمتى بود
ربنا يحفظك
-----------------------------------
سميرة
وعليكم السلام ورحمة الله وبركاته
ميرسى على كلامك عن المدونة ده بس من ذوق حضرتك
ربنا يبلغنا رمضان ويعنا على صيامه وقيامه
-----------------------------------
دعاء مواجهات
النربنا يتقبل أهم حاجة
انا إلى مدونتى نورت بوجود صحافية وشاعرة كبيرة زى حضرتك الشف ليا أنا
دمتى بود.

mohamed ghalia يقول...

مها زين
أولا أنا زعلان قوى على فترة الغياب دى بس عارف إنك كان عندك ظروف
ثانيا ياريت تقرأى أخر موضوعين وتشوفى الشكر إلى كتبته ليكى فى الموضوع إلى فات
بجد أنا متشكر على تشجيعك
وربنا يعينك على شغل البيت
وربنا يعينك على الرسالة بتاعتك
بجد إنتى بتحبى تخصصك وهتبدعى فيه وربنا يوفقكك
تحياتى يا دكتور
كل سنة وإنتى طيبة

موناليزا يقول...

سبحان الله تقريبا افكارنا واحدة
ربنا يتقبل منا ومنكم صالح الاعمال
وكل عام والامة الاسلامية بخير

mohamed ghalia يقول...

موناليزا
ده شرف ليا إنى أفكارى تتشابه مع أحد المدونين الكبار زى حضرتك.
ربنا يعنا وإياكى على فعل الخير ةطاعته
دمتى بود
كل سنة وحضرتك طيبة

انسانةعادية فى عالم مش عادى يقول...

جزاك الله كل خير وان شاء الله رمضان السنة دى يكون غير كل السنين والحمد الله مش بسمع مسلسلات لا فى رمضان ولا غيره وربنا ييسر واقدر ابعد عن النت هههههه
اللهم بلغنا رمضان واعنا على صيامه وقيامه

ضــى القمــر يقول...

اللهم انفعنا بما ذكرتنا يا اخى

واجعل رمضان يغير حياتى للتقوى وللإيمان أكثر واكثر

أخى الكريم

موضوعك رائع ما تحمل الكلمه من معانى

عن جد جزاك الله خيرا يا اخى عما قدمت لنا ..

بارك الله فيك ..

تقبل زيارتى الاولى والمتوضعه لمدونتك المميزة

Aиgel يقول...

كل رمضان و أرواحكم البيضاء بخير
اللهم أجعل في قلوبنا نوراً يضيء ظلمة الليالي برضاك عنّا ,
و أجعل في أجسادنا هِمَمٌ تحتوينا فترتقي بنا نحو عفوك ” آمين ”

كل سنة وحضرتك طيب

وشكراً لمرورك بمدونتي المتواضعة والله يديم بيننا التواصل

أختكم في الله
Angel

أكون أو لا أكون يقول...

السلام عليكم ورحمة الله وبركاته...
جزاك الله كل خير... موضوع مهم جدا... اسلوبك سهل ويعطي همه عاليه... بارك الله فيك...

أكون أو لا أكون يقول...

شاكره لك زيارة مدونتي...

غير معرف يقول...

اللهم بلغنا رمضان...أنا عن نفسى رمضان السنة دى فعلا مختلف لأنه جى فى أجازة و بعد ما خلصت الثانوية العامة اخيرا فلازم بجد مضيعوش من إيدى عايزة أعوض كل اللى فاتنى و أنزل أصلى التراويح و أختم القرآن فيه..يا رب عينى على كدة..و بجد جزاك الله خيرا على كلامك ده اللى إيده الواحد عزيمة أشد

كلام حسام يقول...

اللهم بلغنا رمضان

Gannah يقول...

أخى الكريم
اللهم بلغنا رمضان واعنا على صيامه وقيامه
اتمنى ان نخرج منه جميعا وقد حققنا التغيير المطلوب
جزاك الله خيرا
تحياتى

Saadya Arafat يقول...

جزاك الله خيرا

اللهم بلغنا رمضان
وتقبل منا صالح الاعمال

تحياتى

همس يقول...

ما شاء الله على مدونتك

بجد عنوانها متفائل اوى للناس اللى زى

تسلم يارب على اسمها

وجزاك الله خيرا على النصايح

وان شا ءالله هنتبعها

وبارك الله فيك

وكل سنه وانت طيب واقرب الى الله

كـــيــــــــارا يقول...

اللهم بلغنا رمضان اللهم اعنا على صيامه وقيامه وارزقنا تلاوة كتابك وتدبره أناء الليل وأطراف النهار.
لا تنسونا من الدعاء


اللهم امييييييييين

تحياتي

Empress appy يقول...

كل سنه وانت طيب ويا رب نقدر نعمل كل ده

nor elyaqeen يقول...

جزاكم الله خير و لكن المشكلة فى المعاملات حيث يوجد كثير من الناس من يقوم الليل ( أقصد التراويح) ويقرأ القرأن ولكنه يؤذى زميله فى العمل فالاسلام ليس عبادات فقط ولكن ثلاثة أركان( العبادات- المعاملات- الاخلاق)وينبغى على المسلم الحق أن يوازن بين الثلاثة أركان بالإضافة الى أعمال خيرية كثيرةيغفل عنها كثير من الناس فى رمضان مثل العناية بالأيتام و خدمة الناس وهناك حديث عن الرسول فيما معناه لأن يسعى المؤمن فى قضاء حاجة أخيه خير له من إعتكاف شهرين فى المسجد النبوى وأخيرا لكم جزيل الشكر مع تحيات (صناع الحياة بالاسكندرية)

mahasen saber يقول...

برضه مينفعش ابقا فى زياره ومقولش ازيك وكل رمضان وحضرتك بخير..مدونة عايزه اتطلق و..

غير معرف يقول...

بوست رائع

جزاك الله كل خير

مؤمنه يقول...

السلام عليكم ورحمة الله وبركاته
بارك الله فيك
موضوع لم حاجات كتيره بسرعه بس اعطانى احاس بالدفعه لعمل شئ
جزاك الله كل خير
وان شاء الله ربنا يعينا على رمضان ويجعلنا من المعتوقين من النار هذا العام فى هذا الشهر الكريم
دومت بخير وكل عام وانت الى الله اقرب وفى طاعته ادوم
ورمضان كريم عليك وعلينا
والسلام عليكم ورحمة الله وبركاته

منال (محبة عائشة رضي الله عنها وأمهات المؤمنين) يقول...

جزاكم الله خيرا و بلغنا و إياكم رمضان ...أول مرة أزور مدونتك و هي بجد رائعة ...وفي كلماتك إحساس شديد و تلقائية و يحس الواحد و هو بيقرأها إنك إن شاء الله من الصالحين ...و نحسبك علي خير وربنا يوفقك لما فيه الخير إنه ولي ذلك و القادر عليه...و مرحبا بك في مدونتي (بحب الورد)...

أية الشقية الشعنونة يقول...

ما شاء الله
جزاك الله الف خير والله يا محمد
أنا مبسوطة واى ان كل الناس بدات تستعد كده
وبدأت تبحث عن الحسنات قبل ما يجى
يارب يكون كل بوست فى الحرف ده فى ميزان حسناتك وكل حسنة بعشرة يارب
تحياتى
عتقنا الله واياكم

bastokka طهقانة يقول...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

mahasen saber يقول...

كل رمضان وحضرتك بكل خير تقبلالله صيامكوصالح اعمالك...مدونة عايزه اتطلق و..

mahasen saber يقول...

كل رمضان وحضرتك بكل خير تقبلالله صيامكوصالح اعمالك...مدونة عايزه اتطلق و..

mahasen saber يقول...

رمضان كريم يا استاذ محمد ...
حضرتك طولت الغيبه عن البوستات فقولت اسلم عليكى ومستنيين الجديد...
فى رعاية الله وانه..مدونة عايزه اتطلق و..

Maha Shahen يقول...

ربنا يبارك فيك يا محمد بجد اجمل شيء ذكرته ان اللي ميقدرش على الاقل يتمنى ويخلص النيه محدش عارف هو ممكن يعمل ايه او يفضل على الدنيا او لا فعلى الاقل يحاول بالنيه الصادقه ان ربنا لو اكرمه هيقدم كل اللي يقدر عليه ولن يبخل
يا رب تكون دعواتنا ساعة الافطار ان ندخل الجنه بلا حساب ولا عذاب ونتقابل كلنا يا رب على ابوابها ورا حبيبنا المصطفى عليه افضل الصلاة والسلام

خالص احترامى وتقديرى

mahasen saber يقول...

انا شكلى مبعرفش ادخل الا لما اسيب تعليق
رمضان كريم ..وربنا يتقبل منا صالح الاعمال..
فى رعاية الله وامنه..